Ka Nupepa Kuokoa, Volume LXIV, Number 30, 23 July 1925 — E LOAA ANA IA KAIMUKI HE ALAHAO KAA UWILA PALUA [ARTICLE]

E LOAA ANA IA KAIMUKI HE ALAHAO KAA UWILA PALUA

Mahope o ke kakali aua no kekahi mau mahina lehulehu ae nei i hala, i aponoia ai ke noi a ka hui kaa uwila, e ke komisina o na hana o ka lehulehu, ma ka halawai i malamaia e kela komisina ma ka Poalia iho nei, e apono ana i ka hoomoeia o na alahao kaa uwila palua, mai ke kahua kinipopo aku o Kamoiliili ahiki ike alanui Eono. , 0 na lilo ma ka aoao o ka hui kaa uwila, no ka hoomoe ana aku i kela alahao palua, he $56,414,33; a e hoomaka koke ia aku ana ka hoomoe ana i keia alahao me ka hoohakalia ole iloko o keia mau la. Mamuli o kela aponoia ana aku la o ke noi a ka hui kaa uwila, ua maopopo loa ko ka papa lunakiai, ae ana i ke ano o ka moe ana o ke ana iliwai o ke alanui, elike me ia a ka hui kaa uwila i manao ai, no ka mea 0 kela kekahi ninau nana i hooka'ulua loa i ka hoomoo ana.aku 1 na alahao kaa uwila palua. No ka hooloihi i ke alanui Harding a hoea i Kamoiliili, aole ia e noonoo koke ia ana no keia manawa, oiai nae o ka makemake ame ka iini nui o ko Kaimuki poe, o ka hooloihiia o kela alanui, i loaa ai he elua mau alanui no na kaa otomobile e holo ai mai Kaimuki mai no ke kulanakauhale nei, a pela hoi ka holo ana aku no Kaimuki. 1 wahi nae e hooneeia aku ai na hana no ka hoomoe ana i kela mau alahao palua, e kikooia ana kekahi huina dala o ka hui, i hoahuia maloko o ka banako, a i ole aie aku paha i ke dala ma kekahi ano, ahiki i ka hoopukaia ana o na mahele hou o ka hui kaa uwila. Ma ka loaa ana o na alahao kaa uwila palua no na kaa o Kaimuki, e hoopokoleia mai ana ka manawa o na ohua e kakali ai, i ko lakou mau kaa, ma kahi o ka eha minuke, o ia hoi» e holo mau ana na kaa uwila o Kaimuki iloko o kela ame keia eha minuke.