Ka Nupepa Kuokoa, Volume LXIV, Number 30, 23 Iulai 1925 — HOAKAKA I KE KUMU E PAU AI KA WAIONA. [ARTICLE]

HOAKAKA I KE KUMU E PAU AI KA WAIONA.

No na mea e pili ana i ke kumu nu: o ka waiona e ikeia nei ilokō o keia mau la, ua hoakaka ae ka Makai Nui Trask i kona manao; ina e pani maoli ia ana na hale i loaa aku ai ka waiona maloko olaila, malalo o ke kanawai foderala, pela wale no. e liapa mai ai ka loaa ana o ka waiona. No ka oihana makai wahi ana, he hana hiki i na makai ke hopu i ka poe apau e ku-e ana i ke kanawai hookapu waiona, aka o ke pani» ku ana i na hale i loaa aku ai ka waiona maloko olaila, kuleana ia i loaa wale no i na luna oihana feflera]a, a o ia kana o ka olelo ana ae, 'aia wale no a paniia na hale apau loa i hanaia ai ka waiona, a i ole e kuaiia ai paha, ma ia ano

wale no e kau aku a i ka weli i ka poe ku-e i ke kanawai waiona. O ke kuleana o na makal e komo ai maloko o kekahi hale, a kopu aku i ka poe'e ku-e ana i ke kanawai waiona, aole no ia i kaokoa ae, mai na hana mai a na luna oihana federala, aka ua kulike loa ma na ano apau, oia hoi na palapala huli wale no, ame na palapala hopu, e hiki ai i na makhi ke komo maloko o na hale e noho ona ia ana e na kanaka.