Ka Nupepa Kuokoa, Volume LXIV, Number 30, 23 Iulai 1925 — Nuhou Kuloko [ARTICLE]

Nuhou Kuloko

E malama ae ana ka Ahahui Kukulu Hale a Hoaie Dala, Pioneer, i kona halawai makahiki, ma ka hapalua o ka hora ehiku, o ka po 0 keia Poakolu ae, lulai 29, uo ke koho ana i ekolu mau hoa hou no ka papa hooko, maloko o ke keena halawai o ka Ahahui Kalepa ma ka Hale Kauikeolani, kokoke i ke kihi mauka o na alanui Moi ame Papu; ua makemakeia na dala apau o kela ahahui e hoea ae ma ia halawai. Aia no ka Lunakiai Ben Hollir.ger 1 Amerika i keia manawa, me he mea la nae, e huli hoi mai ana oia ma na la hope o keia mahina, a ke ma'i mai nei no na Lunakiai Cuu.ba ame Ahia. E welie hou ia aku ana ka hoikeike fca o ke T©ritore, mawaho ae nei o ka paka hoikeike fea ma Waikiki, iloko o ka mahina o Okatoba, e hoea mai ana. Nui ka wela'.o ke kulanakauhale nei i keia mau la, eia nae haule mau no na kuaua ma na huli Koolau i kela mau po aku nei, no ka hoo-ma-u ana i ka honūa. No ka hooko ana i ka oihana mare, i haawiia aku ai he laikini no kela hana i ka Eev. Aliee Kahokuoluna, o ka ekalesia o Hana ma Maui, e ka Puuku llenry C. Hapai ma ka Poakahi iho nei. No ka piha loa no o na kolamu o ke Kuokoa i keia pule, i hoopaneeia ai ka lioopuka ana aku i kekahi mau palapala a na makamaka, a loaa kahi kaawAle o ka pepa. Ua lioike ae ka Akena Hopuhopu Waiona John Wise, no ka nui o ka waiona maloko o ke kulanakauhale o Honolulu nei, aka he hana paakiki nae nana ame kona poe kanaka ka hopu ana i ka poe ku-e kake ole e loaa mua ka palapala hopu. Iloko o ka Hale o Hawaii nei a piha i na kaa otomobile ,eia no ke hoea mau mai nei na kaa i kela ame keia manawa mai Amerika mai, a no ka mahina aku la o lune i hala, he kanaha-kumamakolu ka nui o na kaa hou i hoea mai no Honolulu nei.