Ka Nupepa Kuokoa, Volume LXIV, Number 30, 23 July 1925 — MA KEIA SABATI E HULI HOI AKU AI NA HOA KAUKANAWAI. [ARTICLE]

MA KEIA SABATI E HULI HOI AKU AI NA HOA KAUKANAWAI.

Ma ka hora 8:30 o keia kakahiaka Snbati iho e haalelē mai ai na hoa kaukanawai o ka ahaolelo la* hui ia Honolulu nei a hoi aku no ka aiha makua maluna o ka moku halihali koa Henderson ma ke alahele aku o Kahului, Hilo, ame San Diego, elike me ia a ka Mekia H. P. Beckley, ka ukali o ke Kiaaina Farrington, o ka hoike ana ae ma ka Poakahi iho nei. £ pae aku ana ia poe i Kahulni mahope o ka holo ana aku ma ke. ao ma ka aoao akau o ka Mokupuni o Molokai no ka hoomakaikai ana ia malihini i na kapakai o Molokai a e ku aku ana i Kahului ma ka hora 3 o ia auwina la, a o ka holo ana c makaikai na wahi ano nni o ia hapa o Maui, e haalele iho ana ka moku ia Kahului

no Hilo ma ka hora 11 o ia po, a e ku aUu ana ma ke kakahiaka o ka PoakahL Ma ka po o ka Poalua e haalele iho ai ka moku ia Hilo a hoi loa aku no Ban Diego. Ma ka Poakahi nei ka holo aoti aku a ia mau aolopa e makaikai i ka Pakoa o Leilehua, ma ka Poalua nei i hele aku ai lakou e makaikai i na papu apau ma Oahu nei, a ma ka la i nehinei he ahakuka ka lakou o ka malama ana ma Puuloa me na aliikoa kiekie na lakou e hoomalu mai nei ia mau kahua, a ma ka hora 7:30 o ia ahiahi he mau malihini kiekie lakou na ke kiāaina ame Mra. Fartington, maioko o ka Wakinekona Hale, he papa ahaaina ka i hoomakaukauia na lakou. Ma keia kakahiaka e hele aku ai ia poe e makaikai i ka hale hoikeike o na mea kahiko ma ka Bishop MuBeum,,a ma keia ahiahi he papi ahaaina ke haawiia ana no lakou maloko o ka Hokele lana. Ma ke kakahiaka o ka la apopo ē holō hou aku ana lakou e makaikai i ka Mokupuni Ford ma Puuloa. No ka Poaono he. liuakai makaikai kaapuni i ka mokupuni o Oa&u a he hukilau ma Kawailoa a he papa ahaaina me na meaai Hawaii mahope iho, a ma ka hora 7 o ia ahiahi iho he papa ahaaina maloko o ka Moana Hokele ke haawiia ana e ka Ahahui Kalepa o Honolulu no ko lakou lianohano. Ma ua manawa hoomaha e ae o ia poe he mau hana lealea ka i hoomjfkaukauia no lakou o ia ke teilis ame ke golf.