Ka Nupepa Kuokoa, Volume LXIV, Number 30, 23 July 1925 — HAAWI KA AHA I KA PONO O KANA OLELO HOOHOLO MA KA AOAO O KA MEA HOOPII [ARTICLE]

HAAWI KA AHA I KA PONO O KANA OLELO HOOHOLO MA KA AOAO O KA MEA HOOPII

Ko ka huina o $539.44 i paa hewa ia e George K. French, he loio, a no ia huina koi i hoopiiia ae ai oia e P. C. Burchinsky, ka akena ma ka aoao o ka hui Union Curlery Co., o Nu loka, ua haawi a eka Lunakanawai James J. Banks i ka pono o kana olelo hooholo ma ka aoao hoopii ma ka noho ana o ka aha ma ka Poakahi nei. He hana keia i hanaia ihope loa i,ka manawa no a George K. fVench e lawelawe ena i ka oihana loio i ka 1922, a ma ia manawa oia i ohi ai i ka huina o $539.44 mai ka PanPacific Traders, Ltd., mni o Hawaii, no ka.hui Union Cutlery Co. o Nu loka. Ma ke kumuhoopii i hoopiiia ai o French ua hoounaia aku eia he $465.50 wale no i ka hui Uniou Cutlery o Nu loka no kana koi, a koe an oo kona uku ia o ka ohi ana i kekahi mau dala me French ma ke ka huina i aieia e ka Pan-Pacific Traders, Ltd. Ma ka nianawa i waihoia raai ai ka bila kikoo dala no ka uku ana ma Hawaii nei, ua kauoha ae la o French aole e ukuia ke dala, pela ka oleloia. Ma ka olel ohooholo a ka Lunakai\awai James J. Banks o ka hoopuka ana mai: "Aohe kumupale kupono fki nia k» aoao o ka niea i. hoopiiia. Ma o kona oihana la ma ke ano he loio i laikiniia e hoomaamaa kanawai, i ohi ai oia i ke dala no kona' haku, a ua hoolilo aku la nae ia dala no kona inau pono ponoi jho. He mea kupono loa ka hoopii ana iaia i mea e ohiia a o ka mea i kupono koke ia aku i ka mea i kuleana ia dala. Ma ka hoonele ana aku i kona haku, ua haalele aku oia i ka pono ma kekahi ano e kaki ai oia no kona uku, a i ole komisina paha no kana mea i hana ai. "Ke haawiia aku nei ka pono o ku olelo hooholo ma ka aoao o ka mea hoopii me ka uku pu ae o ka mea i hoopiiia i ka huina o $539.44, me k'a ukupanee o 8% mai ka la 25 o Novemaba, 1922 mai ahiki i ka la o ka puka ana o ka olelo hooholo." *+*