Ka Nupepa Kuokoa, Volume LXIV, Number 30, 23 July 1925 — HAINA NANE [ARTICLE]

HAINA NANE

E Mr. Lunahooponopono o ka Nupepa Kuokoa; Aloha auanei a nui:— E oluolu mai oe e hookomo iho ma kahi kaawale o ka hiwahiwa a ka lahui, i ka haina o ka nane a Palolo Boy penei: Elua kumulaau ulu iloko o ke kai, hina iuka o ka aina pau i ka aiia. Loaa ka inoa piha iuka o ka alna. Owai ka inoa o keia mau kumulaau pakahi iloko o ke kai, a pehea ko laua wehewehe ana? Penei ka wehewehe ana: O na kumulaau ulu iloku o ke kai he awa ame ka puhi, he mau i'a keia aia iloko o ke kai. Ina e hiki iuka o ka aina pau i ka pulehuia iloko o ke ahi, a pau i ka aiia, loaa iho la ka inoa piha ?e awapuhi. Hoomanao wale ae la no au i keia mau lalani himeni o kuu aina: Ka awapuhi, ka palapalai, Wili pu we ka ieie, Pali kapu o Keoua Na kole maka onaona. Z. P. K. KAWAIKAUMAIIKAMAKAOKAOPUA Napoopoo, Kona, Hawaii Pau i'o mai la na kumulaau a ke keiki o Palolo i ka hakihaki ia oe, o ka hana ana ia a ke akamai, ke hele la a ku pono i ka piko i kahi momona. Aia a hoounaia mai ka makana i keia keena, alaila paneeia

aku ia oe. O ka oukou mau haina kekahi i pololei mai la e Kolu Lima Hiku, Hakalau Boy, Waihanau Boy, Saionala, Waiomao Boy ame ke Kakelakuikealopali, no ka puehu e ana nae o ka hulu o ka manu, ua nele oukou i ka makana, me ka mahalo no nae a nui i ko oukou noeau.— L. H.