Ka Nupepa Kuokoa, Volume LXIV, Number 30, 23 Iulai 1925 — HAHAI LOLOA IA KEKAHI OPIO AIHUE E KA MAKAI AHIKI I KA PAA ANA [ARTICLE]

HAHAI LOLOA IA KEKAHI OPIO AIHUE E KA MAKAI AHIKI I KA PAA ANA

Mahope o ka hahai hoomauia ana o kekahi opio, he koa nona ka inoa » Malvin Rawlins e ka makai M. A. Deas, me ka aloalo mau o ke koa aihue ma na pipa alanui a mahope o na hale ma kahi kokoke i na alanui Alakea ame Moi, ua paa aku la nae tta, kolohe la i ka manawa hope. Ma ka manawa o ka ninaninauia ana o ua wahi koa opio la i hoiko ae ai oia he 16 ona mau makahiki, a mahope iki iho o ke awakea o ke Sabati kona paa ana ae i ka hopuia. Ma ka manawa e haliaiia ana ua wahi koa kolohe Ia e ka makai ua lehulehu ka poe e hele a e kuku ana mahai o na alanui i ikemaka aku i ka holo o ua wahi kolohe la.

Ma ka moolelo a ka Makai Deas 0 ka hoihoi ana ae, a o ke kumu hoi o kona hahaiia ana, i kekalii wahine e paa ana i kana ekepaalima a e hele ana hoi me ka nanea ua palamimo loa ka hōpu ana mai a ua wahi koa la a hoomaka aku la e holo. Ma ka manawa o ka ninaninauia ana o ua wahi koa la ua kupale oia nona iho ma o kona olelo ana ae ua loaa ia ekepaalima iaia maluna o kipaepae eia nae, ma ka manawa o ka makai i hele mai ai imua ona ua hoomaka aku la oia e holo. Ma na alanui kona alualuia ana aku a komo iloko o kekahi. mau pahale, a i kk hope loa loaa aku oia malalo o kekahi hale e pee ana ,i kona manawa i loaa aku ai ua paa kona mau lole ame ka papale 1 ka lepo ame ka punawelewele.