Ka Nupepa Kuokoa, Volume LXIV, Number 30, 23 July 1925 — Page 7

HOOLEIA KE NOI E KA PAPA UKUHANA

O ke nui a kekahi Pilipino, nona ka inoa o Manuel Bautista, he kamana, i uku piha mua ia aku kana koi, no ka poino i loaa iaia, o ia hoi he hookahi noho me na huila, me hookahi kaukani dala maoli, me kona tikiki moku, e hoi ai no kona aina, no kona ukuia aku ma ka pule, ua hooleia mai ma ka halawai o ka papa ukuhana o ka noho ana ae, ma ka Poakolu o ka pule aku nei i hala. Ma ka manawa i uku mua ia aku ai iaia ka huina o hookahi kaukani dala, ame kekahi mau mea e ae e pono ai oia, aole kela Pilipino i huli hoi no kona aina ma Manila, aka ua hoomau no oia i ka noho ana maanei nei, a no ka puehu ana o kana mau dala, pela oia i waiho ae ai i kana noi, e loaa hou aku iaia he mau kokua, ua hooleia mai nae. Ma kela noho ana o ka halawai a ka papa ukuhana, i waiho ae ai ka Hope Loio Kalana Massee i kona manao kanawai, he mea pono i na hui apau e lawelawe oihana ana, me kekahi mau limahana lehulehu, pela hoi ka poe lawe aelike, e lawe i inisua no ka pono o na limahana, i ka wa e loaa ai i na poino, oia lakou e lawelawe ana i na hana malalo o ko lakou mau hakuhana.

KAPAEIA MAI KA HANA AKU

Ma ka halawai kuikawa a ka papa o na lunakiai i malama ae ai ma ka Poakolu o ka pule aku la i hala, hoike ae ai o Frank C. Benevides, ka lunanui o na paka ame na kahua paani, no kona hoopau ana aku i kekahi mau limahana mai ka lakou mau hana pakahi aku, ma ka la hope o ka mahina aku la o Iune. O ka poe i hoopauia, ko lakou noho hana ana no ke koena o keia makahiki, elike mo ia i pokepokeia mai ai e ka papa lunakiai, a i hoopauia aku ai hoi e Mr. Benevides, ka poe e noho hana ana malalo ona, oia iho keia: Issac Kaopua, ka luna o ka poe kiai paka. George F. Wright, kiai halepaahao teritore, no Kapiolani Paia; Ben Ohia, mea malama i ke kahua paani hina'i ma Kapiolani Paka; G. W. Kumukahi, mea malama paka no Kamaki Kuea; William Sampson, mea malama no Ema Kuea; Koloa Hau, mea malama paka no Manoa, ke alanui Waila ame Punahou, Antone Richards, Jr., mea malama i ke kahua pani o na kamalii ma Aala Paka Kiliona Opio mea malama paka o ke alanui Kala kaua ame M. J. Gomes ka mea ma lama paka o Kalihi-uka. He hapa uuku wale no keia o na limahana i Hoopauia mai ka noho hana hou aha malalo o ke aupuni kulanakauhale, no kela ame keia keena oihana e ae, ua hoopauia aku kekahi heluna mahuahua o na lima hana, elike me ka na poo o kela man keena i manao ai, a hoopaa no i kekahi poe ma ko lakou mau ku lana mua me ke oki ole ia o ko la kou mau ukuhana.

HE HANA KAULIKE OLE MAOLI KA HOOPAU ANA

I ka lunahooponopono o ka Nupepa Kuokoa; Aloha oe:— E oluolu nui oe, ke loaa hoi kekahi wahi kaawale o ka wahaolelo a ka lahui, e hookomo aku i ko'u manao, ku-e no na hana kaulike ole a ka papa o na lunakiai ame na poo o na ke-ena oihana o ke Kulanakauhale a Kalana o Honolulu nei, ma ka hoopau ana i kekahi poe limahana, a hoomau no i kekahi poe, e ohi i na ukuhana nunui o ka mahina. Mamuli o ka bila haawina no na hoolilo o ke aupuni, no kela mau mahina ekolu e nee aku nei, i hoopauia mia ai he heluna nui o na limahana, mai ka lakou mau hana mai, no ka hoemi ana mai i na hoolilo o ke aupuni; pehea iho la ka pono o kela poe ame ko lakou mau ohana iloko o keia mahina ekolu. He keu aku a ke kaulike ole o keia ano hana, a ku no hoi i ka lokoino; he keu no, o ka ukuhana, ke pokepokeia, mai ka poe nunui mai o ko lakou uku o ka mahina, ahiki i ka poe haahaa o ko lakou uku. a e hoomau no i ko lakou noho hana ana me ka hoopau ole; he hana pololei maoli ia, a he kaulike no hoi, iloko o keia wa kupilikii o ke au-puni. O kakou nae e na mana koho ke kuleana e kaupaona ia i keia poe na lakou na hana kapakahi a kaulike ole; o ka'u e kauleo aku nei ia oukou e na Demokarata i hoopauia mai ka hana aku ame na Repubalika, a hoea hou mai i ke kau koho baloka, o na luna oihana o ke kulanakauhale, mai koho aku oukou i kekahi o kela poe, mai ka meia ahiki i na poo o na keena oihana, na lakou keia mau hana aloha ole, o ka hoonele ana ak i ia oukou, me na hana e pono ai ka noho ana, no ka lakou mau hemahema i hana ai. Me oe e Mr. Lunahooponopono ko 'u mahalo nui, no kou ae ana mai e hookomo aku i ko'u manao maloko o kau nupepa waiwai nui. Owau iho no me ka oiaio, MEA KOHO BALOKA.

MA KEIA SABATI E HULI HOI AKU AI NA HOA KAUKANAWAI

Ma ka hora 8:30 o keia kakahiaka Sabati iho e haalele mai ai na hoa kaukanawai o ka ahaolelo lahui ia Honolulu nei a hoi aku no ka aiha makua maluna o ka moku halihali koa Henderson ma ke alahele aku o Kahului, Hilo, ame San Diego, elike me ia a ka Mekia H. P. Beck-ley, ka ukali o ke Kiaaina Farrington, o ka hoike ana ae ma ka Poakahi iho nei. E pae aku ana ia poe i Kahului mahope o ka holo ana aku ma ke ao ma ka aoao akau o ka Mokupuni o Molokai no ka hoomakaikai ana ia mau malihini i na kapakai o Molokai a e ku aku ana i Kahului ma ka hora 3 o ia auwina la, a mahope o ka holo ana u makaikai ma na wahi ano nui o ia hapa o Maui, e haalele iho ana ka moku ia Kahului

no Hilo ma ka hora 11 o ia po, a e ku aku ana ma ke kakahiaka o ka Poakahi. Ma ka po o ka Poalua e haalele iho ai ka moku ia Hilo a hoi loa aku no San Diego. Ma ka Poakahi nei ka holo ana aku a ia mau solona e makaikai i ka Pakoa o Leilehua, ma ka Poalua nei i hele aku ai lakou e makaikai i na papu apau ma Oahu nei, a ma ka la i nehinei he ahakuka ka lakou o ka malama ana ma Puuloa me na aliikoa kiekie na lakou e hoomalu mai nei ia mau kahua, a ma ka hora 7:30 o ia ahiahi he mau malihini kiekie lakou na ke kiaaina ame Mrs. Farrington, maloko o ka Wakinekona Hale, he papa ahaaina ka i hoomakaukauia na lakou. Ma keia kakahiaka e hele aku ai ia poe e makaikai i ka hale hoikeike o na mea kahiko ma ka Bishop Museum, a ma keia ahiahi he papa ahaaina ke haawiia ana no lakou maloko o ka Hokele Iana. Ma ke kakahiaka o ka la apopo e holo hou aku ana lakou e makaikai i ka Mokupuni Ford ma Puuloa. No ka Poaono he huakai makaikai kaapuni i ka mokupuni o Oahu a he hukilau ma Kawailoa a he papa ahaaina me na meaai Hawaii mahope iho, a ma ka hora 7 o ia ahiahi iho he papa ahaaina maloko o ka Moana Hokele ke haawiia ana e ka Ahahui Kalepa o Honolulu no ko lakou hanohano. Ma na manawa hoomaha e ae o ia poe he mau hana lealea ka i hoomakaukauia no lakou o ia ke tenis ame ke golf.

HIKI OLE E HOOKUPA MAKAAINANA IA NA PILIPINO.

I kulike ai me ka olelo hooholo, i hoopukaia mai nei e ka aha kiekie o Amerika, aole e hiki e hookupaia na Pilipino i mau makaainana Amerika, o keia iho la ka hoea ana mai i ka hoopau loa ia. ana o na pohihihi e pili ana no keia ninau; ka ninau i hoala mai ai na olelo hooholo like ole, i hoopukaia ae e na aha hookolokolo, pela hoi na manao kanawai, e na loio kuhina o ke aupuni . Ma kela olelo hooholo, e hoakaka ana ia, aolo e lilo ke komo ana o na Pilipino iloko o ka oihana koa a oihana kaua paha o Amerika i kumu, e kuleana ai lakou, e hookupaia a lilo i mau makaainana Amerika, koe wale no, a ua noho lakou iloko o kela mau oihana i ka manawa o ke kaua. Ua kulike loa ka olelo hooholo i hoopukaia mai nei e ka aha kiekie o Amerika, me ka manao kanawai o ka Loio Kuhina Matthewman, no ka hiki ole e hookupaia na Pilipino i komo iloko o ka puali kiai lahui o Hawaii nei. Ma kekahi mau aha hookolokolo o na mokuaina o Amerika, ua aeia no na Pilipino e hookupa makaainana, pela no ma ka aha federala o Hawaii nei; no keia mua aku nae, e lilo aha kela olelo hooholo o ka aha kiekie o Amerika, i kumu alakai, no ua ninau apau e oili mai ana, no ka ninau kupa makaainana o na Pilipino, e komo hou ole ai iloko o ka pohihihi.

UKUIA KA WAHINE A KA MAKAI RAPOSA

Ma ka halawai kuikawa i malamaia ma ka Poakolu o ka pule aku nei i hala, i aponoia ae ai, ka uku ana aku i ka wahine ame na keiki elima a ka Makai Raposa i make, he manawa pokole wale ae nei no i hala e ka papa komisina uku hoomau o ke Kulanakauhale a Kalana o Honolulu nei. I kulike ai me kela apono ana a ka papa, i ukuia ae ai ka huina o hookahi haneri me kanalima dala ia Mrs. Raposa ma ka Poaha nei; o ia hoi he hookahi haneri dala no na lilo hoolewa o ka Makai Raposa, he iwakalua-kumamalima dala o ka mahina no Mrs. Raposa, a he iwakalua-kumamalima dala no na keiki he elima a ka makai i make. Ma keia hope aku, e uku mau ia ana ia Mrs. Raposa, ka huina o kanalima dala i kela ame keia mahina, a i ka piha ana o ke keiki nui loa, i ka umi-kumamaono makahiki, e pau ana ka loaa ana iaia o ka elima dala, a o na keiki aku i koe, i hiki ole ko lakou mau makahiki pakahi i ka umi-kumamaono, o la-kou wale no ke loaa he elima dala no ka mahina.

AOLE E KEAKEA ANA KA MEIA NO KA HOOPUKAIA O KA BONA.

Ua hauwawaia ae ma kekahi mau la aku nei e komo ae ana ka Meia Wilson e keakea i ka hana a ko komisina wai ame sua i ole o hoopukaia aku kekahi 'ona o $1,000,000 i mea e biki ai e loaa ka dala no na hana nui i makemakeia no ka oihana wai ame sua, ma ka po nae o ka Poakahi iho nei ua hoole loa ae oia i ka oiaio o ia lono. Wahi ana o ka hoike ana ae, "ua ku-e au i ke komisina wai ame sua mamua, aka i nei manawa a oiai ua hookumuia e ka ahaolelo he komisina wai ame sua a ua hooholoia ia me ka haawiia o ka mana i ka komisina e hana i mea e loaa ai ka $3,000 , 000 ma o ka hoopuka ana i bona, ke hoike nei au na ke ko-misina ia e hoolilo aku." He olelo hooholo ka ke komisina o ka hooholo ana ma ka Poakahi

ei e noi ana i ka Meia Wilson e noi ae oia i ke Kiaaina Farrington kokua ae i ke komisina i mea a oaa mai ai ke aponoia e ka peresidena no ka hoopuka aua aku i bona o $1,000,000. O na waiwai hoopaa o ia no na bona kulanakau-hale ame kalana.

HELE HOU NO KA HUI-AKONI HEMOLELE I KA PICNIC MA WAIHEE BEACH.

E Mr. Solomon Hanohano, Aloha Nui: — E oluolu mai hoi oe e hookomo iho i keia wahi meahou e kau ao la maluna; o ia hoi. Ma ka Poakolu Iune 24, i hele ai keia ahahui i ka picnic. Ua hele no me ka lako, hookahi puaa nui , elua pahu soda water, mau pu-a wahie, ame na pohaku imu, he pahu poi, i hoowali maiau ia e Mrs. Moses Kaina amo Miss Eliza Henry, na kini meaai, ua meaono i hana maiau ia e Miss Puna Kiakona, Mrs. Dick-ens, Mrs. Mountcastle. I ka hiki ana aku o ka ahahui i Waihee, ua hele aku la no kekahi poe wahine i ka hana limu, papa'i ame loli, o ka imu puaa na Mrs. Moses Kaina ame Mrs. Ulalia Aona i hana no, a ho-a. Ua mo 'a ka puaa me ka maikai, a ua ai makou a lawa, ua hauoli no makou ma kekahi ano, a ua kaumaha no hoi makou ma kekahi ano, i ka loaa ana o kekahi ulia i ko makou hope peresidena. Ua pa'i makou i ke kii a koe ko makou hope peresidena, mamuli o ka hiki ole iaia ke lele inai, «ai ke kaa mai. He iwakalua ko makou nui. Ke hooki nei au me ka pule e hooholomuaia na hana apau o keia ahahui. Me oe e Mr. Solomon Hanohano ko'u welina pau ole, ame na keiki o ka papapa'i. Owau iho no, KEKAHI O NA LALA,

KA NINAU BAIBALA.

I ka naua ana i ke au o ka manawa e nee nei ua lilo loa ka ninau Baibala a Chas. Kamoa Kealoha i mea hoomaopopo, ole ia e ka poe i waeia, i kohoia, a i kaheaia no ka hole aua aku e ha'i i ka euanelio a Iesu Kristo i olelo maopopo mai ai ma Mar. 16:15-16, no ka bele ana aku e ha'i. I ka nana ana aku nae i ua poe nei a'u I hoike ae nei maluna, ua hiki ko olelo o ka mea apiki nae aohe ka i maopopo i ke ano o ia mea ana i olelo ai, o ka Uki nae aole i kana mai ka liki, meia iho no ka euanelio, mea iho no ka euanelio; i ka euanelio no ia la a pulu wale ka a-ikala i ka hou, eia ka aohe i maopopo i ke ano o ia mea ana e ku ka liki ana. O ka poe i leviia i poe kahunapule, o lakou ka poe i kupono e loaa keia mau ano ninau e pono ai ame ka poe i loaa ka laikini kahunapule ame ka lakou mau kumu ao Baibala, a ninaninau paha i ka poe no ke kupono e lilo i kahunapule, o Iakou ka poe kupono e lako mua i keia mau mea, oiai o ko lakou kuleana ia e hele aku ai, a a'o i manaoio mai hoi paha ia o ka poe alaila kapi-pi aku i loaa pono mai hoi paha i ka inaina e kau mai ana. I keia kau Aha Paeaina iho nei, nui no na kahunapule i halawai mai mea 'u a ninau mai la ia'u nau no kela ninau iloko o ka Nupepa Kuokoa? Ae aku la au, ae, a mea mai la ua ike iho la la hoi makou, mea aku la au ia lakou, aole ia he aniani kilohi aka o kahi pohaku a-la ia i maaia ai e Davida a komo ma ka hookuina o ka papale kila o Golia a palaha ai ke alo ilalo a o ia ia. Heaha ka hoi ko oukou kumu i pane ole mai ai. Pehea ka hoi e palaha ai ko oukou alo ilalo elike me ko Golia, a ike le'a ia mai hoi paha oukou mai o a o o mea mai la kela a o mea mai la kela, a pela wale aku a ahuwale oukou apau imua o ke akea i ko oukou maopopo pono ole i ke ano maoli o ka euanelio a oukou e hai aku ai. A eia hoi kekahi o na wahine, a kakou ke. haiolelo mai, mea iho no ka euanelio, ka euanelio ahiki i ka hooia ana mai ua komo ka oia iloko o ka euanelio, a ua lohe au aia paha kekahi wahine i Kaimuki no ka Hoomana Naauao ka oia, mea mai ua loaa ka iaia ka haina o keia ninau, pane ae i ke keena o ke Kuokoa ilaila oe o ikeia ai, a kaulana no hoi ko inoa aole paha no ko nele i ka Baibala aka e loaa aku no ia oe ua Baibala la me ko'u haawi makana aku ia oo he $5.00 manuahi no ka loaa ana ia oe o ka haina o ka ninau, e aho ia mamua o ko ohumu ana ia'u, me ka loaa ole o ka haina ia oe e mama. O ka mea nana keia ninau ke hoole mua aku nei no aohe mea e loaa ai o keia ninau holookoa a haha'i maoli ia. Pomaikai ka poo i haahaa ka naau, no ka mea, no la kou ke aupuni o ka lani. Owau mau no, C. K. KEALOHA.

UA OI AKU KA HOOLILO MA MUA O KA LOAA NO NA MA HIKA MUA EONO O KA 1925

I kulike me na huahelu i ikeia maloko o na buke a ka puuku kulanakauhale ame kalana David L

Conkling ma ka Poaha o ka pule aku la i hala he $166,883.31 ka oi aula aku o ke aupuni kulanakau-hale ame kalana no na mahina mua ono e pau ana ma ka la 30 o Iune mamua o na hoolilo i ko na loaa awai no e ole ka pokole o ka waiona laula 1 ke dala. O na loaa no ka waihona laula ke aupuni kulanakauhale no na mahina mua eono o ka 1925 he huina makolukolu o $1,014, $480.77, a ke hoohalikeia me na loaa no ia mana-wa like i ka 1924 o $495, $680.44, he like ole o $518, $800.33, elike me ia i ikeia maloko o ka hoike a ka puuku. O na hoolilo no na mahina mua eono o keia makahiki he $1,181, 164.08, a no na hoolilo o ke aupuni kulanakauhale ame kalana no ia manawa like i ka 1924 he $465,176.90, he like ole o $715,987.18.

Na Dala Auhau O na dala i loaa ae no ka waihona laula no na mahina mua eono o keia makahiki ua oi ae ka nui mamua o na loaa o ka 1924, o ke kumu ua loaa koke ae na dala no na auhau i ke aupuni kulanakauhale ame kalana mai ke teritore ae, wahi a ka puuku, a he huina o $254,000 wale no i koe a ke aupuni kulanakauhale ame kalana e hoounaia ae ana e ka puuku teritore mahope aku. Ma ka hoohalikelike ana i na loaa o na keena oihana aupuni apau no-na mahina mua eono o ka 1925 me ko ia manawa like o ka 1924 elike no ia me ia e ikeia ana malalo nei: No ka. oihana lawe opala o ke kulanakauhale ame kalana he $877.25 ke emi o na loaa, a he $417.65 ka pii hou ae o na loaa no na palapala ae maloko o ke keena o ka lunanana kukulu hale, a maloko hoi o ke keena o ka lunanana hana a hoomoe paipu wai he $1,046.89 ke emi iho o na loaa i keia makahiki. He $1,317.48 ke emi iho o na loaa i hoomaopopoia no na auhau laikini ma ke keena o ka puuku; he $161.30 ke emi iho o na loaa auhau no na kaa baikikala; he $3,125 ke emi iho o na loaa laikini no na papahelu o na kaa, a no ka auhau o na kaa otomobile he $783.13 ka pii hou ae i ko keia makahiki mamua o ko ka makahiki i hala. Emi Na Loaa Ma Kekahi Mau Oihana E Ae No ka ukupanee o na dala i hoahuia aku ma ka banako he $328.58 ka pii hou; na loaa hoolimalima no ke kahua o ka hale aupuni kulauakauhale he $336.07 ke emi iho; no ke keena o ka loio kulanakauhale ame kalana he $110 ke pii hou ae; uo ke keena o ka lunahooia be $82.40 ke emi iho o na loaa; no ke keena o ke kakauolelo he $751 ke emi iho o na loaa; no ke keena o ka luna kinaiahi nui be $25 ke emi iho, a no ke keena kukui uwila he $86.65 ka pii hou ae o na loaa. Ma ke keena o ka luna pa aupuni he $2 ke emi iho; ma ke keena o ka hale kaa otomobile o ke aupuni kulanakauhale ame kalana he $924.27 ke emi iho o na loaa, a he $95 ka pii hou ae o na loaa ma ka halema'i o na poino ulia. No ka oihana makai he $2159.05 ke emi iho; ma ka halepaahao kalana he $874.65 ke emi iho o na loaa, a no ka oihana alanui no Honolulu he $1668.86 ke emi iho o na loaa. No na loaa mai ka aha kaapuni ekahi ae he $3442.69 ke emi iho; o ta aha hoomalu o Honolulu ka mea i oi hou ae na loaa, he $3135.35; no ka aha apana o Ewa he $2583.78 ka pii hoa ae o na loaa; no ka aha apana o Waianae he $205.75 ie emi iho; aha apana o Waialua he $481.-87 ka pii hou ae o na loaa; no ka aha hookolokolo apana o Koolauloa he $638.20 ka pii hou ae o na loaa, a no ka aha hookolokolo apana o Koolaupoko he $428.20 ka pii hou ae o na loaa maloko o na mahina eono o keia makahiki.

PANIKUIA KA HALE A NA WAHINE E PUHI OPIUMA AI

Ma ke komoia ana o kekahi bale hoolimalima loihi ma ke kihi o na alanui Liliha ame Kukui e na ma-1. i hopuhopu opiuma ma ka Poaha o ka pule aku la i hala i loaa aku ai be elua mau wahine no laua na inoa pakahi Mrs. Consulta he wa-hine Pilipino, ame Mrs. Lau Chook he wahine hapa-Pake, a paa laua i ka hopuia no ko laua loaa pono ana aku e hauhau opiuma ana. Ma ka olelo a na makai o Mrs Consulta, ka ona nona ia hale, he moolelo mua ka kona i paa maloko o ka aha federala, a i kulike me ka J. Manning, ka luna nui o ka hoike ana ae maloko o keia hale ka na wahine o ke alanui Muliwai ame ke kahi mau wahi e ae e akoakoa mau

ae ai no ke puhi opiuma ana. He wahi opiuma uuku ame na ' puhi opiuma ka i hapukuia mai e na makai a ku ae i ka hale au puni federala. E puhi ana na wa-hine elua i ka ipupaka hookahi ma ka manawa o ka hoea ana aku a na makai. Ua hookuuia aku ua mau wahine la mahope o ko laua bela ana ae $500 pakahi, na Yee Yap i bela ae ia laua. O kekahi mau Pake a ae i paa a i ka hopuia e na makai hopuhopu opiuma o Wah Bing ma Kaneohe ame Wong Sung ma Heeia. O ka poe i hele e hopu me J Manning oia o Thomas Wallace, W J. Ross, Wade H. McCree ame J. C Pieper

HE NANE.

Kuu walu manu i opili i ke anu Alika i loaa iloko o ka punana ole, aole iloko o ka punana manu. Aka o ka hulu ke waiho ana, aole e panoo; e waiho ana no nae. O ka puehu no o ka hulu aole ke ino, e waiho ana no nae. He hohono hulu wale no, aole na wawae, e waiho ana no nae. Owai kuu manu opili i ke ana o Alika. O kahi makaluhi he kanalima pooleka o elua keneka, aka ina e loaa ana iloko o na maluna eono, ka haina pololei alaila he iwakalua-kumamalima pooleka manuahi kaulele hou ho no ka la-i. J. K. A. KAHUKU.

HAALELE KA LUNANANA HALE ABSHIRE I KONA KU-LANA A O STEWART MA IA WAHI

O Harry K. Stewart, ko kokua lunanana hale o ke kulanakauhale ame kalana i hookohuia ai no Ia kulana mai ka la 16 o Sepatemaba, 1024, oia ka i hookohuia ae e ka Meia Wilson i lunana hale ma kahi o Lewis T. Abshire i waiho ae i ka hana, a i kulike me ka Stewart o ka hoakaka ana ae ma ka mana-wa o ka hookohuia ana ae, e hoao ana oia e lawelawe aku i ka hana elike ka maikai me ka kona mua, Abshire, i lawelawe ai. Aohe oia e hoololiloli ana i na kanaka hana malalo o ia oihana , elike me ia i co Abshire manawa pela uo. e hoomauia aku ai. Ma ka Poalua o ka pule i hala ko Stewart hookohuia ana ae e ka Meia. Ma ka halawai a ka papa o ka noho ana maka auwina la o ia Poalua i aponoia aio ka papa ko Abshire waiho ana ae i kona kulana, a mahope koke iho o ke apono ana a ka papa ua waiho koke mai ka Meia Wilson i ka inoa o Stewart, ke kokua lunanana hale mua, i pani ma kahi o Abshire a ua aponoia ia inoa me ka lokahi e na hoa eha o ka papa e noho ana ia manawa, oia o Petrie, McClellan, Bodge ame Clark. Ua hoole loa ae o Abshire ma ia po iho i ka hoike ana ae i kana hana o nei aku ma kona manawa o ka uiiia ana aku, aka nae, ma kekahi mau lono lauahea o ka oiliili ana ae, e lawe ana ka oia i kekahi kulana bana malalo o ka enekinia kulanakauhale ame kalana Louis S. Cain, no ka mea me Cain no o Abshire i hana pu ai a hiki i ka hookohuia ana ae o Cain i enekinia a oia hoi i kokua lunanana hale ma ka la 2 o Ianuari, 1924. Ua hoike mua ae kekahi poe me he mea la e lawe ana o Cain i kekahi kulana maloko o ke keenahana enekinia e hoohakahakaia ana ma ka la 13 o Iulai, ka manawa i manaoia e waiho ae ana o George K. Larrison i kona kulana maloko o ia keena. Ua haawi ae ka o Abshire i kona mahalo no na kokua A na limahana me ke kupaa mahope oni ahiku kona waiho ana i ka hana.

HAINA NINAU BAIBALA.

Mr. Solomon Hanohano; Aloha oe: — E oluolu mai kou ahonui ma kahi kaawale o kau wahaolelo a nau hoi ia e hoike ae i ka'u haina no ka ninau Baibala a Chas. K Kealoha, e olelo ana penei: Iha io paha o ka mana o ke Akua oia ia mea he Euanelio, o. ka ninau Heaha kona ano maoli, e maopopo ai oia io ka ka Euanelio. Haina. O ka manao a me ke ano maoli o ia huaolelo Euanelio o ia keia; KAUOHA HOU, a me ka olelo maikai. Ninau elua. No keaha. Haina. No ka make ana o Kristo, a me kona ala hou ana. E loaa no na wehewehe ana ma Oihana. Maluna o keia ninau Euanelio , ke lana nei kou manao e loaa ana no apono ana mai ka Lunahooponopono aka, ina ua nu aku la ke Kinau , alaila ua moe ke kuhoe. Ke hooki nei au no na wehewehe liilii i loaa ia'u, a ke haawi pu aku nei i na hoomaikai i ka Lunahooponopono, ame na keiki oniu huamekala o ke keena pa'i. Me ka oiaio,

PUUOMAO BOY ,

Ua hiamoe i'o ke kuhoe , ua kau mai la kou moku iluna o ka puko 'a. Huli hou ia mail— L. H.

HOOLAHA KUAI O NA HOOLIMALIMA AUPUNI

Ma keia ke haawiia aku nei ka hoolaha akea ma ka bora 10:00 a. m, Poaono, Augate 1, 1925, ma ke keena o ka Hope-akena, Mr. Garcia, Wailuku , Maui , malaila e kuai hoolilo ia aku ai ma ke kudala akea i ka mea koho kiekie loa malalo o na manao o ka Pauku 73 o ka Kana wai Kumu o Hawaii, a o na Kanawai Hooponopono Hou ia o Hawaii o 1925, na Hoolimalima Laula o na aina Aupuni mahope ae nei: Kela mahele apau o na Aina o ka Kuia o Lahainaluna, i ikeia o Paunau, Lahaina, Maui, nona ka iliaina o 39.3 eka, oi aku a emi mai paha, o ka aina kanu ko, a he 31.6 eka, oi aku a emi mai paha o ka aina kula. B . Kala mabela apau o na Aina o ka Kula o Lahainaluna, i ikeia o Paunau, Lahaina, Mani nona ka iliaina o 125.8 eka oi