Ka Nupepa Kuokoa, Volume LXIV, Number 30, 23 July 1925 — Page 6

MA KE KAUOHA

(Mai ka Aoao Elima mai) (Bila o ka Hale Helu 55) HE KANAWAI

E HOOLOLI ANA I KA MOKUNA 140 O NA KANAWAI I HOOPONOPONO HOU IA O HAWAII 1925 E PILI ANA I KA LAWELAWE OIHANA ANA MALOKO O NA AHA APANA MA KA PAKUI ANA AKU I PAUKU HOU ME IA I IKE IA O KA PAUKU 2323A

E Hooholoia e ka Ahaolelo o ke Teritori o Hawaii:

PAUKU 1. O ka mokuna 140 o na Kanawai i Hooponopono Hou ia o Hawaii 1925 ma keia ke hoololi ia nei ma ka pakui hou ana aku me ia i pauku hou i ikeia o ka pauku 2323A, a e heluhelu ana penei: , "Pauku 2323A. Ma na hihia aie apau e hookomo ia ae ana ma kekahi aha apana me ka hoohiki ia ana .0 ka palapala hoopii o kekahi kanaka ma kona ike ponoi ana iho, i ka manawa e ike ia ai aole i nele ae ka mea i hoopii ia, ua loaa ka inana i ka lunakanawai, ma ke noi ana a ka mea hoopii, e hookau aku i na lilo a e hooholo ae i kana olelo hooholo e like me na koi i waiho ia aku.''

PAUKU 2. O na kanawai apau ame na mahele kanawai i kulike ole me keia, ma keia ke hoopau loa ia nei.

PAUKU 3. E mana keia kanawai i kona aponoia ana. Aponoia i keia la 29 o Aperila, M. H. 1925,

W. R. FARRINGTON, Kiaaina o ke Teritori o Hawaii.

KANAWAI 222

(Bila o ka Hale Helu 426.) HE KANAWAI

E HOOPONOPONO ANA A E HOOMAOPOPO ANA I KE KOI A KE TERITORE o HAWAII E PILI ANA I KE KULANA O KONA MAU MAKAAINANA. AME KO LAKOU KULEANA A E HOOMAKAUKAU I KOMISINA NA LAKOU E WAIHO AKU I KEIA MAU KOI A I LOOA MAT AI KA IKE AI ANA O UA MAU KULANA NEI E KE AUPUNI FEDERALA, A E HOOKAAWALE ANA I KA HUINA O IWAKALUA TAUSANI DALA ($20,000.00) NO NA LILO APAU E PILI ANA I UA HANA LA.

OIAI, no ka hapaha keneturia i hala hope ae nei, ua ku ke Teritore o Hawaii ma ke kulana piha o ka nohona aupuni ana ma ka hoohui ia ana aku a lilo i hapa no ke Aupuni o Amerika Huipuia ma ke ano he Teritore nona ; a OIAI ma ka hoomaopopo ana aku ke ku nei kekahi mea ho-ano-i i ka noonoo no ke kulana o na makaainana o ke Teritore o Hawaii: a OIAI, oia mau mea e hoano-e nei i ka noonoo ua lilo ia i mea nana e Lapae ia ai a e pale ia mai ai ka ike piha ia ana mai o na makaainana o keia teritore, a loaa ole ia lakou na pono i haawi ia i na makaainana apau malalo o ke kumukanawai o Amerika Huipuia ma ka hoole ia ana mai o ko lakou holo laelae ana mai kekahi kihi a kekahi kihi o ka nina a mawaena o na awa o ke teritore nei ame ka aina makua a mamuli o ia mau mea ua loaa mai ke kulana hoohilahila ia a hoowahawaha ia o ua mau makaainana nei i hooneleia ai i ko lakou mau kuleana ₄ a OIAI, o na makaainana apau o Hawaii nei, na loaa ia Iakou ke kuleana ame na mana o na makaainana o Amerika Huipuia ; a OIAI, o ka Ahaolelo o ke Teritore o Hawaii, eia pu lakou ke komo nei maloko o ka minamina i keia mau hana o na makaainana e hoohemahema a e kaupale ia mai nei; nolaila, ano,

E Hooholoia e ka Ahaolelo o ke Teritore o Hawaii:

PAUKU 1. Ma keia ke waiho nei ka Ahaolelo o ke Teritore o Hawaii i kekahi koi i ike maoli ia no na makaainana o ke Teritore o Hawaii e pili ana i ko lakou kulana makaainana iloko o Amerika Huipuia. Penei: 1. He mahele oiaio ke Teritore o Hawaii nei no Amerika Huipuia ; 2. Aole e hiki ke ike ole ia mai ke kulana makaainana o na makaainana o ke Teritore o Hawaii ma ke kanawai ma ke kaulike a ma ke ano nohona pono ana i ko lakou manawa e make-make ai e holo aku mai kekahi awa o ke Teritore ame kekahi awa o ka aina makua; 3. He mahele o Hawaii iloko o na lawelawe kanawai ana o ke Aupuni Amerika a ua kuleana kona mau makaainana e hauoli pu ma na pono ame na pomaikai e hauoli ia ana e na mahele aina e aku.

KE KUMU NO KEIA KUAHAUA.

PAUKU 2. Ua hoopuka ia ae keia kuahana mamuli o ka ike ame ka hoomaopopo maoli ia ana iho no o na rula ku-e a kupono ole i hoopukaia ae a e hoohana ia nei e ke Aupuni o Amerika i Huipuia a e alakai ia nei hoi e kona Buro o ka Hoopae Limahana a me ke Keena o na Limahana.

UA HOOHUI IA O HAWAII ME AMERIKA, HUIPUIA A UA HAAWI IA I KONA MAU MAKAAINANA NA MANA HEMO OLE.

1. O ke Kanawai Kumu, ke kumukanawai o ke Teritore o Hawaii, i aponoia e ka Ahaolelo Federala ma ka la 30 o Aperila, 1900. ua hoomaopopo ia maloko ona: "O ke Kumukanawai, koe ma keia e hoomaopopo okoa ia nei, o na kanawai apau o Amerika, i hui pu ia na kanawai e lawe ana i na bila haawina i komo ole mai no na hana kuloko, e mana no ta mau mea maloko nei o ke Teritore o Hawaii e like me ko Iakou mana ma na wahi e ae iloko o Amerika Huipuia", a

"O na poe apau i lilo i mau makaainana no ke Aupuni Repubalika o Hawaii ma ka la 12 o Aukake, 1898, ma keia ke kukala balika o Hawaii ma ka la 12 o. Aukake, 1898, ma keia ke kukala ia ae nei he mau makaainana no ke Aupuni o Amerika Huipuia ame ke Teritore o Hawaii."

2. Ke hoomaopopo nei ke kumukanawai o Amerika Huipuia penei:

^" O na poe apau i hanau ia a i ole i hoomakaainana ia maloko o Amerika Huipuia a e noho ana malalo o ka malu oia mau mea he mau makainana lakou o Amerika Huipuia a o ka mokuaina a lakou e noho ana. Aole kekahi mokuaina e hana a e hooko i kekahi kanawai e houuku mai ana i ka mana a me ka nohona lanakila o na makaainana o Amerika Huipuia aole no hoi kekahi mokuaina e lawe wale i ke oia ka nohona lanakila ame ka waiwai o kekahi kanaka me ka nolo mua ole ana maluna o na loina kanawai no ia mau mea, a i ole e hoole aku i kekahi kanaka e noho ana maloko o kona mau palena i ka malama kaulike ana a ke kanawai."

HEAHA LA HOI KA MEA E HOOLE IA NEI NA MAKAAINANA O AMERIKA HUIPUIA I KE KULEANA E HELE LANAKILA A KEAKEA OLE IA MAWAENA O NA AWA O KA AINA MAKUA AMEKE TERITORE O HAWAII?

PAUKU 3. O ke kumu wale no, a he wahi kaulike ole no hoi oia no ka noho makaainana ana ma ke Teritore o Hawaii nei he mau makaainana mai ka welo mai o na aina Hikina. O ka hanau ia ana maloko nei o ke Teritore ua lilo ia i mea e kuleana ai i ke kulana makaainana, aole no Hawaii nei wale no, ka no Amerika Huipuia. He elua wale no mau kumu e hoomaopopo ia nei keia ku-e ia

ana o na makaainana he welo na na makua o na ama Hikina: 1 He Olelo Hooholo Hui e hoomaopopo ana i ka Hoohui aina o Hawaii me Amerika Huipuia, a maloko olaila ua hoomaopopo ia kekahi mahele penei : . "Aole kekahi pake mamuli o kekahi mea e hoomaopopo ia nei ma keia, e ae ia e holo aku iloko o Amerika Huipuia mai na Mokupuni nei aku o Hawaii", a 2. He aelike o ke ano keonimana mawaena o Iapana ame Amerika Huipuia. Ma ke kumu mua, aole pake i ae ia e hele mai Hawaii Teritore nei a i ka aina makua. Ua hana ia keia pauku no na pake makaainana ole ma Hawaii nei ia manawa. Ma ke kumu elua, aole e komo aku na lapana iloko o ka aina makua aia wale no a loaa kekahi mau palapala apono. Ua hana ia keia pauku no na Kepani me ka akaka loa. O ka noonoo maluna o keia ninau aia maluna o na makaainana o Amerika Huipuia. Ua hoomakaukau na kanawai o ke Teritore o Hawaii i na loina e loaa ai na palapala hoike wahi hanau no na poe i hanauia maloko nei o ke Teritore. O kekahi palapala hooiaio i hoopuka ia e kekahi keena o ke aupuni teritore a e hoopili pu ia ana me ia ke sila o ke. Teritore o Hawaii, he hooia oiaio maoli ia o ka hanau ia ana ma Hawaii nei. Malalo o ke kumukanawai o Amerika Huipuia : "O na poe a pau i hanau ia a hoomakaainana ia maloko o Amerika Huipuia a e noho ana malalo o kona malu he mau makaainana lakou o Amerika Huipuia a o ka mokuaina maloko olaila lakou e noho ana" a o kekahi palapala hooia e hoopuka ia ana e kekahi keena i kaulike o ke Aupuni Federala, e haawi ia aku no ka hilinai piha ana, a e loaa no i ua mea la e paa ana i ua palapala hooia nei ke kuleana i na pono ame na pomaikai apau o ke kulana makaainana o Amerika Huipuia me ka keakea ole ia mai.

PAUKU 4. O ka hoonele ia ana o na makaainana o ke Teritore o Hawaii mai na kuleana mai i haawi ia aku ia lakou malalo o ke kumukanawai o Amerika Huipuia he hana kaulike ole a he ku-e kanawai maoli no a ua lilo e manao ia ai ke Aupuni makua aole i hana i ka hana kaulike no ka hooko ana aku i ka olelo o ke kumukanawai e like me ia i hoomaopopo ia ma ke kanawai Kumu o Hawaii nei i apono ia e ka Ahaolelo o Amerika Huipuia i aponoia i ka la 30 o Aperila 1900, a ma ia hana ana i lilo ai keia teritore i mahele no Amerika Huipuia. Malalo o ka hana e hana ia nei e ka Buro Hoopaelimahana, he rula kekahi e hoohana ia nei i kaupale mai i na kuleana ma ke kanawai ame na pomaikai o na makaainana o ke Teritore o Hawaii. Ma keia ke hoike ae nei ka Ahaolelo o ke Teritore o Hawaii i kana hilinai piha i ka Ahaolelo o Amerika Huipuia na lakou e hoopololei mai i keia hana kaulike ole e hoohana ia nei maluna o na makaainana o ke Teritore o Hawaii, a ke hoike hou ae nei i kona manaoio maoli ana o na mea apau loa e hai ia nei a e hoakaka ia nei maloko o keia ua kulike ole ia me na pono ame na pomaikai e haawi ia nei i na makaainana e ae o Amerika Huipuia, a e hiki ana no ke hoopau koke ia keia mau lauwili ke hoike moakaka lea ia aku keia mau mea ia lakou

PAUKU 5. Nolaila, i wahi e pau ai keia mau lauwili ana ame na manao kuhihewa, a e hana mai ka Ahaolelo o Amerika Huipuia ame ka Mana Hooko Kiekie i kekahi mau hana e hoopono-pono ai a e holopono na mea apau a hoopau ia ae ka wae ia ana ae o na makaainana ka welo a na lahui Hikina a lilo i poe e ku-e ia e keia mau rula kaulike ole, ke hoomana ia nei ke Kiaaina ma keia a ke kauoha ia nei oia e hookohu ae i komisina o elima lala i ike ia o ke Komisina Ahaolelo o Hawaii i Wakinekona 1925. a na ia Komisina, me ka hui pu ana aku me ka Elele ka Ahaolelo o Amerika Huipuia mai Hawaii nei aku. e hoomakaukau a e waiho ako a e koi ikaika aku i na koi a ka Ahaolelo o ke Teritore o Hawaii nei i wahi no ka Ahaolelo o Amerika Huipuia ame na Keena Mana Hooko e ke Aupuni Federala e ike iho ai a e hoomaopopo maoli iho ai no o na makaainana o ke teritore he mau makaainana no lakou no Amerika Huipuia.

PAUKU 5. O ka huina o iwakalua tausani dala ($20,000.00) ma keia ke hookaawale ia nei mailoko mai o na dala maloko o ka waihona o ke Teritore o Hawaii i hookaawale mua ole ia no ka uku ana i na lilo e ulu mai ana mamuli o ka hooko ia ana o na kauoha a keia kanawai.

PAUKU 7. Emana keia kanawai i kona apono ia ana. Aponoia i keia la 29 o Aperila, M. H. 1925.

W. R. FARRINGTON, •. Kiaaina o ke Teritori o Hawaii,

KANAWAI 223

(Bila o ka Hale Helu 239.)

HE KANAWAI E HOOKAAWALE ANA I KA HUINA O UMIKUMAMAONO HANERI DALA ($1600.00) MA KE ANO HOAIE NO KE KUKULU ANA I KE ALANUI MA KA APANA AINA HOME HOOKUONOONO O

KlOLAKAA-KEAA, APANA O KAU, KALANA 0 HAWAII.

E Hooholoia e ka Ahaolelo o ke Teritori o Hawaii:

PAUKU 1. O ka huina o umikumamaono haneri dala ($1600.-00) ma keia ke hookaawale ia nei ma ke ano hoaie mailoko mai o na dala apau e waiho ana ma ka waihona o ke Teritore o Hawaii, i hookaawale mua ole ia, no ke kukulu ana i alanui ma ka apana aina home hookuonoono ma Kiolakaa-Keaa ma ka apana o Kau, Kalana o Hawaii, a o ua alanui nei e oleloia nei e hoomaka ma ke alanui hele loa a e holo ma ka akau mawaena o na apana aina helu 27. 28, 29 ame 10-A, e like me ka hiki ke hoolawa ia e na dala e hookaawale ia nei.

PAUKU 2. O ua huina Ma o umi-kumamaono haneri dala ($1600.00) nei e oleloia nei e hoolilo ia no ia ma na bila kikoo dala i hoopuka ia e ka luna hooia malalo o na bila i aponoia e ke Komisina o na Aina Aupuni, ka mea nana e kukuiu i ua mau alanui nei e oleloia nei ma ka aelike ana me a i ole ma o ka Papa Luna Kiai la o ke Kalana o Hawaii, e like me ia i kauoha ia ai e ke kanawai.

PAUKU 3. O na dala ma keia e hookaawale ia nei e manao ia no ia he huina i hoaie ia mai ka waihona laula mai o ke teritore o Hawaii, a oia huina e oleloia nei e hoihoi hou ia aku no ia mai na loaa mai o ke kuai ia ana o na aina maloko o ua apana aina home hookuonoono nei o Kiolakaa-Keaa.

PAUKU 4. E mana keia kanawai i kona apono ia ana. Aponoia i keia la 29 o Aperila, M. H. 1925.

W. R. FARRINGTON, Kiaaina o ke Teritori o Hawaii.

.

KANAWAI 224

(Bila o ka Hale Helu 274.)

HE KANAWAI

E HOOMANA ANA A E KAUOHA ANA I KE KULANAKAUHALE AME KALANA O HONOLULU E UKU I KEKAHI MAU KOI NO NA AUHAU I OHI HEWA IA. E Hooholoia e ka Ahaolelo o ke Teritori o Hawaii:

PAUKU 1. O ka Papa Luna Kiai o ke Kulanakauhale a Kala- na o Honolulu ma keia ke hoomana ia nei a ke kauoha ia nei e-

HE PUOLO WAIMAKA NO KUU KANE HELELOA

E Mr. Lunahooponopono o ka Nu-Nupepa Kuokoa; Aloha kaua:— Ke hoolauna aku nei au ia oe no kau wahi kaawale o ka kaua hiwahiwa, ka mea nana e lawe aka i ka lono kaumaha, a ha'i aku i na makamaka, na hoaloha, na ohana no apau loa e noho mai la ma ka hikina a ka la i Ha'eha'e a i ka welona a ka la i ka ilikai o Lehua, no kuu mea aloha i haalele mai i'u me na keiki makua ole. E papa e, eia iho nei oe ihea, ho mai no kaua. Eia au ke hoaa a nei ia oe inahea la oe e loaa aku a ai ia 'u. Ua loaa mua no kuu kane i ka ma'i iloko o ka mahina o Feberuari a i ka lana ana mailoko mai o ia ma'i, ua hele i ka hoohuli pipi, pau ka hoohuli pipi aua, hooili no a pau kau hou no oia iluna o ka moku hala no Honolulu. Hookahi no mahina ma Honolulu hoi mai eia me ka ma'i, au'a ma no na keiki e noho aku a pau ka ma'i, alaila hoi mai, eia nae aole ona ae, a hoi mai no oia me ia ma'i ahiki i ka aina nei, a lana mai ka manao e huli e ke ola, eia ka o ka ma'i no ia a haalele mai la oia i'u, me na lei a maua e paiauma aku mahope nei. Auwe kuu mina mina pau ole ia oe e. Auwe no hoi kuu hoaa ia oe e kuu hoapili o ka uka mehameha, ihea la oe e loaa hou aku ai ia'u Hoi mau kuu hoapili mai Honolulu mai me ka ma'i a noho i ka home o ke keiki a maua, hookahi no pule, kiiia ae au e kuu kane opio, e hoi e uoho me laua i Kamaoa, hoi mai maua ilaila e noho ai hulia no hoi ke ola, aole he lana mai, oi Ioa mai la ka ma'i mamua o ka mea kupono, hoi aku la hoi me na keiki, ua like pu no; a hoi aku la e noho me na poki, a elua no pule me laua ame na makua o makou, ua haalele mai la oia i keia ola ana. Ua haalele mai oia ia makou ma ka po o ka Poakahi, ka la 22 o Iune, a ma kokahi la ae, i maneloia aku i kona kino wailua, ma ka hora elima o ke ahiahi, a hoi mai la no hoi ka ohana no ko lakou wahi, a huli hoi mai la makou i ka hale, me na manao luuluu, a kaumaha. Auwe kuu manaonao i ka ike aka i kau wahi e hele ai; aole e hiki ia'u ke hoopoina i kau mau Lana apau! Ua hanauia kuu hoapili i ka makahiki 1851, iloko o ka mahina o Aperila, a ua piha na makahiki he 74 ame ua mahina keu iaia, o ka lianu ana i na ea o keia ola honua ana. Ua hoohuiia maua iloko o ka berita o ka mare i ka makahiki 3004. Ua hoi mai maua a noho i Kahuku i ka hana, he elima makahiko ko maua noho ana ilaila, hoi mai au no ko maua home ma Keaa, mailaila aku i Kapapala, i ka hana, nolaila ua kamaana ka noho ana i keia aina malihini, mamuli o ka imi ana i na mea e pono ai o ka noho ana. Ke haawi aku nei au i ka'u hoomaika palena ole me ka mahalo piha, i na makamaka, na hoaloha ame na ohana lehulehu i komo pu mai me a'u iloko o ko'u mau hora o ke kaumaha, pela hoi ka lakou mau makana pua i haawi mai. ai no ka hoohiwahiwa ana iho i ke kino wailua o kuu kane; e oluolu oukou apau e lawe aku i keia hoomaikai, Owau iho no me ke kaumaha. MRS. WAILUA K. BECK Ame ka ohana. MOOLELO O KA HALAWAI MAKAHIKI HOOKAHI HANERI ME EKOLU O KA AHAHUI EUANELIO O HAWAII

(Hoomauia mai.) La Hana 11, Poakahi Iune 15, 1925. Noho hou ka Aha maloko o ka Luakini o Kawaiahao, ma ka -hora 9:00 a. m., elike me ia i hoopaneeia mai ai. Rev. Henry K. Poepoe, Lunahoomalu ma ka noho. Weheia ka halawai me ka himeni aoao 35 o ka Leo Hoonani, pauku 1 ame 3, ame ka pualu like ana o ke anaina i ka Pule a ka Haku; a

malamaia kahalewai Haipule i alakaiia e Rev. Alice Kahokuoluna ma-luna o na olelo alakai i palapalaia ma Mataio 14:22-36; a hookuuia meka pule mai ka Rev. William Kamau mai. Hooneeia na hana kumau o ka Aha imua ma ke kahea ana o ke kakauolelo i ka inoa o na Lala; a he 116 Lala i pane mai. Heluheluia ka Moolelo o ka Halawai i hala; a aponoia. Na Rev. J. P. Erdman i heluhelu mai i ka Hoike a Theodore Richards, Puuku o ka Papa Hawaii, no ka makahiki e pau ana i Dekemaba 31, 1924. a aponoia elike me ia i hooia ia mai e ka Lunahooia, D. L. Craw-ford. Na Rev. Henry P. Judd i heluhelu mai i kana Hoike Kakauleka no ka makahiki i hala: a aponoia. Na Rev. S. L. Desha i waiho mai i ka inoa o Rev. Henry P. Judd i kakauleta no ka Papa Hawaii: a kokuaia. Ma ke noi a J. K. Kauwalu i kokuaia ua hooholoia e pani i ka puka me ke kauohaia o ke kakauolelo e huki i hookahi baloka no ka inoa i waihoia mai; a ua. koho pono ia o Rev. Henry P. Judd i Kakauleta no ka Papa Hawaii ma ka huki ana o ke kakauolelo he hookahi balota nona. Na Rev. Alice Kahokuoluna i waiho mai i ka inoa o Mr. Theodore Richards i Puuku no ka Papa Hawaii: a kokuaia; a ma ke noi no a Rev. Kahokuoluna i kokuaia: ua paniia ka puka me ke kauohaia o ke kakauolelo e huki i hookahi balota no ka inoa i waihoia mai a ua koho pono ia o Mr. Theodore Richards i puuku no ka Papa Hawaii ma ka huki ana o ke kakauolelo he hookahi baloka nona. Na Rev. Henry P. Judd i waiho mai i ka hoike a ke Komite Wae i na Lala o ka Papa Hawaii no ka papa e pau ana i Iune, 1928, penei: C. K. Ai, Lloyd R. Kiiia m, Geo. P. Cooke, Rev. Norman C. Schenck, Dr. T. Harada, Rev. W. D. Westervelt, Albert F. Judd, George P. Castle, Rev. H. H. Parker, Harold G. Dillingham, Mrs. Lahilahi Webb, Mrs. John. F. Doyle, Arthur C. Alexander, Rev. T. Okumura, David L. Crawford, Rev. Frank S. Scudder, E. B. Keala, Miss Elsie Wilcox. Ma ke noi a D. P. Kahaulelio i kokuaia, ua aponoia na inoa i waihoia mai. Ma ke noi a Rev. H. P. Judd i kokuaia, ua kapaeia na rula no ka manawa, a na Dr. T. Harada i hoolauna mai ia Dr. K. Teunashima, D. D., o Tokyo, lapana. Mai ia Dr. Teunashima mai kekahi mau manao hoakaka no na misiona kaahele no ka haawi ana i na hoomaikai a kona aupuni no na ko-kua i paholaia aku no ka poe i halawai me na poino nui mamuli o ke ola'i ma Iapana, me ka haawi pu ana mai i na hoomaikai ana i Ka Aha, Hoi hou ka hale i na Hoike Kihapai ame Aha Mokupuni: Na Rev. Chas. Keahi i kana Hoike o na Hana o ka Aha Mokupuni o Kauai; na Rev. W. M. Kalaiwaa i kana Hoike Kihapai o ka Mokupuni o Hawaii; na W. E. Saffery i kana Hoike o na Hana o ka Aha Mokupuni o Maui Huiia; a waihoia keia mau Hoike i ke Komite. Na Rev. H. P. Judd i heluhelu mai he palapala mai ia Mrs. Davis mai b ke Keena Buke o ka Papa Hawaii o hoike mai ana he mau Buke Baibala kakaikahi wale no i koe, a e ninau mai ana ina paha e pa'i hou ia i mau Buke Baibala nunui no ka Awai, a ina pela, e hoike aku hoi keia Aha i ka huina i makemakeia; a waihoia i ke Komite Imi Hana. Ma ka hora 11:30 a. m., ua noho ka Aha e hoolohe i ka wehewehe Baibala a Rev. John D. Axtell ma Kolosa II. Hapaiia ka lulu no ka Waihona a ua loaa ka huina o $17.36 a hoomaikaiia e ka lunahoomalu; a hoihoiia i ka Puuku. Rev. J. P. Erdman. Na Rev. H. P. Judd i heluhelu mai i ke kono a ka Papa Misiona o na Wahine o ka Ekalesia o Kaukeano ma o Emma Lyons Doyle, Peresidena Kuikawa, i na Lala apau o na Aha ekolu, e hui pu aku me lakou ma kekahi paina kihapai e haawiia ana e lakou ma ka auwina la Poakolu, Iune 17 hora 3:00, ma ke kahua o ka Ekalesia Uniona o Kaukeano, a waihoia ka palapala kono ma kahi o na palapala. No ka pau e ano o ka manawa o

keia Aha, ua hoopaneeia keia halawai a noho hou mai na ka la apopo, i ka manawa i hoikeia ma ka Papa Kuhikuhi Hana, Hookuuia ma ke mele ana mai o ke anaina i ka himeni 68 o ka Leo Hoonani, ame ka pule mai ka Lunahoomalu, Rev. H. K. Poepoe, mai. Hora 12:10 p. m. PAALUA D. KELLETT, Kakauolelo. (Aole i pau.)

HOALOHALOHA NO AMELIA NAHUINA.

E ka Lunahooponopono o ka Nu-pepa Kuokoa, Aloha oe: — E oluolu oe e hookomo iho ma kahi kaawale o kou kolamu i ike mai ai na kini makamaka e noho mai nei mai ka la i Kumukahi a ka welo ana a ka la i Lehua o ko makou mama aloha ua haalele mai ia makou a me na moopuna lehulehu. Ua hanauia 6ia ma Pukuilua i ka makahiki 1832, Feb. 10 a ua piha iaia na makahiki he 93 a make aku la oia i ka makahiki 1925, Iune 17 hora 3 wanaao. He makua maikai oia he hoopono ma na mea apau, he oluolu kona noho ana. Ua mare ia oia me Peter Kuaiia a ua loaa mai ia laua he mau keiki elua, hookahi kaikamahine a hookahi keikikane, a ua loaa mai mailoko mai o kana keikikane he 8 mau keiki, a hookahi hoi a kana kaikamuhine, a ua puka hou aku mai a lakou aku nui hewahewa, nolaila, ke noho nei na moopuna i hooneleia i ke kuku ame kana mau keiki elua ia haawina hookahi me ke kaumaha luuluu nona, oiai ua kii mai la no ka make a lawe aku la i kona hanu hope loa. He nui ko makou minamina iaia no kona hana mai i na mea maikai maluna o makou, a pela hoi i na makua uhane; ua noho hana oia malalo o kona malu me kana kane mare hou nona makahiki loihi ma Puuiki a hoi mai oia ma kona home maamau ma Pukuilua nei a noho

bans r.o *. ^: a i ka h.ioa- ' hiki ialt:\ he naia *o*."~ -'M k* p«c o mate*** rnnkr »*i :.:i«, .SMU *•- «•>**> ualar ahiki i k« kauakoir. o ka m»*oa, haft* kahi, oi» k»** h-i,* «••«•« * *£"' oluolu aku la oia. Minamina no kana mau hana maikai i hana ai imua o ka lehulehu. Ua Komo oia i ka Ahahui Kaahumanu, a ua lilo aku na hoohiwahiwa ana iaia i keia Ahahui. He ku i ka nani ke ike aku i na wahine, hiu a wela, lawe a lilo i ka nani o ka Uakea, e ku kiai ana na wahine i ka po ame ke ao pela pohi makou na moopuna lehulehu e hookomo aku nei i ko makou aloha nui nona oiai ua luhi pakahi oia ia makou a nunui me kona kaniuhu ole, a ua ai no hoi oia i ka makou wahi loaa liilii nolaila, i kona make ana aku la ua loaa moopuna kuakahi oia mailoko aku o keia poe moopuna mua. O ka hope loa keia o ko makou kuku pau loa. Hu mai ke aloha i ko makou kuku, ka poli hoi o makou e mehana ai oe e kuku na malimili hoi a kuku o na moopuna, • lewa hele ai i kaua me ka makani, i ke anu me ke koekoe; koekoe makou ua hele oo e kuku. Aloha no oe aloha no hoi na keiki makua ole, aloha hoi makou na moopuna ame ua moopuna kuakahi ame ka ohana lehulehu. Aloha ka home a kuu mama e noho ai a klipa a kamaaina aloha kahi wai o Keawaiki, oia wai awili pu me ke kai, he wai ia na kuu mama e a uau. ai. Aloha ka wai o Kumaka, he wai huihui konikoni i ka ili, aloha ka nalu o Puhele he nalu hee i ka lala hoi i ka muku he aina na kuu mama i noho a kupa a kamaaina. Aloha ka nalo o ke Anini, ua nini ia paha kuu mama i haalele mai ai oia ia makou.

Na makou no me ka luuluu, MR. & MRS. E. KEUALANI, MB. & MRS. J. M. K. KUAILA MRS. R, N. MARKEL, MR. & MRS. LEONE KOKO, MISS BELANA STEPHEN. MR. & MRS. K. KEALOHANUI MR. & MRS. S. KOKO, MISS ELLA F. KOKO, . MAS. P. KUAILA KOKO, MR. & MRS. P. AGUILAR, MAS. JOHN KOKO, MR. & MRS. J. M. KOKO JR. MAS. ANTONE KEUALANI,