Ka Nupepa Kuokoa, Volume LXIV, Number 30, 23 July 1925 — Page 2
ELUA NUPEPA KUOKOA, HONOLULU, T. H. POAHA, IULAI 23, 1925
EKOLU I HOPUIA NO KE KU-E KANAWAI WAIONA
Ma ka po o ke Sabati aku la i hala, i paa ae ai he ekolu poe i ka hopuia e aa makaikiu maloko o ka hale Foley Inn, a i ikeia ma kekahi inoa aku, ke San Souci Inn, e ku nei ma ke alanui Moi, me ka loaa ana aku o kela poe e inu waiona ana malaila, eia nae ua pau hou lakou i ka hookuuia mahope mai, mamuli o ko Iakou belaia ana he elua haneri me kanalima dala pakahi.
O na kanaka ekolu o ka hopuia ana, no ke ku-e i ke kanawai hookapu waiona, oia o Thomas J. Foley, Edward Kenney ame Inn Kuni, a i ikeia ma kekahi inoa okoa ao o Louis Koon Yee.
O na makaikiu hoi na Iakou i komo i kela hale, a i hopu i ua kanaka ekolu oia ka Lukanela Makaikiu Edward Ross, na Makaikiu Kualii, Moon ame Stagbar.
No kekahi manawa loihi ae nei i hala, i loaa ai na manao hoohuoi i ka oihana makai no ka inuia a ka waiona maloko o kela hale, a o kahi ia a kekahi heluna nui o na kanaka e hele mau ai no ka inu rama ana, a i wahi nao e ikeia ai ka pololei o ra mea i hoohuoiia, pela iho la i hoee okoa ae ai na makaikiu, a i ko lakou ike ana, i kela poe, o ka paa iho ia no ia i ka hopuia.
O ka poe nae e inu rama ana maluha, aole lakou i hopuia; o ka poe
wale no i kuleana i kela hale, ka i kaa aku malalo o ka malu o na kanaka o ke aupuni.
Ma ka olelo a na makai, o kela wahi, ka ilina o ka poe hanohano a ko'iko'i o ke kulanakauhale nei e he ai e inu rama, pela na koa, ame na malihini makaikai e kipa mai ana i keia kulanakauhale.
He nui hou ae no na wahi o kela ano ma keia kulanakauhale, i hoolaaia no ka hana inu waiona, o kahi aae o ka waiona e loaa mai ai, ame ka poe na lakou o hoolako mau mai ana i ka waiona, o kekahi meahuna pohihihi loa ia, he hookahi nae mea maopopo, eia ka waiona ke loaa nei i kela ame keia mea e makemake ana i ka rama, ina ia aole ma na hale i hookaawaleia no kela hana, aka ma kekahi mau home o na makaainana.
ELUA I INU I KA LAAUMAKE
NO KA MOKUAHANA MAI KE
KUMU
No ka hiki olo ke hoolaulea hou iaia me kana wahine o Kameko Yokoda, i kaawale mai iaia aku no elua mahina ua inu ae la o Matsu Yokoda i ka akida ma ke kakahiaka Sabati iho nei maloko o kona hale, a i kona loaa ana e waiho mai ana oia me ke kulana nawaliwali loa mamuli o ko Tomisata ko-_^K ana aku iloko o kona rumi ma-hope, o kona haohaoia ana, ma ke alanui Desha. Ua lawe koke ia ae oia i ka halema'i o na poino ulia a mahope iho i hihoffimfeku ai i ka halema'i Moiwahine ii^^& ma ka oleloia he kulana ma'i kona i maopopo ole kona lanakila ae. .
Ma ia la no he mau hora kakaikahi mahope iho o ka loaa ana aku o ke Kepani e wili mai ana i ka eha o ka opu maloko o kona rumi, he wahine no ke alanui Kanakanui ame Mokauea nona ka inoa o Mrs. Helen Juares Gabriel, ka i hoao pu e hoopokole ae i kona mau la o ke ola ana ma o ka inu ana i ka iodine, eia nae aole i holopono ia hoao ana ana .
I kulike me ka hoike a ka Makai Joseph Alama o ka hoihoi ana ae i ka halewai, aneane i ke awakea o kela la ka hoi ana aku a kela wahine i ka hale no ka ai pu ana me kana kane. Mahope iho o ka pau ana o ka lana ai ana ua makemake koke kela wahine e haalele iho i ka hale a ua kaua aku Ia ke kane iaia. He hoopaapaa hahana mawaena o laua ia manawa a na olelo mai la ke kane iaia e haawi ana pia iaia i ka makai, o ka hoi aku la no ia o na wahine la iloko o ka rumi a inu ae la i ka iodine.
Ua laweia mai la na wahine la i ka halema'i o na poino ulia no ka lapaau ana aku inia no ia poino ana o ka hana ponoi ana. Ma ka oleloia aohe ka he koikoi loa o kona poino.
I, kulike me ka hoike a ka Makai Edwin Boyd o ka hoihoi ana ae i ka halewai no ke Kepani mua i inu ai i ka laaumake ma ke alanui Desha i ka manawa a Shige Tomista o ai ana i ka aina kakahiaka roe kana wahine aneane ma ka hora 10:40 o ke Sabati nei ua haohao laua no
Yokoda, ia komo ana aku no ona iloko o kona rumi aohe i oili hou mai, a ia hele ana aku a Tomista a wehe i ka puka ua paa mai oloko i ke kiia. No ko Tomista pihoihoi no ko Yokoda kumu o ka laka ana mai i ka puka ua pinana aku la oia ma ka puka aniani a ia komo ana aku ana iloko e waiho mai ana o Yokoda me ka pouli o kona noonoo. O kona kauoha koke ae la no ia e laweia ae o Yokoda i ka halema'i o na poino ulia. Ma ka oleloia he Kepani lili loa ka o Yokoda i kana wahine a o ke kumu hoi o ko laua hakaka mau ana a hele ka wahine a no elua mahina ko laua kaawale ana.
Nui na ulia poino i ikeia o kekahi mau kaa otomobile ma na la hope o ka pule aku la i hala, no ka holonui mai no me ka hooponopono ole, ka hapanui o kela mau ulia po. iao.
KEKAHI MAU ULIA KAA OTO O
KA POAKAHI NEI
Ia Isidor Rodrigues, o ka hale hoao meakanu U. S. e holo ana ma ke alanui Wilder ma ka hora 4 o ka auwinala Poakahi nei no Kapunahou maluna o kona kaa baikikala ua hookuiia mai la ia e kekahi kaa o ka holo ana mai ma ke alanui Piikoi a kiolaia oia iluna o ke alanui, a kapeke kona iwi poohiwi me kekahi mau eha e ae nu kona lima, eia nae, aole oia i hoomaopopo i ka nui o kona eha ahiki i ke ahiahi loa ana iho akahi no a holo ae no ka halema'i o na poino ulia no ka lapaauia ana aku o kona mau wahi i eha.
Ma ka manawa i hina ai o Rodrigues iluna o ke alanui a eha, aole ka i haawi iho ke kalaiwa o ke kalaiwa o ke kaa i kekahi kokua iaia, ua ku iki wale iho no e nana ke kaa i kekahi kokua iaia, ua ku ana ae ua hoomau aku la no oia i ka holo aua o kona kaa, elike me ka hoike a ka Makai Morse, ka mea nuna i ninaninau no kela hookui ana. Ua hooikaika ka makai ma ia po iho e loaa ke kalaiwa nona kela kaa i hookui ai aohe nae he mea i hoikeia ae.
Ma ia kakahiaka Poakahi no he wahine ame kana bepe na mea i eha mamuli o ka hookui ana o ke kaa oto a laua e kau ana me ke kaa uwila ma ka hora 7 o ia kakahiaka. O kela wahine o Mrs. Kahaunaele, o kona wawae ka i haki me ka paholehole pu ma kona kino, a no kana bepe hoi ma ka lehelehe kona wahi i moku. Ua hoihoiia aku o Mrs. Kahaunaele no ka hale ma'i Moiwahine. Ma ke kihi o na alanui Piikoi ame Beritania kela hookui ana a loaa kela ulia.
Ia Wong Yau e ku ana mahope o kona kaa e ku ana ma ke alo mai o kekahi kaa otomobile nui e ku ana mahai o ke alanui a oiai oia e lawe mai aha i kekahi mau meaono mailuna mai o ke kaa na holo mai la kekahi kaa otomobile okoa aku a ku ma kekahi wahi mamao iki uku mamua pono aku o kona kaa a hoomaka mai la e peki no hai o ko alanui. Ua ikaika loa ka pekiia ana mai o kela kaa me ka hoomaopopo ole o kona kalaiwa i ka nui o ke kowa, o ia peki no ia a hookui ana me ko Wong Yau kaa. He ekolu kapuai wale no kahi kowa mawaena o kona kaa ame ka kaa oto e ku ana mahope mai ona. Me kahi manaolana liilii loa iloko ona no kona pakele ke lele ae oia ma kekahi aoao, a i ole lele aku paha iluna o kona kaa, o kana mea nae i ike ua hookuiia mai la oia a hina ilalo, i ka manawa o ka hookuiia : mai o kona kaa a opaha na pale huila o ke kaa oto nui \\e ka nahaha pu o na kukui me mua o ke kaa otomobile nui. Ua eha o Wong Yau ma kona poohiwi ma ka manawa ana i hoao ai e alo a hookui me hope o kou kaa. Ua eha oia, a ua pakele pu me kona ola. Ua paa ae } > kalaiwa nona ke kaa hoopilikia i ka hopuia e ka makai.
HAKI KA WAWAE O KE KAUKA LARSEN MA KA ULIA WAAPA
Haki ke opuupuu wawae o ke Dr. N. P. Larsen o ka halema'i Moiwahine ma ka auwinala o ka Poaono i hala aku la ma ka manawa o ka waa aua e kauana i kahuli ai a piholo ma kuaau o Kaalawai.
He lehulehu ka poe e heenalu ana ma kela wahi ma kela auwinala, a ma ka olelo a kekahi poe i ikemaka i kela eha ana o ke kauka i hoo-! "' mai ke kauka e kekahi waapa i ka manawa i poiia mai ai ka waapa e kekahi nalu nui mahope iho o ke piholo ana o ia waapa. No ia eha ona i laweia ae ai no ka halema'i Moiwahine, a malaila i hoopololeiia ai kona wawae i eha a mahope iho i hoihoiia aku ai no kona hale a inalaila e hoopaaia ai no kekahi mau pule lehulehu.
HAINA NANE
E Mr. Lunahooponopono o ka Nupepa Kuokoa; Aloha auanei a nui:— E oluolu mai oe e hookomo iho ma kahi kaawale o ka hiwahiwa a ka lahui, i ka haina o ka nane a Palolo Boy penei:
Elua kumulaau ulu iloko o ke kai, hina ioka o ka aina pau i ka aiia. Loaa ka inoa piha iuka o ka aina. Owai ka inoa o keia mau kumulaau pakahi iloko o ke kai, a pehea ko Iaua wehewehe ana.
Penei ka wehewehe ana: O na kumulaau ulu iloko o ke kai ao awa ame ka puhi, he mau i'a keia aia iloko o ke kai.
In» e hiki iuka o ka aina pau i ka pulehuia iloko o ke ahi, a pau i ka aiia, loaa iho la ka inoa piha Te awapuhi.
Hoomanao wale ae la no au i keia mau lalani himeni o kuu aina: Ka awapuhi, ka palapalai, Wili pu me ka ieie, Pali kapu o Keoua Na kole maka onaona. Z. P. K. KAWAIKAUMAIIKAMA-
KAOKAOPUA Napoopoo, Kona, Hawaii
Pau i'o mai la na kumulaau a ke keiki o Palolo i ka hakihaki ia oe, o ka hana ana ia a ke akamai, ke hele la a ku pono i ka piko i kahi momona. Aia a hoounaia mai ka makana i keia keena, alaila paneeia
aku ia oe. O ka oukou nau haina kekahi i pololei mai la e Kolu Lima Hiku, Hakalau Boy, Waihanau Boy, Saionala, Waiomao Boy ame ke Kakelakuikealopali, no ka puehu e ana nae o ka hulu o ka manu, ua nele oukou i ka makana, me ka mahalo no nae a nui i ko oukou noeau — L. H.
HAAWI KA AHA I KA PONO O
KANA OLELO HOOHOLO MA KA
AOAO O KA MEA HOOPII
No ka huina o $539.44 i paa hewa ia e George K. French, he loio, a no ia huina koi i hoopiiia ae ai oia e P. C. Burchinsky, ka akena ma ka aoao o ka hui Union Curlery Co., o Nu Ioka, ua haawi a eka Lunakanawai James J. Banks i ka pono o kana olelo hooholo ma ka aoao hoopii ma ka noho ana o ka aha ma ka Poakahi nei.
He haua keia i hanaia ihope loa i ka manawa no a George K. French e lawelawe ana i ka oihana loio i ka 1922, a ma ia manawa oia i ohi ai i ka huina o $539.44 mai ka Pan-Pacific Traders, Ltd., mai o Hawaii, no ka hui Union Cutlery Co. o Nu Ioka.
Ma ke kumuhoopii i hoopiiia ai o French ua hoounaia aku eia he $465.50 wale no i ka hui Union Cutlery o Nu Ioka no kana koi, a koe an oo kona uku ia o ka ohi ana i kekahi mau dala me French ma ke ka huina i aieia e ka Pan-Pacific Traders, Ltd. Ma ka manawa i waihoia mai ai ka bila kikoo dala no ka uku aua ma Hawaii nei, ua kauoha ae la o French aole e ukuia ke dala, pela ka oleloia.
Ma ka olelo hooholo a ka Lunakanawai James J. Banks o ka hoopuka ana mai: "Aohe kumupale kupono iki ma ka aoao o ka mea i hoopiiia. Ma o kona oihana la ma ke ano he loio i laikiniia e hoomaamaa kanawai, i ohi ai oia i ke dala no kona haku, a ua hoolilo aku la nae ia dala no kona mau pono ponoi iho. He mea kupono loa ka hoopii ana iaia i mea e ohiia a o ka mea i kupono e hookaa koke ia aku i ka mea i kuleana ia dala. Ma ka hoonele ana aku i kona haku, ua haalele aku oia i ka pono ma kekahi ano e kaki ai oia no kona uku, a i ole komisina paha no kana mea i hana ai.
"Ke haawiia aku nei ka pono o ku olelo hooholo ma ka aoao o ka mea hoopii me ka uku pu ae o ka mea i hoopiiia i ka huina o $539.44, me ka ukupanee o 8% mai ka la 25 o Novemaba, 1922 mai ahiki i ka la o ka puka ana o ka olelo hooholo."
KE HOOLALA MAI NEI KA MAHIKO O EWA E HAAWI I PAINA NUI.
I kulike me na mea i hoikeia ae ma ke akea, ma ka manawa e pau ai ka wili ana a ka mahiko o Oahu Plantation aneane ma na la waena o ka mahina o Augate e hoomaha ia ana na hana o ia mahiko no hookahi la a e haawiia ana he ahaaina no na limahana apau ma la la a no na meaai e hoolakoia ae a«a no na haneri limahana he kaa piha i ka aikilima ame na meaai ame na mea inu o na ano like ole, a ua waihoia ae he kauoha uo ia mau mea me le ahdl o Kakela me Kuke e ka mahiko o Ewa, a e lilo ana ia la iloko o ka mahina o Augate i Ia kulaia no na kanaka hana apau o ka mahiko.
Ua loaa pu na uhane hauoli i na hoa o ka papa alakai o ka hui mahiko a ua hoopukaia ae he kauoha e uku piha ia na limahana ma ia U i mea e hiki ai i na limahana ke komo pu ma ka hauoli pu qua ia la.
He mau hana lealea pu kekahi e malamaia ana ma ia la e laa ke kinipopo me kukini, he nui na meaai e hoolakoia ae ana me ka uku ule; he mau ahikao, he mau aha hulahula, he mau hoikeike kii onioni a mau hana lealea e ae ahiki i ka po ana.
No keia mau mea ne la apau e pono e hoolakoia mamua o ka hiki ana mai o ia la i hoopuka ae ai k» Lunanui o ka Mahiko George F. Renton i ke kauoha, a o kekahi ana ia o na la hauoli Ioa o na limahana o ia mahiko, a wahi a Mr. Renton, o ka hoike ana ae ma ka Poakahi nei aohe mea oi aku o ka maikai e haawi aku ai no na limahana o ka Mahiko o Ewa, ka poe i haawi mai i ka lakou kokua ana a i loaa ai kekahi oo ko oi loa aku o ka nui ma ka moolelo o ka mahiko, mamua o ka haawi ana i kekahi la hoomaha a i la hauoli hoi no na limahana apau o ia mahiko.
HE HOOMAIKAI
Ma keia ke haawi aku nei ka ohana o David H. Keawepoo i ka lakou mau hoomaikai palena ole ana i na makamaka, na hoaloha ame ka lehulehu no na makana pua hiwahiwa i hoounaia ae ia lakou iloko o ko lakou mau hora hope o ka luuluu a pela pu hoi me ka poe hapai pahu.
Ua hoounaia aku nei ka himeni o Kauai, "Kuu Lei Mokihana" no ke pa'iia mai iloko o na buke leo mele ma Amerika, a e hoea mai ana i» no Hawaii nei ma keia mua koke iho, me ka nui o na kope i kauohaia ae e kekahi poo i keia manawa, mamuli mai o ko lakou ohohia loa i kela himeni.
Ke kii keia o ka mea nana ka nane manu, i hoopukaia ma ke Kuokoa nei no hookahi makahiki ame ka mea nana i huli a loaa ka haina pololei me ka lilo ana o ka makana iaia. E hoomaka ana mai ka hema aku, o Mr. Enoka Kapoohiwi, a i ikeia ma kana haina o Palolo Boy, a ma ka akau ae o Joel K. Apuakehau, a i ikeia ma ka inoa kapakapa o Kahuku Boy, ka mea nana ka nane manu hulu melemele momona o Kaipoleimanu. Ua hele ua mau keiki nei a ohuohu Halemano i ka lau lehua, e apo aku ana kekahi i ka makana mai ka lima mai o ka mea nana ka makana, iloko o ko laua kulana ulumahiehie.
| HAAWIIA KA MAKANA NO KA NANE MANU A KAHUKU BOY No ka lilo o ka nano manu a ke Keiki o Kahuku, i nane hoopohihihi aku i ka noonoo o na loea ame na laeula huli nane iwaena o ko ke Kuokoa poe heluhelu, kela nane i ku no hookahi makahiki, ahiki i ka loaa ana o ka haina pololei i ke Keiki o Palolo; a mamuli o ke noi ana mai a ke Keiki o Palolo, e pa'i-ia ko laua mau kii, i ike mai ai ka lehulehu i ka mea nana kela nane, ame ka mea nana i huli a loaa ka haina pololei, na aeia aku ia noi me ka maikai a hoolalaia iho la ko laua pa'i vi mH^"" ke kakahiaika o ka Poaono slPa la i hala, a o laua no ia e ikeia iho ana ma keia kii. | Mamuli nae o kekahi pilikia i loaa i ka lunahooponopono o keia pepa, aole oia ma ka manawa i hookoia ai keia hana, no keia kumu : komo pu ole ai ka makana oiaio loa ma keia pa'ikii ana, he buke ka lana kakau, me ka peni inika kumu wai gula, oiai ua paa iloko o ka ume o ke pakaukau; aka o ka makana e ikeia ana maloko o keia kii, he mea hoohalike wale no ia, i kohu ai ka hana i manaoia no ke pa'ikii ana, o ia ka haawiia ana aku o ka makana, i k ame anana ka nane ame ka apoia ana aku o ia makana e ka mea i loaa ai ka haina pololei; no ka makana oiaio maoli, ke kakali nei ia o ka hoea mai o ke keiki o Palolo, a lawe aku, mai ka lima aku o ka lunahooponopono o keia pepa. | ||
HOOPA'IIA ELUA MAKAI NO KA HEWA HOEHA
Imua o ka Lunakanawai Harry Steiner, ma ka Poakahi iho nei, i ahewaia ai he elua mau makai no laua no inoa o A. R. Gonsalves ame Oliver Barboza, no ko laua hoeha ana ia Ernest Jones nona na makahiki he umi-kumamakolo ma ka hili ana iaia me ka huipa elike me ke kumu hoopii e ku-e ana ia laua a kauia mai ka hoopa'i o hookahi haneri dala pakahi maluna o laua, me na koina pu o ka aha.
Ua laweia mai ka hoopii e ku-e ana i keia mau makai ae la, e William Jones, ka makuakane o ke keiki uuku, e noho hana nei no ka haleleka. Maloko o kana kumu hoopii, e hoakaka ana ia, no ka hele aua o kana keiki maloko o kekahi halekuai e ku kokoke ana ma kona home, ma ka hora ehiku o ke ahiahi o ka la 18 o Me. aku nei i hala, a ma ia manawa i hoea aku ai na makai ae la maluna, a hili aku la i ka laua mau huipa maluna o kana keiki, me ke kakau o ka huipa ma-luna o kona kino.
Mahope o ka hooloheia ana o na oleloike apau e pili ana no kela hihia, i hoopuka mai ai ka Lunakanawai Steiner i kana olelo hooholo, e ahewa ana i na makai i hoopiiia, no ko laua pili i'o i ka hewa.
Wahi a ke kahu o ka aha iaia o ka hoopuka ana mai i kana olelo hooholo no kela hihia:
"Ua maopopo loa keia hihia ma ke ano he hewa hoeha, a elike me na makahiki o ke keiki, he ku maoli i ke kupono ole. Wahi a na makai i hoakaka mai nei, ua kaheaia mai laua no ka hele ana aku e hoopuehu i kekahi puulu o na kamalii kolohe; aohe mea a keia keiki i hana ai, ua maopopo no paha ia mea i na makai, aole loa he wahi kumu kupono iki no ka hahai ana aku o na makai mahope o kela keiki ahiki i ka puka-pa o kona home, ft hahau aku i ka huipa maluna o kona kino ahiki i ke kakau ana o na maawe o ka huipa maluna ona. Ua ku a hoowahawaha maoli ka aha i keia ano hana."
Me kela mau hoakaka, maluna ae, i kau mai ai ka Lunakanawai H. Steiner, i ka hoopa'i o hookahi haneri dala pakahi, o na makai i hoopiiia, me ko laua uku pu i na koino o ka aha.
Ma kekahi manawa mamua aku nei, ua lawe ae o William Jones, ka makuakane o kela keiki i kana hoopii hoohalahala, imua o ke komisina makai, e ku-e ana i kela mau makai elua, me ke a'oia ana o kela mau makai, aole e lawelawe hou i kela ano hana, akahi nae a hookolokolo maoli ia ko laua hihia, imua o ka aha kanawai, a kauia mai hoi ka hoopa'i maluna o laua.
NA LEKA KII OLE IA MAI AHIKI I JULY 19-25.
Opupele Jno. Kapaki Mrs. Lili; Aiakala L. Kane Kuakahoe Mrs. Kanoho Keoni Mary Kekua Mrs. Moe Paioa Chas. ikanu D. K. McADAM, Luna Leta.
| HE HOALOHALOHA NO KA POKII HELE LOA MRS. JULIA HANAWAHINE E Mr. Lunahooponopono o ke Kuokoa, ka hiwahiwa a ka lahui, welina:— E oluolu mai i kekahi wahi kaawale o kau pepa no keia hoalohaloha. Elike me ka anapu ana a ka uwila ame ke kui ana a ka hekili pamalo pela iho la pahola ana ae a ka lono kaumaha o Mrs. Julia Koahou Hanawahine, ko maua pokii aloha ua haalele mai oia i keia ola ana. Aloha wale! Ua hanauia oia mai ka puhaka mai o ko makou maina Hanapueo a o J. Koahou Makaike ko makou luaui makuakane i ka mahina o Malaki, 1910 ma Kewalo, Oahu, a mamuli o ka hoomailo ana o ka ma'i maluna o kona kino no na mahina ewalu i hala, a iloko o ia manawa ua huliia no hoi ke ola, eia nae, no ka oi aku no o ka ikaika o ka ma'i i ke akamai o ke kanaka ua hala aku la oia, a me ke aloha nui maua e hoomanao mau ae nei nona, no ka mea, o ke keiki e loaa aku aua i ka huliia, aka o ka pokii aole e loaa. Ua hoonaauaoia oia ma ke kula aupuni helela o keia kulanakauhale, a i ka umikumamahiku a ewalu o kona mau makahiki ua mare aku oia i ke kane a no na makahiki ekolu ko laua noho ana a haalele aku la oia i kaua kane mamuli o kekahi mau kumu kupono ana i ike ai. Mailoko mai o ko laua mau puhaka he elua mau keiki, ua lawe aku ka make hookahi a koe mai hookahi e ola nei nona ka inoa o Ia-koba Makaike, ka inoa o kona ku punakane. I ka 1920 i noho hou aku ai oia me ke kane hou, a mamuli no o ke kupono ole o ia kane ana o ka noho ana i haalele aku ai oia iaia hookahi a laua keiki me ia kane, a ua lawe pu aku uo nae ka make iaia. I ka 1922 i mare hou aku ai oia ke kane o kana kane iho la ia o ka moho pu ana ke kolu o kana mau kane, a me ia ahiki i kona haalele ana mai la. Mai ko laua mau puhake mai ho elua mau keiki, hookahi i Ia- | weia aku e ka make a hookahi e ola nei. Mamuli o ke koikoi loa o ka haawina ma'i i kau iho maluna o kona kino i noonoo ai maua kona mau hanaumua e hooikaika ma na ano apau i mea nona e palekana mai ai mai ka ma'i mai, eia nae, he mea ole ka mana o ke dala, be mea ole ka maaa o ka ike o ke kanaka ame ko ka laau. Oiai oia maluna o kahi moe a e na mau ana e kahea mau mai ana oia la maua, e (Brother ma) pehea la au, e nana mai olua no ko'u pono; hookahi ka hoi mea aloha o kuu mau bepe; aloha au i ke ano o ko kakou noho ana, ua lawe aku ka make i ko kakou mau makua a koe hookahi au ko olua pokii kaikuahine ame olua ko'u mau kaikukuaane, a hiolo iho la kona mau waimaka. Mamuli o kekahi haawina koikoi i halawai me ia ma ka la 16 o Iune i kaheaia ai ke kauka, a i ka hiki ana mai kauoha mai la oia e hoihoi koke ia aku oia no ka halema'i Moiwahine, a ma ka nana ana a na kauka o ka halema'i i hooholo ai lakou e kahaia oia ma ka la 21 o Iune. Ma ke ahiahi o ka la 18 o Iune ua komo aku la maua i ka halema'i e ike iaia, a ua noi mai la oia ia maua e hoihoi mai iaia iwaho, i make ai no oia imua o maua me ko maua ike pono iho, aole nae maua i ae aku. Ma ka hora 4 o ka la 19 o Iune i haalele mai ai oia i keia ola honua ana, i ka manawa i hoikeia mai ai ka lohe ia maua no ka aneane loa e haalele mai ka hanu ola i ko maua poki ia ua holo koke aku la maua no ka halema'i, a i ko maua hiki ana aku a ike iaia ua aili ae la oia i kona hanu hope loa, a ko iho la ka mea i hoakakaia maloko o ka buke nui Nana no i haawi mai a Nana no i Iawe aku. Ia manawa i hoike koke ia aku ai ka lohe ia Mrs. E. Ainoa, oiai he lala ko maua pokii no ka Hui Ka Hale o na Alii, a malalo o kana kauoha i hoihoiia aku ai ke kino o ko maua pokii no ka halekupaaau o Mr. Silva, a ma ka Poaono ae ka la 21 o Iune hora 4 i weheia ai kona kino no ka ike hope ana iho o na mea apau i kona helehelena a ma ka hora 6 o ia ahiahi i ku kiai ai na lala o ka ahahui i kona kino, malaila pu ae ke Kamaaliiwa- | hine Kawananakoa. Ma ka la 21 ae, ka la Sabati, ma ka hora 3 o ia auwinala i malamaia ai he anaina haipule hoolewa nona malalo o ka malama ana a ka anahui Ka Hale o na Alii, a ma ka hapalua o ka hora 3 o ia auwinala i hoolewaia aku ai kona kino no ka halepule o Kawaiahao a malai;» i malamaia ai kona anaina haipule hope loa e ke kahu Akaiko Akana J. H. S. Kaleo ame D. P. Kahaulelio, A ma ka ilina aku na hana hope lo» a hoomoeia aku kona ktUfl no ka wa mau loa. He hoahanau o Mrs. Julia Hana-wahine no Kawaiahao, he haumana Kula Sabati a bo lala ao ka ahahui C. E. He wahine aloha ohana a he puuwai hamama i na mea apa-:, t he mea hiipoi nui nana kana mau keiki. Ke haawi aku nei makou i na hoomaikai kiekie i na hoaloha ame na makamaka i komo pu mai e kumakena pu me makou, a i lawe mai hoi i na makana pua nani no ka hoonani ana iho i ke kino ame ka he o ka makou mea aloha. Ke haawi aku nei i ka hoomakaikai piha i na lala o ka Ahahui Ka Hale o na Alii no na hana aloha a pau i haawiia mai no ka mea i haa-lele mai la i keia ola ana. Ke haawi pu aku nei i ka W maikai i ka lunahooponopono o ke Kuokoa no ke kowa o ke Kuokoa i haawiia mai no keia hoalohaloha a pela pu hoi hoi i na keiki o ko keena pai. Na makou no me na naau luuluu, ABEL KOAHOU MRS. ISABELA KOAHOU Me ka ohana. NA LUNANUI AME NA KOMITE A KA AHAHUI A NA KEIKI KANE AME NA KAIKAMAHINE O HAWAII Ma ka noho ana o ka halawai a ka ahahui o na Keikikane ame na Kaikamahine Oiwi o Hawaii, ka Ahahui Helu 4, ma Kaneohe, ma ka la 19 o Iune, 1925, i hala no ke koho aaa i na lunanui ame na Komite a ia ahahui lala no na mahina eono e hoomaka ana ma ka la 1 o Iulai ahiki 1 Dekemaba 31, 1925, o km malalo nei na luna ame na komite i kohoia: | ||