Ka Nupepa Kuokoa, Volume LXIV, Number 29, 16 Iulai 1925 — HOOPAIIA HE ALIIKOA E KA AHA HOOKOLOKOLO KOA NO KA ONA [ARTICLE]

HOOPAIIA HE ALIIKOA E KA AHA HOOKOLOKOLO KOA NO KA ONA

Eono mahina hoopaahao m« ka lawe pu ia o ka iwakalua-kumama-lima dala mai kona uku ae i kela ame ieia mahina o eono mahina ka Loopai i kauia mai e ka aha hookolokolo koa maluna o ke Kapena koa Charles M. Thirkeld ma ka auinala o ka Poalima o ka pula aku la i hala, no ka maopopo ana o kona hewa he ona me ka hoohaunaele ma ke akea me kona aahu koa e paa ana ma kona kino a imua hoi o kekahi poe he nui i lohe i kana mau olelo, ma ke ano e lilo ai ia hana ana ana i mea hoohilahila i ka oihana koa. 0 keia ka mua loa o ka hookolokoloia ana o kekahi koa i kulike me ka ke K&iejala Smith o ka hoike ana ae o nā koa a pāu e kue ana i ke kanawai hookapu waiona e kauia ka hoopai koikoi maluna o lakou. Maluna .o ke alanui holopuni Kamehameha ka ike ia ana o kela kapena 1 ka ona me na hana kupono ole ma ke ahiahi o ka Ia 30 o Aperila, a o ke kumu hoi o ka hopuia ana e na makai kulanakuahle ame kalana, a ma ka I 2 mai o Mei i hookolokoloia ai maloko o ka aha Loomalu o Honolulu a hoopaiia he $25 no ka holo ana maluna o ke alanui maluna o ke kaa baikikala me ka ona. Ma ka moolelo no ke ano o ka hopuia ana o ke Kapena Thikelcl ua holo mai oia no ke kaono nei maluna o ke kaa baikikala 'maluna o ke alanui 'Kamehameha, a i ka hiki ana mai i ke kanawai o Kipapa he lehuleho na kaa oto e ku ana malaila u na hookui mai la kana kaa I kekahi o i mau' kaa a poino kana kaa, a no ia poino ana i hana aku ai oia ma kekahi ano kupanaha loa i ka poe i hele mai ai no kahi--0 kana kaa, e like me ka hoakaka, a na hoike a he hikaka a no ona ko ke kapena ia manawa. Na ka makai Fernandez i hopu jke kapena Thirkeld a laweia mai | i ke 'kaona nei no ka hoopaa ana 1 iaia maloko o ka halepaahao.