Ka Nupepa Kuokoa, Volume LXIV, Number 29, 16 Iulai 1925 — Nuhou Kuwaho [ARTICLE]

Nuhou Kuwaho

NU HOU KUWAHO MANILA, July 9.—Ua lilo na kuau e haule mau mai ana me ka ukali pu la mai e ka makani taifuni i mau mea hoopoino me ka nui o na poho aneana ma na wahi a puni na Mokupuni Pilipine. Ua hookunanaia na moku holopiliaina a pau me ke kakali ana o ka malie ae. Ona waapa na kaa i hoohanaia. ma na alanui lehulehu maloko o Manila ma na wahi i halanaia e ka wai na wahi i kohoia ua hiki aku i ka $100,000 ke poho. -i CANTON, July B.—Me na hakaka mawaho aku o ke kulanakauhale he lehulehu i hoikeia mai ma na wahi kaua huliamahi ke nanaia aku nei mamuli o ka mahae maloko o ke aupuni hou. He hahana loa ka manao hae o ka lahui i nei manawa a ua silaia na hale o na lahul e ma ke kauoha a ke aupuni he hana no ka ho'opakele ana. KOBE, July 9.—Ua haalele na luina a pau o ka mokuahi Emepera wahino o Eusia i ka moku a ua lele aku iuka o ka aina me ka ae ole ia. Ke hooikaika mai nei ka hui mokuahi e Joaa i mau luina Kepaui no ia moku no ke pani ana ma kahi 0 na luina Pake i liaalele mai i ka hana. CHUNKIANG, July 9.—Ua hoopukaia ae kekahi kuahaua « ka Komisina Pake i keia la o ka poe e hoao ana « hoopoino i na ola o na lahui e he make wale no. Ua lilo ke kulana uluaoa o na kanakā maanei i mea hooweliweli mai a eia na lahūi e apaū ke hoomakaukau mai nei no ka haalele ana iho iā nei. TOKIO, July 9. —Ua hoolahaia ae e ka nupepa Kokumin i keia la kekahi mea hou no ka hoao ana a kekahi mau Korea e komo iloko o ka kalealii o ka Emepera me kekahi mau poka pa-hu. He elua o lakou i paa i hopuia a he elua i pakele aku, a ua paa ae nae laua mahope iho maluna o ke alanui e hiki aku ai i Korea. Aole i pnhu na poka mamuli o ka ike mua ia ana. wahi a ka hoakaka a ka nupepa. Ma ka hale hoomaha o ke kau wela ka emepera kahi i noho ai' ma ka manawa o keia hoao ana e hoopoino i kona ola, pela ka manao wale ia., NEW YORK, July 10—Ma keia la i hoikeia ae ai. ke kuai hoolilo ana aku o John D. Rockfeller, Sr., 1 kona mau aina ma na kuahiwi Pocantico a maloko o Lakewood, N. J., kona hale ma ke kaona ame ka halekaa otomobile maloko o ke kulanakauhale o Nu loka ame kona hale hoomaha o ka hooilo ma Ormond, Fla. f i kana keikikane Jolm D. Rockfeller, no ke kumukuai i oi loa aku maluna o ka $3,000,000. . Ua haalele iho ke kuai o keia la i ke kanakā waiwal loa o ke a« lie kanaka nele loa i ka home nona ponoi iho. O ke kumukuai i ukuia no kela ame keia apana aina ua oi loa ae waluna o ka waiwaiio o ka aina i .auhauia ai. Ua hoole loa ae kekalli lala. o ka hui aila i ka oiaio o na olelo i hauwawaia ae i kuai ka onamiliona aila i keia ma\i waiwai ona i mea e pakele ai i ka uku ana i na auhau waiwai hooilina.