Ka Nupepa Kuokoa, Volume LXIV, Number 29, 16 July 1925 — Aole Pilikia o ke Aupuni Kulanakauhale Loaa Mai ka Leka a ka Lunakiai Hollinger no Kahi e Loaa ai ke Dala MAU NO KE KULANA MA'I O CUNHA ME AHIA Hoounaia Mai Kela Leka e Hollinger Mai Nu loka Loa Mai [ARTICLE]

Aole Pilikia o ke Aupuni Kulanakauhale

Loaa Mai ka Leka a ka Lunakiai Hollinger no Kahi e Loaa ai ke Dala

MAU NO KE KULANA MA'I O CUNHA ME AHIA

Hoounaia Mai Kela Leka e Hollinger Mai Nu loka Loa Mai

Ma ka leka a ka Lunakiai Holliger, o ka hoouna ana mai nei, mai Nu loka mai ia Kalph P. Brown, ka lunanui o ka hale kaa otomobile o Hollinger, o keia kulanakauhale, e hoole mai ana oia, no ke komohia 0 ke aupuni Kulanakauhale a Kalana o Honolulu nei, iloko o ka pilikia; aia oia a hoea mai no Honolulu nei, ia wa oia e hoike ae ai 1 ke alahele, o ka palekana o ke aupuni kulanakauhale, ka mea a na luna oihana e noho mai nei, i maopopo ole ai, i na alahele e pale* kana ai ke aupuni. I ke kamailio ana ae nae, no kela leka a ka Lunakiai Hollinger, wahi a ka Meia Wdlson, !na e hiki ana ia Hollnger, ke kuhikuhi mai i ke alahele e loaa ai ke dala no ke kulanakauhale, alaila, e hoopauia ana na pohihihi o ka puuku, ka lunahooia ame ke komite waiwai o ka papa o na lunakiai. Ma ke kūlanakauhale o Nu loka ka Lunakiai Hollinger, i kakau ai i kana leka, a hoouna mai ima ka mokulele, me ka maopopo ole nae, i koonei poe, ina paha e hoea mai ana oia w* ka la apopo, V» i manaoU ai, e huli hoi mai ai oia np keia kulanakauhale. Eia na Lunakiai Cunha ame Ahia ke kakali aku nei, o ka huli hoi koke mai o ka* Lunakiai Hollinger, a oiai oia ma Anierika, aole he hoea ae o keia mau lunakiai ma na halawai„a ka papa, mai kela manawa mai a laua i haalele aku ai i ko laua mau noho ma ka halawai a ka papa o na lunakiai, i waihoia mai ai ka hookohu oihana o A. F. Clark, no ke apono ana aku o ka papa.

Eia no kela mau lunakiai, iloko o ke kulaha maikai ole o ko laua mau ola kino; me ka ka Lunakiai Ahia i hoakaka ae ai, no ka hiki ole iaia ke haalele akn i kona home, malalo o na u'o ana a kona kauka, aka o ka Lunakiai Cunha, ma kona home kuaaina o ia kahi i hoomaha ai iloko o na la ak'u nei i hala.

Ma ka hiki ole ana nae i na Lunakiai Ahia ame Ounha ke hoea ae ma na halawai a ka papa, ua nana aku kekahi poe, ma ke ano, he mau hana maalea wale no kela, no ka hoopakele ana ia laua iho, mai ka owili pu ia ana aku, iloko o na hana apau i lawelaweia, a e la.welaweia ana e ka papa; a ma kekahi olelo ana ae hoi, e lilo ko laua hoea ole aku i na halawai, i kumu e hoalaia aku ai he mau ku-e pili kanawai, no na hana a ka papa lunakiai i hooholo ai.

Ma ka manao hoi o kekahi poe, o kela hookololohe o keia mau lunakiai, me ka hele ole ae ma na halawai a ka papa, o kekahi no ia o na loina paani politika, no ka hoohoka •' >a aku i kekahi mau hoa lunakiai, na lunakiai, i ku mau ma ka aoao e ku-e ana i na hoa Repu'balika.