Ka Nupepa Kuokoa, Volume LXIV, Number 29, 16 July 1925 — UA MALAMAIA KA HANOHANO O KA LA KUOKOA O AMERIKA MA WAIANAE [ARTICLE]

UA MALAMAIA KA HANOHANO O KA LA KUOKOA O AMERIKA MA WAIANAE

Ma ka Poaono o ka pule aku Ia i liala, ka la 4 o lulai, ua maīamaia ae e na makaainana ma ka apana o Waianae ka hanohno o ia la, he kai huakai, he uau heihei, he hukihuki kaula a he kinipopo ka hana lealea hope loa. , Mamua loa o ka h'uakai ka bana puhiohe keleawa a, maliope aku o ka poe e hele wawae ana na kaa i hoohiwahiwaia a e kauoia ana e na lio, e like me ia e hanaia ai i na Ia kahiko ī hala, oia ka hana mua loa ma kela kakahiaka Poaono. Ma ia la aneane e koe wahi kanaka ole na kauhale no ka hele ana ae e ikemaka i na lealea o ia la ma ke kaona o Waianae. Mahope iho o ke kai huakai he hoikeike holo maluna o ka bipi a na lilo ia M. Pieo ka manaka ekahi. Ka lua o na lealea ma ka papa kuhikuhi hana o ka la he hukihuki kaula mawaena o ka puali makai ame" na makaainana, a no ekolū mnawa ke kaa ana o ke eo i na makai. Ma ka! papa kuhikuhi hana no ke kakahiaka komo pu he hookuku hopu puaa i hamoia a pahee ke kino i ka aila ka lealea mua, ka lua, be heihei mawaena o na opio a pela hoi ka heihei mawaena o na kanaka makua; ke kolu, he heihei pahu barela na na keiki malalo iho 0 12 makahiki; ka eha, he hookuku kakia kui na na kanaka makua; ka lima, he heihei hookuku ai pai, a o ka hope he heihei no na mea a pau no hookahi mile ka loa. Lehulehu na kaa kalaka i piha, me na ipu haole wai nui a momona 1 laweia ae a haawiia i ka poe a pau i komo pu ma na, hana hoohauoli o ia la. Ma ka auwina la he hookuku kinipopo mawaena o na koa o ke kahua o na mokuea ma Puuloa ame na keiki laeula iho o Waianae, oia ka hana hoohauoli hope loa o ia la.