Ka Nupepa Kuokoa, Volume LXIV, Number 29, 16 July 1925 — Nuhou Kuloko [ARTICLE]

Nuhou Kuloko

Ma ka Poalua iho nei, i hoiemi hou ia mai ai na akena hopuhopu waiona ma kahi o eono ka nui, mai ke keena mai o ka Akena Hopuhopu Waiona John H. Wise, no ke kumu he poe ; wale no kela i hoohanaia, no na mahinā ekolu. Ma ka auwina la o ka Poakahi ibo nei, i hooku'i ae ai ke kaa mokokaikala o ka Makai HermalL Moniz me ke kaa otomobile, e hookeleia ana e S. Kubo, ma ke alanui Beritania e kokoke ana i ke alanui Weaver, me ka nui o na poinō i loaa i ka makai, e hiki ole ai iaia ke hele koke i ka hana, no kekahi mau mahina elua. Uoko o ka aha a ka Lunakanawai Kaapuni John R. Desha, ma ka Poakahi iho nei, i hookohuia mai ai o Samuel Toomey, i kahu no na keiki oo ole a kona hoahanau Alexander T. Toomey i make. Xo ka ae okoa ana ae i kona hewa imua o ka lunakanawai o ka aha apana ma ka Poakahi iho nei, o ia ka holo nui i kona kaa otomobile, ke kumu o ke kahuli ana ma Kaneohe, a loaa ai na poino i ka poe e kau ana maluna, i kauia mai ai ka lioopa'i o umi dala maluna o William Wilkina, me ke kapaeia ana o kona kaikini hoōkele kaa, no ka o hookahl makahiki. Ma ka hora eiwa o .ke kakahiaka 0 keia Poaono iho, e pa'iia ai ke kii o ke keiki hanai manu o Kahuku, me ke kiamanu nana i pahele a paa ka manu ahiu ana, ke keiki o Palolo, a hoopukaia aku ko laua mau kii maloko o ke Kuokoa nei, i ike mai ai ka lehulehu ia laua. Ma ka Poaono iho nei, i huli hoi mai ai kekahi poe makaikai, o ka Jiolo ana aku nei no ke kulanakauhale o Los Angeles me ka Ahahui Kamehameha, a ua hooka'ulua iki ia aku kekahi poe, a mahope mai, no ka makaikai ana i kekahi mau kulanakauhale e ae o Kaleponi. He o ia mau no ke kulana oma'ima'i o na Lunakiai Cunha ame Ahia, elike me na mea i hoomaopopoia. aku, no ko laua hoea ole ae ma na halawai kuikawa i malamaia e ka papa o na lunakiai i na la aku la 1 hala. I kulike ai me kekahi hoike i loaa mai i keia keena, ua koho wale ia, hookahi kumu o ka make koke ana o Duveauchelles opio, kekahi o. na paahao mai Maui, mai, mahope o kona okiia ana, o ia ka pilikia o kekahi wahi o kona kino, manihili mai o kona komo ana iloko o ka hookuku hukihuki kaula o n». paahao, ma ka la Pokinlai aku nei i hala.