Ka Nupepa Kuokoa, Volume LXIV, Number 29, 16 Iulai 1925 — UA PAU KA NANA ANA A KE KOMITE A KA AHAOLELO LAHUI [ARTICLE]

UA PAU KA NANA ANA A KE KOMITE A KA AHAOLELO LAHUI

Mhope ibo o ka hele ana e makikai i ke kahua o na mokukaua ma Puuloa no ka manawa hope loa ua hoike ae na hoa o ke komite a ka. ahaolelo lahui i hoouna mai ai, o A. E. B. Stcphens ka lunahoomalu, aohe o ]akou kanalua no ka hoonui ia ae o ke kahua o na mokukaua ma Puuloa a loaa ke kulana lako a makaukau i makemakeia no ka oihana kaua moana me ka palua ia mai o ka heluna o na moknluu no ia kahua. Ia manawa hookahi e hoomahuahua pu ia mal ana na koa hiki i ka loaa ana o kekahi heluna nui lawa kupono me ka lawa i na makaukau a pau no ka oihana kaua moana. Ua hoike pu. ae ka lunamakaainana Stephen3 ma ia manawa like i kona manao he jnea pono e hoolaula a eliia ke awakumoku o Puuloa. "He mea ano nui loa ke awakumoku, aole no ka oihana kalepa wale no, aka no ka oihana kaua pu kekahi, a no ia kumu he mea pono e hoohohonuia a e hoakeia ae, i hiki ai e nui ka rumi no na moku e komo mai ana. Ma ke Sabati iho nei i haalele mai ai na komite a ka ahaolelo ia Honolulu nei a holo aku maluna o ka moku halihali koa Hendcrson no Kahului, a mailaila aku a Hilo, a o kona awa hope loa ia mamua o ka hoi loa ana aku no San Diego ma Knleponi.