Ka Nupepa Kuokoa, Volume LXIV, Number 29, 16 July 1925 — O KA MEA POLOLEI MAOLI NO IA! [ARTICLE]

O KA MEA POLOLEI MAOLI NO IA!

Mahope iho o ka hookohuia ana o Alhion F: Clark, i hoa no ka papa o na lunakiai o ke Kulanakauhale a Kalana o Honolulu nei, i hoakaka ae ai oia i kona manao, e kapae ana oia i ka ninau aoao kalaiaina, a o na hana e holomua ai ke aupuni, a e pono ai ka lehulehu, o ka mea mua loa ia iloko o kona noonoo; no keia hoakaka, ua hiki ole ke kaohi mai na makaainana kuokoa apau, i ka haawi ana aku i ko lakou manao mahalo nona; ai ina pela iho la ke kulana o hoa apau o kela papa, ma ko lakou manaiwa i kohoia ai e na mana koho baloka, ina aole he pilikia iki e ikeia i keia la. Malia paha, i ku kela manao o Mr. Clark, no ka mea i hookohu maoli ia mai oia e ka Meia Wilson i lilo ai i lunakiai; ina paha na na mana koho baloka, elike pu ana no oia me na hoa lunakiai Repubalika, elike no hoi me ka pili mau o na hoa Demokarata apau, ma ko lakou aoao iho; hookahi nae mea maopopo loa, ua hoike okoa mai oia i kona aiv> kuokoa, ma ka iini ana, e haawi aku i kana mau kakoo ikaika ana, ma na hana apau e pono ai ka lehulehu, a e ku-e aku hoi, i na hana ana i ike ai, i ka pono a pololei ole. No na hana uhauha a hoomaunauna wale i na dala o ka lehulehu, ma na hoolilo kupono ole, ka hoomahuahua ukuhana, ame na limahana, pela iho la i hookomoia'aku ai ke aupuni kulanakauhale iloko o ke kulana kupilikii, o ka auamo ana nae i kela mau hana uhaai, maluna ia o ka poe hookaa auhau, ka poe no na lakou i koho aku, i na hoa o ka papa o na lunakiai, ame na poo o na keena oihana kulanakauhale. He oiaio loa na olelo a Kiaaina Warrington i hoakaka ae ai no ke kahua o ka holomua ma Hawaii nei, elike me kana i lioomaopopo maoli ai iloko o na makahiki aku nei i hala, a pela no hoi no keia mua e nee aku nei, o ia no ka noho kuikahi o na lahui kanaka apau. Me na oihana mikiala i kukuluia ae iloko nei o ka aina aole loa ia e lilo ana i mau oihana holomua ke ole e lokahi like na lahui apau, ma ke kakoo ana aku ia mau oihana. Me na ike he nui i loaa i na hoa o ka ahaolelo lahui, o ka huli hoi ana aku nei no Ailierika, no na hemahema ma Hawaii nei, e pono ai e haawiia mai na hooponopono ahaolelo federala no keia teritore; e kau aku ko kakou mau manaolana, ua hoomahualiuaia ae na manao makee iloko o kela mau hoa kaukanawai. no ko kakou mau pono ame na pomaikai, ka mea i loaa ole ia lakou pela mamua aku nei. He kumupale maikai loa ka ma'i, i kekahi manawa, ma na haua apau, ina pela iho la e hoopakeleia ae ai, mai ka hooiliiia ana aku o na ahewa ana maluna'o kekahi mea, aka he mea hoihoi ole ia ka ma'i e kakou, ke lilo ia i kumu hoopilikia mai i ko kakou mau kino, a kakou e olelo ae ai, aole o kakou hoihoi ia me&. Me na ulia kaa otomobile, e loaa mau nei i kela ame keia la a pau k'a pule. na poino no hoi i kau aku maluna o kekahi poe, pela ka poe i make i na kaa otomobile, kokoke loa e kauia ka weli o kela ano kaa ma keia mua aku, e ka poe, i makee i ko lakou mau ola. * /