Ka Nupepa Kuokoa, Volume LXIV, Number 29, 16 July 1925 — HE KU MAOLI I KA POLOLEI OLE. [ARTICLE]

HE KU MAOLI I KA POLOLEI OLE.

0 ke kulana o ka papa o na lunakiai o ke Kulanakauhale a Kalana o Honolulu nei, i ka nana aku iloko o keia mau la, aole ia i kaokoa ae, mai kinohi mai o ka lawe ana ae o kela papa i ka hookele ana i na hana o ke aupuni kulanakauhale, malalo o kona malu, aka e ku kaokoa mau ana kekahi mahele o na lunakiai mai kekahi mai. Eia na Lunakiai Cunha ame Ahia ke hookaawale mau nei !a laua iho mai na halawai aku o ka papa, aia hoi ka Lunakiai Hollinger ma Amerika i keia manawa, a o na lunakiai Demokarata ekolu me hookahi lunakiai Repubalika, o lakou ia e noonoo mau nei i kela ame keia la, i na ke aupuni, a no keia ano hana a na lunakiai aole he pololei ke nana aku. Me kela kulana kuikahi ole, a paonioni mau, mawaena o na Repubalika ame na hoa Demokarata o ka papa o na lunakiai 0 na manawa ae nei i hala, ke nana aku nei kekahi mahele o na makaainana me na manao hoohuoi, o ka noho ana o na Lunakiai Cunha ame Ahia, mai na halawai aku o ka papa, aole ia no ko laua ma'i maoli, elike me ka laua hoike i waiho aku ai imua o ka meia, aka no ke kakali ana no ia ahiki i ka huli hoi ana mai o ka Lunakiai Hollinger, mai Amerika mai; 1 hoomahuahuaia ae ai ka makaukau, e ku aku ai a paio me kekahi mahele o na hoa o ka papa, kela mahele i ikeia ai ke kuikahi ole o na aoao elua, ma na hoonee hana ana. 1 hooiaio, no ka pololei o keia manao hoohuoi, ua loheia na manao ku-e o na Lunakiai Cunha ame Ahia, 110 ka pololei ole o ke kohoia ana o ka Lunakiai A. F. Clark, no ke kumu, aole oia i aponoia e ka hapanui o na hoa o ka papa, a i wahi e lilo ai na hana apau a ka papa lunakiai e lawelawe ai, i noho mana ia e na Demokarata ekolu, ame ka lunakiai hou, he mea pono ia laua e lilo ole, o laua pu kekahi maloko o na haluwai a ka papa, e noonooia ana, a e hooholoia ana kekahi mau liana pili i ke aupuni kulanakauhale. Me kela ike i loaa aku i na Lunakiai Cunha ame Ahia, e lilo ana ka laua mau kil-e ana, a mau hooikaika ana aku paha ma kekahi mau hana no ka holonma o ke upuni, i mau mea lanakila ole, oiai aia ka hapanui ma kekahi aoao mai* o ka imi ana nae o ka ma'i ke kumupale e kau ole aku ai na ahewa ana maluna o laua ma kekahi ano, no ka hele ole ana ae ma na halawai, o kekahi ia o na kunlupale kupono ole, a aele e puni wale mai ana ka lehulehu, ma kekahi hana pulapu o keia āno. Elike nae me ka nui o na hooikaika ana ma ka aoao o keia jnau lunakiai e hoea ole aku ma na halewai, pela no ka ikaika o ka manao ame ka iini iloko o na hoa Demokarata ame ka tneia Demokarata, e hoea aku laua ma na halawai apau, a e lilo na hana i lawelaweia e ka papa; i mau mea mana, me ka nana ole ia o ka laua mau ku-e ana aku. Ua like no a like na ahewa ana ina he maji ahewa ana aku kekahi, maluna o na lunakiai hoohemahema i ka laua hana, me na lunakiai, i ake mau, e lanaWla ka lakou mau mea i makemake ai e hana aku; no ko lakou hoao ole ana e kapae ae i na noonoo ana i ko lakou aoao kalaiaina pakahi mahope, a mamua ka noonoo ana no na hana e pono i'o ai ke aupuni, ame na mana koho baloka.