Ka Nupepa Kuokoa, Volume LXIV, Number 28, 9 July 1925 — PONO E IKEIA AE NA MEA OIAIO. [ARTICLE]

PONO E IKEIA AE NA MEA OIAIO.

Pinepine ko kakou lohe ana i ka pokole o na dala maloko o kekahi mau keena oihana, aole wale no ma ke aupuni kulanakauhale o Honolulu nei, aka ma na keena kekahi o ke kalana o Hawaii, no keia mau pokole, i auamo ai ka poe i ili aku ai maluna o lakou na ahewa ana i na ko'iko'i o ka lakou mau hana hemahema. •Ma ka hoike a ka Lunahooia Kuikawa James H. Fiddes, o ka waiho ana ae imua o ka papa o na lunakiai kulanakauhale, ma ka la 27 o ka mahina aku la o lune i hala, e kuhikuhi ana na mea oiaio i loaa ma kana huli ana ialoko o na buke moohelu waiwai, no ka pokole ana o ka hyina o ehiku kaukani dala a oi, maloko o ke keena o ka puuku kulanakauhale; o ke ano o ka pokole ana o kela huifia dala mahuahua, ame ka men j pono ai e hookauia aku na ahewa ana, no kela pokole, lie i īieana ko ka lehulehu e koi aku ai, e hua'iia ae na mea oiaio i ke akea. \r ka hoauhee ana ae i na ao omamalu o na manao hoohuoi, no ka lawelaweia o ka hana poholalo, ma ke ano kolohe, e kekahi mea maloko o ke keena o ka puuku kulanakauhale, pela paha ka ili ana aku o na ahewa ana, no ka hana maoli ia o ka hewa, aole raa ke ano lawelawe hemahema ia o na buke, e pono no i ke keena o ka loio kulanakauhale, e hooko aku i na liana apau i hooiliia aku maluna o kela keena, me ke kui'o ame ka hoopilimeaai ole; a e hookaawale loa ia ai ka poe apau o ke keena puuku, mai na ahewaia ana ma kekahi ano, ina ua, pili ole kekahi hewa maluna o lakou, a i ole e ili aku na ko'iko'i apau maluna o ka mea i pili i'o i ka hewa. •++ Me na hookipa maikai a ko Kauai poe, i na mahnini makaikai mai Honolulu aku nei, no ka hoohala ana i ka Pokiulai ma kela mokupuni, ma ka Poaono me ke Sabati aku la i hala, ua huli hoi mai lakou me na manao mahalo kiekie, no ko Kauai poe, e hoohakalia ole iho ai koonei poe, i ka liolo hou ana no kela mokupuni, ma ka manawa e malama hou ia ai he halawai 0 na ahahui Hawaii ma Kauai, ma keia mua aku. — Ua kani ka aka a na limahana o ke aupuni kulanakauhale, 1 hoomauia aku ko lakou noho hana ana no ke aupuni, no keia mau mahina eono e nee aku nei, me ka ohi mau i ko lakou mau uku mahina; aia nae maluna o na limahana i hoopauia mai ka lakou mau hana aku, kahi i kau ai o na alina hoomaewaewa o na hana aloha ole a na hoa o ka papa o na lunakia* ame na poo o na keena oihana, e hoea mai ai i ka manawa e hoi hou mai ai ka pohaku ihope. a pa ma na walii i manao mita ole ia. La kiola ae nei ka Makai Nui Trask i kona papale iloko o ka nna kalaiaina no kona holo hou aku he moho n« ke kulana inakai nui no Honolulu nei, ma keia kau koho baloka ae e hoea mai ana.- E ku hou aku ana no oia me Chas. H. Rose maluna o ke kahua kalaiaina. Oke kula'i ana i kekahi mea iluna o kona kahua paa, he hana paakiki no ia, a ua ili aku maluna o Chas. Rose ke ko'iko'i, o ke kuhikuhi ana mai i na hana hemahema a Trask, i wahi e kaa ai ka lanakila iaia. He mau keikikane like no nae a elua, imua aku e ikeia ai ka mea ikaika!