Ka Nupepa Kuokoa, Volume LXIV, Number 28, 9 July 1925 — Page 8

Page PDF (1.57 MB)

View this newspaper issue

Learn more about this Article Text

Nupepa Kuokoa

KE KILOHANA POOKELA NO KA LAHUI HAWAII

NA MOOLELO HOONANEA, NA NUHOU KALAIAINA

ME NA NUHOU O KA MANAWA

AOAO NO NA MANAO PEPA
SOLOMON HANOHANO, LUNAHOOPONOPONO

NUPEPA KUOKOA, HONOLULU, T. H. POAHA, IULAI 9, 1925


	E HOOPAU AE IA W. A. WALL. E Mr. Lunahooponopono o ke Kuo- koa, Aloha kaua:-He mau la keia e auwe mai nei na lunakiai pauaka ame ka Meia a-i uaua, o ke kulana- kauhale a Kalana o Honolulu, i ka pilikia i ke dala; a o ua pilikia dala nei, o na makaainana iho la ke pokai, a auamo i ke koikoi ame ka inea. Ke pokeia mai nei kekahi mau oihana ano nei o ke kulanakauhale, e laa ka oihana kinaiahi ame makai; o kela poe kii maka liilii no, koe no na kii maka nunui i mea hoolei maka no ka poe koho a uku auhau. Pololei wale ko wahi editorial (manaopepa) o ka Poaha i hala, a mai oi loa aku ko'u mahalo ia oe, e Mr. Lunahooponopono, ina i koi oe ma ua manaopepa la e hoopau ae i ka noho enekinia ana o W. A: Wall no ka oihana wai ame sua. He hoopau dala, a uhaai ka paa ana iaia i enekinia. I ehia enekinia o keia oihana e pono ai? No ka makemake no nae paha o Meia Wil- son e hanai mau no i ka hanai ahuhu ana. Ina he makemake maoli ko ka pa- pa ame ka Meia e hoomakaulii, e hoopau ae i ka oihana wai e ku nei, pan pu me Mr. Wall, a e hoihoi ae i keia oihana malalo o ke ko- misina wai ame sua o Oahu nei a ka ahaolelo i hala i kukuhi iho nei. He eha poe enekinia a keia ko- misina e hookohu ae ana, a o na hana no a Mr. W. A. Wall ka keia poe enekinia e hana mai nei. He- aha iho la ka waiwai o keia enekinia kalana. I mea ai dala no nae paha, a maluna o ka poo uku wai e kau ai ka polohuku. He mea ukuwai kou meakakau no iwakalua makahiki a oi. O ke paipu wai elua iniha ke ana waena i hoomoeia he kanakolu makahiki i hala ae nei, na la kanaka ole a sua ole o Kalihi nei, o na paipu no ia i keia mau la i huli ae la ke alo o ka aina iluna, a makou ho e hoomanawanui nei i ka honi i ke ala ame ke onaona o na ipu mano'i (ipu mesi hoaala). Palua pakolu a o ka pau ae no. ia o ke kakini o na palapala noi ame na hoohalahala he kuli nae ka mea i loaa mai. Mai nehinei (Iulai 1) he kanalima pakeneka ka pii hou ae o ko'u ame ko makou poe iho, a e mau ana no paha makou i ka hapaumi o ko ma kou waiwaiio, (i pono e loaa ia ma kou), elike me ia e loaa nei ia ma kou? Pono e hoopau ia Mr. Wall, a o kona uku mahina no keia eono ma hina e nee aku nei, hoihoi ae i wai hona no ke kuai ana i na paipu wai eono iniha, i loaa hoi ko ma kou wai a makepono ka uku ana kanalima pakeneka hou iho. Aole hoi e auhau hookaumaha mai, a mau no ko makou hoohenoheno ana me na ipu mesi hoaala. Me ka Lunahooponopono ko'u we- lina, me na manaolana, e ki-keia aku ana na pepeiao o na lunakiai ame ka Meia a-i uaua o kakou; a i na keiki lima hei o kou papapa'i ko'u aloha nui. SIMEON K. NAWAA, 1454 Dement St., Honolulu, Iune 31, 1925. SWAMPSCOTT, July 5.— Maloko o ka halepule Ahahuina kahiko ma Salema nona ka moolelo kaulana kukuluia ai i ka 1736, i hele ae ai ka Peresidena ame Mrs. Coolidge e hoomana i keia la. Aole laua i hoi ke ae i ko laua mau hoaloha no ka laua mea i hoolala ai a ua lilo ko laua hoea ana ae i mea hoohikilele i ko laua mau hoaloha.	HOOLAHA. Na Lunanui o ka Hui Kokua ame Manawalea o na Poola, i koho pono ia ma ka halawai kumau, ma ka po Poakahi Iulai 6, 1925, no ke kau o hookahi makahiki. William Richards, Peresidena Daniel Ha'o, Hope-Peresidena; Hen- ry Peters, Kakauolelo Moolelo; Ro- bert A Nui, Kakauolelo Ohi 1):,!..; Joseph Kaahea, Puku; David K. Ainoa, Lunahooia; J. H. Hoomana- wanui Kahunapule; Martin Beck, Ilamuku; Moses Keiliahi, Makai. Papa Kahuwaiwai, William Ri- chards, Daniel Ha'o Henry Peters, Robert A. "Tul ame John Kapono .!-. Papa "lo -a Hooko: Thomas Pedro, William Rowan, Simeona Kumuhm.o, Stephen Barrett, Samuel P:,,,',, George Apiki ame Able Koahou. Kakauolelo Moolelo H. K. M. P. Honolulu. T. H. Iulai 8, 1925. 6368— Iulai 9. P. E. R. STRAUCH LIIMITED WAIWAI PAA INISUA Ma ka waiwai alahele kaauwiia ame ke taona, ke waiho aku nei ma-kou no ke kuai he hale maikai o 2 rumi moe, ma ke alanui ololi Peter-son. 50x50 o ka apana, he wahi nani no kou home o keia mua aku kokoke i ke kaawiia me ke kuia. He makepono ma ka $2750.00. Ma ke taona he hale maikai o 2 . rumi moe ma ke alanui Puowaina aohe ukukaa e uku ai, oluolu ioa ma ka $3000.00 uku liilii. Kalihi Kuea Kamaki, mau apana maikai ma na kumukuai haahaa makepono. $50.00 uku mua, $20 o ka mahina. Kapahulu: Nui ka makou mau apana maikai ma keia wahi kaulana he 50x100 pakahi o ka apana, hiki ke loaa ia oe ma ka $25.00 uku mua. $20 o ka mahina. Na hale lako a Iako olo no ka hoolimalima. Na pahu hoahu no ka hoolimalima $2.75 a pii aku o ka makahiki. 75 Alanui Moi Hema Kelepona 2391-2391 Mahope o na hora oihana a ma na la Sabati kahea mai 5117. MA KE KAUOHA. Hoolaha Pa Aupuni. KE HOOLAHAIA aku nei ma keia ua hookaawale hookaokoa, a ua kukulu aku ka Papa Lunakiai o ke Kalana o Kauai, Teritore o Ha- waii nei, ma Hanapepe maloko e ka Apana o Waimea, Kalana o Kau. ai no, i ka apana aina i hoakakaia malalo iho nei ma ke ano he PA AUPUNI no ka hoopaa ana i na holoholona helehewa e loaa ana ma Hanapepe i oleloia, o ia keia: O kela apana ailia apau loa e waiho la ma ke Alanui Tuoio a i heaia i kekahi manawa o ke Alanui Kahakai, aneane he kanalima (50) kapuai mai ka aoao aku ma Waimea o ka Paka Kinipopo o Hanapepe no, A Lo- na ka ili he 3199 kapuai kwn, oi aku a emi mai paha, KE HOOLAHA pu ia aku nei no hoi ua koho pono aku ka Papa Lu- nakiai o ke Kalana o Kauai i ole oia ia Aki Koolua o Hanapepe no, oia ka Luna Pa Aupuni no Hana- pepe, a malalo no o kona mana ka malamaia ana aku o keia Pa Au- puni ae la. • r HOIKE NO KA OIAIO O KEIA ke kau nei ka Papa Lunakiai i olelo- ia ma o kona Luna- hoomalu la, H. D. Wis- hard i kona lima me ka (SILA) hoopili pu ia ana mai me keia o ke sila o ke Kalana o Kanai i ole- loia. HANAIA ma kp Ka- hua Poo ma LIU li i keia la 3, o Iune, M H. 1925. PAPA LUNAKIAI. Kalana o Kauai Ma o H. D. WISHARD, Lunnhoo!! ; i. IKEA: J. MAHIAI KANEAKUA Kakauolelo, Kalana o Kauai. 6364-Iuue 18, 25; Iulai 1, 8.


	U AHOOHEMAHEMA MAOLI I KA HANA. No na mahina he umi-kumamawalu ae nei i hala, o ka lawe- laweia ana o na hana o ke aupuni kulanakauhale e na hoa o ka papa o na lunakiai, aole he manawa i ikeia ai ke kuikahi ana o na hoa apau o kela papa, maluna o na ninau ano nui e holo- mua ai ke aupuni. Mai kinohi loa mai, ka hoomakaia ana o ka paani kalaiaina, ahiki wale no i keia manawa, aole e na hoa Demokarata wale no o kela papa, aka e na hoa Repubalika no kekahi; a ina ua lilo kekahi o ka lakou mau hana i lawelawe ai, i kumu no lakou e kaena ae ai, no ko lakou lilo ana i mau kauwa hoopono, e hana ana i ka makemake o ka lehulehu o na makaainana koho baloka, o kela kekahi o na manao kuhihewa, no ka mea ua ku maoli ka lehulehu i ka hoowahawaha no lakou iloko o keia mau mahina hope mai nei o ka nee ana o ke aupuni kulana- kaui.- .i loa aku iloko o ka manawa i ikeia ae ai ke kulana kupi' . ke aupuni, me ka pokepokeia ana o kekahi heluna nui u na limahana. Me kela manao no, e hoomau aku i ka paaniia ana o ke ka- laiaina, i haalele aku ai na Lunakiai Cunha ame Ahia i ko laua mau noho iloko o ka papa ma ka Poalua o ka pule i hala, i ka manawa i makemakeia ai ko laua koho ana maluna o ka hookohu oihana o Albion F. Clark, a i ko laua hoea ole ana ae ma na halawai i kaheaia mahope mai, ua hoike maoli mai kela mau lunakiai i ko laua hoohemahema i na hana o ka lehulehu, na hana i kohoia aku ai laua i mau hoa no ka papa o na luna- kiai. Ma ka laua mau leka i hoouna ae ai i ka meia mahope mai, e hoakaka ana i ke kumu e hiki ole ai ia laua ke hoea aku ma na halawai o ka papa, no ko laua ma'i; ina i'o no ka pololei o kela hoike, alaila aole ia no kekahi kumu e ae, aka no ka hoao ana e hoopakele ia laua iho, mai ka ili ana aku o na ahewa ana no ko laua pili i ka hewa hoohemahema i ka laua man hana, ma ke ano he mau hoa no ka papa; a ma ke- kahi olelo ana ae, no ko laua makemake e lilo ko laua hoea ole aku ma na halawai, i wahi, e holopono ole ai, na lawelawe hana ana a ke koena aku o na hoa o kela papa; he hoolalau ana hoi ma kekahi ano, ahiki i ka huli hoi ana mai o ka Luna- kiai Hollinger, ke alakai o na hoa Repubalika o kela papa. Ua hiki loa i kela mau lunakiai ke hooikaika, e loaa ia laua ka oluolu mai ko laua kulana ma'i mai, me na ike lapaau o na kauka akamai o keia kulanakauhale, ina he makee ko laua i na hana o ka lehulehu ; o ko laua noho mau ana mai na halawai aku; hookahi no noonoo iloko o na makaainana; he hana hoolalau wale no kela, o ke ano kolohe; a ua aneane e hiki ole ke hoomauia aku na hilinai ana a na mana koho baloka maluna o laua. Aole o ka manawa e noonooia mau alahele e kukulu ae ai i ke aupuni kulanakauhale, ma kona mau wawae, o ka manawa iho la ia e haalele ai i ke kiai ana; o ka manawa oi loa aku ia o ka hooiia ae o na makaala ana e pono ai ; a e ku aku a paio ma ka aoao o ka pono, ka pololei ame ka oiaio, a i lanakila ole laua ma ia mau hooikaika ana, e umeia aku ana no na manao mahalo o ka lehulehu maluna o laua, aole elike me keia a laua i hana aku ai ; aia iloko o kekahi mahele nui o na makaainana na manao hoowahawaha, e hewa ole ai ke kapa ana aku ia laua, i ke ku maoli i ka hoohemahema i ka laua hana. PONO E IKEIA AE NA MEA OIAIO. Pinepine ko kakou lohe ana i ka pokole o na dala maloko o kekahi mau keena oihana, aole wale no ma ke aupuni kulana- kauhale o Honolulu nei, aka ma na keena kekahi o ke kalana o Hawaii, no keia mau pokole, i auamo ai ka poe i ili aku ai maluna o lakou na ahewa ana i na ko'iko'i o ka lakou mau hana hemahema. Ma ka hoike a ka Lunahooia Kuikawa James H. Fiddes, o ka waiho ana ae imua o ka papa o na lunakiai kulanakauhale, ma ka la 27 o ka mahina aku la o Iune i hala, e kuhikuhi ana na mea oiaio i loaa ma kana huli ana ialoko o na buke moo- helu waiwai, no ka pokole ana o ka huina o ehiku kaukani dala a oi, maloko o ke keena o ka puuku kulanakauhale ; o ke ano o ka pokole ana o kela huina dala mahuahua, ame ka mea e pono ai e hookauia aku na ahewa ana, no kela pokole, he i aieana ko ka lehulehu e koi aku ai, e hua'iia ae na mea oiaio i ke akea. No ka hoauhee ana ae i na ao omamalu o na manao hoohuoi, no ka lawelaweia o ka hana poholalo, ma ke ano kolohe, e ke- kahi mea maloko o ke keena o ka puuku kulanakauhale, pela paha ka ili ana aku o na ahewa ana, no ka hana maoli ia o ka hewa, aole ma ke ano lawelawe hemahema ia o na buke, e pono no i ke keena o ka loio kulanakauhale, e hooko aku i na hana apau i hooiliia aku maluha o kela keena, me ke kui'o ame ka hoopilimeaai ole ; a e hookaawale loa ia ai ka poe apau o ke keena puuku, mai na ahewaia ana ma kekahi ano, ina ua pili ole kekahi hewa maluna o lakou, a i ole e ili aku na ko'i- ko'i apau mahina o ka mea i pili i'o i ka hewa. Me na hookipa maikai a ko Kauai poe, i na mahinui makai- kai mai Honolulu aku nei, no ka hoohala ana i ka Pokiulai ma kela mokupuni, ma ka Poaono me ke Sabati aku la i hala, ua huli hoi mai lakou me na manao mahalo kiekie, no ko Kauai poe, e hoohakalia ole iho ai koonei poe, i ka holo hou ana no kela mokupuni, ma ka manawa e malama hou ia ai he halawai o na ahahui Hawaii ma Kauai, ma keia mua aku. Ua kani ka aka a na limahana o ke aupuni kulanakauhale, i hoomauia aku ko lakou noho hana ana no ke aupuni, no keia mau mahina eono e nee aku nei, me ka ohi mau i ko lakou mau uku mahina; aia nae maluna o na limahana i hoopauia mai ka lakou mau hana aku, kahi i kau ai o na alina hooma- ewaewa o na hana aloha ole a na hoa o ka papa o na lunakiai ame na poo o na keena oihana, e hoea mai ai i ka manawa e hoi hou mai ai ka pohaku ihope, a pa ma na wahi i manao mua ole ia. Ua kiola ae nei ka Makai Nui Trask i kona papale iloko o ka rina kalaiaina no kona holo hou aku he moho no ke kulana makai nui no Honolulu nei, ma keia kau koho baloka ae e hoea mai ana. E ku hou aku ana no oia me Chas. H. Rose maluna o ke kahua kalaiaina. O ke kula'i ana i kekahi mea iluna o ko- na kahua paa, he hana paakiki no ia, a ua ili aku maluna o Chas. Rose ke ko'iko'i, o ke kuhikuhi ana mai i na hana he- mahema a Trask, i wahi e kaa ai ka lanakila iaia. He mau keikikane like no nae a elua, imua aku e ikeia ai ka mea ikaika !	HOPUIA NO KA LAWE I NA DALA O KE AUPUNI. Ma ka auwina la o ka Poaha o ka pule aku nei i hala, i paa ae ai i ka hopuia e ka Ilamuku Oscar P. Cox o Lawrence Loo. he limahana noloko o ke keena o na loaa kuloko ma Honolulu nei, no ka hewa Uwe i na dala o ke aupuni i waihoia aku malalo o kona malu, ma ke ano ku-e i ke kanawai. Ma kahi o ka $2100.00 i laweia e kela limahana, oia nae mahope iho o kona hopuia ana, i hoihoi hou ae ai oia i kela mau dala, i ka Ila- muku Cox. Ma ka auwina la o kela Poaha, ua hoounaia aku o Lawrence Loe e ka Luna Ohi o na Loaa Kuloko, Ko- nela Jones, e hoihoi i ka huina o elua kaukani me hookahi haneri dala maloko o ka banako, elike ma ka hana maa ma na la apau, o ia ka hoahu ana i na dala o kela keena ma ka banako. I ke kakali ana nae o ka hale banako, a hala ka manawa kupono no ka hoihoi ana aku i na dala e hoahu, ua hoikeia mai la ka lohe ia Konela Jones, akahi no oia a hoo- manao mai, no ka hoihoi pololei ole ia ana aku o kela mau kaukani dala e ke kanaka ana o ka hoouna ana no ka hale banako. Me kela hoomaopopo, aia kekahi hana kolohe, ma ka aoao o Laren- ce Loo, i hui kukakuka aku ai o Konela Jones me ta Loio Amerika Parsons, a iloko o ka manawa po- kole, i hoomakaukau koke ia ai ke- kahi palapala hopu, a haawiia aku i ka Ilamuku Cox no ka hooko ana maluna o Lawrence Loo. He hana pohihihi ka huli ana aku no kahi e loaa ai o kela limahana, aka ma ka ninaninau ana ma kela ame keia wahi, i loaa mai ai ka ike i ka Ilamuku Cox, aia o Loo maloko o kekahi hale piliwaiwai, nolaila ua hoea aku la oia no kela hale, a hopu aku la i kana lawehala. Ma ka olelo a ka Ilamuku Cox, mahope o kona hopu ana ia Mr. Loo, i lawe aku ai oia i kana lawehala noloko o kekahi keena okoa, a koi aku la e haawiia aku iaia na dala i haawiia aku ai iaia, no ka hoihoi ana i ka hale banako, ia manawa ka i haawi mai ai oia i na dala ma ka bila aupuni, a kauoha aku la i kekahi Pake okoa aku, e lawe mai i kekahi mau dala maoli ana i waiho ai maluna o ke pakaukau, ia mana- wa i laweia mai ai he kanaha dala, a kaa mai la kela mau dala apau ma ka malu o ka Ilamuku Cox. Ua hoole ae o Lawrence, no kona piliwaiwai ana i na dala a ke au- puni, ua wawahi ka oia i kekahi mau bila dala, ma ke dala maoli, o ka nui ae o na bila dala, me ia no ka i paa ai, a o kaua mau dala ponoi no ka i puehu ma ka piliwaiwai, i hiki aku ka nui ma kahi o ke kana- hiku a oi. HOOKAHI I MAKE A EHA I EHA I KA PAUDA MA HAWAII Hookahi kanaka i make loa, ekolu i manaoia aole e ola ana a hoo- kahi i kukonukonu loa ka eha ma- muli o ke pa-huia ana e ka pauda maloko o ka lua pohaku a ka Ha- waiian Contracting Co., ma Kapoho, ma ka auwina la o ka Poalua nei, elike me ka lono meahou o ka loaa ana mai ianei mai Hilo mai ma ke kelekalapa uweaole. O ka poe i eha i make he mau kanaka Korea wale no. O ka poe apau i eha aia ma- loko o ka halema'i ma Hilo. Aohe i hoakakaia mai ko kumu o ke pahu ana o ka pauda aka nae ma ka manaoio o na luna ua pahu mua ka pauda mamua o ka makau- kau ana e kuni aku. O na lole o ka poe i lilo i mau pio na ka pauda ua a-ia e ke ahi, a no ke Korea i make ai ua kiolaia aku ka oia no kahi mamao o 100 kapuai a haule iloko o ka mala-ko. Ua laweia mai ka poe i eha me ka awiwi loa no halema'i ma Hilo maluna o ke kaaahi, elike me ka hoakaka ma ka lono meahou o ka hoikeia ana mai i Honolulu nei ma ka Radio ma ka Poalua. KU-E KA POE LAWELAWE OI- HANA I KA AUHAUIA O KA OPALA. Ma ka halawai paina awakea a ke komite o ka Ahahui Kalepa o Honolulu maluna o na hana o ke aupuni kulanakauhale a kalana ma ka Poakahi nei i hoike ae ai lakou imua o na hoa o ka papa alakai ame na hoa o ka ahahui no ka hoo- holo ana o ka ahahui kalepa i kekahi manao e ohiia na opala me ka uku ole. Ua hooholo na hoa o ka papa lunakiai o kakiia kela ame keia ona pa-hale no ka opala, ma ka manao nae o na kanaka lawelawe oihana aole pono e kakiia oiai o ka hana ano nui mua loa e hanaia o ia no ka hoomaemae ana i na alanui ame na ala ololi me ka nana ole i na hoolilo. Ina e kakiia ana, he lehulehu na ona pa-hale e waiho mokaki ana i ka lakou mau opala maloko o na pa-hale mamua o ka uku ana no ka hookaawaleia aku o ia mau opala, wahi a ke komite.	* Nuhou Kuloko No ka hoomanao ana i ka piha No ka pomaikai o na malihini na hoa o ka ahaolelo lahui, e malama ae ana ka Ilamuku Amerika Cox he hukilau malalo ae nei o Waialua, ma keia Poaono iho. Eia no na hoa o ka ahaolelo lahui o Amerika ke luakaha nei i ka nani o ka Paredaiso o ka Pakipika, a ma keia Sabati iho, e holo aku ai lakou no Kahului, Maui, a hala loa aku no Hilo, alaila hoi pololei loa aku no Amerika, maluna o ka moku lawekoa Henderson. He kauoha ka i haawiia aku i ka Makai Nui Trask ma ka Poakahi iho nei e ke komisina makai, e kapae oia i ka Makaikiu Oxilles, mai ka oihana aku no ka manawa o hoo- kahi mahina. No ka hele hoomaha ana no na pule ekolu, aole e noho hou ana ka halawai a ka papa komisina makai ahiki i ka akoakoa hou ana ' mai o na lala o kola papa, no keia ku- lanakauhale. Eia o Mr. J. H. Keawehaku o Hoo- kena, Kona, Hawaii ke hoohala nei i keia mau la ma ke kulanakauhale nei, mamua o ka huli hoi hou ana aku no kona home iaa Hawaii. Ua hoakaka ae ka Meia Wilson, aole ana mau ku-e hou ana i na lawelawe hana ana a ke komisina wai ame sua, kela komisina i ku- kuluia malalo o ke kanawai i hoo- holoia e ka ahaolelo aku la i hala. No ka makemake o Enoka Ka- poohiwi, ke keiki o ka ua lililehua o Palolo e hui kino me ke keiki hanai manu o Kahuku ma keia kee- na, e hoea mai ana oia ma ke ka- kahiaka o ka Poaono, ka la 18 o keia mahina nolaila, o ka manawa ia i makemakeia ai e halawai na keiki hanai manu a elua i kahi hookahi ma keia keena, Eia no ke noonooia mai nei ke kau aku i ka auhau no ka ohi ana i na opala me ka holopono ole, i keia manawa, me he mea la nae e hooholoia ana i kekahi o keia mau la aku. Ma ka Poaono aku la i hala, i piha ai na makahiki he kanahiku- kumamalima ia Chas. B. Wilson, ka makuakane o ka Meia Wilson, ke- kahi o n aluna oihana kahiko loa o ke aupuni moi e ola nei i keia wa. I kulike ai me na mea i loheia ae iloko o keia mau la, e huli hoi mai ana ka Lunakiai Ben Hollinger ma keia pule ae, mahope o ka hoo- hala ana i kekahi manawa ma Ame- rika. No ka pokole o ke aupuni kulana- kauhale i ke dala, ua manaoia, e hoopaneeia aku ana ka hana ana i ka hale puhiohe ma Kapiolani Paka, a keia makahiki ae. I wahi e pili ole ai ka hewa hoohemahema i ka Iaua mau hana, ma ke ano he hoa no ka papa o na lunakiai, i hoouna ae ai na Lunakiai Cunha ame Ahia i ka laua mau leka i ka Meia Wilson, ma ka pule aku la i hala, no ko laua loohia ana i ka ma'i. No ka hele no o ka nupepa a piha loa i keia pule, i hiki ole ai ke hoopukaia aku kekahi mau pala- pala a na makamaka; ua hoopanee- ia a loaa kahi kaawale o ka pepa no keia pule ae. Ua pii hou ae nei ka auhau wai i keia mahina, o ka poe e hoohema- hema ana i ka uku ana i ko lakou auhau wai, mahope aku o ka ma- hina o Iulai nei, e kauia iho ana he umi pakeneka ka 'ulele maluna o ka huina auhau i uku ole ia. I kulike ai me na meahou mai Kauai mai, nui ke ohohia ia o ka pa- pa himeni o Molokai o ka Lolo kaa- puni ana aku nei no kela mokupuni ma ka pule i hala. Ua kakooia mai nei ka manao ka- nawai o ka loio kuhina mua J. A, Matthewman ma ka olelo hooholo a ka aha kiekie e hoole ana i ka loaa ana o ke kuleana hookupa i na Pilipino e lilo i mau makaainana Amerika. Ma ka hora ehiku a oi o ka po o keia Poaono iho, Iulai 11, 1925, e wali e ae ana ke>, Rev. J. S. Kuni o Waialua, he hoikeike tabalo, me ahamele maloko o ka Halehui Phoe- nix, no ka pomaikai o ka Ekalesia o ke Akua Ola ma Kalihi ae nei. He hulahula kekahi e malama pu ia ana mahope iho o na hana ahamele ma ia ] .. He ekolu-hapaha ka uku komo.	HAALELE MAI HE KAUKA MB KA UKU OLE I KONA HOOPA'I. Maluna o ka mokuahi City of Los Angeles o ke kakahiaka Sabati iho nei i haalele mai ai ke Kauka Lomilomi Mighton ia Honolulu nei a hoi aku la no Amerika a ma ka mea oiaio i hoomaopopoia nona aole oia e hoi hou mai ana i Honolulu nei. Ma ka la 25 o Iune i hala ua ahewaia oia e ka Lunakanawai John R. Desha no ka hewa hoowahawaha aha a ua kauia aku ka hoopa'i o $25 maluna ona no kona uku ole ana ae i ka uku malama ola o kana wahine mua Mrs. Merle S. Mighton. Ma ka pakui ana iho maluna o keia hoopa'i ua kauoha pu ia ae ua kauka la e haawi ae oia i bona o $1000 i mea hooiaio no kona hooko pono ana ao i ke kauoha a ka aha ma ka mea e pili aua i kona uku pololei ae i ka uku malama ole o ka wahine i haule hope loa ka uku ana ae, a i hiki aku ka huina o ia aie ona i ka $700 a $800. Ma ka lono i hoikeia ae ma ka manawa e noho ana o ka aha a Lunakanawai Desha, aole i uku ae o Mighton i kona hoopa'i o $25, a aole no hoi i hoolako ae i ka aha i kekahi bona o $1000 i koiia ae ai iaia. Ua hoike ae ke kauka no kona hoohalahala i ka olelo hooholo a ka aha, aka nae, aohe mea 1 hanaia no ia hoohalahala, elike me ia i ikeia ma ka Poakahi nei. Ma ka manawa i hookaawaleia ai ke kauka mai ka wahine ae, ua uku ae oia i $160 o ka mahina i ka wahine. He mau mahina lehulehu aku nei kela i hala, elike mo ia i ikeia ma ka moolelo o ka aha, he $35 wale no nae i ukuia ae a ua hiki aku ka huina i nei mauawa i hookaa ole ia i na. haneri. He mau pule kakaikahi wale aku nei no i hala ka hoi hou ana mai o Mrs. Mighton i Honolulu nei a hookomo ae la i ka hoopii e koi ana no kona uku malama ola i hookaa ole ia, elike me ia i hooholoia ai e ka aha, a ua hoopuka kokeia ae he kauoha e koi ana ia Mighton e hoea ae mamua o ka aha a e hoike ae i ko kumu e hoopa'i ole ia ai oia no ka hoowahawaha aha. Mamuli o keia kauoha i hoike ae ai o Mrs. Mighton imua o ka aha aohe ana dala e uku ae ai i ka loio, a no ia kumu ua hana oia ma ke ano oia no kona loio ponoi. O S. C. Huber ke kokua ma ko Mighton aoao. Ua hoikeia ae kekahi lono imua o ka aha a ka Lunakanawai Desha ma ka Poakahi nei ua kuai o Mighton i kana mau mea hana apau i ke Kauka Lomilomi Andrade, a ua hooiaioia ae ia lono e Andrade, a ua nee ae oia i ka halehana o Mighton i lawelawe ai i kana mau hana mamua a ua hoike pu ae oia aole ke Kauka Mighton e hoi hou mai ana no Honolulu noi. No Mrs. Mighton eia no oia ma Honolulu nei i nei manawa. Mahope iho o ka moku ana o ke Kauka Mighton me kana wahine mua ua mare aku oia he wahine hou. HOOPAKELEIA HE KEIKI O 16, E KEKAHI HAWAII MA KAPALAKIKO. I kulike me kekahi moolelo i hoakakaia maloko o ka nupepa San Francisco Chronicle, e ole ka o Evanos Kimo, he kanaka Hawaii i noho mua ma Honolulu nei a he ku mu himeni nae hoi oia e noho mai la ma Kapalakiko i nei manawa, pakele ai ke ola o kekahi keikikane nona ka inoa o Theordore Whitney, i haule ai iloko o ke kai ma ka Ipuka Gula. I ka manawa i ike mai ai o Evanos Kimo i ke kulina kupilikii loa o ke keiki, ua lele mai la oia mailuna mai o kekahi wahi kiekie i kapaia The Dead Man's Rock (Ka Pohaku o ke Kanaka Make), ma kahi kokoke mai i ka Ipuka Gula ma ka la 26 aku nei o Iune, me kona paalole apau e paa ana ma kona kino, a hoao aku la e hoau i ke keiki i kahi o ka palekana. Ua eha ka oia ma ia lele ana aai ana ma kona lima a ma kekahi wahi o kona kino, aka nae, me kona nana ole ae ia eha, he eha ana mau manawa o ka hooikaika ana e hoopakele i ke ola o ke keiki mamua o ka ike ana mai o na makai i ka pau o kona aho mamuli o kona hooikaika ana e pakele ke keiki, a na lakou i kii mai a huki aku la iaia a kau i kula. Ua laweia aku oia i ka halema'i o na poino ulia a malaila i haawiia iho ai na kokua iaia. Ma ka moolelo no na makahiki he umi-kumamaono ka ko Kimo noho ana ma Kapalakiko. NA MARE. Fred CcCall Pouge ia Minnie Ka-lailani Kemm, Iune 19. Lau Tuck ia Annie Kamalii, Iune 28. Francis K. Wingrath ia Amy Opiopio, Iulai 2. Clyde M. Taylor ia Elizabeth Wise, Iulai 3. Ioane K. Palau ia Bernice Ah Lau K. Yim, Iulai 3. Joseph L. Kaiimoku ia Rose Pe-lekane, Iulai 6.	Nuhou Kuwaho CHATTANOOGA, Tenn., July 5. — O W. D. Mason, he kauka kaha kahiko, ame Lawrence Bowman, na kanaka i huliia ai mai ka la 23 mai o Iulai, loaa aku laua i keia la ua hauhoaia na lima a paa i ke kulahao a ua hoopaaia aku i kekahi kumu- laua ma ka mauna Signal. He mau kulana nawaliwali koikoi loa ko laua. Ma ka manaoioia he mau pio laua na kekahi hana hoomauhala a ko laua mau enemi. SAN FRANCISCO, July 5.— I ku- like me ka lono o ka loaa ana mai ianei i keia la ua kaa i ka moku hei- hei Mariner, i pailakaia e L. A. Nor- ris, kona ona ka heihei no ke kowa mai Kapalakiko aku nei a i Tahiti. O ka manawa holo o ka Mariner aneane he 20 la amo 12 hora no 3665 mile, ka heihei loihi loa o ke kowa i ikeia ma ka moolelo. TOKIO, July 5— Na kekahi pu- ulu hoohaunaele a na Pake i hoopo- ino aku i ka hale o ke kanikela Ke- pani ma Chung-Kiug, a ua hoopo- inoia ka hoailona o ke aupuni Im- eperila o lapana, elike me ka lono o ka loaa aua aai ianei i keia la mai Kina mai. Ma kekahi lono e ad i loaa mai ua hoopoinoia aku ka na halenoho o na makaainana Ke- pani maloko o Kina me ka huliia o na home a laweia aku kekahi mau waiwai. CANTON, July 5.— Aohe i loli ae ke kulana ooloku o ka noho ana o ka lahui maanei. Ke haalele nei na kumu mikanele Kepani ame na mi- kanele o na lahui e ae ia nei no Hongkong mai Shameen aku no ka makau o kauaia ae ia wahi, kahi e kiai mau ia nei i ka po ame ke ao. Ua hoikeia mai uei ianei ka like ole o na manao no ka hookaawale hou i kohoia ai mamuli o ka like ole o na manao no ka hookakawale ana i na wahi e noho hana aku ai He manawa wale no e ala ae ai ke kaua o ia ka lono i hoikeia mai. SHANGHAI, July 5.— Ua hoopau loa ia na hana i hoolalaia no nei e John V. Mae Murray, ko Amerika Kuhina i Kina nei, a ua haalele mai oia ia nei no Pekini maluna o ke- kahi moku hahai topido Amerika. Ua hoikeia ae maanei i keia la ko na luna aupuni kulanakauhale ma nao ana e oki i na uwea uwila o na halehana a na Pake, o ia hoi na halewili, ma ka la 6 o Iulai. Ma ke- kahi mau ano e ae o ia mau no ka loli ole. EHA HE WAHINE MA KEKAHI ULIA KAA Mamuli o ka hooku'i ana a ke- kahi mau kaa otomobile elua ma ke kihi o na alanui Moi me Bihopa ma ka po o ka Poakolu o ka pule aku la i hala, i halawai ai o Mrs. A. C Gouveia me ka eha kukonukonu, ka mea nana i kono mai i ka oihana makai, e hoihoi aku iaia maloko o ka Halema'i Moiwahine e lapaauia mai. Ma ka moolelo e pili ana i ka hoo ku'i ana o na kaa otomobile elua e kau ana kela wahine maluna o ke Laa otomobile o kana hunona, oia o H. N. Nivens, a iloko o kona nanea i kiolaia aku ai oia a hooku'i me * noho mamua o e kaa a eha loa i ka wa i hooku'i aku ai ke kaa ana e kau ana me ka kaa otomobile e hookeleia ana e Dennis Cruz. Hookahi ka kumu o ka hooku'i ana o na kaa a elua i kahi hookahi o ia no ke oki pokole ana o Nivens i kona kaa, iaia i hoohuli ai ma ke kihi o na alanui Moi me Bihopa. NA MAKE. Kapono, ma ke alanui Ala Moana, Iune 27. Ulii Kapeliela Kuapaka ma ka Halema'i Moiwahine Iulai 30. Wm. Kealoha Silva, ma ke alanui akui, Iulai 1. Makahilahila, ma ka Halema'i Moiwahine, Iulai 2. John Kawai, ma ke alanui Vinia, Iulai 4. Da> Kahaulelio, ma ke kuahiwi o Waianae, Iulai 4. ! hard S. Kekina Kamai, ma Ka- L.jiiliili, Iulai 6, NA HANAU. Na Wm. Whiford ame Rebecca Kila, he keikikane, Iune 26. Na Mr: ame Mrs. Wm. N. Kekoa, he keikikane, Iulai 2. Na Fock Lin ame Eliza Nainoa, he kaikamahine, Iulai 2. Na Daniel Kaili ar _: Julia Kapu- nikala, he keiki me, Iulai 2. Na Ernest Keaunui ame Matilda Kapahi, he kaikamahine, Iulai 4. Na Joseph Silva ame Mary Moses, he keikikane, Iulai 7. Na Mr. ame Mrs. Joseph Kiko he keikikane, Iulai 7.