| | | | | | | | | | moku halema'i Relief, he 20, minuke
mahope iho o kona kiolaia ana mai-
luna aku o ke kaa otomobile ana
o ke kau ana i ka manawa a ia kaa
e holo ana me ka mama loa maluna
o ke alanui Vinia a hooku'i me ka
pou kelepona, a ma kela manawa
ana i halawai ai me kela ulia he
lehulehu ka poe i ikemaka mai ia
halawai ana ona me ia poino mau-
wale.
O kona kokoolua he luina no no-
luna o ka moku Chaunt nona ka inoa
o H. M. Anderson a e noho ana ma
ka noho mahope o ke kaa, kekahi
i kiolaia mai ke kaa aku, aka aae
ho wahi palapu liilii walo no ka i
loaa iaia.
Ma ka hora 3:15 o ka Poaha o ka
pule aku la i hala ka loaa ana o
keia ulia ma kahi kokoke i ke ala-
haka o ke kahawai o Nuuanu ma ke
alanui Vinia.
I kulike me ka hoakaka ma ka
hoike a na Makai Karritti ame Corn-
well o ka hoihoi ana ae i ka halewai,
na makai na laua i ninaninau pono
ia ulia, e holo ana ke kaa e kalai-
waia ana e S. Nishikama a e kau
a r. a hoi na luina no Waikiki ma ke
alanui Vinia ame ka mama loa me
ka hookani mau i ka o-le o ke kaa.
I ke kokoke ana i ke alahaka ua
hoohuliia ae la ke kaa i ka hema
i ole ai e hooku'i aku me kekahi
kaa a i ka hala ana mai ua hoohuli
hou ae la ke kalaiwa i ke kaa i ka
akau a me he mea la, ua hiki ole
i ke kalaiwa ke hookele a ua hiki
olo iaia ko hoomalu i ka kaa malalo
o kona malu, ua pakika aku Ia ke
kaa a hooku'i ana i ka pou kele-
pona, a kiolaia aku la o Getts iwaho
o ke poo mamua a pa i ka pae po-
haku, a paki liilii ke koko i o a ia-
nei.
Nahaha ka Aoao Akau o ke Kaa
Ua olepe pu ia ae ka papa ma ka
aoao o ke kaa a pela hoi me ka pale
lepo o na huila. Iloko 0 kela ma-
nawa no ka lawe ana i ka mea i
eha me ka awiwi Ioa no ka haiema'i
o na ulia, ua hono ka Makai Keliaa
e lawe aku am ke kihi o na alanui
Nuuanu ame Kalepa a i ke kaa nae
e holo aku ana ua hooku'i aku la me
hope o kekahi kaa Buick e ku ana
mahai o ke alanui, Ua hooluliluli
hou ia ae la na luina i eha ame na
kanaka e ae e kau ana iluna o ke
kaa.
I ka hiki ana aku i ka halema'i
o na poino ulia, ua manaoia he mea
maikai ka lawe ana aku i ka luina
i eha noluna o ka moku, halema'i,
eia nae i ka luina i laweia aku ai
no ka moku ua make mua iho Ia
oia,
Aole Hiki ke Hoopaaia ke Kaa
Ma ka hoakaka a ke kalaiwa imua
o na makai no ke kumu o ka halawai
ana me kola ulia no ka hiki olo i
ka huila ke hoohuli ae, oiai nae na
hooikaika oia ma na ano apau ft
ua hiki ole. E holo ana kona kaa
me ka mama loa a i kona ike ana
mai i kekahi kaa e holo aku ana
ua hoohuli ae la oia i ka hema a
hoomaka iho Ift e keehi i ka peleki,
eia nae, hookahi wale no* huila i
paa, i ka manawa i huli ae ai ke
kaa i ka akau a hooku'i aku la me
ka pou kelepona.
Ma ka hoike a na Makai Karratti
ame Cornwell ma kahi o ke 45 ka-
puai ka loihi o ke kaa i pakika
aku ai a hooku'i me ka pou.
Ma ka hoakaka a ke alii moku
o ka Chaumont, ma ka la 19 o Mei
ke komo ana o keia luina i ka oi-
hana kaua moana ma Los Angeles,
a ma kona manawa i komo ai me
ka oihana kaua moana he 15 ona
makahiki i hana ai, he manawa loihi
a he moolelo maikai hoi i manaoia.
Ua hanauia oia ma Oregona, Mo-
kuaina o Wisconsin, he kaikuahine
kona e ola mai la maloko o Los
Angeles nona ka inoa o Mrs. Carol
G. Durant, a he makuakane e ola
mai la o Norris Getts ka inoa.
Ua hoololiia ae kona kino mai ka
moku halema 'i ae a i ka halema'i
o ka oihana kaua moana ma Puuloa,
kahi ona e kahaia ai ina e ikeia
ana he mea pono ia e hana ia.
HOONOHO POHAKU KIHI 0 KA
LUAKINI O LAUPAHOEHOE. E Mr. Lunahooponopono o ke
Kuokoa, Aloha oe: — E oluolu e hoo-
komo iho i keia ma kahi kaawale o
ke Kuokoa.
Ma ka auwina la Poaono o Iune
27, 1025, ua haalele aku la au ia
Hilo Hanakahi me ko'u mau hoahele
oia o Mr. ame Mrs. Enoch Brown
ame ka laua mau kaikamahine ame
ke komite hoeueu o na C. E. J. Z.
Zeremiah ame kana wahine no Lau-
pahoehoe, a i ka hoea ana aku ua
hui me ka Hope Makai Nui Charles
Makanui ame kana wahine a loaa
iho la na kamaaina.
Ma ia ahiahi ua weheia ae la he
ahamele no ka pomaikai o ia ekale-
sia. Ua nui ka maikai o na hana i
hana ia a ma ka huina i hoike ia
mai, he $50.00 i loaa ma ia po. Ma
ke Sabati ae ua malamaia he hoike
hui o na Ahahui Hooikaika Kristi-
ano o Hawaii Hikina nona na papa
he 12 a nona ka heluna loaa lulu
he $100.00.
Me ka ulumahiehie na hana i ha-
naia a i ka pau ana o ia hana hoike
oia ka wa i malamaia ai ka hana
hoonoho pohaku kihi o ka Luakini e
Laupahoehoe,
O keia malalo nei ka papahana
piha no ka hoolaa ana i ka pobjAp | kihi o ka Luakini o Laupahoehoe.
1— Himeni Hoonani
Hoonani i ka Makua mau,
Ke Keiki me ka Uhane pu,
Ke Akua mau hoomaikai pu,
Ko keia oo me ko kela ao. Amene
8 Heluhelu ke Kahu, Halelu 127:1 Halelu 90:16, 17 Ina aole o Iehova e kukulu i ka
hale,
Hooikaika make hewa ka poo na-
na e kukulu
E hoike mai oe i kau hana i kau
poe kauwa
Ame kou hanohano hoi i ka la-
kou poe keiki E hoonoho mai maluna o makoli
i keia aloha o Iehova ko makou
Akua; E hoopaa mai oe i ka hana
a ko makou mau lima me makou
Oia, o ka hana a ko makou mau
lima, e hoopaa mai oe.
3— Pule ka Kahu
E ke Akua Mana Loa, ao ka
Pohaku mau loa. Maluna iho ou
makou i manaolana mau loa no
keia ola. a no ke ola e hoea mai
ana. Aole o makou Kahu e ae
e hookahua aku ai i ko makou
hilinai, aku o Iesu Kristo wale
no kau Keiki. Eia makou ke
hoomoe nei i keia Pohaku Kihi,
ae hookau iho ana hoi maluha
o ka Pohaku no keia Luakini
Hemolele no ke Akua Ola. E
oluolu mai oe e ko makou Akua
e hoomaikai mai i kela hana a
makou e hoomoe nei i keia Po-
haku ma Ziona. Ehoolilo mai
oe i keia hana a makou i mea
apono ia mai e oe, ae pii ae hoi
na paia eehia o keia hale no
ka nani me ka mahalo ia mai e
oe ko makou Akua. E lilo pu
hoi keia hana a makou e lawe-
lawe nei i mea hoohauoli mai
i ka manao o kou poe kanaka,
ae lilo hoi keia hana a kau poe
kauwa i mea alakai ia Iakou,
e kukulu i ko Iakou Luakini
Ola maluna o ke Kahua a na
Lunaolelo me ka poe Kaula i
kukulu ai, ao Iesu Kristo iho
no ka Pohaku-kihi o ko makou
mau Hale uhane. Ma Kona
inoa makou e nonoi nei. Amene.
4—Himeni Leo Hoonani 165
1 Ho kumu paa loa na haipule e
I hoonohoia o paulele ai.
O Iesu ka Haku ka mohai mai
kai
Owau no ia kumu o paulele ma
2 Mai noho makau a kaumaha
oukou
Owau no ke Akua e kokua no
A no'u ka ikaika na pono apau
Ma ko'u lima mana e paa mau
oukou
Ma ko'u lima mana e paa mau
oukou
3 A pii mai na nalu, na ino kue
Aole lakou e popoi mai
Mai ku a makau a haalulu ou
kou
Owau no me oukou la e malu
mau no
Owau no mo oukou la e malu
mau no.
5-- Heluhelu kike Halelu 122,
Kahu. Olioli aku la wau, ia lakou
i olelo mai ai,
E hele kakou iloko o k.
Hale o Iehova.
Anaina. £ ku no ko kakou mau wa
wae,
Maloko o kou mau puka-pa
e Ierusalema.
Kahu. Ua hoonohonohoia o Ierusa-
lema.
E like me ke kulanakau-
hale i kapiliia,
Anaina. Pii aku no na ohana ma
laila,
Na ohana hoi o Iehova, me
kana i kauoha ai i ka lse-
raela.
E hoolea aku i ka inoa o
Iehova.
Kahu. No ka mea, ua hoonohoia
malaila na nohoalii no ki
hoopono,
Na nohoalii no ka ohani
a David.
Anaina. E noi aku oukou i maluhia
E pomaikai auanei ka
o Ierusalema,
poe aloha aku ia Oe,
Kahu. I noho ka maluhia iloko <
kou mau pa,
Ame ka pomaikai iloko o
kou halealii.
Anaina. No ko'u poe hoahanau, a
no ko'u poe makamaka,
E olelo aku no wau, ano la
i maluhia maloko ou.
Hulike No ka hale o Iehova, o k
kakou Akua,
E imi aku no wau i ka pono
nou
8. Himeni "Nani Ziona" Papa Hi-
meni o Haili. .
7. Hoike ana i na mea maloko o
ka Pahu Pohaku Kihi e waiho-
ia ana. Kahu.
8. Hoomoe ana i ka Pohaku-kihi
me ka Leo pule pu.
9. Himeni Hoonani mai ka Papa
Himeni mai.
10. He mau Olelo Hoakaka no ka
hana i hanaia iho la. Ke Kahu.
11. Himeni Leo Hoonani. 163
1. E ka Makua, kai ae ia makoi
E ole kou lima auwana no ma
kou
He weli e makena na luuluu,
Kai ia Iesu ke ala e ola ai.
31. Kai e ka Makua, ma ka po-
lolei.
Ke ole oe, okupe wale ae | Iloko o na aka pouli po,
Ina oe pu, ua palekana mau.
4. Kai e ka Makua 1 kou maha lai.
Ke apuupuu ke ala a ino e,
Ke oli, ke luuluu nau no e kai,
A pomaikai makou iloko ou,
PULE HOOKUU
Na, Rev DANIEL LONOEHU,
Ke haawi aku nei au i ka'u hoo-
maikai i ka Hope Makai Nui Char-
les Makanui ame kana aliiwahine
ame na hoahanau apau o ka eka-
lesia o Laupahoehoe, a pela pu hoi
i ko Komite Hoeueu o na hana Hoo-
ikaika Kristiano J. Z Zeremiah ka
Rev. 8. L. Desha ame ka poe no
apau i akoakoa mai no ko lakou
pulama, ohaoha ame ka haawi pu
ana mai i na mea apau e oluolu
ai ke kino.
Na ko oukou hoapaahana iloko o
ika Haku,
REV. D, K. KAPAHEE,
HOONANEA KO KA MANAWA. MOOLELO NO KALAEPUNI AME
KALAEHINA KEKAHI MAU
KANAKA KOA LOA O KA
MOKU O KONA. (Kakauia e Z. P. K. Kawaikaumaii-
kamakaokaopua.) No keia ikaika o Kalaehina, olelo
mai la o Kalaepuni: "E kuu kai-
kaina, pomaikai kaua, i ko kaua ika
ika nui. Lilo ae nei au i alii no
Hawaii nei ma kuu ikaika, e aho e
holo oe i Maui e luku ina pua alii
olaila, a e noho alii oe ma ko Ka-
malalawalu wahi." Ae aku o Ka-
laehina i ka olelo a kona kaikuaana
a Kalaepuni, noho iho la ia a hala
na la kapu heiau o Hawaii, a hala
ia, holo aku la ia i Maui.
Ahiki o Kalaehina ma Hana i
Maui, ia wa, he aha mokomoko ka
ke alii o Maui, a Kamalalawalu ma
ka puu o Kauiki, e akoakoa ana na
kanaka he lehulehu, me ka pulou-
lou, kapu o ke'lii, ae aku la o Ka-
laehina maluna oia kupu, lalau iho
la i ka puloulou a lilo i mea ole
iloko o kona mau lima. A ike o
Kamalalawalu ke'lii i keia mau ha-
na a Kalaehina, kena ae la ia i ka
lehulehu, e lele maluna o ka Lae-
hina a pepehi. A makaukau ka lima
o ka lehulehu e pepehi ia Kalaehina,
ia wa o Kalaehina i pulumi ai me
kona mau lima ina kanaka, elike
me na naonao liilii loa, e kuoloia
ana, pela, ka hana ana o Kalaehina
ia lakou. Ma keia hana a Kalae-
hina ia lakou, ua maka'u o Kama-
lalawalu, a mahuka aku la a noho
ma ka punawai o Waianapanapa.
Ala ia wahi ma Honokalani ma
Hana ahiki i keia la. Lilo ae la o
Kalaehina i alii no Maui, ma ko
Kamalalawalu noho alii ana, ku'i
aku la keia kaulana mai Hawaii
a Niihau, i ka ikaika o Kalaehina
ame kona noho alii ana no Maui
holookoa ma kahi o Kamalalawalu
A lohe o Kapakohana i ko Kalaehi-
na ikaika makemake iho la o Kapa-
kohana e holo mai e hakaka me Ka-
laehina. O keia Kapakohana o ko
Kauai kanaka ikaika loa la. A ua
lawe ae la oia, i ka noho alii o Ola,
ko Kauai alii e noha ana ia wa, a
lilo ae la ma ka ikaika. Elike me
Keawenuiaumi, ame Kamalalawalu.
Holo mai la o Kapakohana mai Kau-
ai mai a pae ma Oahu, mai Oahu
mai a pae ma Honuaula i Maui, kau
na waa ilaila, hele aku la mauka
ahiki i Kipahulu, ahiahi iho la, moe
malaila, i kauhale kamaaina o ia
wahi.
Ninau mai la na kamaaina: "Ma-
hea kau wahi hele. A mai hea
mai nei oe." Olelo aku keia:
"Mai Kauai mai nei au, a e hele
ana i ka makaikai ahiki i Hana ft
puni o Maui nei, alaila, hoi ke keiki
o Kauai." I mai na kamaaina
Minamina wale ko kanaka maikai
i ko make mai i ke alii huhu o ma
kou nei, ia Kalaehina, e aho e hoi
oe." I aku o Kapakohana: "He
huhu no ka ia i ka mea hele malie
ma ke alanui."
"Ae, he huhu no, he oi kela a ke
kanaka huhu ame ka ikaika, ua no
keia na alii ame na koa, aohe puko
momona iaia, a na mahuka ke'lii o
makou o Kamalalawalu a holo o
pee no ka maka'u." Ninau aku o
Kapakohana: "Heaha na hoailo-
na ikaika ona a oukou i ike ai."
"Eia, e hiki iaia e huhuki ina
laau nunui e ulu ana, a. e hiki iaia
e kaka i kana wahie ma kona poo
(me he ko'i la ka o'i), ke lohi ke
kaka aaa o na aipuupuu.
Ina he la koele, aohe pane leo
aohe walaau, nolaila, ua kau ka
weli ina kanaka apau nona, a oia
la i lohe oe. " I aku o Kapakohana
"Aohe hoi ha he ikaika, he ikaika
huhuki laau wale iho la no, ehia
auanei a'u puupuu holo ia." I ma
na kamaaina: "Aole oe e pakele
he ikaika auanei kela a kana mai.'
Olelo aku la o Kapakohana ina. ka
maaina: "Ina e aa mai oia ia'u e
hakaka maua, le 'ale 'a loa au." Moe
iho la lakou a ao ia po, hele aku
la o Kapakohana ahiki ma Kaiwio-
pele i Hana, ma keia hele aaa o
Kapakohana. hahai pu aku la na
kamaaina apau o kona hale i moe
ai, e ike i ko laua hakaka ana. A
hiki o Kapakohana imua o Kalae-
hina, a ike kanaka e hoea aku ana
imua ona. Kahea mai la o Kalae-
hina, me ka leo nui: E nahae aua
nei! "O nahae auanei!"
Ia manawa a Kalaehina e kahea | | | | | | | | | | na palena o ka mahele makai o ke Ahupuaa o Paalaa (L. C. A. 7713, Apana 34 ia V. Kamamalu) e waiho a ma Waialua, Kulanakauhale a Kalana o Honolulu. Teritore o Ha-waii; ma keia ke haawiia aku nei ka hoolaha i na ona apau o na aina pili kokoko ana ame ka poe e ae apau i kuleana, e malamala ana he hoolohe ana i na palena o ka maiele i oleloia o ke Ahupuaa o Paalaa, ma ke keena halawai o ka Papa o na Komisina Awa, maloko o ka Hale Kapitala, ma ka la 8 o Augate, 1025, ina ka hora 9:00 A, M, Eia ke kii palapala aina ame na hoakaka no na palena o ka aina i oleloia elike me ia i koiia mai ai e ka mea noi ke waiho nei a e ikeia no ma ko Keena o ke Komisina o na Aina Aupuni. A. C. ALEXANDER Komisina o na Palena Aina no ka Apana Hookolokolo Kaapuni Ekahi. Honolulu, Iulai 1 1925. Robertson A Castle, Na Loio no ka Mea Noi.
6367—Iulai 2, 9, 16, 23 . HOOLAHA A KE KOMISINA PA-
LENA AINA NA MAHELE O KE
AHUPUAA O WAIMANO Mamuli o ka waiho pono ia ana mai o ka palapala noi i hanaia i ka mea nona ka inoa malalo iho nei a na Kahuwaiwai malalo o ka Pala-pala Kauoha Hooilina a Bernice Pauahi Bishop no ka hooponopono ana i na palena o na mahele o ke Ahupuaa o Waimano (L. C. A, 7713, Apana 47 ia V. Kamamalu) e waiho la ma Ewa, Kulanakauhale a Kalana o Honolulu, Teritore o Hawaii; ma keia ke haawiia aku nei ka hoolaha i na ona apau o na aina e pili kokoke mai ana ame ka poe e ae apau i kuleana, e malamaia ana he hoolohe ana no ka hooponopono ana i na plaena o na mahele i oleloia o ke Ahupuaa o Waimano ma ke keena halawai o ka Papa o na Komisina Awa maloko o ka Hale Kapitala ma ka la 8 o Augate, 1925, ma ka hora 9:00 A.M. Eia ke waiho nei ke kii palapala aina ame na hoakaka o na palena o ka aiha i oleloia elike me ia i koiia nihi ai e ka poe noi a e ikeia no ma ke Keena o ke Komisina o na Aina Aupuni. A. C, ALEXANDER Komisina, o na Palena Aina no ka Apana Hookolokolo Kaapuni Ekahi. Honolulu, Iulai 1, 1926. Robertson & Castle, Na Loio no ka Poe Noi.
6367—Iulai 2, 9, 16, 23. HOOLAHA A KE KOMISINA PA-
LENA AINA MAHELE KUAHIWI
O KE AHUPUAA O PAALAA Mamuli o ka waihoia ana mai o kekahi palapala noi kupono i ka mea nona ka inoa malalo iho noi e na Kahu Waiwai malalo o ka Palapala Kauoha Hooilina a Bernice Pauahi Bishop no ka hooponopono ana i na palena o ka mahele kuahiwi o ke Ahupuaa o Paalaa (L C. A. 7713, Apana 34, ia V. Kamamalu) e waiho la ma Waialua, Kulanakauhale a Kalana o Honolulu, Teritore o Hawaii, ma keia ke haawiia aku nei ka hoolaha i na ona apau o na aina e pili pu ana ame ka poe kuleana e ae apau, e malamaia ana he hoolohe ana no ka hooponopono ana i na palena o ka mahele i oleloia o ke Ahupuaa o Paalaa, ma ko keena halawai o ka Papa o na Komisina. Awa maloko o ka Hale Kapitala ma ka la I o Augate, 1925, ma ka hora 9:00 A. M. Eia ke kii palapala aina ame ka hoakaka no na palena o ka aina i oleloia elike me ia i koiia mai ai e ka poo noi ke waiho nei ma kahi o na palapala a e ikeia no ma ke keena o ke Komisina o na Aina Aupuni. A C. ALEXANDER Komisina o na Palena Aina no ka Apana Hookolokolo Kaapuni Ekahi. Honolulu, Iune 20, 1925. Robertson & Castle,
Na Loio no ka Poe Noi
6366-—Iune 23; Iulai 2, 9, 16. HOOLAHA. Hoolimalima o ka Lokoi'a, Kahana,
Koo'auloa, Oahu. E apoia aku no na koho apau no ka hoolimalima o ka lokoi'a i onaia e ka Hui o Kahana, e waiho la ma ka aoao Kaneohe o ke Kaikuono o Kahana, no ka manawa o elima makahiki mai ka Ia mua aku o Augate, 1925. Ma kp kakau na koho apau e pono a a e waihoia mai me E. H. Wodehouse, Puuku o ka Hui o Kahana, Rumi 606 Hale Stangenwald, Alanui Kalepa, Honolulu, ma a i ole mamua ae o ka Poalima, Iulai 31, 1925 ma ka hora o ke awakea. Ke hookoe nei na lunanui o ka
Hui o Kahana i ka pono e hoole
kekahi a i na koho apau. Hanaia ma Honolulu, T. H. Iune
18, 1926. E. H. WODEHOUSE,
Puuku, Hui o Kahana.
6366—Iune 25; Iulai 2, 9, 16. Nupepa Kuokoa No ka makahiki (one year).... $2.50 O na Dala ame na Hoolaha apau e hoouna pololei mai i ka ADVERTISER PUBLISHING CO., LTD., wale no, P. O. Box 3110, Honolulu, T. H. 217 Alanui Moi, ma Waikiki o ke Alanui Alakea; ka Nupepa Advertiser. Entered at the Post Office at Ho-nolulu, T. H., as Second Class Matter. SOLOMON HANOHANO, Luna-
hooponopono. CHARLES S. CRANE, Luna Nui. | | |
| | | nei, ke aloha nei ka lehulehu ia Kapakohana i ka make ia Kalaehina. A hiki o Kapakohana imua ke alo o Kalaehina ame na kanaka mahiai, nana aku la ia, aohepane leo, aohe walaau, no ka mea, ua kau o Kalaehina i ke kanawai no ka walaau. Aole e walaau na kanaka i ka wa e hana ai. Ia wa, makaukau o Kalaehina e hopu ia Kapakohana, a ike o Kapakohana ia anehenehe o Kalaehina e hopu iaia, kahea aku la ia ina kanaka koele, na oki ke koele. Ia manawa lohe ai o Kalaepuni i ka leo kahea a Kapakohana ina kanaka koele e pau ke koele, lele mai la o Kalaehina a hopu ia Kapakohana, paa iho la, e puliki aku ana o Kapakohana ia Kalaehina paa loa, no ka mea, o ia ka Kapokohana mea makaukau loa. Ia manawa hakoko laua me ka ikaika loa, maluna, malalo, malalo, maluna, a aneane e pau ke aho o Kapakohana. Iloko o ko laua wa e hakoko ana, noonoo iho la o Kapakohana, hookahi mea pono iaia, e hooke ia Kalaehina, i ka pali o Kaihalulu e kokoke la i Kapuookahi ma Hana. A kupono laua maluna pono o ka pali o Kaihalulu, lele pu aku la laua a elua i ka pali, A nalowale iloko o ke kai, a mahope, ea mai la o Kapakohana, ua make o Kalaehina. Lawe pu mai la o Kapakohana i ke a auwae o Kalaehina a hoike ae la ina kanaka ouka, maopopo iho la, ua make o Kalaehina. Mahope iho o ka make ana o Kalaehina, o na kanaka o Hana, kaohi mai la lakou ia Kapakohana e noho i alii no lakou, elike me Kalaehina, hoole aku la o Kapakohana, Alaila, hoi aku la o Kapakohana i Kauai, a lilo hou ae la o Kamalalawalu i alii no Maui, elike me kona ano mamua. ( Ka Hopena.) HAINA NANE. Mr, Lunahooponopono o ke Kuokoa; Aloha maikai oe;—E oluolu mai no'u hoi kekahi keena kaawale o ka hiwahiwa a ka lahui; no Ua hoike ana aku i ka'u haina o ka nane nioi wela a ke keiki o ka pali kapu o Keoua o ka la 11 o Iune, 1925 O ia keia: Elua mahele o ka inoa ona. Mahele mua, He inoa kona no kekahi holoholona, ina na aina e nohoia ana e na kanaka: Mahele hope. E loaa no oia < R ia kakou i ka paa iluna ame ka paa ilalo; o ka mea hilu nae ina ka e hui ka mua me ka mahele hope, pau loa ka ika ana o na mokupuni mawaho ae o Oahu. Aole hoi he olena ana o na aina apuni ke ao, ma ka mokupuni wale no ka o Oahu oia e loaa ai, i na pali hauliuli o ke Koolau. Ke ninau mai nei. Owai la ka mahele mua o ka inoa o ua kae'ae'a nei. Owai hoi ka inoa o ka mahele hope. Owai ka inoa piha o ua kae'ae'a nei o ka pali laumania o Keoua. E oluolu mai e ke keiki o ka waikaumaiikamakaokaopua, ko lawe nei no au ma ka piko ma kahi momona o ka nano a kaua; he mea hoopiha nupepa wale ao ka helupapa ana i na mea e pili ana i ka hane, na ka mea heluhelu no la e ike iho. Haina. Mahele 1. o PUAA ka inoa o ua holoholona la au. Mahele 2. O KAMA ka inoa
ka paa iluna. E hoakaka iki au ma keia wahi. O Iehova ka i olelo. O Ka'u keiki Kamakahi no keia, ka mea A'u i olioli loa ao. O ka paa hoi ilalo nei, ua kapa aku kakou i na keiki hanaumua, he kamakahi. O kou Iini e haiia ka inoa piha o puaa ka mua, o Kama ka hope. Ina e hooholo ia ka mahele 2, mamua o ka mahele 1, alaila e loaa ka inoa piha o ka hane kamapuaa a nona kela, uka noho i ke kapu o Kaliuwaa, me ke kanaenae oe e hiki ai ke pii i keia kahawai ahiki i ke kiowai, i loaa ole ai oe i na ulia ino. Ua pololei no oe i olelo mai nei o Oahu wale no ka mokupuni e loaa ai. Ke lana nei ka manao o kahi kaaka, ua loaa pono aku la au hua nioi opiopio i ka winiwini oi o ka penikala a ke keiki ai nioi o Wai akea Home Steads, aole i kalae iho ka wai o ka maka, ua pili pono aku la ka la i Papaenaena, ua ahuwale na iwi o Hua i ka la. Ko'u aloha nui e Mr. Lunahooponopono ame kou mau keiki hoo-nohohua ko'u aloha nui. JOHN KAHALAIKULANI, Waiakea Homesteads, Hilo Hawai Aohe wahi mea a mahinu mai la na mahele o ka inoa o ke keiki o ka pali kapu o Keoua, he o ia mau no ia i ke alo pali, hoonahoa hou ia mai!—L. H. HOOLAHA A KE KOMISINA PA LENA AIKA MAHELE MAKAI O KE AHUPUAA O PAALAA Mamuli o ka waiho pono ia ana
mai o ka palapala noi i hanaia i ka
ihea nona ka inoa malalo iho nei
ka Waialua Agricultural Company
Limited, no ka hooponopono ana | | |
