Ka Nupepa Kuokoa, Volume LXIV, Number 28, 9 July 1925 — Page 6

Page PDF (1.55 MB)
EONO NUPEPA KUOKOA, HONOLULU, T. H. POAHA, IULAI 9, 1925
iaia a laweia ae e hoopaa i ka halepaahao ma ka Poalima wai.
Ma ka mea i manaoia o kekahi poe aolo ma Amerika i loaa ai keia opiuma ia Canuto, mai ka Hikina loa mai i loaa ai a ua laweia ae i Kapalakiko.
Ho Pilipino keia lawehala i paa ne ai, he kanaka i hoopaa ae iaia i kanaka hana malalo o ka oihana, kaua moana, pela ka oleloia, a no na makahiki ehiku ka kona hana ana maluna o na moku. Ma keia halawai ana ae a ka papa kiure kie. kie federala o hooloheia ai kona hihia.
Ma ka oleloia o ka moku a na solona o ka ahaololo lahui i holo aku la no na mokupuni Pilipine a i haalele mai ai ia Honolulu nei ma ka Poalima o ka pule i hala aku h, he moku ia i paaia no kekahi heluna nui o na waiwai ku-e kana-wai.
HE $2500 KE KOI-POHO A KE KAIKAMAHINE IA CHISHOLM.
Ma ka Poaha o ka pule aku la i hala i hookomo ae ai o Miss Evelyn Blair, he kaikamahine himeni, he hoopii koi-poho o $2500 imua o ka aha kaapuni e ku-e ana ia Kenneth Chisholm no kona lawelawe ino ia ana.
Wahi a Miss Blair ma kana hoopii, ma ka la 18 o Mei i hala, ma Manana, Ewa, ua limaikaikaia oia e Chisholm me kona hoonaukiuki a hana wale olo ia aku, ua kui mai oi» iaia me kona mau puupuu lima, a no ia ku'iaia ana mai ona ua eha oia ua uli kona kino a me kona poo, a ua haki kona iha, ua haki kona mau niho a ua nahaehae hoi kona mau lole a aneane e kaawale mai kona kino aku.
Mamuli o kela limaikaikaia ana ona e Chisholm o ia mau kona haa-lulu me ka makau pu me ka hu'i pu maloko o kona kino me ka mai-kai ole o kona noonoo a o lilo ana hoi ia pepehiia ana ona i kumu hoopoino i kona ola ame kona noo-poo no ke koena aku o kona mau la o ke ola ana.
Wahi hou a Miss Blair mamuli o kona eha ana ua nui kona aie i na kauka no ka lapaau aaa iaia a ua hoolilo pu aku hoi i kekahi huina dala nui no ka humuhumu hou aaa i kona mau lole i nahaehae i hoopoinoia e ka mea i hoopiiia.
Ua hoopii hoahewaia ae o Chris-holm e ka papa kiure kiekie teritori ma ka Poalima o ka pule aku la i hala no ka hoeha ana ino ka manao pue i ke kaikamahine, o ia ka hoike ano nui ma ka aono hoopii o ia no e Miss Evelyn Blair, he kaikamahine himeni no ka hui keaka e hoikeike ana maloko o Honolulu ia manawa.
I kulike me ka moolelo a ka makai o ka hoike ana ae, ua laweia ko kaikamahine, Miss Blair, e Chisholm maluna o ke kaa oto ahiki I Manana, Ewa. Iloko o kela manawa ana e kalaiwa ana na lehulehu na manawa ana o ka hoao ana e hooipoipo a e hoowalewale i ke kaikamahine, a iloko o ia man manawa lehulehu ana o ka hoao ana e hoowalewale a e noi ae no ka hookoia o kona makemake lapuwale ua hooio mau ke kaikamahine i kona make-make, a wahi a ke kaikamahine e ka hoike ana ae no ia ae ole ia u kona makemake i limaikaika ai oia iaia. Ua haaleleia ke kaikamahine ma ka home o kekahi o kona mau makamaka a na ia poe i hoike aku i ka makai ma ke kelepona.
Ua kukuluia ae o Chisholm imua o ka aha a ka Lunakanawai Frank Andrade ma ka Poakahi aia la i hala, a ua hoopaneeia mai kana pane a ka auwina la o ka Poakahi net He $1000 kona bona i kauia mai o ka aha.
HE $1 KE KOI-POHO I HAAWIIA
MAI I KA WAHINE.
Mahope iho o ka hookolokoloia ana no eliia la o ka hihia koi poho a Mrs. Maria J. Babista e koi ana ia Jose Rodrigues no kona poho i ka huina o $2500 ua hoihoi ae ke kiure a ka Lunakanawai J. J. Banks he olelo hooholo e haawi ana i ka pono ma ka aoao hoopii a e haawi ana hoi i $1 ke koi poho i hooholoia. No ka aneane e piha ka hora i ke kiure ka noonoo a baloka ana no kana olelo hooholo, o keia iho la ka olelo hooholo o ka hoihoi ana ae i ka aha.
He $10,000 ke ki poho a Mrs. Ba-bista o ke koi ana ae ia Rodrigues maloko o ka aha kaapuni ma ka la
17 o Augate, 1923. Maloko o kana hoopii ma ka la o Iune ame Iulai
ua kapa aku o Rodrigues iaia i ke-kahi inoa kupono ole ma ke ano kuamuamu.
MA KE KAUOHA
(Mai ka Aoao Elima mai)
KANAWAI 198

(Bila Senate Helu 173)
HE KANAWAI
E HOOLOLI ANA I KA POOHOU MUA O KA PAUKU 800 o NA KANAWAI I HOOPONOPONO Hou IA o HAWAII 1925, E PILI ANA I KA WAIHONA WILI MAU O NA HANA HOU.
E Hooholoia e ka Ahaolelo o ke Teritori o Hawaii:
PAUKU 1. O ka poohou mua o ka Pauku 800 o na Kanawai
1 Hooponopono Hou ia o Hawaii 1925, ma keia ke hoololi ia nei
i heluhelu ai penei:
"Pauku 800. Na hana hou: Waihona wili mau. Ke hookaa-
wale ia nei mai loko mai o na loaa laula o ke teritori ka huina .0
kanalima tausani dala ($50,000.00) a ma keia ke waiho ia nei
i waihona wili mau i kapaia o ka "Waihona Wili Mau no na Hana
Hou" no ka hoohana ia ana e ke keena o na hana hou o ke teri-
tori i ka uku ana aku i na hoolilo e ulu mai ana ma ke ana ana
ame ka hoomakaukau ana i na kii ame na loina hana no ke kukulu
ia ana o na hana hou malalo o ka bila bona aie."
PAUKU 2. E mana keia Kanawai i kona aponoia ana.
Aponoia i keia la 29 o Aperila, M. H. 1925.
W. R. FARRINGTON,
Kiaaina o ke Teritori o Hawaii.
KANAWAI 199
(Bila Senate Helu 184)
HE KANAWAI
E HOOMAOPOPO ANA I AUHAU KAULELE NO KA HOONEE IA ANA
AE O NA HALE E NOHO IA ANA E KEKAHI POE MAKAAINANA
MAI KA AINA AKU O KE KULA KIEKIE O HILO AME KE KULA
KAPIOLANI, KULANAKAUHALE O HILO, KALANA O HAWAII.
E Hooholoia e ka Ahaolelo o ke Teritori o Hawaii:
PAUKU 1. No ka makahiki 1925, e hoopili ae ka Luna Auhau o ka Mahele Auhau Ekolu i ka pakeneta auhau maluna o na waiwai paa ame waiwai lewa maloko o ua mahele auhau nei maluna ae o na huina koi mau i hoomaopopo ia e na kanawai e ae i loaa aku ai ka huina o iwakalua-kumamakahi tausani eiwa haneri dala ($21,900.00), a o ia huina, i ka manawa e ohi ia mai, e uku ia ae i ka puuku o ke Kalana o Hawaiino ka uku ana aku i na lilo o ka hoonee ana aku i kekahi mau hale i noho ona ia e kekahi mau makaainana mai ka aina aku o ke Kula Kiekie o Hilo ame ke Kula o Kapiolani a i na aina i haawi ia aku, a i ole e haawi ia aku ana i na ona o ua mau hale noho nei e ku la maluna o na aina kula i olelo mua ia ae nei a no ka uku pu ana aku nohoi i na pono e koi ia mai ana mamuli o ka hoonee ia ana aku o ua mau hale nei. O ua huina dala nei, a i ole o ka hapa o ia e lawa ai no ia hana, e hoolilo ia aku no ia no ka hana i hoomaopopoio ae la maluna ae. a o ke koena aku o ia mau dala e hookomo ia aku no ia maloko
o ka waihona no na hale kula o ua kalana nei e oleloia nei.
PAUKU 2. E mana keia Kanawai i kona aponoia ana.
Aponoia i keia la 29 o Aperila, M. H. 1925.
W. R. FARRINGTON,
Kiaaina o ke Teritori o Hawaii.
KANAWAI 200
(Bila Senate Helu 158)
HE KANAWAI
E HOOMANA ANA A E KAUOHA ANA I KA PAPA LUNAKIAI o KE KULANAKAUHALE A KALANA O HONOLULU E HOOKAAWALE I ELUA TAUSANI DALA ($2,000.00) NO KE ANA I LAINA NO KA OIHANA LAWE WAI INO O KE KULANAKAUHALE o WAIALUA, KULANAKAUHALE A KALANA O HONOLULU.
E Hooholoia e ka Ahaolelo o ke Teritori o Hawaii:
PAUKU 1. Ma keia ke hoomanaia nei a ke kauohaia nei ka
Papa Lunakiai o ke Kulanakauhale a Kalau o Honolulu e hoo-
kawale ae i haawina o elua tausani dala ($2,000.00) no ke ana
ana i laina no ka oihana lawe wai ino o ke Kulanakauhale o Wai-
alua. Kulanakauhale a Kalana o Honolulu.
PAUKU 2. E mana keia Kanawai i kona aponoia ana.
Aponoia i keia la 29 o Aperila, M. H. 1925.
W. R, FARRINGTON,
Kiaaina o ke Teritori o Hawaii.
KANAWAI 201
(Bila Senate Helu 203)
HE KANAWAI
E HOOPONOPONO ANA I KA LAWAI'A ANA MA NA KAI O KE TERITORI o HAWAII NEI.
E Hooholoia e ka Ahaolelo o ke Teritori o Hawaii:
PAUKU 1. He hana ku-e kanawai na kekahi kanaka, koe wale
no a he makaainana noho oia maloko nei o ke Teritori o Hawaii,
i a i ole he lawelawe oia i ka oihana lawai'a ma ke ano kalepa
a ua Haawi ia aku iaia kekahi palapala laikini no ia hana, e lawe
ae, e pepehi e lawai'a a i ole e kokua i ka hana lawai'a no kekahi
o na i'a kai a i ole o na holoholona kai e ai ia nei ma ke ano he io
meaai maloko o na kai malalo o ka malu o ke Teritori o Hawaii
ma na ano apau ; koe wale no nae keia, aole keia kanawai e pili
aku i kekahi kanaka e kamakoi ana ma kekahi manawa he kana-
kolu minuke mamua o ka puka ana mai o ka la, ahiki aku i ke
kanakolu minuke mahope aku o ka napoo ana o ka la o kekahi la:
a he hana ku-e kanawai no hoi na kekahi kanaka ka lawelawe ana
i ka oihana lawai'a ma ke ano kalepa me ka loaa mua ole o ka
palapala laikini mai ke komisina mai o na i'a ame na holoholona
o ke Teritori o Hawaii, a maloko o keia kanawai e hoomaopopo
ia nei o ke komisina.
PAUKU 2. No na hana i manao ia ma keia kanawai, e manao ia o ke kamakoi o ia no ka lawai'a ana me ka makau, ke aho ame ka makoi, e kaawale aku nae ka makau mai ka makoi aku ; a o ka lawai'a kalepa ana e manao ia no ia oia no ka lawai'a ana i i'a e lawe ia aku ai a kuai a i ole a kuapo ma ke ano hoopukapuka.
PAUKU 3. Na ke komisina a i ole na kona agena e hoopuka aka i mau palapala laikini i kekahi makaainana noho e makemake ana e lawai'a kalepa ma ke noi ana ae ona e waiho ae ana i kona inoa, kona wahi noho, kona wahi i hanau ai, kona kiekie, kona mau paona kaumaha, ka waihooluu o ka lauoho ame ka maka ame na hooia kupono e hoomaopopo maoli ia ai he makaainana oia; a e loaa pu no hoi ka laikini i na poe e ae no ka
lawai'a kalepa ana ma kekahi noi na mai e hoike aku ana i ke
komisina a i ole ia i kona agena i na hoike moakaka maoli he
makaukau ua mea noi nei ia hana lawai'a kalepa ame ka uku
pu ana aku i elima dala ($5.00) ame ka waiho pu ana aku o ua
mea noi nei i ka ike no kona inoa, ame kahi i hanau ai.
PAUKU 4. He hana ku-e kanawai ke kuapo ana aku i ua palapala laikini nei e lawai'a kalepa. E pau ka mana o na laikini a pau ma ka la 30 o Iune o kela ame keia makahiki, a aole kekahi kope o kekahi laikini e hoopuka hou ia aku, koe wale no aia i ke kanaka e hoohiki mai ana ua nalowale a ua poino kana laikini ame ka uku pu ana mai i kanalima keneta (5Oc.).
PAUKU 5. He hana ku-e kanawai na kekahi kanaka ka hoo-
hana ana i kekahi upena kiloi, upena hukilau a upena hooheihei
ma ka ano he upena e Huki ia ana no lakou ka maka i emi iho
malalo o elua iniha mai kekahi kihi a kekahi kihi o ka maka ke
huki loa ia, a i ole ke hoohana i kekahi ano kihei mawaho ae o ke
eke ame na kihei hiki ke lawe ia ma o a maanei, a o ia mau kihei
hoi aole i oi aku maluna o umi kapuai ka loa ame ka eono kapuai
ke kiekie ma ka wahi haiki loa; koe nae keia, o ka mea lawai'a
kalepa ame na ona o na lokoi'a e ae ia Iakou e hopu i ka opelu
ame na i'a liilii o ia ano elike pu me ka nehu ame ka iao i mea
maunu, ame ka pua amaama i mea hoopiha i na lokoi'a me ka
upena maka liilii a koe hou no hoi keia, aole kekahi kauoha a
keia kanawai e pili aku i ka hoohana ia ana ame ka nunui o ka
maka o na upena e hoohana ia ana ma ka lawai'a puili ame ka
iheihe.
PAUKU 6. O kela ame keia kanaka e ku-e ana i na kauoha a keia kanawai e ku no ka hewa mikamina, a ke hewa maoli ia, e hoopai ia no ma ka hoopai dala aole e oi aku maluha o kanalima dala ($50.00), a i ole e hoopaahao ia aole e oi aku maluna o kanalima la, a i ole ma ka hoopai dala ame ka hoopai hoopaahao ana, a o ka hapalua o na dala e uku ia ae ana ma ke ano he hoopai, e uku ia aku no ia i ke kanaka a mau kanaka na lakou i kokua i ka hopu ia ana ame ka hoahewa ia ana o ka mea ku-e kanawai. PAUKU 7. 'b na dala apau e ohi ia ana e ke komisina no ka hoopuka ia ana aku o na laikini elike me ia e hoomaopopo ia nei maloko o keia, e haawi ia aku no ia i ka puuku o ke kalana a kulanakauhale a kalana maloko olaila i ohi ia ai ua mau dlaa nei. PAUKU 8. O na kanawai apau ame na mahele kanawai e ku-e ana i keia ma keia ke hoopau loa ia nei.
PAUKU 9. E mana keia Kanawai mai Iulai la 1, 1925 aku.
Aponoia i keia la 29 o Aperila, M. H. 1925.
W. R. FARRINGTON,
Kiaaina o ke Teritori o Hawaii.
KANAWAI 202
(Bila Senate Helu 220)
HE KANAWAI
E HOOMAOPOPO ANA I KA WAIHO ANA AE A NA POE KUAI I'A I
KA NUI O NA I'A I KUAI IA AKU A I LOAA MAI.
E Hooholoia e ka Ahaolelo o ke Teritore o Hawaii:
PAUKU 1. O kela ame keia kanaka, hui a ahahui he wahi
kuai i'a ko lakou maloko nei o ke Kulanakauhale o Honolulu a i
ole ia ma ke kulanakauhale o Hilo, a e lawelawe ana i ka oihana
hoopukapuka kuai i'a a i ole i na lako i'a i hopu ia maloko a i
ole ma na kai pili mai i na kai o ke Teritori o Hawaii, e waiho
ae no lakou me ka Papa Komisina o I'a ame na Holoholona o
ke Teritori o Hawaii nei maloko o keia kanawai e hoomaopopo
ia nei o ke komisina ma ka la 10 a i ole ia mamua iho o ia la o
kela ame keia mahina maluna o np plapala i pa'i hakahaka ia a i
hoolako ia mat e ke komisina, a hoike pololei a oiaio ma ka Olelo
Beretania e hoike ana i ke kaumaha ame ka heluna o na ano i'a
like ole i kuai ia aku, i loaa mai, a i hoolilo ia aku i ka mahina
mamua iho.
PAUKU 2. O kela ame keia kanaka, hui a ahahui he wahi maa
mau ko lakou no ka oihana kalepa i'a, e hoohana ana i na i'a, a i
ole e lawe mai ana i ka i'a mai kekahi kanaka, hui a ahahui e aku,
e haawi aku lakou i mu likiki ma ka olelo Beretania i ke kanaka,
hui a ahahui mai ia lakou mai i loaa mai na i'a, a maloko o ia
likiki e hoike ia ka la o ka hoopuka ia ana, ka inoa o ke kanaka,
hui a ahahui o ua likiki nei e hoopuka ia nei, ka nui o na paona
o kela ame keia ano i'a i loaa mai, ka heluna o na i'a i loaa mai
ina ua piha ka paona ia lakou pakahi a oi aku, ke kumukuai o
ka paona i uku ia ai ame k inoa o ka mea hoopukapuka e hoopuka
ana i ua likiki nei; a o kela ame keia mea kalepa i e lawai'a
ponoi ana no nona iho, a i ole e kuai ana i ka i'a i lawai'a ia e
kona poe kanaka ponoi iho e waiho ae no oia i likiki o ia ano, e
hoike ana i ke kumukuai o ia ano i'a ma ia la i hoolilo ia aku ai
ua mau i'a nei. I kope nokeialikiki e paa ia e ka mea kalepa i'a
e hoopuka ana i ua mau likiki nei no ka manawa o eono mahina, a
e waiho ia ma kahi e hiki ai ke ike ia ma ka nana ana iloko o
ua manawa nei o eono mahina, ke. kauoha ia e ke komisina, a i
ole e kekahi agena a kokua i hookohu pono ia e ua komisina nei.
PAUKU 3. O kela ame keia kanaka, hui a ahahui e ku-e ana
i na kauoha a keia kanawai, a i ole e waiho ae i kekahi mau hoike
hoopunipuni a kolohe ma ka hoopuka ana i na likiki a ma ka lakou
mau hoike i ke komisina, e manao ia ua ku ia lakou ka hewa
mikamina a ina e ahewa maoli ia e hoopai ia no ma ka hoopai
dala aole e oi aku maluna o elima hineri dala. ($500.00), a i
ole e hoopaahao ia no ka manawa aole e oi aku maluna o hookahi
haneri la, a i ole ma ia hoopai dala ame hoopaahao pu ana no.
PAUKU 4. O ka hookahi hapalua o na dala apau e ohi ia mai
ana mai na hoopai dala mai i hookau ia aku e haa wi ia ae no i ke
kanaka a mau kanaka paha na lakou i kokua i ka hopu ana ame
ka ahewa ia ana o ka mea i ku-e i ke kanawai.
PAUKU 5. E mana keia Kanawai i ka la 1 o Iulai, 1925.
Aponoia i keia la 29 o Aperila, M. H. 1925.
Kiaaina o ke Teritori o Hawaii.
W. R. FARRINGTON,
KANAWAI 203
(Bila Senate Helu 231)
HE KANAWAI
E HOOKAAWALE ANA I KANALIMA-KUMAMAHA DALA NO KE KOKUA ANA IA CHARLES S. PUTNAM. E Hooholoia e ka Ahaolelo o ke Teritori o Hawaii:
PAUKU 1. O ka huina o kanalima-kumamaha dala ($54.00) ma keia ke hookaawale ia nei mailoko mai o na dala apau e waiho ana maloko o ka waihona i hookaawale mua ole ia, no ka uku ana aku ia Charles S. Putnam no na dala e uku e ia aku e ia no kekahi olelo hooholo a ka Papa Hooponopono i na Poino Hana o ke Kalana o Maui i haawi ai no ka pono o Frank Kaui, no na lilo kauka o ua o Frank Kaui i oleloia.
PAUKU 2. E mana keia kanawai i kona aponoia ana.
W. R. FARRINGTON,
Kiaaina o ke Teritori o Hawaii.
He Hoomaikai i na Kamaaina o Kauai
He keu no paha no Maui wale no ka moto, i kaulana. "0 Maui no ka Oi," eia ka no Kauai pu no kekahi, elike me na hookipa ohaoha a na kamaaina o kela mokupuni, i panee mai ai imua o na malihini makaikai, o ka holo ana aku nei, no ka Mokupuni Kailiia, ma ka huakai a na Keiki o ka Ululaau ma ka la Pokiulai nei. Ma ke ano he lala no ka Ahahui o na Keiki o ka Ululaau, ua haalele iho la i ka uluwehiwehi o ke kulanakauhale uei ma ka mokuahi Mauna Kea, ma ka po o ka Poalima aku nei i hala, me na hoahanau o ka ahahui hookahi, na makamaka ame na hoaloha; a ma ke kakahiaka ae o ka Ponono, i pili aku ai ka mokuahi no ka uwapo ma Ahukini. Ua hele ouka o ka aina, a lehau i na kaa otomobile, me na komite hookipa o ka Ahahui Waialeale, e kakali mai ana o ka hookipa aku i na malihini. Oiai ua hoolala mua no i ke aiaiele no keia huakai, kau aku la na maka o ka ike i ko'u kamaaina, aole no hoi iloihi ia kakali aua, hoea ana no o Mr. Henry Waiau me
kona kaa, pau ae la na manao hopohopo; ui aku la i ko'u muu hoa hele, ina he mau kamaaina kokahi o lakou, a i ka hoole ana mai, iho like aku la nolalo o ka uwapo, a hui me ke kamaaina. ua apo mai la oia ia makou apau, a hoihoi aku la no kona home ma Nawiliwili. Hoea aku Ia no kauhale, hoomaha liilii no kekahi manawa pokole, o ka lilo aku la no ia, ma ke kaa otomobile, aia ka palena no ka laula o Kapaa, ke kikowaena o na Keiki o ka Ululaau. Oiai e nanea ana ma Kapaa, hoea ana o Mr. W. K. Peters me ke kaa otomobile i hoounaia mai e ka Loio Kalana A. G. Kaulukou, o ka holo makaikai aku la no ia no Haena, me ka Ualoku o Hanalei, a huli hoi hou no Lihue ma na hora o ke ahiahi, me ka hookipaia ana aku e ka loio kalana puuwai hamama maloko o kona home, maluna o kekahi pakaukau i luluu i na meaai ono a ka Hawaii. Hoaumoe ma ia po ma ka home o Mr. Henry Waiau, a ma ke kakahiaka Sabati ae i holo ai e makaikai i ka Paka Hoomanao Kuhio, ma ka
Uanoe o Koloa me Lawai a huli hui hou aku la no Lihue. Ma keia ahiahi, i paneeia mai ai he papaaina i hoomakaukauia e Henry Waiau no makou: ua ai a lawa, ua inu a kena i ka lokomaikai o na kamaaina. Ko na hookipa ohaoha i paneeia mai imua o makou na malihini, e na kamaaina Henry ame Mrs. Waiau, ka Loio Kahina A. G. Kaulukou, ma na mea e oluolu ai ke kino, pela hoi ka lawe hoomakaikai ana ma na walu pana apau o Kauai, na hiki ole ia makou ke kaohi iho, i ka pahola ana aku i ko makou mahalo me ka hoomaikai piha ia oukou apau; e oluolu e lawe aku ia hoomaikai me na manao kui'o mailoko lilo aku o ko makou mau puuwai pakahi, a na ko kakou Makua no ma ka lani, e haawi mai i na hoomaikai oi ae mailuna mai. O makou iho no me ka oiaio, MIKE L. GUERREIRO, FRANK SOUZA, MRS. ANNIE FLAZIER,
JOSEPHINE KAUAHI,
MRS. FLORENCE PEDRO,
Honolulu, Iulai 6, 1925.
E HOOPAUIA AKU ANA KA LA-
WELAWE OIHANA ANA.
He noi ka i waihoia ae e ka papa
ulia uku o na limahana o na hana
imiloaa i ka loio kulanakauhale ame
kalana ma ka Poaha o ka pule aku
la i hala e hookomo ae i hoopii e
ku-e ana i ka Hawaiian Transfer
Co., Ltd., e keakea ana ia hui aole
e lawelawe hou i ka hana maloko
o ke teritore ahiki i kona lawe ana
i inisua ukuhana no na kanaka hana
no ka hoopakele ana i na limahana
mai na ulia mai, elike me ia i koiia
ma ke kanawai.
Ua hoole loa keia hui i ka hoolohe
ana i na kauoha a ka papa ma na
ano apau a no ia hoolohe ole o ke
alahele wale no e hana ai o ka hoopau ia hoi mai ka lawelawe hana hou ana maloko o Hawaii, a me he mea la o ka puuku teritore Henry C. Hapai ana kekahi e noiia ae ana e hoopau loa i ka palapala hoohui o keia hui me ke aupuni. Ma ka noho ana o ka halawai a keia papa ma ka Poaha o ka pule aku la i hala ua hoole ia papa i ke noi a Kentaro Ifuju, he Kepani i hoohanaia e ka Pearl City Fruit Co., Ltd., ma ke ano he amara na ia hui e haawiia aku iaia ka huina puu nui o $900 no ka hoopau ana i kana koi, o ia huina ua manaoio o ia iho la ke koi kupono no ka poino ana o kona maka. Ma ka manao o ka papa aole i lawa keia koi poho, he $1000 ka pololei a ka mea e lawe ana i ka inisua. Ua makemake o Kentaro i eha ai ka maka e hoi i lapana. E ukuia aku ana iaia mahope o kona hiki ana aku i kona homo ma Iapana, Ina no kona hooholo i kona manao e noho iho maanei ina ua loaa aku iaia he $1300 ka uku i kela amo keia pule no na pule he 128. Loaa ka Uku Piha No ka makapo ana o Manuel Morris i kona manawa e hana ana ma-muli o ke komo ana o ka mamala hao iloko o kona maka i hooholo ai ka papa e haawi aku iaia i ka uku piha no 128 pule. He kanaka kui hao oia. O ke koi a Mrs, A. Yamashiro no kona poino ana i kekahi mikini hana pulupulu ua kauohaia ae oia e ka papa e hoi hou ae malalo o ka malama ana a ke kauka. Ua uluhua loa ka oia a ua makemake e hele koke i ka bana. Ua noi ao ka papa ulia no kekahi manao kanawai o ka loio kulanakauhale ame kalana mamuli o kekahi noi i waihoia ae e Libby McNeill & Libby, owai la o na aoao ekolu ke uku i ka uku kaulele o ka inisua ma kahi a ka mea nana ka halakahiki i hana ai i kekahi aelike me na ona o na kaa kalaka no ka halihali ana i ka halakahiki. Ma ka aelike ina kupono ole ka hana a ice kalaiwa i ka manao o ka poe hana halakahiki no kona lawelawe ole me ke kupono i ka halakahiki ua hiki no ia lakou ke pani i kanaka hou ma kahi o ke kalaiwa.
HAINA NINAU BAIBALA.
Mr. Lunahooponopono o ke Kuokoa, , aloha oe: — E oluolu oe no'u kekahi rumi kaawale o ka hiwahiwa o ka lahui no ka'u haina no ka ninau Baibala A Chas. Kealoha, i ike mai ai ka lehulehu i ke ano maoli oia huaolelo, "Euanelio" elike
me ka makemake o ka mea nana ka ninau. 1 — Ina ia paha o ka mana o ke Akua o ia ia mea he Euanelio, o ka ninau: Heaha kona ano maoli e maopopo ai o ia io ka Euanelio? 2— No keaha? Haina. O ka manao o ia huaolelo Euanelio ame kona ano maoli, o ia keia: KAUOHA HOU, ka olelo maikai. Ninau elua. No keaha Haina. I MEA E KALA IA AI NA HEWA O KO KEIA AO. Me ka lana o ko 'u manao ua kupono aku la ua eueu nei i ka'u maa. Ke hooki nei au i keia makapeni a ke haawi pu aku nei i na hoomaikai i ka Lunahooponopono me kona mau sela. Owau me ka oiaio, KAAUHUHU BOY,
Ua kapeke Ioa mai la hoi kau
Imina mai ka haina ae e waiho nei
ma keia keena. Kuekaa hou ia iho ke
Kauoha Hou!— L. H.
HAINA NINAU BAIBALA.
E Solomon Hanohano, Lunahoopo-
nopono o ka Nupepa Kuokoa, me oe
ko'u welina pumehana: — Ke ku nei
ka ninau a Chas. Kealoha, heaha
ka Euanelio?
Eia no ka haina. HE MEA MA-
NA KA EUANELIO, ke malama i
na kanawai o ke Akua, na kanawai
kumu; ma ia mana i ala hou mai
ai o Iesu Kristo mai ka make mai;
kau iho la ka Uhane mana maluna
Ona a hele aku la iwaena o na lahui
kanaka e hoike i ka Euanelio me
kona ike mau aku i kana mau hau-
mana e hoola ana i ka poe lolo ame
ka poe makapo ka poe kuli, oiai
ua loaa iaia ka mana mai ke Akua
mai.
O ka'u haina keia; he nui aku
na wehewehe maloko o ka Baibala,
mai Makaio a Hoikeana e ikeia ai,
ina he poe heluhelu Baibala, ma-
laila e ikeia ai ka loaa ana ia loane
ka mana ame Pekelo ame ka poe
kauoha e ae i loaa ka oihana ka-
huna.
Me ke aloha haahaa i na keiki o
ka papapa'i.
SAM ANUHU,
Keokea, Waiakoa, Maui.
Aole mai la ia!—L. H.
MA KAILUA KONA AKAU HA-
WAII E NOHO AI KA AHA-
PAEAINA I KA 1926.
Mamua o ka hoopanee loa ana o
ka aha makua i kana mau hana no
ke kau o 1025 ua hooholo ia aha
ma Kailua, Kona Akau, Hawaii e
noho hou ai ka mahina o Iulai, 1926,
a ua kohoia ma ia manawa o Rev.
Stephen L. Desha ka lunahoomalu o ia aha a o Rev. Joseph K. Woodward o ka ekalesia o Kalahikiola, Kehala, ka hope lunahoomalu. O na luna e ae i kohoia no ka 104 o na halawai makahiki a ka Ahahui Euanelio Ahahuina Hawaii ma kela Poaha, ka la hope i pau ai na hana a ka aha makua, o ia keia: P. D. Kellett, ke kakauolelo a o L. K. Kupau kona hope, puuku, John P. Erdman. No ke komite malama ola o ka aha o Francis Akana o Kailua, ka lunahoomalu; na kokua, H. P. Judd, Re. H. K. Poepoe, Rev. Akaiko Akana, Rev. S. L. Desha ame Rev. .J. P. Erdman. Ma ia manawa like i hoakaka mai ai o Rev. N. S. Schenck, ka lunahoomalu a ke komite hoeueu he moa pono i na ekalesia e hooikaika i mea e loaa ai i 1200 mau hoahanau hou, ua makemakeia e loaa i1200 mau hoahanau hou i ka makahiki i hala a ua lona ia huina a oi aku, a e pono e loaa hou i huina like me ia i ka 1926 maloko o na ekalesia.
PAA KE KUENE O KA MOKU
LAWEKOA CHAUMONT I
KA HOPUIA.
Ma ka Poalima o ka pule i hala
aku la i paa ae ai o Geneto, he ku-
ene no ka mokuahi halihali koa
Chaumont o ka oihana kaua moana
e ku ana ma ke awa i ka Ilamuku
O. P. Cox, a hoopiiia ae i k» aha
federala no ka loaa ana aku o eono
mau kini opiuma malalo o kona
malu.
O ka waiwaiio o ia mau kini opi-
uma i kohoia aia ma kahi o ka $000,
elike ka ka akena o ka oihana wai-
wai Frank R. Thropp o ka hoike ana
ae, ka mea nana i noii a i ninaninau
pono i keia hihia.
Ua hopuia o Canuto e na makai o
ka oihana kukeawa M. A. Estrella
ame A. A. Buta ma ka hora 4:30
p. m., o ka Poakolu ma kona mana-
wa ma ona manawa i iho mai ai
mailuna mai o ka moku. He elua
mau kini opiuma i loaa aku malo-
ko o ka pakeke o kona kuka hoopu-
mehana e paa ana iloko o kona lima,
a he eha mau kini i hunaia maloko
o kona palule. Ma ko Canuto ma-
nawa i paa ai i ka hopuia ua huna
oia i ka hoike ana ae i kana wahi
e lawe aku ana ia mau kini a hoolilo
aku, o kana ka o ka hoike ana mai e
pii mai ana oia no ke kaona a kuai
mai ia mau kini opiuma i ka mea
e makemake ana e kuai.
Mahope iho o kona paa ana i ka
hopuia ma kela Poakolu aku la o ka
pule i hala, ua laweia aku oia e hoo-
paa maluna o ka moku U. S. Han-
cock ma Puuloa a maluna o ia moku
oiai paaia ai ahiki i ka hoea ana
aku o ka Ilamuku O. P. Cox e hopu