Ka Nupepa Kuokoa, Volume LXIV, Number 27, 2 July 1925 — KIIA HE KANAKA A MAKE MALOKO O KE KAA OTOMOBILE. [ARTICLE]

KIIA HE KANAKA A MAKE MALOKO O KE KAA OTOMOBILE.

SHANGHAI, Kina, lune 15—17a kiia mai e ka poe Pake powa e pee ana maliai o ke alanui a ku O tVilliam MacKenzie a make a hoeha iki ia o Misa Mary Duncan mamua iki iho o ka hora 11 o ka po, ia laua e holo ana maluna o ke kaa otomobile maluna o ke alanui nui o ka hapa komohana ma kahi kokoke mai i ka Hale Halawai Columbia Kuaaina o na Amerika. Ua haule aku la o William MacKenzie i make mailuna aku o ka huila o ke kaa a iluna o ke alanui. Ua hopu koke aku la o Miea Duncan i ka huila, a hoomau aku la i ke kalaiwa ana ahiki i ka loaa ana o ke kokua. O na mea i eha he mau makaainana Pelekane.

Ma ka Miss Duncan hoakaka he lehuiehu na Pake powa i halawai me laua, he poe i aahu ia lakou iho elike me na Pake lopa, r na ia poe i paa mai i ke kaa, a i ka manawa i hoike aku ai o MacKenzie i kona manao ku-e ua kiia mai la oia e kekahi ona Pake. Ua hoomauia mai ke ki ana mahope o ko MacKenzie haule ana iluna o ke alanui, elike me ka Miss Duncan lioakaka, ka mea nana i kalaiwa mai i ke kaa a hoea i kahi i hookaatvaleia no ds Pelekane maanei. O kela kiia ana mai o MaeKenzie ma ka manaoia ua ulu mai ia mamuli o ka hoohalahala o na Pake i ka hanaia o ke alanui e ka aha« kuka o ke kulanakauhale mawaena aku o ke teritore o na Pake. Ma ka manao o na Pake he hana ku-e ia i ke aupuni Pake, a ma ka la aku mamua ua eliia he auwaha mai kekahi aoao a i kekahi aoao o ke alanui ma kahi o ke ki pu i hanaia ai i keia la. 0 ke kulana olohani o na Pake maanei aole i loli ae o ia mau no.