Ka Nupepa Kuokoa, Volume LXIV, Number 27, 2 July 1925 — LUKUIA NA PUAA E KA MA'I KORELA MA MAUI. [ARTICLE]

LUKUIA NA PUAA E KA MA'I KORELA MA MAUI.

E hoakaka ana kekahi lono o ka loaa ana ae mai Wailuku, Maui mai, no ka luku nui ia o na puaa ma na apana o ke Awawa o Iao, Wai hee ame Waikapu, e ka ma'i korela a he 75 ka nui o na puaa i make a i pepehiia, a ua manao wale ia ua oi aku na puaa i loaa ia ano ma'i ma ka manawa a kolaila kauka Fiezerald, ka hope kauka o na holo holona, i ninaninau ai i ka poe ha nai puaa. Ma ke awawa o Iao ka hoomaka ana o kela ano ma'i e uku i kolaila mau puaa, no elua a ekolu pule mamua o ka hoikeia ana ae o ka lohe i ke kauka, a mahope mai o ia manawa ua laha ae la ia ma'i i na puaa ma Waihee ma ka aoao komohana o Wailuku a pela hoi ma Waikapu ma ka aoao hikina. I keia mau la ua hookapuia ka lawe ana i na puaa mai kekahi wahi a i kekahi o kela mokupuni, a ua haawiia he kauoha ikaika loa i na makai e makaala loa, aole e laweia na puaa. O ka makaala ole ia o ke kulana maemae oloko o na pa puaa ma ke Awawa o Iao ua ike ke kauka o na holoholona i ka hoopalaleha loa ia o ia hana, o ka laau wale no e kinaiia ai ia ano ma'i o ka hoohanaia o ke Serum. O na puaa apau i loaa aku ua loaa ia ano mai ua kiia i ka pu a ua puhiia ko lakou mau kino i ke ahi a ela hoi me ia pa laau. Ma keia manawa ka mamuli o ka ikaika o ka hoomalu ana ame ka hoohanamau ana i ke ahi ua kinaiia ka laha ana o ia ma'i pela ka manao o ke kauka. -*- Mahope o ka hele hoomaha ana no kekahi mau mahina ae nei i aha ma na kulanakauhale lehulehu o Kaleponi, e huli hoi mai ana o Mr. C.S. Crane ka lunanui o keia hui pa'i nupepa ma ka la apopo me Mrs. C.S. Crane.