Ka Nupepa Kuokoa, Volume LXIV, Number 27, 2 July 1925 — LAWE PONOI AE HE WAHINE I KONA OLA IHO ME KA PU. [ARTICLE]

LAWE PONOI AE HE WAHINE I KONA OLA IHO ME KA PU.

Ma ka Poalua o ka pule aku la i hala i lawe ae ai o Mrs. Ellinor Parker Custtead, ka waliine a William D. Caustead o kahi hoomoana o na koa ma Nanakuli i koaa maloko o kona home ma o kona ki ana ae iaia iho me ka pn panapana. I7a laweia ae oia me ka awiwi loa no ka halema'i ma Waipahu, aka nae, mamua o kona hiki ana ae ilaila ua make oia ma ke ala. He wahine ma'i loihi oia, elike mo ka hoakaka ma ka moolelo, a 'na kela pule i lawe ae ai oia i kona ola, ua oi loa ae kona hoouluhuaia a hooholo iho la e aho ka make ana mamua o ka hoomailo loihi ia o hoehaeha mau ia ai. Ua lohe mau ia kona olelo e aho ka make mamua o ka hoehaeha mau ia, nolaila ua kiai loa ia oia e kana kane ame kona mau hoaloha, a i ka manawa nae i hemahema ai ka lakou maka* ala ana a loaa hoi he manawa maikai i kela wahine ua ki ae la oia iaia iho me ka pu. Na ke Kauka Roger J. Mermod 0 Waipahu i kakauinoa i kona palar pala make a e hoakaka ana o ke kumu o kona make ana no ka puka poka a ka wahine i ki ponoi ae ai no iaia iho. Ma ka hora 2 o ka auwiaa la o ka Poaha mai i malamaia ai kona anaina haipule hoolewa maloko o ka halekupapau o Bortwick ma ke alanui Nuuanu, a ma ka pa ilina Oeean View ma Kaimuki i hoomoeia aku ai kona kino lepo. , Ua hanauia oia ma Burukeline, Nu loka, a iaia i make aku la, ua piha iaia na makahiki he 57. He loihi ka manawa o ka hooulu ana a 1 ke oki ana he hana loa.