| | MA KE KAUOHA (Mai ka Aoao Elima mai)
I HAAWINA A E UKU I KE KOI A FRANK PALONEY
'E Hooholoia e ka Ahaolelo o ke Teritori o Hawaii: PAUKU 1. O ka Papa Lunakiai o ke Kulanakauhale a Kalana
b Honolulu ma keia ke hoomanaia nei a ke kauoha ia nei e uku
aku i ke koi a Frank Paloney nona ka huina O elua haneri kanaono
dala ($260.00), ma ke ano no ka hana i hana ia. PAUKU 2. E mana keia Kanawai mai a mahope aku o ka la o
kona aponoia ana. Aponoia i keia la 28 o Aperila, M. H. 1925. W. R. FARRINGTON,
Kiaaina o ke Teritori o Hawaii. KANAWAI 119 (Bila o ka Hale Helu 172) HE KANAWAI E HOOMAOPOPO ANA I MAU WAIHONA KAULELE MAI NO KA HAUKIPILA MA'I AKEPAU O KE KULANAKAUHALE A KALANA o HONOLULU. 'E Hooholoia e ka Ahaolelo o ke Teritori a Hawaii: PAUKU 1. Ma keia ke hoomana ia nei a ke kauoha ia nei ka Papa Lunakiai o ke Kulanakauhale a Kalana o Honolulu nei e hookaawale ae no ka makahiki e pau ana i Dekemaba 31, 1925, i ka huina dala o kanahiku tausani dala ($70,000.00) a i kela ame keia makahiki ma ia hope i ka huina o elua haneri kualima: tausani dala ($250,000.00) no na lilo o ka malama ana ia Leahi Home, he haukipila no na ma'i akepau maloko nei o ke Kulanakauhale a Kalana o Honolulu nei, a e hookaawale no ua papa nei i oleloia i keia huina mailoko mai o ka waihona laula, a i ole e hoomaopopo ia no i waihona kuikawa ma kekahi auhau e hookau ia ana a mai ka makahiki 1925 aku, me ka nana ole ae i na kanawai e ku-e ana ia manao ana, e hoopii ae i na pakeneta auhau no na hana a ke kalana i lawa ai ka huina e hoomaopopo ia nei ma keia, a o ka puuku o ke teritori i kela ame keia makahiki me ka hoohui pu ana aku i ka makahiki 1925, e hookau iho i ka pakeneta auhau elike me ia; koe nae keia, ma ka mahina o Ianuari o kela ame keia makahiki, e hoomakaukau ka papa kahu wai-"wai o Leahi Home a e waiho ae i hoike i ua papa lunakiai nei i papa hoonohonoho o na loaa ame na hoolilo i manao ia no ia makahiki, a ina o ua papa hoonohonoho nei a e emi mai ka huina malalo o elua haneri kanalima tausani dala ($250,000,00) mai ke kulanakauhale a kalana mai, laila e hookaawale ae no ua papa nei i ua huina nei i emi mai ; a eia nae, e noho maa hookahi lala o ua papa lunakiai nei ame ka peresidena o ka Papa Ola O ke Teritori o Hawaii i mau lala no ua papa kahu waiwai nei. PAUKU 2. Ma keia ke hoomanaia nei a ke kauoha ia ilei ka
luna hooia o ke Kulanakauhale a Kalaha o Honolulu e hoopuka
ae i mau bila kikoo dala ma o ka puuku kulanakauhale a kalana
la ma ka la mua o kela ame keia mahina no ka hookahi-hapa-umi-
kumamalua o keia huina i oleloia, ma ka inoa o Leahi Home. PAUKU 3. Ke hoomanaia nei a ke kauoha ia nei ua papa luna-
kiai nei e hoohui pu i keia iloko o na huina lilo o ke kulanakauhale
ame kalana nei. PAUKU 4. E waiho ae ka papa kahu waiwai o ua home nei i
hoike mahina a i hoike makahiki i ka Meia ame ka papa lunakiai,
e hoike ana i na hoolilo ame ke ano o ka hoolilo ia ana. PAUKU 5. E mana keia Kanawai i kona aponoia ana.
Aponoia i keia Ia 28 o Aperila, M. H. 1925. W. R. FARRINGTON,
Kiaaina o ke Teritori o Hawaii. KANAWAI 120 (Bila o ka Hale Helu 252) HE KANAWAI E HOOLOLI ANA I KA MOKUNA 291 O NA KANAWAI I HOOPONOPONO Hou IA o HAWAII 1925, E PILI ANA I NA LUA WAI ANIANI. 'E Hooholoia e ka Ahaolelo o kg Teritori o Hawaii: UAUKU 1. O ka Mokuna 291 o na Kanawai i Hooponopono
Hou ia o Hawaii 1925, ma keia ke hoololi ia ilei ma ka pakui ana
aku me ia i pauku hou e ike ia o ka Pauku 4506A, a e heluhelu
penei :
"Pauku 3506A. Ke ano e kaawale ai ke kanawai mai kekahi
kanaka aku. O kela ame keia kanaka he lua wai aniani kana na
hiki no iaia ke hookaawale iaia mai na koi ana mai a ke kanawai
no ia mea, ma ka hoolilo ana aku i ke kulanakauhale a i ole ia ke
kalana maloko olaila ua lua wai aniani la i ua lua wai la ame ke
kuleana piha e hoohana i ua lua wai la maluna o kekahi aina e
noho ona ia ana e ia ma ka apana o ua lua wai la e waiho ana
ame ke kuleana pu e komo aku maluna o ua aina nei no ke po'i
ana me ke po'i a i ole i ka hoopiha loa ana i ua lua wai nei, He
hana ia na ua kalana a kulanakauhale a kalana la o ka lawe ana
mai i ua lua wai la ame ke kuleana e haawi ia mai la, a e po'i a i
ole e pani loa i ua lua wai la. He kuleana ko ua kalana a ku-
lanakauhale a kalana nei e hoohana i ua lua wai la a e hoomoe a
e maIama i na paipu e Iawe wai ana mailaila mai, ina aole ua
hoohana ana la ame ia hoomoe ia ana a malama ia ana o ua mau
paipu nei e hoopilikia aku i ka mea nona ua lua wai nei mamua
aku o ka haawi ia ana aku elike me ia e hoomaopopo ia nei ma-
loko O keia PAUKU 2. E mana keia Kanawai i kona aponoia ana.
Aponoia i keia la 28 o Aperila, ,M. H. 1925. W. R. FARRINGTON, Kiaaina o ke Teritori o Hawaii. KANAWAI 121 (Bila o ka Hale Helu 255) HE KANAWAI E HOOLOLI ANA I KA PAUKU 2968 O NA KANAWAI I HOOPONOPONO HOU IA O HAWAII 1925, E PILI AKA I KA HOOKO IA ANA O KEKAHI PALAPALA MA KA HOOPUKA ANA MA KA NUPEPA. 'E Hooholoia e ka Ahaolelo o ke Teritori o Hawaii: PAUKU 1. O ka Pauku 2968 o na Kanawai i Hooponopono Hou ia o Hawaii 1925, ma keia ke hoololi ia nei i heluhelu ai penei: "Pauku 2968. Ka hooko ia ana o kekahi palapala nia ka hoopuka ana ma ka nupepa. Aole kekahi kanaka e haawi ia kekahi hoopau ana, oki Ioa ia ana a i ole hookaawale iana aia wale no a | haawi ia aku i ka mea hoopii ia ka palapala oki maluna o kona kino ponoi ina eia oia ioko nei o ke teritori, a i ole ua hele ae imua o ka aha no ia hihia; koe nae keia, ma kekahi o na hihia malalo o ka Mokuna 174, no ka hoopau ana, oki ana a hookaawale ana, ina e hoomaopopo ia ma ka hoihoi ia ana mai o ka palapala hihia a i ole ma kekahi hoike i hoohiki ia a i ole ma kekahi ano e ae ua hiki ke hoomaopopo ka lunakanawai aia ua mea pale la mawaho aku o ke teritori, alaila, ua hiki no i ka lunakanawai ke hoomana e hoopukaia ke ku ana o ua hihia nei, ka manawa ame ka wahi e hoolohe ia ai, a e haawi ia aku i ka mea hoopiiia e kekahi kanaka ana e haawi aku ai a ma ke ano ana i manao ai he kupono, a, ina ma ia hope aku ua hooia hou ia aku no iaia ka hiki ole ke hooko ia ua palapala la, a aole i loaa i ka mea hoopii ka wahi e noho ana o ka mea i hoopii ia; a aohe e hiki, ke loaa no keia mau la loihi mahope iho o ka huli a ninaninau ia ana no na la he kanaono mahope iho o ka hoomaka ia ana o ka hihia, alaila ua hiki no i ka lunakanawai ke kauoha e hoolaha ia keia ike no ka mea hoopii ma kekahi nupepa i hookahi manawa o ka pale hookahi no ekolu pule kai like maloko o kekahi nupepa a mau nupepa e puka mau ai na hoolaha o na aha, i pa'iia maloko nei o ke teritori, a e hoolohe a e hooholo no ua hihia nei ma ia hope mai ma kekahi la i hoomaopopo ia maloko o ua hoolaha nei, aole hae ia manawa e emi iho malalo o kanakolu la mahope mai o ka waiho ia ana o ka ike, a i ole ia o ka la hope o ka hoopukaia ana o ka hoolaha ina ua hoolaha ia. O na waiwai apau iloko nei o ke teritori o ka mea e hoopii ia nei, e kaa no ia malalo o ka mana o ka aha no ka hooko ia ana o na olelo hooholo ame kauoha a ka aha elike me ka mana i haawi ia i kekahi ana no ka hooholo ana i na mea ma na hihia o keia ano elike me ia i hoomaopopoia ma ka Pauku 2958." PAUKU 2. E mana keia Kanawai i kona aponoia ana. Aponoia i keia la 28 o Aperila, M. H. 1925. W. R. FARRINGTON,
Kiaaina o ke Teritori o Hawaii. KANAWAI 122 (Bila o ka Hale Helu 270)
HE KANAWAI E HOOLOLI ANA I NA PAUKU 3415 AME 3416 O NA KANAWAI I HOOPONOPONO HOU IA O HAWAII 1925, E PILI ANA I KE PANI HAKAHAKA. E Hooholoia e ka Ahaolelo o ke Teritori o Hawaii: PAUKU 1. O ka hapa-poohou (1) o ka Pauku 3415 o na Kanawai i Hooponopono Hou ia o Hawaii 1925, ma keia ke hoololi ia nei i heluhelu ai penei : "(1) O ka hui e pau pu na hui, na ahahui, na hoahui ame na poe e lawelawe ana ma ke ano he mua i ka oihana pani hakahaka, koe nae na hui kokua, aka aole e komo pu mai na hui, na hoahui ame na poe e ku bona ana ma na hana aole e uku ia ana kekahi dala no ia ku bona ana a i ole ma ia hana ana ua komo pu aku ka mea e ku bona ana." PAUKU 2. O ka Pauku 3416 o na Kanawai i Hooponopono
Hou ia o Hawaii 1925, ma keia ke hoololi ia nei i heluhelu ai
penei:
"Pauku 3416. E hookupono na hui inisua me na kanawai ini-
sua. O kekahi hui, ahahui, hoahui a mea pakahi e lawelawe ana
i ka oihana inisua a i ole i ka pani ana no ka malama pololei ia o
na hana, a i ole e pani ana no kekahi poho, a i ole e komo ana
ma kekahi mau aelike i ano like aku me ke ano inisua, e manao
ia no ia he hui inisua, a aole e ae ia e lawelawe i ua hana la aia.
wale no a hoomana a ae ia mai e na kanawai o ke Teritori o Ha-
waii, a ua hooko ia na kanawai apau o pili aha no ia hana a e
hooponopono ana i ua mau hui la; aole nae kekahi mea maloko
o keia pauku e mahao ia ua pili aku i na bona aole he mau uku
pani hakahaka i uku ia, a i ole i na bona maloko olaila he kuleana
pu ko ka mea e ku bona ana. PAUKU 3. E mana keia Kanawai mai kona aponoia ana.
Aponoia i keia la 28 6 Aperila, M . H. 1925; W. R. FARRINGTON,
Kiaaina o ke Teritori o Hawaii. KANAWAI 123 (Bila o ka Hale Helu 288) HE KANAWAI E HOOLOLI ANA I KA PAUKU 55 O NA KANAWAI I HOOPONOPONO Hou IA o HAWAII 1925, E PILI ANA I KE KUAHAUA KOHO BALOTA. E Hooholoia e ka Ahaolelo o ke Teritori o Hawaii: PAUKU 1, O ka Pauku 55 o na Kanawai i Hooponopono Hou,
ia o Hawaii 1925, ma keia ke hoololi ia nei i heluhelu ai penei:
"Pauku 55. Kuahaua. Aole e emi iho malalo o kanaha la
mamua o kekahi koho balota maa mau o ke teritori, e hoopuka
ae ke Kiaaina i kekahi kuahaua koho balota, a e hoouna aku i
kope o ia kuahaua i na Papa Nana Koho Balota like Ole apuni ke
teritori, a i ole ma ka wahi e malamaia ana o ke koho balota," PAUKU 2. E mana keia Kanawai mai a mahope aku o kona
aponoia ana. Aponoia i keia la 28 6 Aperila, M. H. 1925. W. R. FARRINGTON,
Kiaaina o ke Teritori o Hawaii.
KANAWAI 124 (Bila o ka Hale Helu 291) HE KANAWAI E HOOMAOPOPO ANA I KA MALAMA MAEMAE IA ANA O NA ALA HELE AOAO o NA ALANUI O KE KULANAKAUHALE A KALANA O HONOLULU, E Hooholoia e ka Ahaolelo a ke Teritori o Hawaii: PAUKU 1. Mahope iho o ka hoomaopopo a ku ana o ka iliwai o na alanui maloko o ke kulanakauhale o Honolulu, ame ke kukulu ia ana o ia mau alanui ame na ala hele aoao e pili mai ana nie ua alanui la elike me ke kauoha a ke kanawai no na alanui ame ke kukulu ana ia mau mea ma na lilo paha apau a i ole ma kekahi mahele lilo ma ka aoao o ka mea ama pili pu mai, o na ona aina apau e waiho ana he poo o ko lakou aina ma ua alanui a ala hele aoao nei, mahope iho o ka hana ia ana o ua alanui artic ala hele aoao nei, na lakou e malama mau, hoomaemae mau i hiki ai ke hele ia me ka miakai, a aole nahelehele a mau mea ulu lapuwale e ae ma ua mau ala hele aoao nei mawaho pono iho o kona aina e pili ana hoi me ua ala hele aoao nei. PAUKU 2. Ina ua ona nei, mahope iho o ka loaa ana mai o kekahi kauoha mai ke Kulanakauhale a Kalana mai o Honolulu e liana ole, iloko o iwakalua la o ua kauoha nei a hoomaemae ole i ua ala hele aoao nei, a i ole ia hoomau no i ka hoohemahema ana a ae wale aku i na pahelehele waiwai ole e ulu ma ua ala hele | aoao nei, alaila e komo ae no ke kulanakauhale a kalana a hoo-
maemae i ua ala hele aoao nei elike me ia i manao ia malalo o na
kauoha a keia kanawai, a e kaki ia aku no ka lilo o ia hana ana i
ua ona aina nei, a e ohi ia mai mai ua ona aina nei mai, a ina aole
e uku koke ia mai, e hoopii ia a e ohi ia ma o ua hoopii la imua
o ka aha apana o Honolulu. PAUKU 3. E mana keia Kanawai i kona aponoia ana.
Aponoia i keia la 28 o Aperila. M. H. 1925. W. R. FARRINGTON,
Kiaaina o ke Teritori o Hawaii. KANAWAI 125 (Bila oka Hale Helu 312) HE KANAWAI E HOOLOLI ANA I KA PAUKUKU 346 O NA KANAWAI I HOOPONOPONO HOU IA O HAWAII 1925, E PILI ANA I NA HANA MAHIAI AME NA HANA LIMA MALOKO O NA KULA AUPUNI . E Hooholoia e ka Ahaolelo o ke Teritori o Hawaii : PAUKU 1. O ka Pauku 346 o na Kanawai i Hooponopono Hou ia o Hawaii 1925, ma keia ke hoololi ia nei i heluhelu ai penei: "Pauku 346. Elike me ia i kauoha ia e ke keena. Ua loaa ka mana i ke keena hoonaauao e kauoha i ke ano ame ka wahi e lawelawe ia ai ia mau hana, a me ka loihi o ka manawa e haawi ia ai no ua mau hana ina no na wahi apau, a i ole no kekahi mau wahi i hai ia aku: koe nae keia e hoomaopopo a e a'o ia na ike mahiai, hana lima, hana o na home ame ka ike malama home maloko o na papa apau i kau aku maluna o ka helu eono maloko o na kula apau maloko olaila he makaukau no ke a'o ia ana o ia mau mea, a aole e hoonele ia kekahi i ke a'o ia ana ia mau ike. O na mea e hoomaopopo ia nei maloko o keia pauku e kaa aku no ia malalo o ka hooponopono ana a ka Pauku 310 ma na papa e a'o ia ana ka olelo Beritania, ma ke ano o ia kekahi o na haawina maa mau. PAUKU 2. E mana keia Kanawai mai a mahope aku o ka la I
o Iulai, 1925. Aponoia i keia la 28 o Aperila, M. H. 1925. W. R. FARRINGTON,
Kiaaina o ke Teritori o Hawaii. KANAWAI 126 (Bila oka Hale Selu 352)
HE KANAWAI E HOOLOLI ANA I KA MAHELE 1 O KA PAUKU 86 O NA KANAWAI I HOOPONOPONO HOU IA O HAWAII 1925, E PILI ANA I NA LUNA NANA KOHO BALOTA. E Hooholoia e ka Ahaolelo o ko Teritori o Hawaii: PAUKU 1. O ka mahele 1 o ka Pauku 86 o na Kanawai i Hoo-
ponopono Hou ia o Hawaii 1925, ma keia ke hoololi ia nei i helu-
helu ai penei:
"Pauku 86. Heluna, hookohuia ana, hakahaka. He ekolu mau
lala o ka Papa Nana Koho Balota no kela ame keia mahele koho.
E hookohu ia no lakou e ke Kiaaina, ina he hiki ke hana ia pela,
mai na aoao kalaiaina like ole mai, a i mau poe koho balota i ka-
kauinoa a e noho maoli ana no maloko o ka mahele kahi ana e
hana ana ma ke ano he luna nana koho balota."
PAUKU 2. E mana keia Kanawai mai kona aponoia ana. Aponoia i keia la 28 o Aperila, M. H. 1925. W, R. FARRINGTON,
Kiaaina o ke Teritori o Hawaii. KANAWAI 127 (Bila oka Hale Helu 387) HE KANAWAI E HOOKAAWALE ANA I HAAWINA MA KE ANO HOAIE MAILOKO
MAI o KA WAIHONA LAULA o KE TERITORI NO KE KUKULU
ANA I ALANUI MA KA APANA AINA HOOKUONOONO o WOOD
VALLEY, APANA o KAU, KALANA o HAWAII. E Hooholoia e ka Ahaolelo o ke Teritori o Hawaii: PAUKU 1. O ka huina o elua tausani elua haneri dala ($2,-200.00) ma keia ke hookaawale ia nei mai na dala mai e waiho ana ma ka waihona o ke Teritori o Hawaii i loaa mai na loaa laula mai, i hookaawale mua ole ia, no ke kukulu ana i mau alanui ma ka apana aina hookuonoono ma Wood Valley, Apua o Kau, Kalana o Hawaii. PAUKU 2. O ka huina o elua tausani elua haneri dala ($2,-200.00) ma keia e hookaawaleia nei e hoolilo ia no ia ma na bila kikoo dala i hoopukaia e ka luna hooia, i hookumu ia ma na bila i aponoia e ke Komisina o na Aina Aupuni, elike me ia i kauohaia e ke kanawai no ke kukulu ana i na alanui no na home hookuonoono. PAUKU 3. E aelike ae ho ke Komisina o na Aina Aupuni no
ke kukulu ia ana o ua mau alanui nei i oleloia, aka aole nae e oi
aku ua mau aelike nei no ua mau alanui nei maluna aku o ka
huina o elua tausani elua haneri dala ($2,200.00). O ia huina
elua tausani elua haneri dala (2,200.00) a ole ia o ka huina e
hoolilo ia ana e uku hou ia ae no ia iloko o ka waihona laula o ke
teritori mailoko mai o na dala e loaa mai ana mamuli o ke kuai
ia ana o na aina aupuni maloko o ke Kalana o Hawaii. PAUKU 4. O ke Kahawai 200 o na Kanawai o ke Kau o 1919
ma. keia ke hoopau loa ia nei. PAUKU 5. E mana keia Kanawai mai a mahope aku b ka la
o kona aponoia ana. Aponoia i keia la 28 o Aperila, M. H. 1925. W. R. FARRINGTON.
Kiaaina o ke Teritori o Hawaii. KANAWAI 128
(Bila Senate Helu 99) HE KANAWAI E HOOMANA I KA PAPA ALAKAI o KE KULA NUI O HAWAII E
LAWELAWE I KA HANA o KE KULANA KAHU WAIWAI NO
UA KULA NUI NEI O HAWAII. E Hooho oia e ka Ahaolelo o ke Teritori o Hawaii:
PAUKU 1. O ka Papa Alakai o ke Kula Nui o Hawaii ma | keia ke hoomana ia nei a ke kauoha ia nei e ohi mai, hoohana a
e hoopukapuka aku i na dala ame na waiwai e ae, waiwai paa,
lewa a huikau e haawi ia mai ana, makana ia mai, hooiilo ia mai
a ma kela ame keia ano e komo mai ana ma ko lakou lima ma-
waho ae o na waiwai a ka Ahaolelo o ke Teritori o Hawaii me ke
Aupuni Makua e hookaawale ai no ka pono o ua kula nui nei, no
kona hoonui ia ana ae, hoomahuahua ia ana ae a i ole no ke kokua
ana i na haumana ame na kumukula, a ma na ano apau e lawe-
lawe i ka hana kahu waiwai ma ka aoao o ua kula nui nei o Ha-
waii no ua mau mea la i hoakaka ia e la maluna. PAUKU 2. O na loaa apau e loaa mai ana i ua papa alakai
nei elike me ia e hoomaopopo ia nei ma ka pauku 1 o keia kana-
wai e waiho ia aku no ia iloko o ka waihona o ke teritori, a ma
keia ke hookaawale ia nei no na mea i hoomaopopo ia maloko
o ka Pauku 1 o keia kanawai. PAUKU 3. E kauoha ua papa alakai nei e malama ia kekahi
mau buke a maloko olaila e kakau ia ai ua mau makana nei, ke
ano nui o ka malama ia ana o ua makana nei ame ka hoolilo ia
ana o ka loaa waiwai, a e hoohui pu ia maloko o ka hoike maka-
hiki i ke Kiaaina ke kulana apau o na waihona o keia ano ma
ka lima o ua mau kaha nei. PAUKU 4. E mana keia Kanawai 5 kona aponoia ana.
Aponoia i keia la 28 o Aperila, M. H. 1925. W. R. FARRINGTON,
Kiaaina o ke Teritori o Hawaii. KANAWAI 129
(Bila Senate Helu 132) HE KANAWAI E HOOMAOPOPO Hou AKU ANA I KA HUNA AME KA LAWE KOLOHE IA ANA o NA WAIWAI LEWA, MA KA HOOLOLI ANA I KA PAUKU 4263 O NA KANAWAI I HOOPONOONO HOU IA O HAWAII 1925. E Hooholoia e ka Ahaolelo o ke Teritori o Hawaii: PAUKU 1. O ka Pauku 4263 o na Kanawai i Hooponopono
Hou ia o Hawaii 1925, ma keia ke hoololiia nei i heluhelu ai
penei:
"Pauku 4263. Ka Iawe kolohe a huna kolohe ana i na waiwai ;
hoopai. O kela ame keia mea, me ka manao kolohe, e lawe ae
ana i kekahi waiwai i molaki ia, a i ole ia i kaa malalo o kekahi
aelike me ka manao e haawi aku i ua waiwai lewa nei, a i ole
o kekahi hapa a loaa mai paha mai ua waiwai la me kekahi mea
okoa aku, a ma ia hana ana ua loaa mai kekahi dala a mea waiwai
e ae paha mai ia mea mai, a ua lilo aku ka waiwai ma o aku o ka
mana o ka mea paa moraki a i ole ia o kekahi kanaka e ae he
kuleana kona ma ke kanawai no ua waiwai Ia ia manawa, a i ole
i ka manawa e kaa ole ai ka aie a hoolilo loa ia mai ua waiwai
la iaia, a i ole o kekahi hapa paha o ka waiwai io ke kuai ia mea
malalo o kekahi aelike, a o kekahi mea e kokua ana ia huna ana,
hoolilo ana a lawe ana aku i ua waiwai la me ka manao kolohe,
a o ka ona waiwai, ka mea i moraki aku o i ole e malama ana i ua
waiwai la i ae aku i keia lawe ana a huna ana me ka manao ko-
lohe, e hoopai ia no ia me ka uku hoopai dala no ka huina aole
e oi aku maluna o elima haneri dala ($500.00), a i ole ia ma
ka hoopaahao no ka manawa aole e oi aku mamua o hookahi
makahiki. O na waiwai e ulu ana e manao ia no ia he waiwai
lewa maloko b ka manao o keia kanawai. PAUKU 2. E mana keia Kanawai i kona aponoia ana.
Aponoia ikeia la 28 o Aperila, M. H. 1925. W. R. FARRINGTON,
Kiaaina o ke Teritore o Hawaii. KANAWAI 130 (Bila Senate Helu 223) HE KANAWAI E HOOKAAWALE ANA I HAAWINA NO KA UKU ANA AKU IA T. B. LYONS NO NA DALA ANA I HOOLILO AI NO KA ELI ANA AME KA HOOMAEMAE ANA I KA LOKOI'A o "ALAMIHI," MALAHAINA, KALANA O MAUI. E Hooholoia e ka Ahaolelo o ke Teritori o Hawaii: PAUKU 1 . O ka huina oekolu haneri ame kanawalu-kumama-
lima dala ($385.00) ma keia ke hookaawale ia nei mai na dala
mai maloko o ka waihona i hookaawale mua ole ia no ka hoihoi
hou ana aku ia T. B. Lyons i kana mau dala i hoolilo ai no ka
paeli hou ana ame ka hoomaemae ana i ka lokoi'a o Almihi ma
Lahaina, Kalana o Maui, elike me ke kauoha a kekahi palapala
hoolimalima no ua lokoi'a nei, i hanaia mawaena o ua T. B.
Lyons nei ame ke Teritori o Hawaii. PAUKU 2. O ka huina ma keia e hookaawaleia nei, e uku ii
aku no ia ma kekahi bila kikoo dala i hoopuka ia e ka luna hooia
i ka manawa a ua o T. B. Lyons nei e oleloia nei e waiho ae ai i kana likiki me ua luna hooia nei e hoike ana ua uku piha ia aku kana koi.
PAUKU 3. E mana keia Kanawai i kona aponoia ana.
Aponoia i keia Ia 28 o Aperila, M. H. 1925. W. R. FARRINGTON,
Kiaaina o ke Teritori o Hawaii. KANAWAI 131 (Bila Senate Helu 265) HE KANAWAI E HOOKAAWALE ANA I KA HUINA O ELUA TAUSANI ELUA HA- NERI UMI-KUMAMAHIKU AME 16/100 DALA ($2,217.16) NO KA UKU ANA AKU I KEKAHI MAU LALA O KA PUALI KOA PUALU O HAWAII NO KO LAKOU POHO ANA I KE HEA IA ANA MAI E HELE AKU I KA HANA A IA PUALI MA KUAI. E Hooholoia e ka Ahaolelo o ke Teritori o Hawaii PAUKU 1. Ma keia ke hookaawale ia nei mai ka waihona laula mai o ke teritori ka huina o elua tausani elua haneri ame umi- kumamahiku ame 16/100 dala ($2,217.16) no ka uku ia ana aku i ka poe nona na inoa malalo iho nei ma na huina e kau like la me ko lakou mau inoa pakahi no na pono dala i loaa ia lakou mai ka lawe ia ana mai ka lakou mau hana maa mau mai mamuli o kekahi kahea a ke Kiaaina ia lakou e hele aku ma Kauai no ka haunaele malaila iloko o Sepatemaba, 1924: Dr. R. B. Faus ............................. $ 250.00
John H. Roberts ............................ 45.60
John Foster .............................. 76.80
R. T. Randolph ............................... 111.30
Chas. Kahele .............................. 106.40
Harry Schriner ............................... 14.40
(E nana ma ka Aoao Ehiku) | |
