| | HE MOOLELO
No Ka MEAHUNA POHIHIH a i ole Ke Aka Maalo i ke Kulu Aumoe Ame na
Miliona Dala i Nalowale-ka Poe Haki
haki Kanawai Hoko o ka Umii. "He hookahi wale no mea a'u I hoike aku ai i kela mau
huahelu." Hopu ino mai la ke kanaka e kamailio ana me Mode i kona
lima, haka pono mai la hoi kana nana ana maluna o ke kai-
kamahine opio, alaila ninau hou mai la:
"Owai ka inoa o kela mea au i hoike aku ai?" me ka puliki
Ioa ana iho o ua kanaka nei i ka lima o Mode e aneane ai ke
kaikamahine opio e uwe.
"I kela kanaka o ka hele ana ae e ike ia'u ma nehinei, iaia
au i hoike aku ai i na huahelu, oia ka Makaikiu Demona."
"Alaila ua hoike i'o aku anei oe i ua kanaka nei i na hua-
helu?" wahi hou a ua kanaka nei, me ka hoike okoa ana mai
o kona leo, no kona inaina, me ka mau no o kona paa ana ma
na lima o Mode:
"No ka manawa hope loa, ke koi hou aku nei au ia pe. e hoi-
ke mai i kela mau huahelu ia'u; ina oe e hoole paakiki mai
ana, alaila aole loa oe e ike hou i ki helehelena o kou makua-
kane, a oki loa aku kou hiki ana e haalele iho ialoko hei o
keia hale me ke ola."
No kela mau olelo, ua hiki loa ia Mode ke ike iho, aole ana
e hoohakalia kela kanaka i ka hooko ana aku i na hana puuwai
eleele, ina pela iho la e hookoia ai kona mau makemake, a no
kela hopena ku i ka weliweli ana e nana aku la, hooikaika wale
ae la no oia e hookuoo ma ka pane ana aku :
"Aole loa au e hoike aku ana ia oe i keia huahelu, e hookuu
koke oe i kuu lima i keia manawa, o kahea aku auanei au i
mau kokua, na Iakou e hoopakele ae ia'u mai ia oe mai:
Hookuu ae la ua kanaka nei i kana paa aha ia Mode, me
ka pahola ana ae hoi o ka minoaka ma kona mau papalina, me
ka i aaa mai:
"Ua hiki ia oe ke kahea me ka leo nui i na kokua ke ma-
kemake oe, he mea makehewa wale no nae ia, no ka mea aole
he poe na lakou oe e kokua mai. Hookahi a'u manawa i koe
e koi aku nei, e hoike koke mai oe i kela mau huahelu!"
"Aole loa!"
"Ua hiki, ina o kau pane kena ea, alaila aole loa oe e ai i
kekahi meaai, mai keia manawa aku, ahiki i kou hooko ana
mai i ko'u makemake," alaila ku ae la ua kanaka nei iluna,
me ke kaomi ana aku i kekahi bele kahea, a iloko o ka manawa
pokole, i komo mai ai kekahi kanaka, i kahikoia me ka paalole
eleele.
"E lawe koke aku oe i keia kaikamahine, a waiho aku ma-
lalo o ka malama ana a Maki! Aole loa e haawiia iaia kekahi
meaai a wai paha, ahiki i ka loaa ana o ke kauoha mai ia'u aku!
' Ina e pakele ana keia kaikamahine mai ka malu aku o Maki,
maluna auanei o kela wahine e ili aku ai ko'u inaina!"
No ka hooko ana i kela kauoha, hopu aku la ua kanaka nei,
iaia i kamailioia mai ai ke kauoha ia Mode, a huki aku la
nowaho o ka rumi, a i ke komo ana aku noloko o ka holo,
kahea aku la me ka leo nui ia Maki.
He manawa pokole kela kakali ana aku, oili mai la o Maki,
kela wahine lawelawe nana i kii mai e wehe i ka puka, i ka
manawa o ka hoea ana aku o Mode no kela hale, e paa ana
hoi he ipukukui iloko o kona lima, a pii mai la noluna o ke
alapii, me na kaina wawae mama.
Mahope o ka hoakaka ana aku imua o Maki, i na kauoha
i haawiia mai e kona haku, uo ke aho e malama aku ai i ke kai-
kamahine opio, i waihoia aku ai o Mode malalo o ka malu
o Maki, ia wa i hoi hou mai ai kela kanaka no kona wahi kiai,
oiai hoi o Maki, i lawe aku ai ia Mode no kekahi rumi iluna
loa o kela hale.
Ia Mode i komo aku ai maloko o kela rumi, kiia mai la ka
puka a paa maloko mai, a ma ka malamalama uuku o ka ipu-
kukui, i hiki ai ia Mode ke ike aku, he rumi kela o umi-kuma-
malua kapuai kuea, a he hookahi wale no puka aniani, a o na
lako maloko o kela rumi, he hookahi wale no moe; me elua
mau noho laau.
Lalau aku la o Maki i kekahi o na noho elua, a uwai mai la
no kahi o ka puka me ka noho ana iho, hookahi hana o ke
kiai i kana pio.
No Mode hoi, aohe ana mea e hana ai, iloko o kona kulana
kupilikii, aka hoi aku la oia noluna o ka moe, hookahi hana
o ka hoolulu, me. ka noonoo nui ana iloko o kona poo, no kona
pono, no kona puni wale ana i na pahele a keia puulu kolohe, ma
ka manaoio ana i ka leka i haawiia aku ai iaia, he leka ia mai
ka Makaikiu Demona mai.
He mea makehewa nae ka mihi ana iho no kana mau mea
i hana ai mamuli o kona kuhihewa, oiai ua lohi loa, nolaila ala
ae la oia iluna, me ka hele ana mai a kokoke i kahi e noho
ana o Maki, ua kulou aku ke poo o ua wahine nei imua, e hoo-
lulumi iho ana ka makehiamoe maluna ona.
Hoopa malie aku Ia o Mode ma ka poohiwi o ua wahine nei,
a no ke kuhihewa paha o Maki, e hoopilikiaia aku ana oia, pu-
iwa ae la me ka hikilele, me ka wehe ana ae i kekahi pahi loihi
a paa ana iloko o kona lima akau, a ku ino ae la iluna, aka
iaia i ike mai ai i ke ku aku o ke kaikamahine opio, i mai la:
"Ua hoohikilele loa ia mai ko'u noonoo, i kou hoopa ana mai
Ia e kuu kaikamahine ma kuu poohiwi. He keu aku ka hoi ka
mea kupaianaha, o ko'u hiamoe koke iho nei no ka hoi ia, a
loaa aku nei kekahi moeuhane ia'u no kuu kaikamahine i na-
lowale, i kona manawa elike ka nui o na makahiki me kou.
E hoi koke oe e hiamoe!" "Ina he manao aloha kekahi iloko ou, alaila kokua mai oe ma
ka hoopakele ana ia'u, mai keia hale aku He kaikamahine
au Aawa i ke dala ame ka waiwai, ua hiki ia oe ke hele pu mai
me a'u, a na'u e huna aku ia oe ma kahi e loaa ole ai i keia poe kanaka ino, ke huli mai." Luliluii ae la ke poo o Maki, no ka hiki ole iaia ke hooko
aku i ke noi a ke kaikamahineopio, a o ia kana o ka pane ana aku: "Aole e hiki ia'u ke ae aku i kau noi, no ka mea he ko'iko'i loa ka hoopa'i e hookauia mai ana maluna o'u, ina nei no ko'u hoomahuka ia oe. E hoi e hooluolu, ke hele nei keia i na hora o ke aumoe, aia hoi a ke kakahiaka o ka la apopo, alaila lawe mai au i kekahi mau meaai nau ma ke ano ma-lu loa. "Ma keia manawa a kaua e kamailio nei, ua hala aku la ke | kapena, ma kana mau hana, nolaila aole a kaua hopohopo ana nona. Ua hala ko'u mau la ikaika ua oo mai ko'u kino i keia manawa, aia no a loaa ia'u ka hiamoe oluolu ana alaila maikai
ko'u ano."
Me kela mau olelo mai ia Maki aku, lalau aku la ua wahine
nei i ke kukui e waiho ana iluna o ka papahele, a hemo mai
la iwaho, me ke ki ana aku i ka rumi a paa mawaho mai.
Ma kela haalele hookahi ia ana aku o Mode, iloko o ka po-
uliuli, hoi hou aku la oia noluna o ka moe, aia na noonoo like
ole ke loku la iloko ona, ana no hae e ike Ia, i ke kupilikii o
kona kulana ame ka paakiki loa o ke alahele e pakele ai oia
mailoko mai o ka mana o ka poe kolohe. No kona maluhiluhi loa, ua pa'uhia aku la oia i ka hiamoe,
a mailoko mai o kona hiamoe, i puiwa ae ai oia no ka honi
aria aku ika hohono uwahi, me ka lohe pu ana aku i ka paa-
paaina, o ia no oe o ka papa e a ia ana e kekahi.
Iloko o ka puiwa hikilele, ala ino ae la o Mode iluna a lele
mai Ia mailuna mai o ka papahele, a iaia i nana ae ai, ua hele
oloko o ka rumi a pohina i ka uwahi, a iloko no hoi o kela manawa hookahi, ke ike la oia i ka hahana o ka wela ma ka
paia, a ma ka papahele.
Elike me ka anapa ana a ka uwila, maopopo loa iho la iaia,
ua pau kela hale i hoopaapioia ai oia i ke ahi, nolaila iloko o
keia manawa o ke kupilikii, kii aku la oia e uu i ka puka aniani
o ka rumi, me ka huki ana mai i ka pale puka aniani, i komo
mai ai ke ea iloko, a hoauhee aku la i ka pohina uwahi mai
iaia aku, e hiki pono ai ke hanu alaila holo aku Ia oia no kahi
o ka puka, ua paa i ke kiia, ua lilo kana mau hooikaika ana
i wahi e hamama ae ai ka puka i mea ole.
Elike me kekahi manu i hoopaaia iloko o ka hale manu, pela
iho la ko Mode kulana, ke holo-ke wale la no oia i o a ianei,
ahiki i kona hoi hou ana aku no kahi o ka puka aniani, alaila o
aku la kona lima iwaho, me ke kahea ana aku me ka leo nui,
no ka hele ana mai o kekahi mea e hoopakele ae i kona ola.
No kona hele nae a piha loa me na manao pihoihoi, ua maule
iho la oia a hina aku la iluna o ka papahele, oiai hoi na alelo
ana ole o ke ahi, e nee malie mai ana, ma kekahi paia oloko o
kela rumi, e hoea mai ai i kahi a ke kaikamahine opio e waiho
ana.
MOKUNA VI. Ma kela manawa i waihoia aku ai o Mode malalo o ka mar lama ana a ka wahine luahine, ua haalele iho la ke kanaka kolohe i hoolilo iaia ma ke ano hoopunipuni, oia ka makuakane o kela kaikamahine i kela hale, me ka ukali pu ana aku o Kalakona, kana kauwa lawelawe mahope ona. ' • .' . No na haneri i-a ekolu kela hele ana aku a ua. mau kanaka nei, hoea aku la laua i kahi i kukuluia ai ke kaa, i laweia mai ai o Mode, a i hakalia no a kau ua mau kanaka nei iluna o ke kaa, o ka holo aku la no ia me ka puahia nui, no ke kulanakau-hale, e hoea aku ai no kekahi wahi e pili kokoke ana i ka muliwai. No keia wahi loihi a ke kaa. i holo aku ai, aole i hoopuka iki ia kekahi huaolelo mawaena o na kanaka elua; kookahi nae mea maopopo loa ke nana aku, aia iloko o ke kanaka kolohe, na noonoo he nui e hana la, me ka aa ole o kana kauwa, e hoopilikia wale aku iaia. Ua holo aku la ke kaa ahiki i ke ku ana iho mamua pono o kekahi hale, ku kaawale Ioa mai ka nui aku o na kauhale. He mau kauhale kahiko wale no ko kela wahi, he mau hale i nohoia e ka poe hoolimalima o ka papa haahaa a ilihune o na kanaka. He pouliuli pu wale no na wahi apau ke nana aku, koe wale no kekahi mau hale k^kailhlr,.^ a mai ana no ke kukui, i wiliia nae a liilii. I ua mau kanaka nei i lele aku ai mailuna aku o ke kaa, akahi no a kamailio aku ke kanaka kolohe i kona kokoolua. "Ua hoololi hou au i ko'u noonoo e Kalakona. Ua lilo ka loaa ana aku o ka ike i kela kaikamahine, no na hana, epa haahaa loa a kaua i hoolala ai, no kona poholo mai iloko o ka kaua upena, i kumu e holopono ole ai ka'u mau mea apau i hoolala ai. "Eia ko'u manao, e hoi hou oe me keia kaa no ke kulanakauhale, a e kakali oe ia'u ma ka Haleinurama Balaki Dana, ahiki i ko'u hoea ana aku." Aohe hookololohe hou ana iho, i ka wa i lohe ai kela kauoha, o ke kau hou aku la no ia a Kalakona iluna o ke kaa, a ku iho la hoi kona haku me ka hakilo loa ana o ua kanaka nei, ahiki i ka nalowale ana aku o ke kaa ma kekahi aoao, akahi no oia a haalele iho i kana wahi e ku ana. Me na kaina wawae awiwi loa, i hoomaka aku ai ua kanaka nei e hele ahiki i ka hoea ana mawaho pono o kekahi hale, e ku ana iwaena o ke kuea, he hale i manaoia, aole he nohoia e na kanaka, alaila wehe ae la i ke ki mailoko ae o ona pakeke, a iloko o ka manawa pokole loa, ua hamama ae la ka puka o ua hale nei. He pouliuli wale no oloko o kela hale, ua hele no hoi na puka aniani a lepo me he mea la, ua kahiko loa ke ku ana o kela hale, me ka noho ole ia e kekahi mea. Iaia maloko o kela hale, pani hou mai la i ka puka a paa, me ke ki ana mai maloko, unuhi ae la i kana ipukukui hele-po, a me ka malamalama o kela kukui, i hele aku ai oia ahiki i ka hoea ana i ke alapii, alaila pii aku la no ka hale maluna. Iaia i hoea aku ai no ka papahele elua, hele aku la oia e hoao pakahi i na rumi, apau, ua paa wale no i ke kiia, nolaila haalele iho la i kela papahele, a pii aku la no ka papahele ekolu. Ma kekahi rumi, e huli pono mai ana i ke alapii, i hele pololei aku ai ua kanaka kolohe nei,i kona wehe ana aku i ka puka, aole i kiia, a e noho mai ana hoi maluna o kekahi noho, kekahi kanaka e puhi ana i koha eiga, me ke kau o kona mau wawae iluna o ke pakaukau. O keia kanaka maloko o kela rumi, o ke kanaka hookahi no ia, i ike ai i ka Makaikiu Demona e hoololiloli ana i kona lauoho ame ka umiumi, ku'i, ma ka po mamua aku, a o ke kanaka no hoi, i hookolo ai mahope o ka makaikiu, i ua makakiu nei, o ka hele ana e hui pu me Mode i Linekona, elike me ia a kaua i ike ai ma kekahi o na mokuna aku nei i hala. Ua loli loa hae ke ano o ua kanaka nei, mai kela manawa mai aria e hookolo ana mahope o ka makaikiu, e komo ana oia i kekahi paalole huluhulu, a e anapa ana hoi na komolima dai-mana ma kona manamanalima Ma ka manawa i komo aku ai o ke kanaka, i hoea ai no kela hale, ku ae la ka mea e noho ana maluna o kona noho iluna, me ka haawi ana mai i kona aloha poeleele, a kaa mua aku la ke kamailio ana ma ka aoao o ka mea malihini: "Ea, ua loihi loa ae nei paha kou kakali ana ia'u?" "Aole no hoi i loihi loa, ma kahi paha o ka hapalua hora, e ke kapena." "Heaha kau mau meahou e pili ana no ka Makaikiu lemona?" "Aole no he meahou ano nui e kuu kapena, koe wale no keia, | ua hookolo au mahope ona mai ke ao okoa mai ahiki i kaka po-
eleele ana, o kona nalowale honua iho la no ia me he uhane lapu la." "He keu aku oe a ke kanaka hupo maoli, e hoi koke e wehe- wehe i kena mau lole ou, a hele aku e hakilo i kona hale e noho nei, ahiki i kou ike hou ana iaia. E hoomaka koke i kau hana mai keia manawa aku, a aole o'u makemake e ike hou i kou he- lehelena ahiki i ka loaa ana o kekahi meahou au e hoihoi mai ai no ka hoike ana ia'u." E anehe mai ana kela kanaka e pane no na olelo a ka mea malihini, ua poha hou aku la nae ka leo o ua kanaka nei, i ka pane ana aku: "E hele koke oe no kahi o ka puka e hamama mai la, a e hooko aku i ka'u kauoha me ka hakalia ole, aia a loaa kau meahou e pili ana no kela makaikiu, alaila hoi mai oe e hoike ia'u !" Me ka paku'iku'i olelo hou ole aku, haalele awiwi iho la ke kanaka mua maloko o kela rumi, no ka hooko ana aku i kana misiona, ke hoolohe la ke kanaka elua, ahiki i kona ike ana, ua oili loa aku ka mea mua o laua nowaho o ka hale, kii mai la oia i ka puka e pani, me ka laka ana mai a paa maloko. Ho-a ae la i ke kukui a nui, me ka waiho ana aku maluna o ke pakaukau, alaila wehe ae la he apana pepa mailoko ae o ka pakeke o kona kuku, hohola aku la iluna o ke pakaukau, me ka noke ana iho i ka nana i na mea i kakauia maloko. He apana pepa kela i pulu i ka wai, eia nae ua maloo, aka e mau ana no ka minomino, a o na mea i kakauia malalo loa o ka pala- pala, ua kakauia me na huakumu A. L. Mahope iho o ka nana ana o ua kanaka nei i na huahelu no kekahi manawa loihi, ku ae la iluna me ka hele ana aku noloko o kekahi wahi waiho buke, a lawe mai la he buke nui, aia maloko olaila na ki e wehewehe ana i ke ano o na huahelu maluna o ka apana pepa. Ma ka hooku'iku'i ana i na manao o kela ame keia huahelu, me kona kakau ana aku maluna o kekahi apana okoa, i loaa ai ka manao o kela ame keia laina elike me keia; "Ua kanuia e a'u ke dala maloko o ka malapua, maloko o ka pa o kekahi hale noho ole ia e na kanaka aia malalo o ka-pa hana au i keia no ka pono o ka'u mau keiki, i ole ai laua e noho hoaa ma keia ao." " Aia he mau huahelu ano nui loa, i kakau ole ia ma keia pe- pa, a ke noho pouliuli loa nei, no kahi e loaa ai kela mau hua- helu nalowale," i noke iho ai ua kanaka nei i ke kukahala-ke. Me he mea la, aole no i kakauia kela mau huahelu, aka ua kamailio waha wale ia aku no i na kaikamahine elua. He keu aku kela a ke kanaka akamai maoli; aka iloko o keia manawa a'u e ake aku nei, e loaa ka ike no kahi i hunaia ai o na dala a kela elemakule hupo, he hana pohihihi no ia. Ua Make ke- kahi o kela mau kaikamahine, a hookahi wale no i koe e ola nei, me ka waiwai ole no nae e loaa mai ana ia'u ina o na huahelu wale no a keia kaikamahine kana e hoike mai ai, a no na huahelu a kona hoahanau, e waiho pohihihi ana no ia, oiai ua make oia. "O ko'u manaolana wale no i koe, o ia ko'u ninau hou ana aku i kela elemakule no ka manawa hope loa; a ina e paakiki loa mai ana kela elemakule, aole e hoike mai ia'u i kekahi mea, alaila e make oia e pono ai." Me kela mau olelo i hoopukaia ae hookomo iho la ua ka- naka nei i ka apana pepa iloko o ka pakeke o kona kuka, lalau aku la i ke kukui, o kona iho mai la no ia no ka hale malao loa i eliia iloko o ka honua. Iaia i hoea aku ai no kekahi keena nui lalau aku la oia i kekahi kua-hao e moe ana mamua o kekahi puka, a une mai la ihope, o ka wa ia i hamama ae ai he pani puka, a e moe mai ana hoi he holo uuku, e hoea aku ai no kekahi rumi, ma ka aoao mahope o kela hale, he rumi nona ka nui o umi kapuai kuea, a ua hanaia na aoao ame ka papahele me ka puna kameki. Ua hele oloko o kela rumi a kawa-u, me ka loaa ole o na ea oluolu maikai, a i ka manawa a ua kanaka nei i hoomalamalama ae ai i kina ipukukui, aia hoi, maluna o kekahi pela i hoopihaia me ka mauu, e moe mai ana he elemakule. Iaia i ike mai ai ika malamalama o ke kukui, a me ke komo ana aku o ka mea e paa ana i ua ipukuki nei, ala ae la oia iluna, eia ka ua paa kona mau lima ame. na wawae i kekahi kaulahao, i hoopaaia aku me ka rina poepoe ma ka paia. Ua hele koha mau lole e komo ana a nahaehae, ua hele no hoi kona mau lauoho ame na umiumi a loloa, o ia no oe o kekahi kanaka ahiu ke nana aku, i ke ku maoli i ka hoomaka'uka'u o kona mau ano, a o kona helehelena, ua kulike loa ia me ka helehelena maloko o ka puuwai i loaa aku ai i ka Makaikiu Demona maluna b ke kino o ke kaikamahine make. Nana pono mai la ua kanaka nei me na maka i hele a piha i ka inaina; maluna o ka mea o ke komo ana aku iloko, alaila pane mai la: "Pehea la oe i hele mai nei e hoopahenehene mai ia'u, iloko o keia kulana ehaeha i kau mai maluna o'u ?" wahi ana. "Heaha kou kumu i hookau koke ole mai ai i ka maka maluna o'u a. pau ae ka ike ana i na mea ame na ehaeha o keia ola ana ?" "Aole au i makemake e hookau aku i ka make maluna ou, aka i hele mai la au no ka hookuu ana ae ia oe e hele me ka lanakila, a maluna iho ou ke ko'iko'i o ke koho ana mawaena o ke ola ame ka make." "Ua maopopo nua ia'u kau mea e ninau hou mai ana, no- laila ke hoole loa aku nei au i ka hooko ana i kou makemake," i pane hou mai ai ke kanaka paahao, me ka oi aku o ka hulili o kona mau maka i ka inaina. No kela pane uahoa mai ke kanaka pio mai, hoololi ae la ka mea e paa ana i ka ipukukui, i ke kukui ma kona lima hema, alaila unuhi ae la i kana pu panapana, a kau pololei aku la imua o ka umauma o kana pio no kela maka'u a hoopepe i ka pu panapana hoololi ae la ke kanaka pio i ke kulana o kona noho ana, a ina paha i nana pono aku ka mea e paa ana i ka ipukukui, i ke kaulahao i hoopaaia ai ma na lima ame na wa- wae, ina ua loaa aku ka ike iaia, no ka aneane loa ana o kela mau kaulahao e moku aole nae ana mea i ike, aku a o ia ka ua kanaka nei i hoomau hou aku ai i kana kamailio ana: 'I hoea hou mai la no au imua ou, no ka manawa hope loa, no ka ninau ana aku i na huahelu e hoike mai ana no kahi au i kanu ai i na dala iloko o ka lepo. Ina oe e ae mai ana e hoike ia'u i kela mau huahelu, alaila ke hoohiki aku nei au imua ou, e loaa no ka hapalua o kela mau dala ia oe, a na'u kekahi ha- palua, a i paa loa mai oe i ka ole ea, alaila, e nui no kuu ilio bulu nei i kou koko," me ka hookakani ana iho o ke kanaka kolohe i ke kiko o kana pu panapana. "E wiki, aole o'u manawa e noho loihi iho ai maloko nei o keia hale," i poha hou aku ai no ka leo kauoha o ua kanaka nei me ka mau no o kona hoopololei ana i ka pu panapana ma ka umauma o kana pio. | "E helu ana au mai ke kahi aku ahiki i ka piha ana o ka ekolu, ina aole oe e Hoike mai ana i kela mau huahelu, i ka ekolu O ka'u helu ana e ki no au i kuu pu panapana ia oe." . Aohe no he wahi a pahe iki mai o ke kanaka pio, ke noho malie wale la no oia, me ka haka mau ana o kona mau maka maluna o ke kanaka kolohe. ''Akahi, alua— " a mamua o ka puka ana aku o ka huaolelo ekolu, o ka manawa no ia i lele mai ai o ke kanaka elemakule imua, mokumoku ae la na kaulahao i hoopaaia ai ma kona maa lima ame na wawae. Iloko o ke kahaha iloko o ka manao o ke kanaka kolohe no kela kaawale ana aku o na kaulahao mai kana pio mai, kiola iho la oia i ka pu panapana ilalo, a Iele aku la e uumi ma ke kania-i o kana pio. MOKUNA VII. Owai la o kela mau kanaka ke lanakila ana maluna o kekahi,
na keia mua aku ia e hoike mai, e hoihoi hou anaka meaka-
kau ia oe e ka makamaka heluhelu noloko o kela hale ft ka
puulu o ka poe hakihaki kanawai e hoopuni ana i ka Makaikiu
Demona.
Me ke kua o ka Makaikiu Demona i ka paia, me kana pu
panapana hoi e kau pono aku ana imua o kela puulu, e hoo-
puni ana iaia, i poha aku ai kona leo i ka i ana aku :
''Mai aa kekahi o oukou e nee mai imua, o ka mea e hookuli
ana i keia kauoha, he make wale no kona hopena!"
Aohe hooloheia mai o kela kauoha a ka makaikiu, ua mau
mai la no ka nee o ua poe pei imua, a o ke kanaka i kokoke loa.
mai i ka makaikiu, ua ihu aku la ka poka o kana pu panapana
iloko oke koko o kela kanaka, a hina iho la oia iluna o ka pa-
pahele.
No kela haule ana aku o ke kino o ke kanaka mua loa iluna
o ka papahele me ka pua'i wahi hanu ole, ua kuha'u aku la ka
poe mahope aku ona; nolaila me ka hooka'ulua hou ole iho,
lalau aku la no hoi i kana pu panapana me kekahi lima, o kona
hoomaka aku la no ia e hoIo no kahi o ka puka, hookahi mea
nui iloko o kona noonoo, o ia no ka palekana o koha ola.
I ka manawa i ike mai ai ka puulu kanaka i kela holo ana o
ka makaikiu no kahi o ka puka, ua alai ae la ke kanaka bakipa
ma leahi o ka puka, ua loaa aku la nae kona poo i ke kuau o
ka pu panapana a ka Makaikiu Demona, a Ilina aku la ilalo,
a iloko no hoi o kela manawa hookahi, i loheia aku ai ke kani
ana mai o kekahi pu panapana maiwaena mai o ke aluka ka-
naka, me ke ku ana mai o ka poohiwi o ka makaikiu i ka poka,
aole no nae ia he kumu nona e haawipio ai, a i ole haalele
paha i kana paa ana i ke kino make, aka ke hooikaika la no
oia ahiki i kona hemo ana aku iwaho.
O kahi nae o ka laki, ua loaa koke aku la ika makaikiu ke-
kahi poe makai iwaho o ke alanui, ua lohe lakou i ke kani
o ka pu panapana, pela i hookokoke mai ai no kela hale.
Mahope iho o ka hoakaka ana aku i kana misiona o ka hoea
ana ma kela hale imua o na makai, kau aku la ka Makaikiu
Demona mahina o kekahi kaa o ka maalo ana ae, a holo polo-
lei aku la no ke keena o ka oihana makai, aka nae mamua o
kona kau ana aku iluna o ke kaa, ua oili mai Ia hookahi kanaka
iwaho o ka hale inurama, me ka manao e hoIo, ua paa aku la
oia i ka hopuia a hookau pu ia aku la me ka makaikiu, no ke
keena o ka oihana makai ka pahu hopu.
Oiai ke kaa e lawe la i ka makaikiu ame kana lawehala no
ka halewai,' ua ninau ae la ka Makaikiu Demona i ka lawehala:
"Ua maopopo no anei ia oe ke kumu o kou hopuia ana?"
"Aole au i maopopo, no kekahi mea a'u i hana ai, e lilo ai
au i paahao nau?" wahi a ka lawehala me ka piha kahaha.
"O kou ike ole iho la no ka ia! Ua hopuia oe no ke karaima
pepehikanaka i hanaia maluna o ke kaikamahine, nona ke kino
make i loaa aku ai iloko 6 ka muliwai maka po nei."
No ka manao paha o kela kanaka ua ike i'o ia kona Iawe-
Iawe ana i ke karaima pepehikanaka, a i ole, o ke ano mau
iho la no ia o ka poe hakihaki kanawai apau, wikiwiki mai lai
oia i ka hoole ana:
"Mai ke ano ulia wale no i make ai kela kaikamahine, a aole
na'u i hana i ke karaima pepehikanaka!"
"Malia paha o kena ka mea oiaio au e kamailio mai nei
a oiai nae o be kekahi maluna o ka waapa me kou mau hoa
ua pili like ka hewa ia oukou no ka make ana o kela kaikama-
hine. Aole oukou apau e pakele ana mai ke kau aha aku o
ka hoopa'i maluna o oukou; o ka'u wale no e a'o aku nei ia
oe, o ia kou hoike ana i na mea apau me ka oiaio loa, a e
lilo oe i hoike ma ka aoao b ke aupuni. Ke hooko oe i ka'u
niau mea apau e hoike aku nei no kou pono, alaila owau no
ka mea nana e kokua aku ia oe me kekahi huina dala mahua-
hua e hiki ai ia oe ke holo no kekahi huina dala mahuahua e
hiki ai ia oe ke holo no kekahi aina mamao e noho ai."
Kulou iho la ke poo o ua kanaka nei ilalo, e noonoo ana i
kana mea e pane mai ai, a iaia no paha ka ike, no na mea e
pono ai oia, hoomaka mai la e kamailio:
"Malia paha he pono i'o kau e kamailio wai la, ua hiki ole
maoli no ia'u ke alo ae, mai ke komo pu ana aku me kela puulu
kanaka. O kela kekahi hana ino loa a makou i hooko aku ai, a .
ina no i maopopo niua ia'u, ka hopena e ukali mai ana mahope
aole au e ae e hui pu me kela poe.
"Penei ka mea oiaio maoli, ua hoolimalimaia au ame elua
mau kanaka mawaho ae o'u, e lawe makou i kela kaikamahine
opio maluna o ka waapa noluna o kekahi moku e ku ana ma
ka nuku o ke awa, ua punihei loa kela kaikamahine aia kona
makuakane iluna o ka moku."
"Alaila na kela kaikamahine anei i hoolimalima mai ia oe
ame kou mau hoa?"
"Aole, b ka moolelo e pili ana no ka moku ame ka makua-
kane o kela kaikamahine maluna olaila, he mea pulapu wale
no ia. O Kapena Baka ka mea nana makou i hoolimalima,
me kona kauoha ana mai, aia makou a lawe i kela kaikamahine,
a kokoke i ka huku o ka muliwai, ia manawa e hopu aku ai
iaia a paa a nikiikii i ke kaula."
I kela lohe ana aku o ka Makaikiu Demona i ka inoa o
Kapena Paka, li-o ae la kona mau maka, no ka mea ua kaula-
na kela kanaka no kana mau hana hakihaki kanawai lehulehu,
me ka hoolilo ana i ka pohai o ka poe lalawai a hanohano i
mau pio nana, eia nae aole he inau hooiaio i loaa mai i ke
aupuni, e hiki ai k'e hopuia keia kanaka, a laweia ae imua. O
na aha hookolokolo, pela iho la i hele lanakila miu ai oia me
ka hoopilikia ole ia.
"O Kapena Paka anei kekahi me oukou maluna o ka waapa."
i hooniele hou aku ai ka makaikiu.
"Ae, oia pu kekahi i me makou maluna o ka waapa."
"Heaha ke kumu i kiia ai kela kaikamahine i ka pu a make.
e hiki aria anei ia oe ke hoakaka mai?" (Aole i pau) | |
