Ka Nupepa Kuokoa, Volume LXIV, Number 26, 25 Iune 1925 — PAKELE KE OLA MA KA APUA MA KA ULIA MOKULELE. [ARTICLE]

PAKELE KE OLA MA KA APUA MA KA ULIA MOKULELE.

Ma ka hapalua o ka hora ekolu o ka auwina la o ka Poalima. aku nei i hala, i kulike ai me kekahi meahou o ka hoounaia ana mai no keia kulanakauhale mai Hilo, Hawaii mai, i halawai ai ka Lukanela E A.. Adams, o ka inokukaua Tenesi, me na poino me ka pakele ana mai o kona ola ma ka apua, mamuli o ka haule ana o kona mokulele e kau ana mailuna mai o ka lewa, ma kahi o ka ekolu kaukani kapuai ke kiekie, ma na aina hookuonoono o Waiakea. Ua ikeia kela haule ana iho o ka mokulele e .kekahi heluna nui o na kanaka, mo ko lakou hoea ana aku no kahi o kā mokulelo i haule iho ai, he manawa pokoīe wale no mahope mai o Ka haule ana ilalo. Ua hoopakele koke ia ka Lukanela Adaius, e ka poe kokua, a hoihoiia aku kona kino, i kupouli ka noonoo noloko o ka halema'i o Hilo, a oiai malaila, ua poliala ae la kona noonoo, me ka ae ole ia nae e kamailio, e na kauka, aliiki i ka 'naa ana iaia o ka ikaika kupono. Ma ka manawa i laweia ae ai kela lukanela mai ka moku poino mai, e kahe ana ke kokp ma kona ihu, e hoike mai ana kela hiona, no ka haki ana o kona ihu, me ka maopopo ole nae i na kauka iloko o kela manawa ka nui o na poino e ae ma kona kino. Ko ka mokulele hoi, ua poino kona mau meapaahana apau, ma kela ulia. .