Ka Nupepa Kuokoa, Volume LXIV, Number 26, 25 June 1925 — KA HOOPAU LIMAHANA O KE AUPUNI KULANAKAUHALE. [ARTICLE]

KA HOOPAU LIMAHANA O KE AUPUNI KULANAKAUHALE.

Ma ka mea maopopo loa, i hoomaopopoia iloko o na la aku 1* i hala, na la e malamaia ana na kukakuka mawaena o na hoa o ka papa o na lunakiai ame na poo o na keena oihana Ithulthu, no ka hoopakele ana ae i ke aupuni kulanakauhak, mai ke komo ana iloko o ka piiikia, no keia mau mahina eono e nee aku nei, e hoopauia aku ana he heluna nui o na limahana, mai ka lakou mau hana aku e paa nfti i keia manawa; ma kek4hi olelo okoa ana ae hoi, e hooneleia ana lakou i na hana nb ke koēna aku i koe o keia makahiki. He puupuu ikaika loa keia e halawai aku ana me na limahana e hooneleia mai ana me na hanā; 110 kā mea aole no lakou ka hemahima i komo ai ke aupuni iloko o ke kulana kupilikii; maluna nae o lakou ame ko lakou mau ohana ka auamo ana. i na hāawina ko'iko'i o ka nele ame ka hoaa, no keia nee ana aku. O ka manao iloko o na hoa o ka papa o na lunakiai ame na poo o na keena oihana lehulehu, e hoemi mai i na hoolilo o kela ame keia keena i iwakalua-kumamalima pakeneka, he manao pololei kela, no ka hoemi ana mai i na hoolilo o ke kulanakauhale; ma kahi nae o ka hoomau aku i ka noho hana ana o kekahi poe, a hoopau aku i kekahi pofe, aole kela he hana pono a pololei. O ka mea pololei maoli, ina he manao makee ko na hoa o ka papa ame na poo o na keena oihana, o ia no ka hoomau ana aku i na limahana apau e noho hana nei i keia manawa, a ma kahi o ka hoopau ana aku ia lakou, o na ukuhana ke pokepokeia mai, e lawa ai ka iwakalua-kumamalima pakeneka hoemi o na hoolilo, mai ka mēa nunui o ka uku o ka mahina, ahiki i ka mea uuku o kona ukuhāna. Elike me ka keia pepa i kuhikuhi aku ai i kahi o ka pilikia ana o ke aupuni kulanakauhāle, ma kona manao pepa o ka pule aku la i hala, maluna no ia o na hoa o ka papa lunakiai; aole e hiki i kela papa ke alo ae, mai na ahewa e hewkauia aku ana e na mana kohe haloka o keia kulanakauhale, no ka hooili ana aku i na ko'iko'i o ka lakou mau hāna hawawa i lawelawe ai maluna o na limahana, ma ka hoopau ana aku 1 ko lakou noho hina ana no ke kulanakauhale. Ua nui maoli na hana hoomaunauna, ke hoomaopopoia aku sne ke akahele; i hanaia, no ka lilo paha o ia mau hana hoo*. miunauna, i n\ea pili loa aku ia lakou, a i ko lakou mau ho aloha aohe he nanaia ae, o kekahi kumu ia o ka pilikia ; i na limahana nae e kauia aku nei, na manaolana no ko lakou hooneleia aku i na hana, alaila koe nui iho. he waihona dala |ne ke kulanakauhale. Ma ke ano hoohalike, o kekahi o na hana hoomaunauna, maloko no ia o ke keena. o ka oihana wai. Ma ka manawa e ndho ana o W. A. WalU he poo no kela kefcna, he ekolu haneri dala e ukuia ana iaia no ka māhina; i ka hookohuia ana ae nae o Charles J. McCarthy ma ia kulana, ua haawiia aku iaia he elima haneri dala kona uku no ka māhina, me ka hoonohoia ana ae o Mr. Wall, ma kekahi kulana oihana hou, me ka uku i hoomahuahuaia ae, mai kona uku mua mai. E pokepoke mai i na ukuhana nunui, i haawiia i kekahi heluna nui o na limahana maloko o kela ame keia keena oihana ina no e komo pu ana me na ukuhana o ka poe uuku o ko lakou uku; he oi aku ia, mamua o ka hoonele ana i na limahana. He politika ke kulana o ka lawelaweia ana o ka hookele āupuni kulanakauhale mai kinohi mai e na luna 6ihana apau © ke kulanakauhale; iloko nae o keia manawa o e kau mai n«i imua o na maka, he paani politika naauao, ka hookoe ana i na limahana apau, a ma ka ukuhana ka poke* poke, e maalili auanei na manāo uilani iloko o ka. poe e hōōpilikiaia aku ana, mamuli o na alahele i noonooia e hoohana aku e ka papa o na lunakiai; a e nohoalii mai hoi ka manao kaulike iloko o na mana koho baloka, e hoopāuia aku ai na manāo maikai ole no ka poe na lakou e hookele nei i ke aupuni i keia wa.