| | MA KE KAUOHA (Mai ka Aoao Ekahi mai) KANAWAI 72. (Bila Senate Helu 201.) HE KANAWAI E HOOKAPU ANA I KA LAWE IA ANA o KA ULA ILOKO o NA MAHINA o IUNE, IULAI AME AUKAKE. E Hooholoia e ka Ahaolelo o ke Teritori o Hawaii: PAUKU 1. He hana ku-e i ke kanawai na kekahi kanaka, hui a hahui i ka lawe ana ae, pepehi ana, kuai ana aku ai ole ia waiho ae ma kahi kuai a i ole lawe paa i kekahi o na ula kamaaina ia Hawaii nei, i maa i ke kapa ia aku he ula, a i ole ia ula-papapa i lawe ia mailoko mai o na kai o ke teritori o Hawaii iloko o na mahina o Iune, Iulai ame Aukake. PAUKU 2. O ka loaa ana aku o kekahi ula a i ula papa e paa ia ana e kekahi kanaka hui a ahahui paha iloko o ua mau mahina la o Iune Iulai ame Aukake, e lilo no ia e hoike maopopo mai ai ua hewa na kanaka hui a ahahui la ma ke ku-e ana aku i na kauoha a ka pauku 1 o keia kanawai. PAUKU o. O kela ame keia kanaka, hui a ahahui e ku-e ana i na kauoha a keia kanawai, e manao ia no ua ku ka hewa mikamina iaia, a ma ka hoahewa ia ana e hoopai ia no i ka uku hoopai aole e emi iho malalo o iwakalua-kumamalima dala ($25.00), a aole hoi e oi aku mahina o elua haneri dala ($200.00,), a i ole e hoopaahao ia no ka manawa aole e emi iho malalo o elima la, a aole hoi e oi aku maluna o kanalima la, a i ole e hoopai dala a hoopaahao like ia. Hookahi hapalua o ka uku hoopai e ohi ia mai ana e uku ia aku no ia i ke kanaka nana e kokua ana i ka hopu ia ana ameka hoahewa ia ana o ka mea hana hewa. PAUKU 4. E mana keia kanawai mai kona apono ia ana.
Aponoia i keia la 24 o Aperila, 1925. W. R. FARRINGTON,
Kiaaina o ke Teritori o Hawaii. KANAWAI 73. (Bila Senate Helu 202.) HE KANAWAI E HOOLOLI ANA I KA MOKUNA 54 o NA KANAWAI I HOOPONOPONO Hou IA o HAWAII 1925, MA KA HOOPILI Hou ANA AKU I ELIMA MAU PAUKU Hou ME IA. E PILI ANA a NA MOKU LAWAIA KALEPA, A E IKEIA TA MAU PAUKU o NA PAUKU PAUKU 729A, 729B, 729C, 729D AME 729E, A E HOOPAU ANA I KA PAUKU 2037 o NA KANAWAI I HOOPONOPONO HOU IA o HAWAI 1925. E Hooholoia e ka Ahaolelo o ke Teritori o Hawaii: PAUKU 1 . O ka mokuna 54 o na Kanawai i hooponopono hou la o Hawaii 1925, ma keia ke hoololi ia nei ma ka pakui hou ana aku he elima mau pauku hou a e ikeia o na pauku 729A, 729B, 729C, 729D ame 729E pakahi. "Pauku 729A. O kela ame keia kanaka, hui a ahahui e noho ona ana a e hoohana i kekahi moku, koe nae na waa Hawaii me ke ama. e lawelawe ana i ka oihana lawaia no ke ano kalepa ma na kai laula o keia Teritori, a i ole ia i lawaia aku i na ia ma na kai mawaho aku o ke teritori a lawe mai ia i'a iloko nei o ke teritore, e waiho ae, ma ka la ekahi o Iulai o kela ame keia makahiki, a i ole ia mamua iho o ia la, me ke Komisina MaIama I'a a Holoholona o ke Teritori o Hawaii nei. maluna o ke pai hakahaka i hoomakaukau ia no ia mea e ke Komisina, i hoike e hoakaka ana i ka loa ka Iaula ame ka hohonu/o kona moku a mau moku a ua kanaka, hui a ahahui la e hana ana, me ka ikaika o kona mikini hoonee, ka heluna o na luina, na lako ame na mea hoakaka e ae e pili ana i na pono lawaia. Pauku 729B. Aole e Liki ke hoohana ia kekahi moku no ka hana lawaia kalepa me ka loaa mua ole ana mai o kekahi palapala ae no ia hana mai ke komisina mai, a i ole ia mai kona agena mai i hookohu pono ia, a o ka palapala ae no kela ame keia waapa (moku) pe'a, a waapa me ka hoeia he hookahi dala ($1.00) a no na waapa a moku e hoonee ia ana e na mikini he iwakalua-kumamalima keneka (25c) no ke kapuai hookahi e ana ia, ma ka ihu a ka hope o ka moku. Pauku 729C. O na ona o kela ame keia waapa a moku i loaa ka palapala ae e hoikeike mau ae ia ma kahi e ike ia ai e ka lehu-lehu ma na aoao a elua o ka waapa a moku, i helu e hoolaka ia mai ana ma kauku lilo no no ia helu e ke komisina. O na palapala ae apau e pau ana ko Iakou mana ma ka la 30 o Iune o kela ame keia makahiki. Pauku 729D. O kela ame keia mea e hooko ole ana i na kauoha o kekahi o na pauku o keia kanawai, i ka manawa e hoahewa ia ai, e hoopai ia aku no ma ka hoopai dala no na dala aole e emi iho malalo o iwakalua-kumamalima ($25.00) a aole hoi e oi aku mamua o elima haneri $(500.00) a i ole ia ma ka hoopaahao no ka manawa aole e emi iho malalo o umi la, a aole hoi e oi aku mamua o kanaono la, a i ole ma ka hoopai dala a hoopaahao pu ana, a o ka hapalua o na dala apau e ohi ia mai ana mai ua hoopai dala nei, e haawi ia aku i ke kanaka amau kanaka i kokua i ka hopu ana a ahewa ia aha o ka mea ku-e kanawai. Pauku 729E. O na dala a pau e ohi ia ana e ke Komisina no ka hoopukaia ana aku o na palapala ae e hoomaopopo ia nei maloko o keia e waiho ia aku no ia ma ka waihona o ke kalana a kulanakauhale a kalana iloko o laila i ohi ia ai ua mau dala la." PAUKU 2. O ka pauku 2037 o na Kanawai i Hooponopono Hou ia o Hawaii, 1925, a o na mahele kanawai a mau kanawai e ae i like ole ka manao me keia kanawai, ma keia ke hoopau loa ia nei. PAUKU 3. E mana keia kanawai ma ka la 1 o Iulai, 1925.
Aponoia i keia la 24 o Aperila, M. H. 1925. W. R. FARRINGTON,
Kiaaina o ke Teritori o Hawaii. KANAWAI 74.
(Bila Senate Helu 249).
HE KANAWAI E KAUOHA ANA I KA LUNA AUHAU o KA MAHELE AUHAU EKOLU E HOOPII AE I KA PAKENEKA O KONA MAHELE AUHAU I LOAA AKU AI KA HUINA o EWALU TAUSANI EWALU HANERI ME KANAONOKUMAMAONO DALA (8,866.00) I HUINA DALA E HOOLAKO AI I KA LAWE ANA IA o NA HAUMANA KULA AUPUNI MA NA KAA. E Hooholoia ka Ahaolelo o ke Teritore o Hawaii: PAUKU 1. O ka luna auhau o ka mahele auhau ekolu iloko o ka makahiki 1925, e hoopii ae oia i ka pakeneka auhau o ia mahele auhau no na hana i hoomaopopo ia maloko o ka hapa 5 o ka pauku 1315 o na Kanawai i Hooponopono hou ia o Hawaii 1925, i loaa aku ai ka huina dala o ewalu tausani ewalu haneri ame kanaono-kumamaono dala ($8.866.00), a oia huina e waiho ia ae ia no ka pono o ka itamu i ike ia o ka lawe ana ma na kaa i na haumana kula aupuni. PAUKU 2. E mana keia kanawai i kona aponoia ana. | Aponoia i keia la 24 o Aperila M. H. 1925. W. R. FARRINGTON,
Kiaaina o ke Teritori o Hawaii. KANAWAI 75.
(Bila Senate Helu 19.)
HE KANAWAI E HOOLOLI ANA I KA MOKUNA 125 O NA KANAWAI I HOOPONO-PONO HOU IA O HAWAII 1925, MA KA HOOLOLI. ANA I NA PAUKU 2028, 2029, 2030, 2031 AME 2032, AME KA HOOPILI PU ANA AKU I EKOLU PAUKU Hou I IKEIA KA PAUKU 2O27A, 2031A, AME 2O31B, E PILI ANA i NA LAIKINI KI MANU AME LAWA E Hooholoia e ka Ahaolelo o ke Teritore o Hawaii: PAUKU 1. He pauku hou ke hoopili pu ia nei ma nei Kanawai i hooponopono Hou ia o Hawaii 1925, mamua koke iho. o ka pauku 2028 o ia mau kanawai nei i hooponopono hou ia i oleloia, a e heluia kanawai o ka 2O27A a e heluhelu no hoi penei: "Pauku 2O27A. O kela ame keia kanaka iloko nei o ke Teritori e huli, hahai a pepehi ana i kekahi manu ahiu a i ole holoholona ahiu, a Iawe mai, hopu a lawaia i kekahi i'a i hoolahaia maloko o na kahawai me ka kii mua ole aku a loaa mai kekahi laikini iaia no ke ki manu a holoholona a lawaia ana e like me ia e hoomaopopo ia nei maloko o keia kanawai, ua pili iaia ka hewa mikamina." PAUKU 2. O ka pauku 2028 o na kanawai i hooponopono hou ia o Hawaii 1925, ma keia ke hoololi ia nei i heluhelu ai penei : "Pauku 2028. O na laikini e haawi ana i ka mana e ki manu a holoholona, a i ole e lawaia i kekahi i'a i hoolahaia maloko o na kahawai a wai eae, e hoopuka ia a e haawiia e ka puuku o kela ame keia kalana, a i oleia e ke komisina Malama i'a a manu a holoholona a i oleia e kona mau agena i hookohu ponoia, ma ke noi ana ame ka uku ana i ka uku laikini, a maloko o ua pala-pala noi la e hoike ia ka inoa ame ka wahi noho o ka mea noi, kona ano kane a wahine paha, kona lahui kona kiekie, na paona kaumaha ame ka waihooluu o kona lauoho a mau maka hoi. PAUKU 3. O ka pauku 2029 o na Kanawai i Hooponopono Hou ia o Hawaii 1925, ma keia ke hoololi ia nei i heluhelu ai penei: "Pauku 2029. O na laikini apau, e pau no ko lakou mana ma ka la 30 o Iune o kela ame keia makahiki, koe nae ina ua hoahewa ia kekahi kanaka no ke ku-e ana i kekahi lihi o kekahi kanawai lawaia ame ki manu a holoholona, e hoopau koke ia kona laikini, a o ka mea e hoahewa hou ia aku no ka lua o ka manawa aole loa e haawi hou ia iaia kekahi laikini no ka lawaia a ki manu a holoholona ana. PAUKU 4. O ka pauku 2030 a na Kanawai i Hooponopono Hou ia o Hawaii 1925, ma keia ke hoololi ia nei i heluhelu ia penei : "Pauku 2030. O na uku laikini penei no ia: No ka makaainana noho paa a no kekahi mea noho iloko nei o ke Teritori, he elima dala ($5.00) no ka laikini ki manu a holo-holona kalana a he elua dala me ka hapalua $2.50 no ka laikini lawaia : no kekahi makaainana noho paa ole iloko nei o ke Teritori, a i ole i kekahi mea i hoike ae i kona makemake e lilo i makaainana mamuli o na kuhikuhi ana a ke kanawai i hoomakaukau ia no ia mea, he umi dala (10.00) no ka laikini kalana ki manu a holoholona a he elua dala me ka hapalua $(2.50) no ka laikini lawaia; no ke kanaka makaainana ole, he iwakalua-kumamalima dala ($25.00)" no ka laikini ki manu a holoholona kalana, a he elima dala ($5.00) no ka laikini lawaia kalana; koe nae keia aole e hoopuka ia kekahi laikini i kekahi kanaka makaainana ole aia wale a loaa mua he laikini e hookuleana ana i kona noho ona ana no kekahi pu, ame ka hoohana ana aku ia pu. PAUKU 5. O ka pauku 2031 o na Kanawai i Hooponopono Hou ia o Hawaii 1925, ma keia ke hoololi ia nei i heluhelu ai penei : "Pauku 2031. O na dala apau i obi ia mai malalo o keia kanawai e hoIo aku no ia iloko o ka waihona kalana a kulanakauhale a kalana o ia kalana iloko olaila i ohi ia ai ua mau dala la e ka puuku o ia kalana a kulanakauhale a kalana a o ia mau dala e hookaawaleia ae ia no ka hoohana ia ana aku no ka malama ana, hoolaha ana a hookomo ana mai i na manu hou ame na i'a hoolaha iloko o ua kalana a kulanakauhale a kalana nei. O ka hapalua o na dala apau e ohi ia mai ana no ka hoopai dala malalo o na hoomaopopo ana a keia kanawai e ukuia aku no ia i ke kanaka a mau kanaka paha i kokua i ka hopu ana ame ka ahewaia ana o ka mea ku-e kanawai." PAUKU 6. He elua mau pauku hou e hoopili ia nei ma keia me na kanawai i Hooponopono Hou ia o Hawaii 1925, e uhai mai mahope aku o ka pauku 2031. a e ike ia ka helu o ua mau pauku la o ka pauku 2031 A ame 2031B a e heluhelu laua penei: "Pauku 2031 A. Aole e palua ka hoopuka ia ana o kekahi laikini i kekahi kanaka no ka makahiki hookahi, koe wale no aia oia a hoohiki mai ma ke kakau, o ka laikini i hoopuka mua ia, ua nalowale a i ole ua hanaino ia, a aole no hoi kekahi e like me ia e hoopukaia nei e haawi ia aku a e hoohana ia e kekahi mea e aku mawaho ae o ka mea maopopo maoli nona i hoopuka ia aku ai ua laikini Ia. Pauku 2O31B. O kela ame keia kanaka i loaa ka laikini e like me keia e hoomaopopo ia nei e paa mau ua laikini la me ia i kona manawa apau e hele ai e kimanu a holoholona a lawaia, a e hoike ia mea ke koi ia mai e hoikeike aku e kekahi luna aupuni i hookohu ia e hooko i na kanawai o ke Teritori, a o ka mea e hoole ana i ka hoikeike ana aku i kona laikini, a i ole o ka hoikeike ana aku i ka mea maloko o kaha eke a wahi waiho manu a holoholona a ia, a i ole i ke eke o kona kuka, a i ole e wehe ae i kekahi hinai a wahi e ae e lawe ia ana o na mea i loaa iaia e manao ia aia maloko olaila he manu, holoholona a ia paha, ke koi ia mai e ua luna aupuni la, e ku no iaia ka hewa mikamina." PAUKU 7. O ka pauku 2032. o na Kanawai i Hooponopono Hou ia o Hawaii 1925 ma keia ke hoololi ia nei i heluhelu ai penei: "Pauku 2032. O kela ame keia kanaka e ku-e ana i na kauoha a keia kanawai, i ka manawa e hoahewaia ai, e hoopai ia no ma ka hoopai dala no ka huina aole e oi aku maluna o elua haneri dala ($200.00) a i ole e hoopaahao ia ma ka halepaahao kalana no ka manawa aole e oi aku maluna o kanaono la, a i ole ia ma ka hoopai dala ame hoopaahao like ana e like me ia maluna ae. PAUKU 8. E mana keia kanawai mai a mahope aku o ka la 1 o Iulai 1925. Aponoia i keia la 24 o Aperila, M. H. 1925. W. R. FARRINGTON,
Kiaaina o ke Teritori o Hawaii. KANAWAI 76.
(Bila Senate Helu 29.)
HE KANAWAI E PAPA ana i KA LAWE IA AME KA PEPEHI IA ANA o KA i'a ME KA PU, A E HOOMAOPOPO ANA i HOOPAI NO KA KU-E IA ANA o NA KAUOHA A KEIA KANAWAI. E Hooholoia e ka Ahaolelo o ke Teritore o Hawaii: PAUKU 1. Ma keia ke kuahaua ia ae nei he mea ku-e kanawai ka lawe ana ame ka pepehi ana, a i ole ia o ke alualu aria i kekahi i'a a i ole ia i ka honu maloko o na kai o ke Teritori o Hawaii me ka pu; koe nae keia, aole i papa ia ka pepehi ana i ka mano me ka pu. PAUKU 2. O ka mea ku-e ana i na kauoha a ka pauku 1 o keia kanawai e hoopai ia oia ma ka huina aole e emi iho malalo o umi \\ | dala ($10.00) a aole hoi e oi aku maluna o kanalima dala ($50.00), a i ole ia ma ka hoopaahao ia ana no ka manawa aole e emi iho malalo o elima la, a aole hoi e oi aku maluna o iwakalua la, a i ole ia ma ia hoopai dala a hoopaahao pu ana, a o ka hapalua o na uku hoopai dala apau e ohi ia mai ana e haawi ia. aku no ia i ke kanaka a mau kanaka i kokua ai i ka hopu ana ame ka hoahewaia ana o ka mea ku-e kanawai. PAUKU 3. E mana keia kanawai mai kona aponoia ana. Aponoia i keia la 24 o Aperila, M. H. 1925. W. R. FARRINGTON,
Kiaaina o ke Teritori o Hawaii. KANAWAI 77.
(Bila Senate Helu 46.) HE KANAWAI E HOOPONOPONO ANA I KA LAWELAWE IA ANA o KA OIHANA HOOPONOPONO OLA A E HOOMAOPOPO ANA I NA HOOPAI NO KONA KU-E IA ANA, MA KA PAKUI ANA AKU I MOKUNA HOU I NA KANAWAI I HOOPONOPONO HOU IA O HAWAII, 1925, I IKEIA O KA MOKUNA 82A, A E KAPAIA "HOOPONOPONO OLA." E Hooholoia e ka Ahaolelo o ke Teritori o Hawaii: PAUKU 1. He mokuna hou noloko o na Kanawai i Hooponopono hou ia o Hawaii 1925, ma keia ke hookumu ia nei, i ikeia o ka Mokuna 82A i kapaia aku "Hooponopono Ola" a e heluhelu ana penei. "Pauku 1052 A. No ka hoomaopopo ana i ka manao o keia kanawai, o ka lawelawe ana i ka oihana Hooponopono Ola e manao ia no ia o ka hoohana ia ana ma ke ano akeakamai o ka ea, ka malamalama, ka mehana o ka la, ka wai, ka honua, ke anu ame ka wela, ka uwila, na rula ola ame ka ai ana, na hoololi ke-mikala, ana, na hoomaemae kino ana, na hoololiloli mekanika ana, ka hoohana ame ka hooponopono ana i na mea apau e hanaia aha ma ke ano akeakamai i wahi e pau aku ai ke ino mai ka ili aku o ke kino o ke kanaka, a hoomaikai ae i ke kulana ke ano ame ka hooholoia ana o na koko iloko o ke kino me ka haawi laau ole ia, e kokua ana i na hana a ke kino ponoi ma na ano apau e hoi hou mai ai ka maikai o ka hoole ia ana o na hana maa mau o ke kino no ka lawe ana aku i na ino o ke kino, a hoihoi hou mai i ke ke kulana maikai e like me ka mea maa mau ; koe nae keia, aole e hoohui pu ia aku me keia hoomaopopo ana na hana maa mau a ka Hawaii e like me ka lomilomi ana. Pauku 1052B. O kela ame keia mea e makemake ana e lawelawe i ka oihana Hooponopono Ola maloko nei o ke Teritori, e waiho ae oia i noi ma ke kakau i ka peresidena o ka papa ola a me kona ae pu ana e hoike ia kona makaukau kupono maluna o keia mau kumuhana haawina e like me keia malalo iho nei : ka anatomio, ola kino, hooponopono ola kino, kulana hoomaemae kind ame ke kulana hoomaemae noho ana, a hiki aku i ka manawa e ku mai ai kekahi papa noii o na poe hooponopono ola kino mailoko mai o na poe e lawelawe ana ia oihana maloko nei o ke Teritori o Hawaii no ua teritori nei. O na hoike noii ana apau aia wale no ma ke kakau. Pauku 1052C. O kela ame keia mea noi, i haumana oia i puka pono mai mai kekahi kula kiekie mai, a i ole ua ao ia ma na haawina maa mau o na kula o ia ano, ame kekahi kula, wahi a'o a kula nui o ka Hooponopono Ola i hoomaopopoia he mau haawina kona e ao ia ana i na haumana noho ma ke kula no ka manawa emi loa o eha makahiki, ma ka pa iwa mahina o ka makahiki hookahi. O na noi ana apau e hanaia ia ma ke kakau maluna o na paihakahaka i hoomakaukau ia e ka Papa Ola, a maluna o ia mau palapala e hoakakaia ana na mea apau e pili ana no ua mea noi nei a ka papa ola e makemake ai e ike ia, a e kakauinoa ia e ka mea noi a e hoohiki ia e ia imua o kekahi luna oihana i hookuleana ia e lawe i na olelo hoohiki. E uku ia aku i ka papa ola e ka mea noi i ka uku o iwakalua-kumamalima, dala ($25.00). he umi dala o ia mau dala e hele pu aku me ka, palapala noi, a aole e hoihoi hou ia mai ina e puka maikai ole ua mea noi la ma ka hoike noii ia ana, a o ke koena aku ma ka manawa e hoopuka ia ai ka laikini. Pauku 1052 D. E hoopuka ia ka laikini e lawelawe i ka oihana Hooponopono ola e ka Papa Ola i na, poe e ike ia ana ka makaukau e like me ka hoomaopopo ana a na kauoha o keia kanawai, a ma ke ano no hoi a ka papa i manao ai he kupono. O na poe e lawelawe ana i ka oihana Hooponopono Ola malalo o keia kanawai, e hoomaopopo lakou a e ku no hoi lakou malalo o na hooponopono ana a na kanawai a ke teritore ame ke kalana e pili ana, i ka hoike ana. mai i ka poe e hanau keiki ana ame ka poe i make ame na mea e ae apau e pili ana i ka pono o ke ola o ka lehulehu ame na kuleana hana a na kauka e ae, na poe oki ame na poe lawelawe oihana ola e ae e ku ana. Pauku 1O52E. O kela ame keia kanaka mawaho ae o na poe i laikini ia, e lawelawe ana i ka oihana a i ole ia e hoao aha e lawelawe i ka oihana hooponopono ola, a i ole ia o kela ame keia kanaka e kuai aku ana a kuai mai a i ole ma ke ano kolohe ua loaa kekahi palapala hoomaikai a laikini paha e lawelawe i ka pihana hooponopono ola, ina no paha ua hoopaa ia a aole paha ma ka buke aupuni, a i ole o kekahi mea e lawe mai ana a hoopili pu i na huaolelo kulana oihana "Hooponopono Ola" a i ole "N. D.' a i ole ia i kekahi mamala olelo a huaolelo e ae e kuhihewa ia aku ai oia he makaukau oia i ka lawelawe ana i ka oihana hooponopono ola me ka hooko ole ana i na kauoha a keia kanawai, a i ole ia o kekahi kanaka e ku-e ana i na kauoha e ae. a keia kanawai, ke ku ke ahewa ia iaia, e hoopai ia no oia ma ka hoopai dala aole e oi aku maluna o elua haneri dala ($200.00) a i ole ia e hoopaahao ia oia no ka manawa aole e oi aku maluna o hookahi makahiki; a i ole ia ma ka hoopa'i dala a hoopaahao pu ana. Pauku 1052F. O ka mea i lawelawe i ka pihana hooponopono ola me ka mau iloko nei o ke Teritori, no ka manawa aole i emi malalo o ekolu makahiki i ka manawa e hooholo ia ai keia kanawai, ina ua puka maikai mai oia mai kekahi wahi a'o a kula nui e ao ana i ka ike Hooponopono Ola i ao ia na haumana ma ka noho paa ana ma ia kulana a wahi ao, a e waiho ae ana i ka papa ola i na hooia ana no ia mau mea iloko o elua mahina mai ka la aku e hooholo ia ai keia kanawai, e loaa aku no iaia ka laikini e lawelawe i ka oihana Hooponopono Ola maloko nei o ke Teritori o Hawaii, i kona manawa e uku aku ai i ka uku laikini o iwakalua-kumamalima dala ($25.00). PAUKU 2. O na kanawai a pau ame na mahele kanawai apau e like ole ana me keia, ma keia ke hoopau Ioa ia nei. PAUKU 3. E mana keia kanawai i kona aponoia ana.
Aponoia i keia la 24 o Aperila, M. H. 1925. W. R. FARRINGTON,
Kiaaina o ke Teritore o Hawaii. KANAWAI 78. (Bila Senate Helu 72.) HE KANAWAI E HOOKUMU ANA I KEENA o NA ALANUI TERITORI A E HOOMAOPOPO ANA I KE ANO O KA MALAMA IA ANA o IA MAU ALANUI. E Hooholoia e ka Ahaolelo o ke Teritore o Hawaii: PAUKU 1. I kulike ai me ke Kanawai. Amerika no ke Kokua ana i na Alanui, ame na hoololi e ae i hooholo ia e ka Ahaolelo o Amerika Huipuia ma keia ke hookaawale ia nei ke Keena o na Hana Aupuni i Keena Alanui Teritori, a o ka Luna Nui o na | Hana Aupuni, oia ka Enikinia o na Alanui Teritori. PAUKU 2. O na hana a ka Enikinia o na Alanui Aupuni oia no ka hoolala ana i na alanui maluna olaila e hoolilo ia ai na dala e kokua ia mai ana e ke Aupuni makua me na dala a ke teritori ame ke kalana, a i ole o lakou apau; e hoomakaukau i na kii ame na loina hana, e haawi aku i na aelike a e hoomaopopo i ke ano o ke kukulu ia ana o ua mau alanui la. PAUKU 3. O ua Enikinia nei o na Alanui Teritori, mahope koke mai o ka la 1 o Dekemaba, 1925 e like me ka hikiwawe iaia ke hana pela, a i kela ame keia makahiki ma ia hope aku, e waiho ae oia i na papa luna kiai like ole o na kalana ame ke kulanakau- hale a kalana i hoike o ka huina i makemake ia mai ua mau kalana a kulanakauhale a kalana nei no ka makahiki e hoea mai ana e hoomaka ana mai ka la 1 aku o Ianuari mahope mai no ka ma- lama ana i ua mau alanui nei maluna olaila i hoolilo ia ai na dala kokua mai a ke aupuni makua, a oia hoike o ia huina i makemake ia, e hookomo pu ia iho no ia e ua mau papa lunakiai no na hana i hoomaopopo ia ma ka mahele (1) o ka pauku 1315 o na kanawai i hooponopono hou ia o Hawaii 1925. PAUKU 4. I ka manawa e ohi ia mai ai, o na huina like ole i hoomaopopo ia maloko o ka pauku ekolu o keia e waiho ia no ia e ka puuku o ke teritori o Hawaii maloko o kekahi mau wai- hona kuikawa wilimau no na alanui teritori, a e hoolilo ia aku ia mau huina no ka malama ana i na alanui like ole maloko o na kalana like ole a i ole o ke kulanakauhale a kalana mailoko o na olaila i loaa mai ai ua mau dala la, ma o na bila kikoo dala la i hoopuka ia aku ma ke aponoia ana mai o na bila e ka Enikinia o na Alanui Teritori. PAUKU 5. O ka hana maluna alanui maluna o ua mau ala- nui nei i oleloia e hoohana ia malalo o ka hooponopono ana a ka Enikinia o na Alanui Teritori, ma ka hana la paha, a i ole ia ma ka aelike paha, a i ole ua hiki i ka Enekinia o na alanui teritore ke hoomana aku i na keena malama alanui o na kalana e malama i ua mau alanui la, ma ka hana la a i ole ia ma ka aelike, malalo o ka mana i haawi ia mai na papa lunakiai mai o na kalana a i ole ia o ke kulanakauhale a kalana hoi. PAUKU 6. E lawe ae ka Puuku o ke Teritori o Hawaii mai- loko ae o na auhau i ohi ia mai na kalana like ole mai a i ole i ke kulanakauhale a kalana mai, i na huina i hoomaopopo ia ma ka
pauku 3 i kela ame keia makahiki, a o ia mau dala e ohi ia mai ai
e hookomoia aku no ia no na waihona wilimau like ole i hoakaka PAUKU 7 . I mea e hooko ia ai na kauoha a keia kanawai ke hookaawale ia nei ma keia ka huina o umi tausani dala ($10,000.-00) ma ke ano hoaie mai ka waihona laula mai o ke Teritori a e hookaawale ia e ka puuku i na huina like no na waihona kuikawa wilimau o na alanui teritore eha no ka malama ana i na alanui maluna olaila i hoolilo ia ai na dala kokua alanui a ke aupuni makua a i ole ia e hoolilo ia aku ana paha. I ka manawa e lawa ai na huina iloko o keia mau waihona wilimau ma o ka hoomaopopo ana a na pauku 3 ame 6 o keia kanawai, e hoihoi koke aku ka puuku iloko o ka waihona laula o ke teritore mailoko mai o ua mau waihona wilimau la i na dala e hoaie ia nei ma keia pauka. PAUKU 8. E mana keia kanawai mai kona aponoia ana
Aponoia i keia la 24, o Aperila M. H. 1925. W. R. FARRINGTON,
Kiaaina o ke Teritori o Hawaii, KANAWAI 79. (Bila Senate Helu 187.) HE KANAWAI E HOOLOLI ANA I KE KANAWAI 176 O NA KANAWAI O KE KAU O 1923, E HOOLOLILOLI ANA I KEKAHI MAU ITAMU o KA HAAWINA KULA NO KA ELUA MAKAHIKI E PAU ANA I DEKEMABA 31, 1925. E Hooholoia e ka Ahaolelo o ke Teritori o Hawaii: PAUKU 1. O kekahi mau itamu iloko o ka Pauku 1 o ke Kanawai 176 o na kanawai o ke kau o 1923 ma keia ke hoololi ia nei penei : E holoi i na huahelu "$35,000.00 ma ka itamu, "Na lako o na Kula Haahaa", a e hookomo iho ma ia wahi i na huahelu "$40,-000.00.' E holoi i na huahelu 15,000.00 ma ka itamu ''Na lako o na Kula Kiekie" a e hookomo iho ma ia wahi i na huahelu "$20,- 000.00." E holoi i na huahelu $12,000.00 ma ka itamu "Na Buke na palapala ame na lilo huikau" a e hookomo ma ia wahi i na huahelu "17,000.00." E holoi i na huahelua $16,780.00 ma ka itamu "Buro o ka malama ana no na waha, na lakou hana, malama ana, ame na lilo kaahele" a e hookomo ma ia wahi i na huahelu $11,780.00", E holoi i na huahelu "$41,880.00" ma ka itamu "Uku Hana, Kula o na makapo ame Pepeiao Kuli" a e hookomo ma ia wahi i na huahelu "$36.880.00''. E holoi i na huahelu "$30,700.00" ma ka itamu "Kukulu ana, Hoolako ana, na lako haua, malama ana etc o ke Kula o na Pepeiao Kuli ame Makapo" a e hookomo ma ia wahi i na huahelu $25,700.00" PAUKU 2. E mana keia kanawai i kona aponoia ana.
Aponoia i keia la 24, o Aperila M. H. 1925. W. R. FARRINGTON,
Kiaaina o ke Teritori o Hawaii. KANAWAI 80. (Bila o ka Hale Helu 254.) HE KANAWAI E HOOMANA ANA A E KAUOHA ANA I KE KALANA o HA-.
WAII E UKU I KE KOI A KA HILO EMPORIUM I KAUPALENA NO NA AUHAU WAIWAI I OHI WALE IA MAI LAKOU MAI ME KE KU OLE I KE KANAWAI. E, Hooholoia e ka Ahaolelo o ke Teritore o Hawaii: PAUKU 1. O ka Papa Luna Kiai o ke Kulana o Hawaii ma keia ke hoomana ia nei a ke kauoha ia nei e uku aku i ka huina o elima haneri kanawalu-kumamahiku dala ame kanawalu-kuma- malua keneta ($587.82) i ka Hilo Emporium i Kaupalenaia, no na auhau waiwai i ohi ia mai ia lakou mai i ka makahiki 1922 me ke ku ole i kanawai. PAUKU 2. E mana keia kanawai i kona aponoia ana.
Aponoia i keia la 24, o Aperila M. H. 1925. W. R. FARRINGTON,
Kiaaina o ke Teritore o Hawaii. KANAWAI 81. (Bila o ka Hale Helu 260.)
HE KANAWAI HE HOOLOLI ANA A NA PAUKU 369 AME 372 O NA KANAWAI I HOO- PONOPONO HOU IA O HAWAII 1925, E PILI ANA I NA KULA HANA LIMA A E PAUKU ANA I PAUKU HOU I IKE IA O KA (E nana ma ka Aoao Ekolu) | |
