Ka Nupepa Kuokoa, Volume LXIV, Number 26, 25 June 1925 — Page 4

EHA NUPEPA KUOKOA, HONOLULU, T. H. POAHA, IUNE 25, 1925


	aole i make o Kalaepuni, aole i paa i na pohaku, aka, aole oia i kena i na wai no ka paa e o ka wai i na pohaku. Ma keia hana a na elemakule ia Kalaepuni, olelo ae la o Kalaepuni " E make ana olua la'u;"oni ae la o Kalaepuni mailoko ae o na pohaku paakiki, a hemo ae la, ike na elemakule e make ana laua i Ka- laepuni ke pii ae iluna, nolaila, holo aku la ka elemakule kane. Kahea aku ka wahine: "O ka holo ka kau, ki i no o ka hoomana- wanui ae a make ka enemi, alaila, pono, a holo aku oe pakele, e holo no, a e make no, e noho no, a o make no, o ka ikaika auanei kei* e pakele ai ke holo aku." Ma keia olelo a ka wahine, aole hoolohe mai o ke kane, ke holo loa la aohe maliu mai i ka olelo kahea aku a ka wahine; aka, hoomanawa- nui ka wahine, i ke kiola ana i ka pohaku, a o ka hapakolu wale ae no koe o ka lua,a o ka hiki no ia iluna o ka waha o ka punawai. Aka, aole no nae he hoopau iki o keia luahine wahine i ka olokaa ana i ka pohaku iluna o Kalaepuni Ua a'o aku ke kahuna Mokupa- ne ia laua, "mai maka'u iki olua, a hopohopo hoi. O ko olua maka'u ana, o ko kakou make ana ia H pau loa; a o olua ka mea e noho hou ai ke alii a kakou, Keawenui aumi; no ka mea, aole e hiki, e hoo- nohoia, i mau kanaka opiopio i keia wahi. A pa pono iho la ka lae o Kalae- puni i ka pohaku, a make iho la Nana aku la ke kahuna Mokupane a ike i ke ao i ke kau iluna o na ouli o ka lewa, Mokupuni o Kahoo- lawe, oiai, laua e uoho ana ma ka huli kua hikina o Hualalai, alaila, olelo aku la o Mokupane ia Keawe- nuiaumi: Ua make ka enemi, e pono e hoo- unaia i waa kii i na elemakule, e hoi mai." Ua hoi mai Ia ka poe pili alo alii apau i kai o Kailua, 4 hoounaia ka waa kii i na elemakule na ka hoi mai. Ahiki ka waa i Kahoolawe, ma kahi i kapaia Keanapou, a ua kau- lana wahi ahiki i keia la, a aia no ua lua hohonu la ke waiho la he kiahoomanao no keia kanaka koa a ka ikaika lua ole; a nohoalii hou iho la o Keawenuiaumi ma kona wahi. No Kalaehina. Ua maopopo ia kakou ma ka nana ana i ko Kalaepuni moolelo, he ka- naka koa loa oia ame ka maka'u ole, he kanaka ikaika loa, a ma keia moolelo ana, no kona muli iho, oia o Kalaehina. Mamua oe o ka make ana o Ka- laepuni ma Keanapou, i Kahoolawe, a Kalaepuni e noho ana ma ko Kea- wenuiaumi noho alii ana no Hawaii, kena aku la o Kalaepuni i na ka- aka, mai kela pe'a keia pe'a o Kona, e hele me Kalaehina i ke kauo waa ma Kapua, aia ia wahi ma Kona Hema, e pili ana me Kau. Ma keia hele ana, ua hoonohoia Kalaepuni i lunanui maluna o a mea apau loa, elike me ka nui	o na waa ame na okana o Kona Ahiki lakou i kahi o na waa e waiho ana, eono waa, eono okana olelo aku la o Kalaehina i kana olelo kuahaua: "E na makaainana o kuu kaikua ana o Kalaepuni, e hoolohe mai ou- kou, o ku okana e hiki e ana hana waa i kai, alaila, e lilo ia mau kanaka1 punahele na Kalaepuni." Kauo aku la ka okana mua i ka lakou waa, ahiki ma kekahi kipa- pali, o Nawaahookui ka inoa, eono iwilei kona kiekie, pela no ka hana apau na waa eono, aohe waa i hiki loa i kai. Nolaila, haalele lakou i na waa, a hoi aku la ahiki imua o Kalae- puni, ninau mai la o Kalaepuni "Auhea na waa." Olelo aku o Kalaehina: "Ua kauo mai nei makou a kahi i haalele aku nei, he wahi kipa- pali aia ilaila kahi i ili ai na waa a eono." A lohe o Kalaepuni huhu loa iho la oia i kona kaikaina, olelo aku: "Aole anei au i hoonoho aku ia oe i luna maluna o na kanaka apau, A no keaha la oe i hooponopono ole ai elike me ka'u olelo ke pii e kauo mai i na waa; o na kanaka apau e noho lakou, aole pii. a i hiki ola na waa ia oe, alaila, kauia oe i kanaka no ka heiau." A lohe o Kalaehina i keia mau olelo a kona kaikuaana, maka'u Ioa iho la oia, i ka hiki ole o na waa iaia, noonoo iho la oia mai ka po a ao, mai ke ao a po, hele aku la oia a kahi o na waa i waiho ai. nana iho la a haalele; hele aku la oia ahiki i Kau. Malaila o Kalaehina i olelo ai me ka hoopunipuni, penei kana mau olelo i ko Kau poe: "E na kanaka o Kau nei i kau- oha mai nei ke'lii o Kalaepuni ia'u e olelo aku ia oukou, e hele e kauo i na waa." A lohe na kanaka i keia olelo a Kalaehina, ia manawa, akoakoa ko- ke mai la lakou, a kahi o na waa i kau ai, o ia o Kapua. Hapai ae la na kanaka i na waa a kahi kupono e kauo ai, a lana iloko o ke kai. Hoeia aku la elima waa ma ka moana, ahiki i Keauhou, kahi a Kalaepuni e noho ana hoo- kahi waa mahope me Kalaehina o ia wa i koe mahope, auamo ae la o Kalaehina a hele mai la mauka ahiki i Kainaliu, auamo aku la o Kalaehina ahiki imua o Kalaepuni kona kaikuaana, mahalo iho la o Kalaepuni i kona kaikaina no ka ikaika loa i ke auamo waa Ahiki mai ka la hooklK'knha o ku alii o Kalaepuni, ia n& hoike ai o Kalaehina i kona ikaika imua o na mea apau loa. Lalau iho la oia hookahi waa o na waa eono i kauoia mai al, a pahee aku U iloko o ke kai, me he iho lo, a me he mea ole la iaia. Nana aku la o Kalaehina i na ai- puupuu a ke alii, e kaka wahie ana, lalau iho la oia hookahi pauku wa- hie, a hahau iho la, a okaoka liilii loa, lilo iho la ka paakiki o ka pau- ku ohia nui i mea ole. (Aole i pau.)


ia'u iloko o ia pilikia. Heaha auanei ka'u mea, e hana iho a nona?" "Oiai oia e ola ana he mea okoa loa ia, aka i nei manawa ea aohe ou pilikia ana." "Aole io paha ko'u malama iho iaia, aole ka e hiki ia oe ke hoihoi hou aku iaia i kahi ona i loaa aku ai ia oe a waiho aku iaia malaila ?'' "Aole hiki; o ka hoihoi hou ana aku he mauna okoa ana aku no ia i ko'u ola he uku hoi ko'u hoihoi aku a ike ole ia mai ia hoihoi ana aku, aka ina e ike mai ana kekahi o na kauwa o kona pilikia no ia. Elike me ia a'u i olelo mua aku nei ia oe ua make oia i nei manawa, nolaila aohe ou pilikia ana ina no kou lawe aku i kona kino a huna aku iaia ma kekahi wahi." Ina pela ua pono," wahi a Dick," na'u e malama iaia I ka holopono ana o keia manao, hopu iho Ia o Dick i ke kino o Felorika a huli aku la hele, o ke kaawale ana 5a o ua niau hoahanau la. Me ka mama o na kaina wawae i hoomau aku ai o Dick i kona iho ana i kai ma kekahi alanui mahai o ke alanui nui Iaia e hoomau la i ka hele me ka awiwi loa lohe aku la oia i ke kanike mai o ka bele o ka halepule kokoke mai iaia o ka hora umi-kumamalua ia o ke aumoe. He po ua a ikaika ia o ka pa ana mai a ka makani me ka huihui pu, nolaila, no ia ino aohe nui o ka poe helewawae o ka po maluna o na alanui no ka makau i ka ino, nolaila ua lana loa ae la kona manao aole e ikeia mai ana kona hiihele i kana ukana kaumaha a e Iawe ana hoi i ka po. O na makai kuhuina, no ka makau i ka ua aohe maaloalo ma na huina alanui, ua holo a pee ma na poopoo a ma na ipuka hale o na hoaloha. Ke hoomau la no ke kanaka i kana hele ana a hala mai la he kuea a hala mai ana he kuea, me he mea la ua kamaaina wale oia i kana alanui e hoomau la i ka hele, a i ka manawa hope loa, ku iho la mamua o kekahi hale pohaku nui. MOKUNA X. No kekahi kikeke ikaika r maa mau ole ia kekahi ano elike me ia mamua aku ua puoho mai la kekahi wahi kanaka Paele poupou a hele mai la e pane no kana kikeke, a iaia i ninau aku ai o Dick: "Ea, he kauka no anei kekahi oloko i nei manawa?" wahi ana, no ka mea o ka halema'i ia, a ilaila na kauka e hele mai ai. Luliluli mai la ke poo o kahi kanaka Paele poupou, a ninau mai Ia: "Heaha kou makemake i ke kauka, he ma'i nae kaa i Iawe mai la?" Kunou aku la o Matini (o ka inoa makua ia ona) a pane aku Ia : "Aole hiki ia'u ke haalele i keia mea ma'i ianei me ka uku mua ole ia mai o ko'u uku." "Aole lakou e hoea mai ana ahiki i ke kakahiaka nui," i pane mai ai ke kauwa Paele; "aka nae, ma ka'u mea o ka lohe ana aku ia lakou i ka olelo ana mai ua makemake loa lakou no kekahi ma'i nolaila, manao au ua hiki ia'u ke uku mua aku ia oe i ke dala no ia ma'i. Ehia la hoi, elima dala paha, ea?" Kunou aku la o Diki Matini, a i aku la: "Ke haawi aku au i keia ma'i na lakou no keia mau dala, oiai nae, ua oi aku ka waiwaiio mamua o ia." Lalau aku Ia oia i ke dala a paa mai la ma ke ano alunu, a huli mai la hele. "Alia, i ke kauka hea keia ma'i e haawi aku ai?" i kahea mai ai ke kauwa mahope o ua o Diki. "I ke Kauka Gerina," wahi ana. "Ua kuka au me ia o ka ma'i mua loa e loaa ana ia'u e lawe mai ana au iaia a pela au i lawe mai la i keia ma'i nana e lapaau. Aka nae, ina he kauka e ae kekahi e uku mai ana ia'u a oi aku mamua o keia elima dala, haawi aku oe i ka ma'i nana." Me keia mau huaolelo hope loa kaha aku la oia hele me ka awiwi loa me ka hookomo ana iho i ke dala i loaa mai la iaia iloko o kona pakeke lole wawae. "I ua o Diki Matini e hele la ke namunamu wale la no oia iaia iho, "Aole e ike ana o Keoni i ka'u mea i hana ai no kela kaikamahine, a aole no alu e hoike iki aku ana iaia, i mea aha no ia e hoike aku ai, hana ka oia i kela kaikamahine a ma'i a i ole e make aku ana paha, alaila manao mai oia na'u e auamoke koikoi o kana hana ino, e owili pu ia aku ai au iloko o kana hana. "Aole no paha oia e manao nui mai ana no kela kaikamahine e ninau mai ai oia ia'u no kekahi mea e pili ana iaia, mamuli o kona ike e make ana kela kaikamahine mamuli o ka paa Ioa o ka hanu iaia i wili ai a paa loa me ke kihei, ina paha no ka uhi wale "iho nei no aole no hoi e paa ka hanu, o ka wili no ka ia la a paa loa ke kania-i, pehea la e hiki ke hanu ae, no kona makau wale mai no kela o uwa kela kaikamahine a loheia e na kauwa, a paa koke oia." Me kekahi mau huaolelo ana o ka namunamu ana iho no ka nui o ka ino ame ke anu o ia po, o kona hapai ae la no ia i ke kino o Felorika e me ' Vr ana a kau i kona poohiwi, a hoomaka aku la ka pii aim -. ; ,;io ka hale maluna ma ke alapii poepoe a i ka hoea ana aku i ka rumi kaha kanaka, hoomoe iho la ia Feloika iluna o ke pakaukau kaha kanaka. Aole oia i laka aku a paa ka puka owaho loa o ia rumi, no ka mea o ka po ia i manaoia ai e hoea mai ana na kauka, a o ko lakou hoea mai no paha koe. I ka waiho pono ana iho o ke kino o Felorika iluna o ke pakaukau, hoomaka iho la oia e wehewehe ae i ke kihei i wiliia ai a paa, a waiho wale ae la ke kino o ke kaikamahine, a iaia e nana la i ko Felorika helehelena ke hookani wale no oia i kona ui, a ke ulu pu ia ke aloha ame ka minamina iloko ona no ka halawai koke ana me ka pilikia i, manao mua ole ia. Ma ko Diki Matini moolelo iloko o na makahiki lehulehu i kaahope aku, he kanaka malama hale oia no kekahi hale ana o ka ike ana i ke kahaia o ke kanaka no na manawa lehulehu a no ka poe make hoi, no ia kumu, aole i loihi loa kona nana ana iho maluna o ko Felorika helehelena. Ia alawa ana iho no ana i ka helehelena o Felorika a ike iho la ua make ua makemake Ioa oia ia manawa e iho koke i ka hale malalo no ke puhi paka ana, a no ka heluhelu nupepa ana. laia e noho ana ma ka rumi malalo lohe aku la oia i ka halulu ana mai o na kaina wawae mawaho o kipaepae mamua aku o ka puka o ka hale, aohe nae i haawi aku i kona noonoo no ia halulu no ka mea, ua koho iho la no oia he kauka ka mea nona kela halulu, o i mamao loa kana halulu o ka. lohe ana aku ahiki i ke kokoke loa ana mai; ua weheia mai la ka puka e kekahi mea ma ka holo hui maluna ae ona, a papani hou ia aku la no a ke lohe la no oia i ka halulu o na kapuai wawae oiai kela mea e pii la ma ke alapii no ka hale maluna, Hoopau aku la kana hoolohelohe ana i ka halulu wawae a hoomaka hou iho la e heluhelu i ka nupepa. O kela kanaka i pii aku la no ka hale oluna a Diki i lohe aku ai aole o kekahi o na kauka; elike me kana i koho ai, aka, o Toma Gerina, ke aloha a Felorika; ua hoea mai oia no	ia hale me ka manao e loaa ana kona kaikuaana kauka ma- loko o ia hale ia manawa. Ua hala ka hora aumoe ia manawa a he manawa hiamoe ia, eia nae, eia no o Toma Gerina ke ala nei; no kekahi hana ano nui i hoohia-aia ai kona noonoo a makemake loa e hui me ke kaikuaana no ke kuka ana maluna o ia hana, oiai, ma ke kaaahi kakahiaka loa o kekahi la ae e holo aku ai oia no Wa- kinekona. No ka loaa ole ana o ke kaikuaana iaia iloko o ka rumi maa mau ia laua i ka hui malaila, ulu ae la kekahi noonoo iloko ona malia aia paha kekahi o na kauka iloko o ka rumi kaha kanaka, aohe no hoi he hewa o kona hele wale aku no malaila e kiei ai ma ka puka. No ka ikaika loa o nei manao, o kona ku ae la no ia a hele aku la a ke alapii poepoe pii aku la a i ka hiki ana ma ka puka kikeke aku la me ka malie loa; Aohe mea maloko i pane mai i kana kikeke, o kona wehe loa mai la no ia i ke panipuka a hamama a komo aku la a ma ka puka a nana aku la iloko. He ano pouliuli wale no oloko o ka rumi, aohe ikaika loa o. ka a o ke kukui gas, ua hoemiia a uuku loa, ma kekahi aoao aku o ka rumi he pouliuli wale no, a hoomaka mai la ke anoano hoomakaukau, aole nae oia i huli a haalele aku ia rumi. He kupanaha ka ulu ae la o ka makemake iloko ona ia ma- nawa e komo Ioa aku oia iloko o ka rumi no ka mea noonoo iho la oia heaha auanei ka hewa o ia komo wale ana aku no me kona hoopoino ole aku i kekahi mea maloko. Aia ma na paina o ia rumi he lehulehu na pahu kupapau ha- kahaka oloko me na pihi hulali e anapa mai ana, ua weheia na pani, a ke ike aku la oia i na lole oloko o ia mau pahu i hanaia ai a maikai a i makaukau loa no ka hookomo ana iho i ke kino o kekahi mea make iloko, a naka. wale ae la no kona kino, ke ano o ka mea i makau. He wahi hoakakala loa keia i ke oho o na mea apau i piha me na manao makali wale, a he wahi kupoho ole hoi no ia ano poe e komo ai. He wahi manaonao no ke ike iho i ke kino o kekahi mea i make ke laweia mai maloko o keia rumi no ka mea e kahaia ana, he oi aku ka maikai ina no ka make me ka maikai e kanuia aku i ka luakupapau mamua o ka hoo- hanaia ana o ka pahi a ke kauka. No na manawa lehulehu mamua aku ua kamailio mai kona kaikuaana iaia, ke Kauka Lolena Gerina i kekahi mau moolelo hooweliweli no na mea i hanaia maloko o keia rumi, a no ko "Toma hoomanao ia mau moolelo ua hookunahihiia ae oia no kekahi manawa me ke okalakala o koha oho aka nae, o ia mau mea i hanaia mahope o ke kahaia ana o ke kanaka he mau mea pili wale no ia i na hana akamai a na kauka. Hele kaapuni ae la oia maloko o ia rumi, a emo ole ua hoo- kui aku la kekahi o kona matt wawae i kekahi mea oolea oi, nie he mea ua haule mailuna mai o ka holopapa a i ole ua kiolaia iho no paha e kekahi o na kauka iloko o kona manawa e haiia ana ma kekahi Hana awiwi e haawiia, iho ai ka noonoo a pau maluna o ia hana a ua poina ke kii ana iho a kau ae ma kahi kupono. Kulou iho la oia a lalau iho la a hele mai la imua i kahi o ke pakaukau kaha kanaka e ku ana iwaenakonu o ka rumi. Iaia i hele mai ai a ma kahi ekolu kapuai mai ke pakaukau aku, holo ae la ka maeele makau iloko ona. Ike mai Ia oia e waiho ana maluna o ke pakaukau he kino loihi e moe ana, he mea kino eleele i makaukau loa no ke okiia me ka pahi a ke kauka, ma ka manawa o na haumana e akoakoa mai ai ma ia wanaao, ka manawa meha o na mea apau. Ke ku la o Toma me ka oni ole no ka piha loa i ka eehia me ka mau no o ka paa o ka mea ana i lalau iho ai iloko o kona lima o kona puuwai ia manawa ke pana la me ke kapalili he haawina i maamau ole ka loaa iaia mamua aku a ke puai mai la hoi na kulu hou nunui mai kona lae mai, he makau i hiki ole iho la iaia ke hoomalielie. "O, aloha ino!" wahi ana i hoopuka ae ai. "Liilii maoli ka moeuhane ana a kou makuahine, ma ka manawa o kou hanau- ia ana, ua hanauia oe no keia hopena, a nui maoli no hoi ka liilii loa o kou moeuhane ana nou iho, oiai oe e holoholo ana iloko o ka malamalama o na kukuna la, me ka loaa ole o ka noonoo iloko ou e halawai ana oe me keia hopena, he make iloko o kou mau la opio! "Pehea ana la, elike ana paha ko'u hopena me kou? O, lapuwale! No keaha la au i noonoo wale iho la no elike me keia?" No kona makemake e ike pono i ka helehelena o ka mea e waiho mai ana, hookokoke loa aku la oia i ke pakaukau, a wehe malie ae la i ke kihei i uhiia ai ka helehelena ame ke kino. "Auwe he wahine!" wahi ana i nahunahu iho ai, a ke nana la oia i ka lauoho loloa a nupanupa, a i like hoi ka hinuhinu me he mau lopi kilika la. "Aohe pilikia ina e wili ae ana au a nui ka a o ke kukui gas," wahi ana iaia iho, o kona wili ae la no ia a i ka nui ana ae o ka a, lena pono iho la kana nana ana maluna O ka helehelena o ka mea make e haawi kokeia aku ana iloko o ka lima o na kauka no ka Iakou kaha ana iho. I ka lele pono ana iho no a ka lena ike a kona mau maka maluna o ka helehelena keokeo pu e waiho ana, hoomaka ae la oia e kuwo me ka ha o ka leo, o ka manawa mua loa ia i loheia ai koha ume kuwo mai kona manawa kamalii mai. "O, e kuu Akua, ua pupule anei au a i ole e moeuhane ana paha?" wahi ana. "O ka helehelena no keia o Felorika Wela a'u e ike nei me ka hoohewahewa ole, a i ole ua kupanaha anei ka ike a ko'u mau maka." I ka mao ana ae a na kikiao weliweli loa, kulou hou iho la oia e nana, elike no me kana o ka ike ana mamua o ia no kana e ike iho ana me ka hoohewahewa ole. Aohe kuhihewa hou ana iho o Felorika io no ia ua make!" Ia minuke o ka maka'u ame ka weliweli i uluhia ai maluna iho ona i na minuke mamua aku ua kaawale aku la, a ma ia wahi ka ukiuki, ka inaina wela a pela wale aku, a no kona piha loa i ka inaina aneane e nana kona puuwai Iloko o ia minuke ana e ku la i. halawai ai oia he alo a he alo me ka oiaio, oia hoi kona aloha ia Felorika elike me ka ikaika o kona uhane, "Pehea la i halawai ai o Miss Wela me keia make hikiwawe, a nawai keia hana karaima i hana maluna ona, a no keaha, a owai ke kanaka limakoko e ola ana ia manawa? "O keia na ninau lehulehu i ala ae la iloko 6 kona noonoo ia manawa, aka aohe mea hana e pane mat ka haina no kana mau ninau. Ua like oia me kekahi kumulaau ia minuke me ka maopopo ole o kana mea e hana aku ai. (Aole i pau.)	HAINA NANE. Mr. Lunahooponopono o ke Kuo koa; Aloha nui:-No ka haina o ka nane a ke keiki o ka pali kapu o Keoua, ame na mahele, ame na we - hewehe ana, o ia iho keia. Mahele. 1, Liona. Mahele 2, Hae, o ka paa Hoi kela iluna, o ka paa hoi ilalo nei, Pakipika, i ka hoohui ana ae i keia mau mahele, loaa pono i'o ka inoa pololei o ua keiki nei o ka aina hanau o maua, o Kona i ke kai malino. Haina, LIONAHAEOKAPAKI-PIKA. Eia ka'u wehewehe ana no keia inoa piha e kau ae la maluna. Eia i Honolulu nei keia holoholona he liona, aia iwaho o Kapiolani Park. O ka paa hoi iluna, o ia no ka welo mau o ka hae i na la apau ma keia taona. He wahi hoi i kapaia i ka hapa hope o keia inoa piha e kau ae la maluna, o ia hoi, Pakipika Hai. Ua ike na mea apau o keia kulanakau-hale i keia wahi; a nolaila ua pololei i'o no ua keiki nei i olelo iho ai, i Oahu i'o nei e piha pono ai kona inoa, aole i'o no e ike ana ko Hawaii poe iaia ame ko Maui, a hala loa aku i Niihau; oki loa aku hoi e loaa ma na aina aupuni. Me keia mau wehewehe ana, ke lana nei ko'u manao e pinika io ana paha ka nioi a maua. Owau no me ka haahaa. G. A. K. Aohe e eha ka ili i ka hoomanoo- nei liilii, iliki mai no a kanono, no ka mea he o ia mau no ua keiki la o ka pali kapu o Keoua, aohe wahi mea a mahinu mai la, huli hou ia mai!— L. H. HAINA NANE. Solomon Hanohano, Aloha oe:— He elua mahele o kuu inoa mahele 1, he inoa au no kekahi holoholona. Mahele 2, loaa au ia oukou i ka paa iluna ame ka paa ilalo nei. O ka moa apiki ina huiia ka ma- hele 1 ame 2, pau loa ka ike ana o ka mokupuni o Hawaii ia'u, o Maui ahiki loa aku i Niihau; oki loa aku na aina apuni ke ao nei. Owai au i ka mahele 2. Haina HARE, hale ma kahi olelo ana, ho- lehalona loloa na wawae poomuku ka huelo. Owai au i ka mahele. Haina IWA, he manu lele i ka lewa, pa no i ka honua i kahi wa. Owai kuu inoa piha ke huiia. Haina. HALEIWA. Ko'u kalana ke-ia ka mokupuni 6 Oahu. Me ka mahalo i ka L. H. ame na keiki o ka papapa'i ko'u welina kou oiaio. A. M, F. ZERO, Lunalilo Home, Iune 12, 1925. Hauhili mai la ka ai a Kawele-a, ua hewa kauhale, ua hoi wale ka lawai'a me ke poo maunu. Hoona- hoa hou ia mai! L. H. HAINA NANE. E Mr. Lunahooponopono o ka Nu-pepa Kuokoa; Aloha oe: E oluolu oe e hookomo iho, ma kahi kaawale o na kolamu o ka hiwahiwa a ka lahui, i ka haina o ka nane a Palolo Boy; penei ke ano o ka nane. Elua kumulaau ulu iloko o ke kai, hina iuka o ka aina pau i ka aiia. Loaa ka inoa piha iuka o ka aina. Owai ka inoa pakahi o keia mau kumulaau iloko o ke kai, a pehea ko laua wehewehe ana. Haina Kumulaau 1. AWA. He i'a kela iloko o ke kai, a he laau awa e ulu ana iuka o ka aina. Kumulaau 2 Moi. He i'a no ke-ia aia iloko o ke kai, a he laau e ulu ana iuka o ka aina. I ka hina ana iuka o ka aina a pau i ka aiia, owau ko laua inoa piha. Haina. AWA-MOI. O keia iho la ko laua inoa piha. loko o ke kai aole i loaa ko laua noa. Hiki i ka aina a pau i ka aiia, loaa ka inoa. Me ka lana o ka manao, ua kokolo hele aku ia ka iho a maua me Kapunohu o Kanikawi, maluna aku o Kaimuki, ahiki ia Palolo Boy, loaa aku la ke pani puka o ka hale, weluwelu liilii. Me ka keiki hoonohohua kuu anoai, a o kuu aloha nui pau ole, me ka Lunahooponopono. Z. P. K. KAWAlKAUMAIIKAMAKAOKAOPUA, Keiki o ka Makakiia Niho Elepani, Napoopoo, Hawaii. Aole no he wa a lele liilii mai la ka lehu o kapuahi i kau maka ihe, alo wale iho la no ke Aalii kuma- kani o Kauhelemoa. Hoomoe hou ia mai ka pahuna ihe a ku pono i ka piko!— L. H. HAINA NINAU BAIBALA Mr. Lunahooponopono; Aloha oe: —E oluolu oe e hookomo iho ma kahi kaawale o ka hiwahiwa a ka lahui i kahi, poomanao e kau ae la, penei: Ninau 1. Heaha ke ano maoli o ua mea la e maopopo ai o ia io ka Euanelio? Haina. KA MAKE ANA O KRISTO. Ninau 2. No Keaha. Haina. NO KA POE HEWA. E loaa no keia mau wehewehe	ana ma ka mokuna 1; holookoa o Roma, me keia mau manao pokole. Ke hooki nei au me oe e ka Lu-nahooponopono, ame na keiki hoonohohua ko'u welina, me ka ma-halo. Kou Oiaio, KE KEIKI NOHO I KA LA'I O KA UHIWAI, South Kona, Hawaii. Aole i pololei mai La!— L. H. O MRS JULIA K. NAHALE UA, HALA. I ka Lunahooponopono o ka Nu- pepa Kuokoa, Mr. Solomon Hano- hano; Aloha kaua: E oluolu mai oe e haawi mai no'u i wahi kowa kaawale o ka hiwahiwa a ka lahui no ka'u wahi puolo e kau ae la ma- luna, i ike mai ai na kini ohana, na makamaka, ame na hoaloha o kuu kaikamahine. Ma ka Poakolu, hora 0 o ka a. m., Mei 27, 1925, ua haalele iho no iaia me kana kaikamahine, oia ka helu 3 o ka laua mau keiki ma ka home a hele aku la i ka hana; a ma ka hora 4.30 p. m., e pau ai ka'u hana a hoi aku no ka home, oiai no na ua kipa mua iho la ka anela o ka make ma ko'u home ma ka hora 4: 20, a lawe aku la i kana o ia ka uhane mamua ae o ko'u hiki aua no ka home. Aole au i ike i kona hanu hope o kona kino wailua ka'u i ike iho, aohe leo, aohe ike, aohe noonoo ua hala, ua haalele mai ia'u i kona papa, kana kane ame ka laua mau keiki e kanikau aku nona, Walohia wale. Ko iho la ka mea i palapalaia pe- nei : O ke kanaka i hanauia e ka wahine, he hapa kona mau la, a ua piha i ka popilikia, puka mai no ia me he pua la, a ua okiia aku; a holo aku no ia me he aka la, aole e mau lob 14:1-2 Ua hanauia oia ma Honuakaha, Honolulu, i Sepatemaba 19, 1879, mai ia J. W. Kauka Kaleoiki kona papa ame Mrs. Mary Kauka Kaleoiki ko- na mama. Ua make e no kona papa i ka 15 o kona mau makahiki a oi, ua hoo- noho aku kona mama iaia ma ke kula noho paa St. Andrews Priory a ma ia kula oia i hoonaauaoia ai, a piha kona mau makahiki i ka 20 a oi I ka 1899 ua male oia i ke kune a mai ia laua mai he 5 mau keiki, he 4 kane, ame 1 wahine a ke ola nei lakou apau. Nolaila o ka huina mahina ame o la a hele aku la ma ka alahele o na mea apau. Ua huliia ke ola iwaena o na kau ka aole no i loaa, pela no iwaena ou e ka i'o o na i'o ame ka iwi o na iwi aole no, me he la o ka huina iho la no ia o kona mau la elike me ka mea i palapalaia: Ua heluia ka nui o kou mau Ia, a o ka huina o kou mau makahiki, aia ma ka lima akau o ka Mrs Hemo- lele. He hoahanau ola no ka Ekalesia Bihopa a malaila no i lawelaweia ai na hana hoomanao nona, a mai laila aku no ka pailina o Kawaiahao a malaila i hoomoeia ai no ka wa mau loa. E hoi ka lepo i ka lepo, a o ka uhane i ka Mea Nana i hana mai. E hoomaikaiia Kona inoa. Ke haawi aku nei au i na hoo-maikai palena ole, i.na kini ohana na hoaloha, ame na makamaka launa pu mai me a'u iloko o na hora o ka ehaeha ame ke kaumahano kuu kaikamahine, a ke pahola pu ia aku nei keia hoomaikai ma-luna o ka poe apau, na lakou na makana, pua i haawi mai, no ka hoohiwahiwa ana iaia. E oluolu ma e lawe aku i keia hoomaikai, a na ka Makua Lani e haawi mai i na hoomaikai i oi ae ia oukou apau. Owau iho ma ka luuluu, M. K. KAAIPUAA, Jack Lane, Nuuanu, Honolulu. HOONANEA NO KA MANAWA. MOOLELO NO KALAEPUNI AME KALAEHINA NA KANAKA KOA LOA, AME KA IKA- HANAUIA MA HOLUA- LOA, KONA HAWAII, MA KA MOKU O KONA. ( Hoomauia mai.) Nonoi aku la o Kalaepuni i ka wai i na elemakule, hoole mai la na elemakule: "Aohe o maua wai, hookahi no wai o keia wahi, o ka wai-kai, a o ka wai maoli, ala a ua ka ua naulu, alaila, loaa koonei wai maoli, a o ka wai-kai, o ia koonei wai mau, i eliia iloko o ka lua" Mahope o keia kamailio, ana, hele aku la o Kalaepuni a iho ilalo o ka punawai i eliia ai, e inu wai; a inu o Kalaepuni i ka wai ilalo o ka lua, olokaa aku la na elemakule i ka pohaku nui, a pa ke kua o Kalaepuni, oni ae la no lele ka po- haku, olokaa no laua nei i ka po- haku a kokoke e piha ka lua, owala ao la no o Kalaepuni lele liilii ka pohaku. Ma kiia olokaa ana i ka pohaku.