Ka Nupepa Kuokoa, Volume LXIV, Number 22, 28 May 1925 — HE PAAHAO A PAU KE OLA KA HOOPAI I KAUIA AKU MALUNA O KEKUMU [ARTICLE]

HE PAAHAO A PAU KE OLA KA HOOPAI I KAUIA AKU MALUNA O KEKUMU

Ma ka Poa-lua nei i kauia aku aij ka hoopai maluna o Joseph Kekumu, mahope o kona ahewaia ana e ke kiure ma ka pule aku la i hala no ka hewa ona i hoopiiia ae ai he walii puupaa, e noho oia maloko o kal halepaahao ma Kalihikai a-pau na la o kona ola ana. Ma ka oleloia o kekahi kela o na karaima ino loa i hanaia kohu holoholona i paa maloko 0 ka buke moolelo o na aha hookolokolo kuloko. He 47 makahiki o Kekumu i nei manawa, ina no kona ola loihi a piha na makahiki he 16 malia, o hookuuia mai no oia malalo o ka hoomalu ana, ke hoolaweia kona mau la maikai. O ka lua o na kanaka i kauia aku ka hoopai e ka Lunakanawai Andrade ma ka Poalua nei oia o Aneglo Pinero. Ua ahewaia oia e ko kiure a ka Lunakanawai Andrade ma ka Poalua nei a mahope iho o ka hoihoiia ana mai o ka olelo hooholo a ke kiure ua kauia aku ka hoopai paahao maluna ona aole e emi iho malalo o ka elima makahiki nole hoi e oi aku maluna o krt iwakalua. O ke kokua loio kulanakauhale Kelly ma ka aoao hoopii, a o Norman K. Lyman ma ka aoao o ka mea hoopiiia, mamuli o ka haawi ana aku ;o ka aha nana e lawelawe i ka hihia ma ka aoao o ka mea i hoopiiia. Oia no ko Kekumu loio.