Ka Nupepa Kuokoa, Volume LXIV, Number 22, 28 May 1925 — HALAWAI HE WAHINE ME KA MAKE NO KA MA'I PUUWAI. [ARTICLE]

HALAWAI HE WAHINE ME KA MAKE NO KA MA'I PUUWAI.

Oiai e hele ana i ka pule ma ka halepule Kakolika mawaho ae nei 6 Waikikij a ma kahi he haneri i-a ke kaawale mai ka halepule mai i hina iho ai o Mrs. W. W. Cain, ka makuahine o ka Enekinia Kalana Cain, iluna o ke alanui kauaoao, mamuli o ka loaa ana iaia o ka ma'i pūuwai, a mamua o ka hoea ana .mai o kekahi kauka, ua haalele e ibo la ka hanu ola i kona kino. Ma kela manawa o ka hina ana o Mrs. Cain ilalo, ua ikeia mai la oia e kekahi poe.e kokoke ana ma kela a ka'ika'iia aku la noloko o kekahi hale e ku kokoke mai ana malaila, a iloko no hoi o ia manawa hookahi, i keleponaia aku ai ke kauka, a i kona hoea ana mai a nana i ka mea poino, i hoike ae ai oia, aole he ola i koe iloko o ke kino o kela wahine. No na makahiki eiwa ae nei i hala ? ka noho ana o Mr« Cain ma Honolulu nei, me kana mau keiki. Ma 'ka la 29 o ka mahina aku nei o Aperila i hala, i piha ai iaia na makahiki he kanahiko.