Ka Nupepa Kuokoa, Volume LXIV, Number 22, 28 May 1925 — E KUKULUIA ANA HE HALE IPUKUKUI MA KAULA. [ARTICLE]

E KUKULUIA ANA HE HALE IPUKUKUI MA KAULA.

No ka hoopakele ana i na moku e holo ana ma ka moana, e kukuluia aku ana kekahi hale ipukukui ma Kaula, a ilpko o ka mahina o lulai ae nei, e laweia aku ai lako ame na makaukau no ke kukulu ana aku i kela hale ipukukui, elike me na mea i lioakakaia ae, e ke poo nui o na hale ipukukui ma Hawaii nei. Ma ka oleloia, hookahi wale no haole i hehi kona mau wawae maluna o kela mokupuni, a o keia ka elua o na haole, i kona wa e holo aku ai me kona poe kanaka no ke kukulu ana i jka hale ipukukui hou. He halo ipu*ukui keia e hōolakoia ana me ka ipukukui, e mau ai kōna a ana no hookahi makahiki ka loihi.

O ka mokupuni o Kaula, he hookahi mile kona loa me hapalua mile ka laula, a he 550 kapuai ke kiekie ma kahi kiekie loa.

Hookahi pilikia nui i hoomaopopoia no kela mokupuni, o ia no ka loaa ole o kekahi wahi kupono e pae aku ai, o ke alahele wale no i manaoia, i wah; e hoea aku ai na makaukau apau maluna o kela mokupuni, o ia no ka hoopaa ana i kekahi kaula mailuna aku o ka moku a iluna o ka aina, a ma kela kaula e hiki ai ke hooleleia aku na kanaka iuka, a mahope aku na lako apau o ka noho ana o "kanaka hana, pela hoi me na makaukau apau no ke kukulu ana aku i ka hale ipukukui.