Ka Nupepa Kuokoa, Volume LXIV, Number 22, 28 May 1925 — HOPU HOU IA MAHOPE O KA HOOKUUIA ANA. [ARTICLE]

HOPU HOU IA MAHOPE O KA HOOKUUIA ANA.

No ka hooko ole o kekahi -Kepani nona ka inoa o C. Hoshino, i na kumu aelike no kona hookuuia ana mailoko aku o ka halepaahao o ke teritore, o ia kona haalele ana iho ia Hawaii nei f i paa hou ai oia i ka hopuia ma Hilo, ma ka manawa a ka mokuahi Haleakala i ku aku ai no Hilo, ma ke "kakahiaka o ka Poakolu o ka pule aku nei i hala. 0 keia kekahi o na Kepani he umi-kumamaha o ka hopuia ana a ahewaia no ko lakou pili i ka hewa ohumu, e hoopa-hu i ka hale o kekahi hoa Kepani o lakou ma Olaa, Hawaii. 1 kulike ai me ka hooholo ana a ka papa komisina o na paahao, ua kauohaia kela Kepani e hoea aku oia i ke keena o ka loio leuhina ma ka Poaono, ma kahi nae o ka hooko ana aku i kela kauolia, ua kau aku la oia maluna o kekahi mokuahi, a holo no Maui ma ka Poalima, mamua aku. No kona hopohopo o paa oia i ka hopuia ma Maui, pela oia i kau ai maluna o ka niokuahi Haleakala, a holo aku la no Hawaii; aole no nae ia he kumu nona e pakele ai f no ka mea e hookolo mau ana ke kanawai maliope ona, i na manawa apau, no kona ku-e, i na kauoha i haawiia iaia. Mamuli o kela hana ma ka aoao o ke Kepani i liookuuia, i hoakaka ae ai kekahi mau iala o ka papa komisina o na paahao, e hoopaa hou ia ana oia maloko o ka halepaahao me ka loaa ole aku iaia o kela pono, e huli hoi no lapana, i wahi e hoopokoleia mai ai kona noho paahao ana.