Ka Nupepa Kuokoa, Volume LXIV, Number 22, 28 May 1925 — KA LA KAUPUA. [ARTICLE]

KA LA KAUPUA.

Elike me na makahiki aku nei i hala, ua hoea hou mai kakou i ka La Kaupua ma keia Poaono ae, kekahi o na la ano nui, 1 hoomanaoia apuni o Amerika Huipua, ma ia la e komo aku na na makaainana apuni keia Teritore ma ka hoohiwahiwa ana i na ilina, i moe ai ka lakou mau mea aloha. Ua hookumu mua ia kela manao no ka La Kaupua, ka la 30 0 ka mahina o Mei, n okk hoomanao ana, no na koa, i molia aku 1 ko lakou mau ola ma na kahua kaua, he hoike ma ka aoao 0 ka poe e ola ana, i ko lakou manao aloha, no kela poe koa, a i wahi e uiuwehiwehi ai na ilina me na pua, pela i hoihoiia mai ai a i ka la 30 o Mei, e lawelaweia ai ia hana, ka manawa e popohe ana na pua hoonani maluna o ka aina. L'a lilo keia hana a ka lahui Amerika, i kumu hoohalike kupono a maikai loa no na makaainana o keia Teritore, ma ka hoomaa ana i ka hana hoohiwahiwa me na pua, i na he kupapa'u*) ka lakou mau mea aloha, e moe mai nei ma na ilina; aole no ka manao he wahi hana ano ole keia, aka he hoailona, o ko lakou manao aloha me ka hoomanao, no ko lakou mau ohana i hala aku ma kela ao. O ke aloha, o kekahi ia o na'haawina pookela loa i hookonioia iloko o ke kanaka a ke Akua i hana ai, na kela aloha, i na ohana o ka poe e ola nei, i haalele iho ai i keia ola ana, na ia mea e kono mai ia kakou apau, He hana kupono ma ko kakou aoao, ka hana ana aku i kekahi wahi iloko keia manawa o ka makahiki, ma ke ano i hoailona no kela aloha, ma ka hoohiwahiwa ana aku i nk he kupapau. No kela manao aloha wale no, i lawelaweia ai ka hana kaupua, aole ma kekahi ano e ae. He mea maa nae i kekahi poe o kakou, ka hoohiwahiwa ana ( 1 ka lakou mau he, me na lei ame na pua nani, ma ke ano hookelakela, e mahaloia aku ai e ka poe makaikai no ka nani ame ka maikai o ka hoohiwahiwaia ana o kela mau he kupapau, aole no he hewa o ia mau hana, ke lilo ole na mea i hooliloia no ka hoohiwahiwa ana, i mea e ala mai ai he mau ohumuliumu ana, no ka lu wale ia aku o na dala mahuahua no kekahi mau hoolilo o ke ano hoomaunauna wale. He hana pono ka hoohiwahiwa ana i na he kupapau ma na ilina, oiai ua lawa like kela hana i na lahui like ole e *noho nei maanei, mai ka poe kiekie ahiki aku i ka poe haahaa; 0 ke kauleo wale no a keia pepa, ia kakou na Hawaii', e hooko aku i keia hana, me ka manao maikai, aole me ka manao hookelakela; elike me ke kulana ulakolako o kekahi mea, pela no oia e hoolilo aku ai i na dala mahuahua no na pua hoonani 1 kulike me kona makemake, a elike no hoi me ke kulana nele o kekahi, pela no e kulike ai ke ano o kana mau pua e hoohiw T ahiwa ai, no ka mea pehea ka u'i, ka maikai, ka nani paha o ka hoohiwahiwa ana a kekahi poe i ko lakou mau ilina, pela hoi ka haahaa o ka hoohiwahiwa ana a kekahi poe i ko lakou mau ilina, he hookahi no hopena e ukali aku ana ia mau hoohiwahiwa apau, o ia no ka pau ana o na pua i ka mae, iloko o ka manawa pokole. Me keia hana kaupua a i na he kupapau ina na ilina, ua maemae a maikai no hoi ka malamaia ana o na ilina i keia manawa, o kekahi hua maikai keia i ikeia, no keia hana, a ua hoike maoli āe ka poe e ola nei, i|na manao makee no ka lakou mau mea aloha i kaawale mai ia lakou aku no ka v. a mau loa.