Ka Nupepa Kuokoa, Volume LXIV, Number 22, 28 May 1925 — LAWAI'A MAHIAI AME KALEPA HOOKAHI NO IA KINO. [ARTICLE]

LAWAI'A MAHIAI AME KALEPA HOOKAHI NO IA KINO.

(Kakauia e J. K. Mokumaia.) (Hoomauia mai) O kekahi o na lawai'a kaulana ia mau la, me ka maemae wale no ke hana aku, o ia ka lawai'a kaiuhu, he mea kupanaha no ke nana iho, a o ko'u kamaaina ia mau la i hala aku, a i kaulana ai keia kanaka ina oia e hele oia hookahi wale no ke hele me ka palamimo loa, a i ka hoi ana mai hewa ka maka ke nana iho i ka uhu ula oe, a o uhu bolu oe, aole o ka uhu liilii, a i kapaia panuhunuhu. E mea heluhelu o keia paha ke kae'ae'a i heluia ma ka papa ekahi, ina he kumu kana e kii ai, he ula wale no mai mua a hope o kahl waa ina he uu, o ia ana like no, he kupanaha maoli kona ano ke nana iho oe, he uuku kahi kino, liilii kahi maka, ke hele mai oia kau kahi umauma iluna, na lima e ka mau ana, aole o ia wale no kana hana ike, he akamai i ka palaina puna kameki ma na kihi alanui, kahi e holo ai ka wai ma na aoao o ke alanui ua lawa maoli keia keonimana ia mau hana, a i kaulana ia mau la ka mea i mahaloia, Mr. Keohokii a o kona wahi noho mau ia mau la, o ia no o Kakaako, a i ole o Honuakaha. E kala mai, ua pakika loa aku la, i ka hoihoi ana ae i kela kulana mua o ka lawai'a uhu a kai uhu, he nui maoli ka ike ma ka'u nana aku iaia, o ia keia, ina oia e lohe he lawai'a lau ko ia la, e hiki ana oia i ka makeke e nana ai i uhu, o kahi hilu loa ke nana aku oe o ia kona lolelole ana i kana uhu e makemake ai, a i ke kupono ana i kona makemake e olelo mai ana oia e Kulia e malama aku oe i keia wahi uhu, ina no paha he elua dala, a i ole dala hapalua paha, ua hiki no, wa-hi ae la he mau la-i a maikai o ka uhu ula keia. E nana mai kaua e ka mea heluhelu i kona wae ana a kupono i kona makemake, a hoihoi pu me ia a i kekahi kakahiaka ne e ike aku ana oe ma kahi o kela uhu make ana i lawe ai, ua nui hou mai la ka uhu a malama no i uhu hou a o ka uhu mua kapaeia ae la, ia mau la, aohe he hale hana hau elike me keia manawa, aka ua hanaia no ia mau la he nui maoli ka ike i ka nana iho, na ka uhu mnke e lawai'a ka uhu ola, a leomo iloko o ka upena, a i kaulana ia ano lawai'a kai uhu. Nolaila aia no ia oe ka pono o keia ano lawai'a, e makaala mau oe i maunu hou i kela ame keia la e loaa ai kau uhu, ma ka nana aku i kona ano, ua pilia oia i ka hauoli i kona hele hookahi ana, a i kona haalele ana mai i keia ola ana lawe pu no oia ia mau ike, aka he hookahi wale no mea e ola nei, i ike ia ano lawai'a, oia ka mea i mahaloia Keoni Kaimi, e noho nei i ka aekai o Hamohamo, Waikiki, he uuku a wiwi ko ia nei wahi kino, o ka mea apiki, pilikia ka mea kino nui i keia wahi kae'ae'a ua ike maka, ka meakakau nei i keia wahi kaaka a o ko ia nei mea i oi loa ai, e wehewehe pono aku au i ko ia nei ano, oia nei paha ka lawai'a kaulana loa no na kumu, ua ike a ua malama ahiki no i keia manawa a kou meakakau e kakau nei o ko'u mea i mahalo ai iaia i ka hoomau ia oihana, ua loaa no ke ola ana o kona ohana. O ka lawai'a lulu hee kana oihana ano nui loa, no'ka mea me ka leho e hana ai, aia no a ike i ka nana leho ana, alaila e hooipo mau ana ka hee i kau leho, he maemae wale no keia ano lawai'a ana, aia no i ke poina nalu mawaho iho e hana ai me ka eleu wale no e pono ai. (Aole i pau.)