Ka Nupepa Kuokoa, Volume LXIV, Number 22, 28 May 1925 — Komo Kekahi Mau Kiakaa i Ka Pilikia Waihoia ae na Kumu Hoohalahala i ka Oihana Makai e Ku-e Ana ia Lakou NUI NA POINO I LOAA AKU I KEKAHI POE Aole Nae he Kumu Hoohalahala i Waihoia ae no ka Holonui o na Kiakaa [ARTICLE]

Komo Kekahi Mau Kiakaa i Ka Pilikia

Waihoia ae na Kumu Hoohalahala i ka Oihana Makai e Ku-e Ana ia Lakou

NUI NA POINO I LOAA AKU I KEKAHI POE

Aole Nae he Kumu Hoohalahala i Waihoia ae no ka Holonui o na Kiakaa

No ka manawa mua loa, ma ka moolelo o na kaa otomobile, i ikeia ai, aole he hookahi mea i hopuia no ka hewa holonui i ke kaa otomobile ma ke Sabati aku la i eia nae ho mau pilikia okoa loa na mea i ikeia ma ia la, e ili aku ai ke ko'iko'i maluna o na luākaa i ku-e i ke kanawai. I kulike ai me na hoohalahala i waihoia ae i ka hālewai, he elua mau mea i loaa ia laua na palapu, ina na ulia kaa otomobile ma kela Sabati. 0 ka mua o kela mau ulia, o ia no ka lele ana o James Kipi mailuna aku o ke kaa otomobile ana e kau. ana ma ke alanui Liliha a hooku'i kona poo me ke alahao o ke kaa uwila, ma ka auwina la o kela Sabati. 1 kulike ai me na hoakaki a Miss Mary Ulii, ka mea nana e hookele ana i ke kaa otomobile, e huli hoi ana oia ame kekahi poe e ae no ko lakou home mai kekahi ahaaina luau mai, a no ka huhu loa ka e James Kipi, uai wehe aku la oia i ke pani ma ka aoao o ke kaa, a lele aku la ilalo, me kona hina ana a hooku'i ke poo i ka alahao kaauwila. Ua hoihoiia.k amea poino no ka halema'i o na poino a malaila ! lapaauia mai ai kona mau palapu, a hoilioi loa ia aku no kona home mahope mai. 0 kekahi ulia ma kela la, o ia no ke kioMla ana aku o Mies Anna Sing mailuna aku o ke kaa otomobile, e hookeleia ana e Ho Lam, i ka manawa i hooku'iia aku ai kela kaa otomobile, e ke kaa e hookeleia ana e Joseph Palenapa ma ke alanui Nuuanu t e kokoke ana i ke alanni Kuakini. 1 kulike ai me ka hoakaka a ka Makai Peter Gomes, e hookele ana o Palenapa i kekahi kaa kalaka o ke aupuni Kulanakauhale a Kalana o Honolulu nei, mahope pono aku o ke .kaa o Ho Lam, a no ka pili loa aku o ke kaa kalaka, i hooku'iia ai ka huila hope o ke kaa o Ho Lam, a niniau aku la ke kaa mamua, me ka holo ana no ke alanui kauaoao. Ma kela hooku'iia ana aku, i kiolaia ai o Miss Anna Sing mailuna aku o ke kaa noluna o ka honua, me ke kukonukonu ole nae o na poino i kau aku maluna o ke kaikamahine opio, a aole no hoi i nui na poino i loaa i na kaa a elua. Ma kekahi manawa o kela Sabati ■i hoea ae ai he Kepani nona ka inoa o Hikodo Kido, i ka halewai, a waiho aku la i kana hoohalahala, no kona hoehaia ana e ke kiakaa o kekahi otomobile, ana i haawi i ae ai i ka helu i na makai. I Wahi a kela Kepani, e hoao ana ka oia, e peki hope mai i kona kaa ma, ke alanui Moi, i hiki ai iaia ke oili aku ma kekahi aoao, me kona holo ole aku ma kekahi wahi e hanaia ana o kela alanui e na kanaka, o ka manawa ia i kauohaia aku ai oia e ke kiakaa o kekahi kaa mahope koke aku, e hoomau oia i ka holo ana aku imua, ma kahi o ke alanui e hanaia ana e na kanaka. Ua hoole aku la kela Kepani i ka mea i kauohaia aku iaia, no kela kumu, i lele aku ai ke kiakaa nana ke kauoha ilalo mailuna aku o kona kaa, a hoomaka aku la e ku'i i kela Kepani, a ia laua ka e aumenme ana, i naha ai ke aniani pale makani omua o ke kaa. No kekahi kumu ,hoi i maopopo ole, oiai he Pukiki nona 4ca inoa o Frank Lopez, e hele ana ma ke alanui Luso, ma ka auwina la o kela Sabati, aa holo aku la he kaa otomobile 9 a ku iho la ma ka aoao o ke alanui, lele aku la ke kiakaa ilalo me ke ku'i ana aku i kela Pukiki. Ma ka hoakaka a Mr. Lopez i ka Makai Thomas Phillips, ua maopopo no iaia ka mea nana oia i hoeha aku, o Gordon Freita» kona inoa, a ua maopopo no iaia ka helu o ke kaa otomobile o Freitas. Ma ka hoakaka a Frank Lopez, ita ikaika ka kela ku'iia ana #ka

! ona me kona hina ana ilalo a mokn kona man lehelehe. He hoohalahala kekahl ! waihoia ae i ka oihana makai ? no ka hookele «na o Diek Clark, i kona kaa otomobile, me ka wawahi ana i ka laina o kekahi hnakai hoolewa ma alanoi Beritania.