Ka Nupepa Kuokoa, Volume LXIV, Number 21, 21 May 1925 — KE KALAIAINA MA NA HOOKOHU OIHANA. [ARTICLE]

KE KALAIAINA MA NA HOOKOHU OIHANA.

.Mc ka mana o ka hana kalaiaina iloko o na aoao kuloko o aole i hunahuna iho ke komite kalana Demokarata i k< -na manao ku-e a makemake ole i ka Meia John H. Wilson, no kona maliu ole ana aku i ke komite kalana Demokarata o kona aoao iho, ma na mea e pili ana i na ljookohu oihana; aka ua kaili ae oia i ka mana piha iloko o kona mau lima, a hookohu aku la i kana poe ponoi i makemake ai; ama kekahi olelo ana ae hoi, ua kapaeia ai na noonoo ana no kela komite. Ua kulike no ke ano o na hana a na aoao kalaiaina a elua o kakou, ma keia ano hana nae, i maopopo loa ai i ka lehulehu, ka lilo ana o na luna oihana i kohoia, aole wale no i meapaahana na ka lehulehu o na mana koho baloka, aka i meapaahana pu, na na alakai o ko lakou mau aoao kalaiaina pakahi iho. Ina penei iho la ke kulana oiaio e ku aku ai o kela komite me ka meia, a mau luna oihana okoa ae paha, o ia ka nana ole ia aku o ke komite, alaila he hookahi no hopena maopopo loa e oili mai ana, o ia ka lilo ana o kela hana nanakee, a kei kekahi, i kiko eleel-e, iloko o ka hoonee kalaiaina, o keia mua aku. +++ :