Ka Nupepa Kuokoa, Volume LXIV, Number 20, 14 Mei 1925 — NA SOLONA O KA AHAOLELO LAHUI NO HAWAII NEI. [ARTICLE]

NA SOLONA O KA AHAOLELO LAHUI NO HAWAII NEI.

Mamuli o ka hoea kino ana it}ai nei o kekalii mau hoa o ka ahaolelo lahui> no Hawaii nei, me ka hele makaikai ana ma ame keia mokupuni, iloko o na la aku la i hala, ma ka manawa hookahi, i hoea mai ai ke aumokukaua o Amerika, ua rn«opopo loa, ua loaa aku i kela mau hoa kaukanawai o ka aina makua, na ike, no na pilikia ame na hemahema o keia Teritore, a kakou e hoomaikai iho ai no ko lakou lilo aku i poe kokua, ma na hooponopono ahaolelo apau i pili ia Hawaii nei. Ua manao kekahi mau makaainana maanei nei, he hana waiwai ole, a he hana hoomaunauna dala, ke kipa ana mai o keia mau hoa o ka ahaolelo lahui no keia feritore o kela kekahi o na manao kuhihewa; no ka mea, pehea na hooikaika ana a ko Hawaii nei poe, e loaa mai na haawina <lala federala, no na hana hooholomua i keia teritore, na hana i kuleana maoli ai ke aupuni federala e kokua mai; he mea paakiki loa ka loaa mai o ia mau haawina dala, ke ole e loaa mtia aku na ike i ka poe i kuleana ma ka hooholo ana mai ia mau haawina maloko o ka ahaolelo lahui. Elike iho nei me na hoa o ko kakou ahaolelo kuloko, o ko lakou hoea kino maoli ana aku, a ike i na pilikia, ame na hemahema o ka poe hookuonoono ma Waiakea, pela na ma'i ma Kalaupapa, ame na pilikia e ae ma na mokupuni lehulehu, pela iho la i maalahi ai na hooponopono ahaolelo «apau i waihoia ae ma ke kau ahaolelo aku la i hala. Ua ike mau ia ka hua o ke kono ana i na hoa o ka ahaolelo lahui e holo mai no Hawaii nei, iloko o na makahiki e paa ana ke Keikialii Kalanianaole i ke kulana elele lahui no Hawaii nei; no ka mea ma kana mau hooponopono ahaolelo apau e waiho aku ai no ka hooholoia mai no keia Teritore, aia mau kela mau hoa o ka ahaolelo lahui, ma ka aoao kokua, mamuli mai keia o ko lakou ike maka maoli ana no lakou iho, i ke kupono ame ka pololei o na mea i makemakeia e liana mai e ka ahaolelo. Ua loaa keia ike i ka Elele Lahui Jarrett, pela i na poo o ko kakou aupum teritore, no keia kumu lehulehu he nui, ua pomaikai maoli kakou i ka hoea kino ana mai nei o keia poe loea kaukanawai, no ka ike maka ana no lakou iho i ko kakou mau pilikia maanei net.