Ka Nupepa Kuokoa, Volume LXIV, Number 20, 14 Mei 1925 — E HOONEEIA ANA MAI NA ALA NUI AKU. [ARTICLE]

E HOONEEIA ANA MAI NA ALA NUI AKU.

No ke ano o ka holo ana o na kaa otomobile, ame kahi e kukuluia ai ma na alanui, i hoike ae ai ka Makai Nui Trask, no ka hooneeia aku, 0 na wahi hoolulu kaa apau e pili loa ana ma na alanui, iloko o ekolu mahina mai keia manawa aku, a e huli aku i mau walii hoolulu k.aa hou, ma na, wahi kaawale p loaa ana. 0 ke ku ana o na halp hoolulu kaa e pili kokoke loa ana ma na alanui, wahi hou a ka Makai Nui Trask, ua lilo ia i kumu houlolohi 1 ka holo ana o na kaa pia na alanui, a i ka WM hooneeia aku ai kela mau hale hoolulu kaa no na wahi okoa aku,"e hooi loaJa ae ana ka maalahi o ka holo ans o na kaa. Ke pii mahuahua mau nei ka nui o na kaa otomobile, i kela ame keia la, e hooholoia nei maloko o keia kulanakauhale, a hookahi mea i koe e hanaia ana ma keia mua aku, ■o ia no ke kakau ana i na hoailona ma na alanui, no ka holo ana i hookahi wale na alahele me ka huli ole, ma kekahi mau alanui ano nui o keia kulanakauhalo. 1 kela manawa, ua kakauia na hoailona ma kekahi mau alanul, e hoakaka ana i ka loihi o ka manawa e kukuluia, ai na kaa, ma kela mau alanui, a ma na alanui i kau ole ia kela mau hoailona, ua kaawale ia mau alanui no ke kukulu ana i na kaa ke makemakeia. ♦+*