Ka Nupepa Kuokoa, Volume LXIV, Number 20, 14 May 1925 — HE MOOLELO HOONIUA PUUWAI NO KINIA KA KA UI HOOMAHIE A NA IPO ELUA. Ame Ka Mea Huna Iloko o Ke Ola Ana O Na Makua. [ARTICLE]

HE MOOLELO HOONIUA PUUWAI NO KINIA KA KA UI HOOMAHIE A NA IPO ELUA. Ame Ka Mea Huna Iloko o Ke Ola Ana O Na Makua.

Ina pela ea, alaila e haaw*i aku au i manawa nou ame kau kaikamahine lawelawe e hoomakaukau ai ia olua iho, a e puka ae au iwaho o ka holo, malaila au e kakali mai ai, ahiki i ko olua hoea ana ae, alaila lawe pololei aku no ka rumi, o ke kanaka poino." Hakalia no a pau kela mau olelo i ke kamailioia mai e ke kauka, puka aku la oia iwaho o ka rumi, me ke kii koke ana aku o Jeneta i kekahi lole, a hookomo aku la maluna o kona haku, hana ae la i kona mau lauoho a maikai, a i ka. pau ana o ko laua mau hemahema, i paa mai ai o Mrs. Valena i ka lima o kana kauwa, a oili mai la iwaho no ka halawai ana me ke kauka. La loaa i'o mai la ke kauka ia laua e kakali aku ana no maloko o ka holo, me kona kamailio ana niai: "La haawi aku nei au i ke kauoha i ke kaikuahine o ke kanaka poino, e hoi oia e hooluolu, nolaila e lawe pololei aku ana au ia oe iloko o ka rumi o ka mea poino," me ka hopu ana niai o ua kauka nei i ka lima o Mrs. Valena, a alakai aku la iloko o ka rumi. La pono i'o kela hopu ana mai o ke kauka i ka lima o Mrs. Valena, i ole ai ua wahine nei e hina iho ilalo, oiai ke naka "wale la no oia me ka haalulu o ia no oe o ka lau o na laau e hooluliluliia ana e ka makani ikaika. Ma ka mea oiaio maoli, 0 na manao uahoa o kela wahine, kona mau ano haaheo a hookiekir, ua haulehia kela mau ano apau, malalo o kona aloha kahiko no Mr. Ka; kela aloha kahiko, i hoalaia mai iloko ona i na la aku i hala, o ia no oe o kekahi ino uui o ka pahola ana mai maluna o kona ola ana, ka mea nana i ulaa ae i kona mau manao inaina, ka huhu ame ka lili ahuwale i ke akea, a i lilo ai hoi i pali nui, nana e alai ana mawaena o kona puuwai ame ke kanaka e moe mai la ma ka'e o ka luakupapau. I kela komo ana aku iloko o ka rumi, uwai mai la ke kauka 1 kekahi noho paipai a pili ma ka aoao o ka moe, me ka hoonoho ana aku ia Ms. Valena ilalo, alaila kunou aku la kona poo la Teneta no ka ukali ana aku mahope ona, no ko laua haalele ana iho ialoko o kela rumi, a koe hookalii wale no o Mrs. Valena. Ma kela hoea ana aku o ke kauka ame Jeneta noloko o ka holo, kamailio ae la ke kauka i ke kaikamahine lawelawe a Mrs. ,V*alena: "E ku kiai oe mawaho nei o keia rumi, ahiki i ke kahea ana hiai o kou haku, no kekahi mau mea ana i makemake ai, aka no'u, e hele aku au e nana i kekahi mea poino maloko o kekahi rumi okoa aku. Hookahi kumu o ko'u noi ana aku nei ia oe e puka mai iwaho nei, mamuli o ko'u koho wale ana aku 7iei no, ua makemake kou haku e noho hookahi oia, me ke kokoke ole aku o kekahi mea ma kona aoao." Ua pololei i'o ke kauka ma kana mau mea i noonoo ai, a ua hoohauoliia aku hoi ko Mrs, Valena manao, no kona hookuu hookahi ia aku e noho maloko o kela rumi, i loaa nui ai ka manawa no ua wahine nei, e kilohi aku ai maluna o ka hele- ' helena o ke kanaka hookahi wale no ana i aloha ai ma ka honua nei. N Aia o Mr. Ka ke moe la me ka oni ole, o ia no oe o ka mea 1 make, ke haka po'no la hoi kana nana ana ma ka helehelena o Mr. Ka, me kona poo i paa i ka wahiia me ka welu keokeo, a 'no ka hiki ole i ua wahine nei ke uumi iho i kona manao aloha, kulou okoa aku la oia iinua, a hoopili iho la i kona mau lehelehe ma na lima puanuanu o Mr. Ka, me ka hoopuka ana ae 1 keia mau olelo kaukau: "O e Evalena Ka, owau no keia o Paulina! Ua maopopo no anei ia oe, eia au o Paulina ma kou aoao e noho aku nei? O ka'u leo pule i ke Akua, aole kaili aku i ke ola mailoko ae ou, aka e loaa he wahi manawa uuku nou ,e hoopuka mai ai i kekahi mau huaolelo o ke aloha, elike me kela mau la a kaua e noho pu ana. O e Evalena, ua make loa no anei kela aloha kahiko iloko ou no'u? 4i Ua manao no au, pio loa kuu aloha nou, i na makahiki ae nei i hala, i keia po nae, i ka manawa a'u i lohe ae nei no kou poino ua hoala hou ia mai kela aloha kahiko, o ia no oe o ka puupuu hau i hehee i ka wela o ka la. LTa hana hewa loa mai oe e Evalena ia'u, no ia mea nae au i hana mai ai, ua auhee aku ka inaina, ka huhu ame ka hoowahawaha nou, mailoko aku o kuu puuwai. O e Evalena, kuu aloha i nalowale, ina ho ke kaakaa ae o kou mau maka, e nana mai ia'u, a e ike ro oe, owau no keia, ka mea nana i a'o mua aku ia oe i na haawina laahia loa o ke aloha maemae." Mokuna XXXVII—Hakoko Mawaena o ka Make Ame ke Ola. Oiai o Jeneta e noho mai la mawaho o ka rumi o ka mea poino ke lohe mai la oia i na olelo a kona hakuwahine e ka--mailio la iaia wale iho no, he mau elelo ku i ke aloha, e hiki ole ai ia Jeneta ke kaohi aku i kona mau waimaka, aliiki i kona uwe okoa ana iho. i No kekahi mau minuke kela hoolohe ana mai ana, i na olelo kaukau a Mrs. Valena, alaila meha iho la oloko o ka rumi, a no kona ake e ike i ke kumu o kela meha ana iho o ka leo 0 kona haku, wehe malie mai la oia i ke panipuka, a iaia i kiei aku ai iloko ike mai la no oia i ka moe malie o Mr. Ka, me ka oni ole, eia nae ke hoomaopopo mai la oia i ka nape malie o kona hanu, aia hoi na lima o Mrs. Valena ke paa la 1 na'lima o Mr. Ka, a ke kulou la ke poo o ua wahine nei, ma ka aoao o ka moe. Iloko o ka malie loa o keia wehe ana aku o Jeneta i ka puka, ua lohe mai no o Mrs. Valena i ka nakeke, a iaia i nana mai ai a ike ia Jeneta, kunou mai la kona poo, e komo aku me ka hele pololei loa ana aku o Jeneta a ku iho la ma ka aoao o kona haku, a o ia ka Mrs. Valena o ka hoomaka ana mai e kamailio: . "Ua konoia mai au e hoike aku au la oe i ke kumu o ko u oili ana ia Ka, e hoopauia ae ai na manao hoohuoi iloko ' ou no ke kumu o ko'u uwe ana. He manawa ae nei i hala, £ a'haulehia like maua a elua iloko o ke aloha, he aloha i loaa like ai ia maua pakahi ka noho hauoli ana; aka nae. na kekahi, wahine ino. i wawahi i kela noho hauoli ana, ka mea nana i ( l liookaawale ia'u mai ia Mr. Ka mai. j

"Xo ka hana lokoino loa a kela wahine i hele ai au a piha i ka inaina, ka hoowahawaha ame ka huhu ia Mr. Ka. Mai loko mai nae o kela mau ano o'u; ua hiki hou ole ia'u ke hoomau aku ia mau manao, iloko o keia mau hora hope o ke ola ana o Mr. Ka, ma keia ao. Iloko o kona mau hora o ka poino, ka ehaeha ame ke kaumaha, elike me keia a kaua e. nei, ua hoala hou ia mai kela aloha kahiko o'u nona, a i hoike aku no au ia oe ea, ua naha maoli kuu puuwai i ke aloha iaia." No kela mau olelo a Mrs. Valena ua hoopihaia aku o Jeneta me na manao mahalo nona, no ka hoomau ole ana o kela wahine i kona mau ano uahoa ame.k*na mau manao inaina no ke kanaka, i haalele mai iaia, a lilo aku i ka wahine okoa, a ua hoomamaia ae no hoi ka noonoo o Mrs. Valena, mamuli o kela hoakaka ana aku imua o kana kaikamahine lawelawe i ke kumu oiaio loa o ka hookaheia ana o kona mau waimaka. Ma kela po holookoa ahiki i ke ao ana aia mau o Mrs. Valena ame Jeneta ma ka aoao o ka moe o Mr. Ka, kahi i kiai ai, me ke ala ana o kekahi, a hooluolu kekalii, me ka haawi mau ana i ka laau a ke kauka iloko o kela ame keia elua hora., No na hora he iwakalua-kumamaha kela kiai mau ana wahine i ka mea ma'i aole he wahi hoailona iki, no kpna-pohala ae, no kela ano, i komo maoli iho ai no ka manao hopohopo iloko o Mrs. Valena, aole paha he wahi manaolana iki, no ke kaakaa ae o na maka o Aīr. Ka, e nana hope mai a! malunā' ona, a haalele iho kona uhane i ke kino. Ua hoikeia aku la ka lohe i kekahi la a« ia Mrs. Pilina ke kaikuahine o Mr. Ka no kā haawi ana aku'o kekahi hoaloha kāliiko o Mr. Ka, i na kokua aha ma ke kiai ana iaia; nolaila i ka hoea ana mai o Mrs. Pilina noloko o ka rumi a ike mai la ia Mrs. Valena i ka noho aku, ua liookahaha loa ia aku kona noonoo, no kahi i lilo ai kela wahine i hoaloha no kona kaikunr.nc, a o ia ka ua wahine nei o ka ijane okoa att:t mai: "Aole i kamailio iki 'mai kuu kaikunane ia'u no kona kamaaina mua ana ia oe e Mrs. Valena; aka no'u iho, ke hoomaikai aku nei au ia oe, no kou lawe ana ae i ke ko'iko'i o ke kiai ana iaia, iloko o na hora o kona poino." Aole a Mrs. Valena pane no kela mau olelo, koe wale no kona lioike ana ae, ua konoia mai oia e haawi aku j na kokua ana no ka mea poino, no ka pono o kona kaikuahine, oia hoi 0 Mrs. Pilina. Ke neē mau la ka manawa imua, hala ae ana ua la, a uhi mai ana ka po, aole no he wahi hoailona iki, no ka pohala ae o Mr. Ka eia nae, ma kekahi la iloko o ka mahina o Dekemaba, oiai hoi na mea apau e noho ana me ka nanea, a e kakali aku ana me na manao pilihua, no' ka hoea mai o ka hopena o kela kanaka, kaakaa ae la kona mau maka, he mau maka, e hoike mai ana, no ka hoi pono ana mai o ka noonoo maikai me ka hooniaopopo i na mea apau iloko o Mr. Ka. "Owau no keia o Evlaena, ua hoomaopopo mi la anei oe, owau no keia o Paulina?" i ninau aku ai o Mrs. Valena, i kona manawa i ike aku ai, aia maluna ona ka nana ana mai o na maka o Mr. Ka. "Ae, ua hoomaopopo aku la no ia oe," i pane mai ai o Mr. Ka, me ka leo hawanawana, "alaila upo'i hou iho la kona mau maka, me ka noke hou ana iho o Mrs. Valena i ka uwe a ke-na mai la ia Jeneta e kii mai i ke kauka, a lioike aku iaia no ka pohala ana o ka niea ma'i. • : Iloko o ka manawa pokole loa, ua hoea mai la ke kauka, me kona hoike okoa ana mai i kona piha me ka olioli, no ka pohala ana o k'a mea poino, aka kamailio mai la nae oia ia Mrs. Valena me ka leo nialie loa: "Auhea oe e ka maelame, aole au <e liaawi aku ana i na manaolana ia oe, no keia ano o ka mea ma'i, oiai ke liakoko nei oia mawaena o ka make ame ke ola, me ke kanalua loa iloko o'u, no kona ola ae. O keia kekahi o na poino i aneane hiki ole i ke akamai o ke kanaka ke hoopakele ae i ka mea ma'i." No kela nuu olelo hoopohala a ke kauk'a, kulou iho la ke poo o Mrs. Valena ilalo me ka piha i ka ehaeha, eia nae, i ka manawa e nakeke iki ae ai ka moe, a onioni ae paha kekahi mea, aia na maka o ua wahine nei maluna o ka mea ma'i kahi 1 nana aku ai. Ua pohala i'o mai o Mr. Ka mailoko mai o kela kulana kupouli o kona noonoo, a ma ka manaoio o ke kauka, aole he manaolaiia iki, no ke auhee aku o na poino mai iaia aku e palekana ai oia mai ka make mai. Ke moe malie wale la 110 o Mr. Ka, me ka hoopuka ole mai i kekahi mau olelo, aia no a kamailioia aku iaia, alaila oia pane mai, a e moe mau ana kona mau maka; a i kekahi manawa i ka wa e kaakaa ae ai e nana pono loa ana oia maluna o Mrs. Valena, me kana mau mea e hana ana maloko o ka rumi. Ma ka aoao hoi o Mrs. Valena, aole no ona haha wale mai i kekahi mea, e hoehaehaia aku ai paha ka v manao o Mr. Ka, no ka mea ala mai la iloko o na hoomanao ana o ua wahine nei, kekahi mau olelo a Mr. Ka, i kamailio aku ai iaia iloko o kela mau la a laua e noho hauoli ana, penei ia mau olelo: "E Paulina, ua hookau mai oe maluna o'u i ka hoohilahilaia a ua hana hewa loa mai oe ia'u," a he ekolu wale aku no makahiki i hala, ia laua i halawai ai ma ka malapua ma Ilaniwai Hale, i pane hou aku ai oia: "Mai kuhihewa mai oe, i hele au no ka huikala ana aku i kou hewa!" Me he mea la ke makamaka la no kela mau olelo ku i ka hoehaeha iloko o ka noonoo o Mrs. Valena, he mau olelo hoi ana i ike maoli iho ai no, 1 ka nui o kona ehaeha, no ka mea oia ka mea i hana hewaia aku, aole o Mr. Ka. No kela noho hamau loa nae o Mr. Ka, me ke kamailio ole mai iaia nei me na olelo ohaoha, e hiki ai i ua o Mrs. Valena ke ike aku, ua hoololi oia i kela mau olelo kahiko, noonoo wale iho la no oia, malia ua paa i'o no ka manao o Mr. Ka, aole, e huikala mai iaia nei mamua ae o ke kikoo ana mai o na lima 0 ka make maluna ona. Hoko oka noonoo o Mr. Ka, oia ka i hana hewa ia aku e Mrs. Valena, a iloko hoi o ka noonoo o kela wahine, oia ka mea i hana hewa ia aku, nolaila he kulana ano maopopo ole ko laua a elua e noho la, me ke koho ana iho o Mrs. Valena aia paha iloko o Mr. Ka, kekahi manao olioli loa, no kona ku a hele mailoko aku o kela rumi. Me kela kulana nae inawaena o na mea a elua, ke pule mau la o Mrs. Valena iloko o kona naau, e kokua mai ke Akua iaia, ma ke alakai ana i kona noonoo ma na alahele apau, e hoauhee loa ia aku ai na manao maikai ole mailoko aku o laua a elua, a e nohoalii mai ke aloha, ka mea nana e hoopoina 1 na ahewa he nui. Ma ke kakahiaka ana ae ma kekahi la mai, ua hOea mai la na kamahele mai Polorida mai, me ka lilo o ka halawai ana o Kinia me Mrs. Pilina, i halawai ana iloko o ka hauoli, a ua hoike okoa aku o Mrs. Pilina, i ka nui o kona aloha no kela kaikamahine, me ka hiki ole iaia ke paa mai i kona mau waimaka, ka mea nana i kono aku ia Kinijr, e hookahe pu i ko laua mau waimaka. O e Kinia, aole i oi akti kou aloha iaia niamua o'u. Aole oe i maopopo i kona mau ano maikai he nui, mamua aku o ke kau ana mai o na haawina hookaumaha maluna ona, ka mea

nana i kaili ae i kdla mau ano maikai ona mai iaia aku," wahi a Mrs. Pilina e kaukau la ma kana uwe. "He mea oiaio aole au i aloha aku iaia/ aka aole no'u ia hewa, no ka mea aole i maopopo ia'u kona mau pilikia, ua noho pouliuli maoli au i na mea apau e pili ana iaia." "Hookahi kumu o kou maopopo ole ana i na pilikia o kou makuakane, no kona makemake ole no e ike oe ia mau mea, 0 lilo auanei kou ola opiopio ana i kumu e hoomailoia ai kou kino, pela iho la oia i hunakele loa ai i kona mau manao ehaeha." "Ke kaumaha loa nei au no keia haawina poino i kau mai maluna ona, pela pu hol ko'u kaumaha *nou e kuu anate, no kou loohia ana 1 ka ma'i nawaliwaH. Ua hele maoli kou helehelena a a ua emi mai keīa kino ikaika ou, a'u i kamaaina ai i kou mau ano. E oluolu oe e hoike mai ia'u, i ke ano o ka loaa ana o keia poino i kuu makuakane!" Oiai hoi o Mrs. Pilina e hoike aku ana imua o Kinia, i ka moolelo piha o ka halawai ana o Evalena Ka, mc ka poino ma ka ulia kaaahi, elike me ke kaua e ka makamaka heluhelu i.ike mua ae nei, e nana aku kaua ia Aka Valena ame kona makuahine. Ma kela manawa o ka hoea ana mai o Kinia ame kona mau hoahele mai Polorida mai, ua hoi mua aku o Mrs. Valena no- ! loko o kona rumi, i hiki ai iaia hookahi ke apo aku i kana keiki, a hookipa mai iaia, ma ke ano o ka makuahine i aloha i kana keiki, ine ka hoopilikia ole ia o ka noonoo, i ka nana mai o kekahi poe e aku. Ua lilo kela halawai hou ana o Aka Valena me kona makuahine, i manawa no laua pakahi e hookahe ai i ko laua mau waimaka o ke aloha kui'o o kekahi no kekahi, a i ka ma-o ana ae o na minuke ikiki o ke aloha, i kamailio mai ai o Aka i | kona makuahine, ma ka pane ana ae: "Hookahi a'u meahou hauoli a'u i lawe mai la imua ou e kuu makuahine, o ia no ka hoopalauia ana o Kinia me Palika." "Ke hauoli i'o nei au no keia nuhou maikai au i hoike mai la e Aka," wahi a Mrs, Valena, elike no hoi me ka hoohauoliia ,ana o ko Aka manao, i ka wa i hoike aku ai kona hoahanau no kona hoopalauia ana ia Kinia. "O keia mea au i hoike mai Ia ia'u e Aka, e lilo pu aiia ia 1 nuhou hoohauoli i ka makuakane o Kinia, a ina nei no kona make aku, e hooluoluia ana kona uhane mamuli o ka loaa aku 0 ka ike iaia, e haalele iho ana oia"i kana kaikamahine mahope nei, ma-lalo o ka malama ame ka hiipoi ana a kekahi kanaka opio kupono loa," i hoomau mai ai no ka makuahine i ka hoakaka ana i kona manao. "Alaila ua paa loa anei kou manao e make i'o aku ana o Mr. Ka?" "Aia no oe a ike akti iaia, e hoopauia ae ana kou manao kanalua no keia mea a'u e hoike aku nei imua ou e Aka, f no ka mea aole he manaolana iki iloko o ke kauka, no ka palekana 0 Mr. Ka mai ka poino ae i kau aku maluna ona; o keia kamau o kona ola, ma ka manaoio o ke kauka, he manawa pokole wale no, alaila hoea mai kona hopena." Ke hoolohe nialie aku la o Aka, i na hoakaka a kona makuahine no na mea e pili ana ia Mr. Ka, me ka nalu nui ana iloko ' ona, me mea la, aia kekahi meahuna iloko o kona makua--1 hine, a ua o Aka i noho p;-juliuli loa ai, a no kona pane koke aku ua hoopiau hou m{jti la no kona makuahine, i kana ka-m-tilio ana: u Ua iawa palia keia ike ana iho la o kaua, e hookuu aku ana au ia oe, e hele e ike koke iaia i keia manawa me ka hoohakalia hou ole iho, malia o lilo kona ike ana mai ia oe, i kumu e hooluoluia ae ai kona mau manao ehaeha. I kou hui pu ana me ia, e kamailio aku ma na olelo oluolu, e hoike aku,i kou mau ano maikai apau imua ona, 110 ka pono o kela mau la kahiko i hala." "A pr»hea oe e mama ma kou aoao?" "Ua ike aku au iaia, a ua lawelawe aku i na'hana a'u i ike ai, he mea kupono ia e hookoia iloko o ka wa o ka poino." "O kela wale ae la no anei kau mea i hana aku ai?" i nalu wale iho ai no o Aka Valena iloko ona, me ka ninaninau pono ole aku i na mea apau i kona makuahine, o kona haalele iho la no ia ialoko o ka rumi, a hele aku la no ka rumi e waiho mai ana o Mr. Ka. Ma ke ano nui ke olelo ae ma keia wahi, ua lilo kela halawai pu ana o Aka Valena me Evalena Ka, i halawai ana iloko o ke aloha oiaio, he mau kanaka kela i manao ole ia aku, aia na manao maikai iloko o laua pakahi no kekahi i kekahi. Iloko o ka manao aloha o Aka no Mr. Ka, aole oia i hilahila iho i ka hookahe ana i kona mau waimaka no kela kanaka, i nana aku ai i kona moe mai iluna o ka moe, me ke poo 1 paa i ke opeia, a me ka leo haalulu, i kamailio aku ai oia i na olelo hoolana imua o Mr. Ka, a ua paneia mai hoi me na olelo oluolu mai ke kanaka poino mai, e hoohewahewa ole iho ai kaua e ka makamaka heluhelu, no ke koe o kekahi wahi manao inaina iloko o kela mau kanaka a elua. "Ua hoao au e moe malie loa, elike me ke kauoha a ke kauka, aole no kekahi kumu okoa ae, aka no ka hooikaika ana e kamau kahi ola iloko o kuu kino, ahiki i kou hoea ana mai 'ame Kinia; a i ko'u ike ana aku ia olua, e hiki pono ai ia'u ke kamailio nie ka ikaika," i kamailio mai ai o Mr. Ka ia Aka. "He nuhou hoohauoli ka'u i lawe mai la no ka hoike ana aku ia oe, o ia no ka hoopalauia ana o Kinia me Palika Poka kuu hoahanau, a ua haawi aku oia i kona ae, e lilo i wahine na Mr. Poka; nolaila ke manao nei au, e hiki pono ana ia Kinia ke hoomanawanui i keia manawa, ke lohe aku i ka meahuna, i hunakele loa ia iaia, no ke kumu i hiki ole ai iaia ke 1 mare mai me a'u." "Malia paha pela i'o ka mea oiaio," i pane mai ai o Mr. Ka, a mamua o ko laua hoomau ana aku i ke kamailio ana, ua weheia mai la ka puka o ka rumi, a komo ana no o Kinia me Mrs. Pilina me ka ukali ana mai o ka Madame Lahela mahope mai 0 laua. No kela komo ana mai o kela poe, i ku ae ai o Aka Valena ihina, a haawi aku la i manawa no Kinia e kamailio pu ai me kona makuakane, o kona huli hoi hou aku la no ia noloko o ka rumi o kona makuahine; e noho mai ana no o Mrs. Valena oia hookahi wale no, oiai ua hoouna aku 6ia ia Jeneta e hele e nana i ke kulana o Lahela Dane, kela wahine lawelawe a Mrs. Pilina maloko o kekahi rumi okoa aku. I kela hui hou ana ae o ke keiki me kona makuahine, i ninau mai ai o Mrs. Valena ia Aka me ka leo hawanawana: "Heaha ke kumu nui o ka Madame Lahela o ka holo pu ana mai nei me oukou, aia anei kekahi kuleana ano nui mawaena ona ame Mr. Ka?" "Hookahi no a'u mea i maopopo, he hoaloha pilipaa loa kela wahine no Kinia, ma ia ano wale iho ta no oia i ukaii pu mai nei ia makou, aole ma kekahi ano e ae." "O kena anei ka mea oiaio loa? Ke* hoomanao nei no oe, 1 ka hoakaka ana mai o Palika ia kaūa i kekahi manawa ae

! nei i hala, 110 ka makemake loa o Kinia e mare aku kona makuakane i kela wahine, malia paha o ke kuniu ia o kela wahine 'o ka holo ana mai nei? 0 kela kekaM wahine u'i a huapala e nele ole ai ka haulehia o kekahi mea i ka hoohihi ame ke aloha iaia, malia paha ua aloha kela wahine ia Mr. Ka?" "Auhea oe e kuu makuahine, ke hoal,i wale mai nei no oe i kena mau ninau imua o'u, mamuli o kou manao lili. O ka mea oiaio ea, aole i haiilehia kela wahine i ke aloha ia Mr. Ka, a i ole i kekahi kanaka okoa aku paha, no ka mea ua kaili kahiko ia ke aloha mailoko aku o kona puuwai, a he ola wale no kona iloko o keia mau la ,me ka nele i ke aloha. "No ka hoopau ana ae i kou manao pohihihi e pili ana Ika Madamt Lahela, ke makemake nei au e hoolohe mai oe i ka'u mau mea apau>e hoakaka aku ana noiia," me ka lalau ana tku o Aka Valena i kekahi noho, a uwai mai la a pili ma ka aoao 0 kona makuahine, hoomaka aku la e kamailio, ma ke ano neepaa, i na mea apau a kela wahine, i hoike aku ai iaia, oiai Jakou e noho ana ma Polorida, ka moolelo oiaio i pili i ke ola ana o kela wahine ka niea hoi nana i kono okoa aku ia Mr». Valena, e hookahe mai i kona mau waimaka o ke aloha hoakanaka, Mamua o hiki ana i kekahi o laua ke kamailio hou ae ae, ua kikekeia inai la ka puka o ka rumi, a komo ana 110 ke kauka iloko me ke kamailio ana mai ia Mrs. Valena: "Maloko ae nei au o ka rumi o Mr. Ka ke kanaka poino kaM 1 nana ai iaia, o ka'u mea i ike, ua lilo ka hoea ana mai nei o kana kaikamahine, i kumu e hooiia ae ai kona kulana maikai i keia manawa, a ua mohala maikai mai kana nana ana, a ua pilia pu no hoi oia me ka pihoihoi. Ma ka'u nana aku, aia kekalii mea ano nui loa iloko o kona noonoo, ana i makemake ai, e hoike ae mamua o kona make ana aku, a no keia kumu i noi mai ai oia i ko'u oluolu. e ae aku au e loaa he manawa nou ame kau keiki e hoea aku ai imua ona, oiai kona mau hoaloha e ae e hoopuni ana ma ka aoao o kona moe." MOKUNA XXXVIII—Ikeia ka Meahuna e Kinia. I kela komo ana aku o ke kauka noloko o ka rumi e waiho ana o Mr. Ka, me ka ukali ana aku o Mrs. Valcna ame kant ! keiki mahope ona, kau pono mai la ka nana ana o *a mnka o Mr. Ka maluna o lakou, a o ia kana o ka pane ana ae: "Ua akoakoa mai la anei na mea apau māloko o keia rumi, oia o Kinia, Aka ame kona makuahine, kuu kaikuahine ame kuu hoaloha maikai ka Madame Lahela?" M Ae, eia lakou apau maloko nei o keia nian&wa," i pane aku ai ke kauka, a ia manawa i hoomau hou mai ai o Mr. Ka i kana kamailio ana: "Ke makemake nei au o Mr. Poka kekahi maloko nei o keia rumi, pela me ke kaikamahine lawelawe a Mrs. Valena, malia , 0 lilo kela kaikamahine i mea kokua aku i kona haku, no ka mea he hana ano nui loa keia a'u i makemake ai, e hiki ole ai 1 kekahi mea ke hoomanawanui iho i kona mau manao pihoihoi a o oe pu kekahi e Mr. Kauka e noho mai, ina e hiki ana ia oe. ke hoomanawanui, ma ka hoolohe ana mai i na meahuna ohana." "Aole o'u makemake e komo liokai wale aku iloko meahuna pili ohana, aka hookahi wale no kumu e noho i* au maloko nei o keia rumi, malia o hiki ia'u ke haawi . na kokua ana ia oe, ke ike aku au i ke emi mai o kou ikai Ua kiiia aku 1» o Palika Poka ame Jeneta a i ko laua ana mai, ua piha iho la he ewalu poe maloko o kela rumi, 'mawaho ae o ka mea ma'i. Aia lioi maloko o kekahi rumi, ma kela aoao mai o ka holo, ke waiho mai la he wahine iloko o kona ehaeha mamuli o na poino i kau aku maluna o kona kino, e pono ai, oia pu kekahi e hoea mai iwaena o kela puulu uuku, eia nae aole loa he mea hookahi iwaena o kela puulu, i maopopo iki, o kela wahint kauwa haahaa o Lahela Dane kona inoa, o ka mea hookaW wale no ia, nana e hoolele mai i ka malamalama, nana e hoaahee aku na hoopoluluhi ana a na ao hakumakuma o ke kaomaha mai ke ola ana o kekahi poe maloko o kela keena. Ua noho pouliuli loa o Lahela Dane, i na mea e hoolalaii nei ma keia nimi, hookahi nae ana mea i maopopo, elike me ka Jeneta o ke kamailio ana aku iaia, o ia 110 ka hoea ana mai o ke kaikainahine a Mr. Ka ame kona mau hoaloha, aole he maii mea e ae. Aia ka iini ame ka makemake nui iloko o Lahela Dane e ike liou ia Kinia, no ka mea oia ponoi no ka mea nana i malama'a i lianai i kela kaikamahine iloko o kona wa hehe, kela kaikamahine a Mrs. Pilina i kamailio mau aku ai imua ona ia laua e nolio pu ana r a oiai nae aia oia iloko o ke kulana kupilikii e waiho la, ua liiki no iaia ke kakali me ka hoomanawanui a loaa ae ka oluolu, alaila ike aku oia i kela kaikamahine. Oiai na mea apau maluna o ko lakou mau noho, me ke kakali ana aku o ka lolie i ka manao nui i makemakeia ai ko lakou akoakoa ana aku imua o Mr. Ka, ia wa i huli mai ai ka nana ana a ua kanaka nei, no kahi o Mrs. Valena e noho aku ana a pane mai la: E Paulina!" me ka pilia loa o Mrs. Valena ika puiwa, a nana aku la me ka manao pihoihoi ia Mr. Ka, a i ka ike ana mai o ua kanaka nei i ka nana pono loa aku o Mrs. Valena iaia, hoomau mai la i ke kamailio ana: "E Paulina, i ka halawai pu ana me kuu kaikamahine nm ka'e o keia moe i na minuke e aneane loa aku ana au e kiei iloko o ka luakupapau; ua koi ikaika mai oia ia'u e hoike aku au imua ona, i ka meahuna ana i manaoio loa ai, ua hoopouliuli loa ia aku kona ola ana iloko o na makahiki ekolu i kaahope aku la o kona ola opiopio ana. Ua oi aku ka pono o kuu sila ana i kuu mau lehelehe a hoi aku au iloko o ka opu o kaj hon,ua me kela meahuna, no ka hoopakele ana ae iaia mai naf haawina hoehaeha mai, mamua o kona lohe ana aku i mea oiaio; aka nae ke lokahi nei ko'u manao me kona, iaia i : hoike mai ai, he hana maalahi ka hoomanawanui ana i naf* haawina hoehaeha, mamua o kona noho iloko o ka pouliuli;* a ua koi mai oia e ike i na mea oiaio apau. j "Aole he hana uuku, a he hana maalahi ka ae ana aku i kana) koi, no ka mea e ili mai ana maluna o kaua pakahi, na hopenaJ , kaumaha; aka nae oiai he manawa pokole wale no ko'u e ola : - hou aku ai, a haalele iho au ia oukou apau ma keia ao, e lilo i? hana na'u, a na kaua a elua e Paulina, ka maliu ana aku i leo noi." v | I ka hooki ana iho o kela hoakaka ana mai a Mr. Kai aole e hiki i kekahi mea ke onioni ae, a kamailio ae paha, ncJ ka mea ua piha lakou me na manao ilihia, aka no Kinia nael kulou aku Ia oia imua o kā umauma o ka Madame Lahela m« ka noke ana i ka uwe. 1 Ua noke i'o ua o Kinia i ke koi hoomano i kona makuakan* e hoike mai i na mea oiaio, e hiki ole ai iaia ke lilo aku i wahine mare na Aka Valena, a ua ae aku kona makualome i kan* noi, a e lohe pono ana oia i na kumu oiaio loa. (Aole i pau.) «H