Ka Nupepa Kuokoa, Volume LXIV, Number 20, 14 May 1925 — Hoohanaia ka Pu Panapana no ka Inaina Mai No ka Huamoa ke Kumu i Kiia ai he Pake ma Ewa Mahope o ka Hoopaapaa Ana PAA MAI NAE KA MEA KI PU I KA HOPUIA He Kepani Kekahi i ku i ka Poka Iaia i Komo Mai ai no ke Kaili Ana i ka Pu [ARTICLE]

Hoohanaia ka Pu Panapana no ka Inaina Mai

No ka Huamoa ke Kumu i Kiia ai he Pake ma Ewa Mahope o ka Hoopaapaa Ana

PAA MAI NAE KA MEA KI PU I KA HOPUIA

He Kepani Kekahi i ku i ka Poka Iaia i Komo Mai ai no ke Kaili Ana i ka Pu

Malalo ae nei o Waipio, Ewa, ma ke awakea o ka Poakolu o ka pule ( aku la i hala, i ala ae ai hoo-| paapaa mawaena o kekahi inau eiua mamuli mai o ka huamoa, a o ka hopena o kela lioopaapaa ana,l 0 ia no ke kiia ana o kekahi Pakei 1 ka pu, e kona kokoolua, pela hoi ke ku ana o ka lima o Kekahi Kepani i ka poka, iaia e hoao ana e aumeume i ka pu, mai ka Pake aku nana ka pu. I kulike ai me ka moolelo i pili i kela ki-pu oiaj ka na Pake elua e ai ana i ko laua aina awakea, ma ka hale mahi laiki ma Waipio, i ulu ae ai kela hoopaapaa, mai ka uuku mni ahiki i ka nui loa ana, me ke kii okoa o kekahi o kela mau Pake, i kana pu, a iaia i hoea mai ai, no kahi o kona hoa hoopaapaa e noho ana, ua hoomaka mai la oia e ki i kana -pu, nie ke ku ana o ka poka ma ka wawae, a he hookah; poka i ku ma ka opu. No ka ekolu o ka poka i kiia mai, ua pahi'a wale no maluna o ke poo. Ua holo mai la he Kopani i 'lohe i ke kani ana o ka pu, me ka manao e kaili i ka pu panapana mai ka mea ki-pu aku, a iaia e noke ana i Ke aumeume, i kani' ae ai kā pu, me ka lele ana aku o ka poka, a ku kona lima. Me na puka pok» no \ ku aku i kona kino, ua hoao ka Pake i eha e aumeumo me ka mea ki-pu, ahiki wale no i ke komo ana mai o ke Kepani ame kekahi poe e ae, a paa illo la ka mea ki-pu i ka hopuin. No ka hoopakele ana ae iaia iho mai ka poino mai, i holo aku ai ka Pake i ku i ka poka no ka halema'i o Waipahu, a mahope o ka nana ia ana p kona poino, i hoike ae ai ke kauka o kela halemai», e palekana mai ana no kona ola. Ua paa ka mea ki-pu i ka hopuia, a lawe loa ia mai 110 Honolulu nei e ka Makai James Fernandez, me ke kaa ana aku o ka hana ninaninau a noii pono, i ke kumu i ala ma! ai o kela pilikia, maluna o ka oihana makaikiu. *