Ka Nupepa Kuokoa, Volume LXIV, Number 19, 7 May 1925 — E Hookoia Ana Ka Hoopai o na Duveauchelle Haule ka Lakou Hoohalahala no ka Olelo Hooholo Imua o ka Aha Kiekie KAKOOIA KA OLELO HOOHOLO A NA KIURE Maloko o ka Halepaahao Maanei Lakou e Noho Hana ai i ko Lakou Hoopa'i [ARTICLE]

E Hookoia Ana Ka Hoopai o na Duveauchelle

Haule ka Lakou Hoohalahala no ka Olelo Hooholo Imua o ka Aha Kiekie

KAKOOIA KA OLELO HOOHOLO A NA KIURE

Maloko o ka Halepaahao Maanei Lakou e Noho Hana ai i ko Lakou Hoopa'i

O ka hoopii hoohalahala a Edward K. Duvauchelle, ame kana mau keiki elua, no laua na inoa o John ame Waldemar, imua o ka aha kiekie, e ku-e ana i ka olelo hooholo a ka aha kiure o Maui, no ko lakou pili i ka hewa, o ia ka pepehi ana ia Wai Bow a make, ua haule wale ia, mamuli o ka hoopuka ana mai o ka aha kiekie i kana olelo hooholo, ma ka Poaono aku nei i hala, e kakoo ana i ka olelo hooholo a na kiure o Maui i haawi ae , ai, pela hoi ka hoopa'i i kauia mai maluna o lakou pakahi, no ka noho maloko o ka halepaahao mai ka iwakalua a i ka iwakalua-kuma-malima makahiki. Ina aole he hoohalahala i keia olelo hooholo a ka aha kiekie, e hookomoia aku ana e ka poe i ahe- , waia, i ka aha hookolokolo o na olelo -hooholo ma Kapalakiko hookahi mea maopopo loa, o ia no ko lakou noho hana aku i ko lakou mau hoopa'i, ahiki i ka piha ana o kela m«au makahiki ae la. Ua hookolokoloia o Edward K. Duvauchelle ame kana mau keikikane elua imua o ka aha kiui'e o Maui, a ahewaia ma ka mahina o Okatoba o ka 1923, me ka hookuuia ana nae o ka makuakane e noho mawaho o ka halepaahao malalo o ka bona, oiai ka hoohalahala i kela olelo hooliolo, e waiho ana iloko o ka aha kiekie, a noho no na keiki elua iloko o ka halepaahao. ' 0 ke kahua nui i ku ai o ka hoopii hoohālahala imua o ka aha kie- ■ kie, o ia n» lawe ote ae o ka aoao o ke %c k{nq q W,giBow imua o ka" aha, a i hoi ia, ka hooia a'na mai oa i'o o Wai Bow. Ma ka hooholo ana nae a ka aha kiekie i keia hoohalahala, i hoakaka ae ai na lunakanawai o kela aha, i ko lnkou kuekaa āna i na ike apau i pili i ka hihia, a mamuli o na mea ► oiaio i loaa ia lakou, ua maopopo loa, ka hoopuka ana mai o na kiure i ka lakou olelo hooholo, elike me na ike i waihoia imua o ka aha, a ua loaa hoi i ka poe i hoopiiia ka hookolokoloia ana ma ke ano kaulike, a hoopilimeaai ole ma ka aoao o na kiure.