Ka Nupepa Kuokoa, Volume LXIV, Number 19, 7 May 1925 — HOOPAU A KA MAHELEOLELO PAKE. [ARTICLE]

HOOPAU A KA MAHELEOLELO PAKE.

Mamuli o ka manaoio ana o na lunaknnawai kaapuni eha, lie hana hoomakaulii, ka hoopau ana i kekahi maheleolelo, i konoia mai ai na Lunakanawai Kaapuni Andrade, R. .T. o'Brien, J. J. Banks ame J. R. Desha, e kakau i ko lakou mau inoa, maluna o kekahi palapala, i hoounaia aku ia S. K. Lau, ka maheleolelo Pake oloko o ka aha kaapuni 0 Honolulu nei, e Jcauoha aku ana iaia, e waiho mai i kona kulana maheleolelo, ma ka la 15 o ka ma* hina nei o Mei. Hookahi nae kumu nui o ka lawe ana ae o kela mau lunakanawai, i ka hana hoopau i keia maheleolelo iloko o ko lakou mau lima, mamuli no ia o ka hooholo ole ia ana o kekahi bila e ka ahaolelo aku la i pau, e hoakaka ana no ka hoopau anii i ke kulana maheleolelo Pake. Ma kahi o ka ana o ka ahaolelo i ke kulana o ka maheleolelo Pake, o ka uku o na mahele* olelo ka i hoomahuahuaia ae. Ma ke noi ana 'ku nae i ka Maheleolelo S. K. Lau, e waiho mai 1 kona kulana, ua manao na lunakanawai kaapuni eha, he mea makehewa ka hoomau hou ana aku i kela maheleolelo, no ke kumu, ua hiki i na Pake e hoea aku ana imua o ka lakou mau aha hookolokolo, no kekahi mau hihia, ke lohe, a i ole ke maopopo paha i ka olelo Beritania. Ina nae e ikeia ana, aole he lolie 0 kekahi Pake i ka olelo Beritania, alaila e hoolimalimaia ana no kekahi maheleolelo, no ka mea, ma kela ano, e hoemiia mai ana na hoolilo o na aha kaapuni rio ka mea he elua haneri dala, ka uku ka maheleolelo Pake no ka mahina. Ma Hawaii nej no o S. K. Lau 1 hanauia ai, a ua puka pono mai oia mailoko mai o ke kula kiekie o Leland Stanford.