Ka Nupepa Kuokoa, Volume LXIV, Number 18, 30 ʻApelila 1925 — E MALAMAIA ANA HE KA'I KUKUI NUI E NA KEPANI Ma ka po o Keia Poaono Iho e Kauluwela ai Keia Kulanakauhale no na Hana Hookipa a na Kepani i na Kanaka o na Mokukaua [ARTICLE]

E MALAMAIA ANA HE KA'I KUKUI NUI E NA KEPANI

Ma ka po o Keia Poaono Iho e Kauluwela ai Keia Kulanakauhale no na Hana Hookipa a na Kepani i na Kanaka o na Mokukaua

Ko ka hoike ana ae i na manao maikai, a no ke komo pu ana mai o na Kepani o keia kulanakauhale, iloko o na hookipa ohaoha me na manao ohohia, i na aliikoa ame ,na kanaka o ke aumokukaua Amerika, e malamaia ae ana he ka'i kukui nui ma keia kulanikauhale, ma ka po o keia Poaono iho, mailalo mai o Aala Paka, noloko e l*a pa o ka halealii, e loaa ai ka ike i ka. lehulehu ma na like ole, no kekahi mau hiona, i «nalihini imua o ko lakou mau maka. I kulike ai me'.na hoolala ana a na Kepani ko'iko'i a kuonoono o keia kulanakauhale, o keia ka'i kukui e malamaia aku ana, o kekahi ia o na ka'i kukui nui hookahi a ko Honolulu nij poe i ike 6le ai mamua. E huliamahi ana na ahahui apau o na Kepani ma keia. ka'i kukui, me ka nui o na dala e hooliloia ana, ma ka hoohiwahiwa ana i e nani ai na kukui, iloko o na lima o ka helewawae, pela hoi na kukui e hoohiwahiwaia ana maluna o na kaa. Ma kahi o ke ianaha kaa i manaoia e komo ana ma keia ka'i kukui, ano kna otomobile like ole, e loaa aku aiia ma na wahi

hoolulu kaa o na Kepani; ma ke ano nui ke olelo ae, ua komo maoli na manao ohohia iloko o na Kepani no kela hana, me ka paa^ 0 ko lakou maaao e lioikeike aku 1 na kanaka o ke aumokukaua, a i na makaalnana Amenka apau, aole he manao maikai ole iloko o lakou ame ko lakou aupuni no Amerika, aka aia mau kela kulana hoaloha mawaena o na aupuni a elua, me ka pololei ole o na houpuupu kaua, a kekahi poe i kamailio ae ai ma na manawa aku nei i hala. E lioomaka ana ke ka'i ana o ka huakai mailalo mai o Aala Paka, ma ka hora 8:45 ma kela po, ma ke alanui Beritania Hale, kahi o Kiaaina Farrington, e noho mai ana me na aliikoa kiekie o ka oihana kaua moana me kaua aina; a mahope iho o ka makaikai ana i ka huakai, e ka'i mai ai ka huakai ma ke alanui Mila noloko o ka pa 'lii. Maluna hoi o ka> lanai o ka halealii, e akoakoa ae ana na aliikoa me ka lakou mau wahine, a iloko o ke kahua akea o ka pa'lii, na kanaka o na mokukaua me ka lehulehu e hooluana ai, no ka hoolohe ana i ka paani o na bana puhiohe, no ka makaikai ana nku i ka huakai o ka poe ka'i kukui.