Ka Nupepa Kuokoa, Volume LXIV, Number 18, 30 April 1925 — KA HUAKAI MAKAIKAI KO KA PAKA HOOMANAO KUHIO. [ARTICLE]

KA HUAKAI MAKAIKAI KO KA PAKA HOOMANAO KUHIO.

Ma ka hora ewalu o ke ahiahi o keia Poaono iho, e haalele iho ai ka mokuahi Mauna Kea, me na lala o kft Ahahui Kamehameha, ame kekahi poe e ae, ma kekahi huakai makaikai no ka Paka Hoomanao Kuhio, ma Hoai* Koloa, Kauai, e hoea hou mai ai kela huakai no ke kulanakauhale nei, ma ke kakahiaka o ka Poakahi o keia pule ae. He huakai makaikai keia i hoolalaia e ka Ahahui Kaumualii o Kauai, a no ka pono o na malihini, e haawiia ana i manawa maikai loa no lakou e ike ai i ka mokupuni holookoa o ManokaJanipo, ma ka holo kaapuni ana o ka Mnuna Kea, mamua o ka hooleleia ana aku o. na ohiia nouka o ka aina; me ka. lawe hoomakaikai pu ia ana ma n.-i wahi pana 'o ka aina, mamua 0 ka akoakoa ana ae o na mea apau ma kekahi paina luau nui, e haawiia ana maloko o ka Paka Hx>omanao Kuhio. ī kulike ai me na mea i hoolalaia e ke komite o ka Ahahui Kaumualii, no keia huakai makaikai, e malamaia ana he hukilau ma Lawai, ma ka manawa e hoea aku ai na malihini, a ua makemakeia lakou e holo pu aku me na lole auaukai, i hiki ai ke komo pu aku iloko o ka hana hukilau. 0 ka paina luau e haawiia ana maloko o ka Paka Hoomanao Kuhio, aia malalo o ka liooponopono ana a ka Hopo Makai Nui Naleimaile o Koloa, ka Lunakiai Kula ame ka Ljinakanawai Chandler, no Koloa lakou apau. 1 kulike ai me na hoike i loaa mai 1 keia kulanakauhale, he ekolu mau puaa nunui, i makaukau no kela luau r me na pipi elua, e hiki ai ke hoolawaia o, Kauai holookoa ame na malihini mai Honolulu nei aku; a mawaho ae o kela mau meaai, e hoolako pu i» ana na ono apau 0 kahakai, pela me ko ke kuahiwi, elike me na mea maa i ikeia ma na. luau apau. 0 ka poe o ka Ahahui Kamehameha. i, hoea mua no Kauai, ma kela paina luau i malamaia ma Wnimea, he elua makahiki ae nei 1 hala, o lakou ka i olelo ae, o kela paina luau, ka helu ekahi a lakou i īke ai, a o ia tio ka lakou o ka olelo ana v ae, e like aku ana no keia luau hou maloko o ka Paka Hoomiiiao Kuhio, me kela luau kahiko. no ka mea maoli no na lala apau o ka Ahahui Kaumualii, oia "kh hoolako ana mai i na meaal apau, e loaa ole ai na manao hoohalahala ma ka aoao o na mālihini. No ka hoolilo ana i keia huakai makaikai no ka Paka Hōomanao Kuhio, i pohakii paepae, nana e hooni aku i na manao uwila iloko o. ko Kauai mau makaainana, ame na lnla o ka Ahahui Kamehamelia ame ka lehulehu o ko Honolulu'nei poe, no ka hana imi dala, np ka pono ame ka pomaikai o kela paka o ka Bana Hawaii kekahl e hoea aku ana no kela paka, pela me na kalapu himeni, no ka hoonanea ana, i ka lehulehu, >a o ko Kauai- mau keiki puukani kekifei e komo pu mai ana iloko o keia anaina hoonanea, e hoopiha mau ia ai*ka manawa, me'na hana hoohauoli, mai ka wa e lele aku ai iuka o ka aina, ahiki i ke kau hou ana iluna o ka mokuahi.