Ka Nupepa Kuokoa, Volume LXIV, Number 18, 30 ʻApelila 1925 — KA AHAOLELO I PAU AKU LA. [ARTICLE]

KA AHAOLELO I PAU AKU LA.

Ma ka hora umi-kumamalua o ka po nei, i hoea* mai ai na hana o ko kakou ahaolelo kuloko i kona hopena. E huli hoi aku ana na hoa o ka ahaolelo no ko lakou mau home, a imua o k6 lakou mau haku makaainana, me ka hoikeike aku i ka lakou rtiau mea i hana. ai, a i hooikaika ai e hana no ka pono o ko lakou mau haku. No ka hiki ole i keia pepa ke hoopuka aku ma ke ano e loaa ai ka ike piha i J<a lehulehu, no na bila kanawai i hookomoia aku iloko o ka ahaolelo, e kela ame keia hoa oloko o na hale kaukanawai a elua, koe wale no kekahi mau hoakaka liilii ma na bila ano nui, no keia kumu i makemake ai keia pepa, i na Hawaii apau, e heluhelu, a e malama aku i na kanawai apau i hooholoia ma keia kau, i ka wa e hoopukaia aku ai ma ka olelo makuahine maloko nei o ke Kuokoa, ke komo mai ka hoolaha ana i na kanawai i keia keena. Hookahi mea maopopo loa, i ikeia iloko o na hana o keia kau, o ia no ka hooikaika ana o kela ame keia hoa o ka ahaolelo, e loaa na haawina dala no na hana i pili i ko lakou mau apana ponoi iho, a ua pomaikai no na apana i hooholoia he mau haawina dala, e kau aku ai na mahalo ana maluna o ka poe na lakou i hooikaika kela mau haawina, pela hoi maluna 0 ka poe, i komo pu mai e kokua ma ia mau hooikaika ana. Ma ke ano nui nae ke olelo ae, ua nui na bila maikai i hookomoia aku ma keia kau, me ka lilo ana o kekahi o kela mau bila i kanaAvai; e omoia ai na bila maikai ole, e na mea maikai 1 oili ae. Me na moolelo nae o na hana o ka ahaolelo, i waihoia iho mahope nei, e na lioa o na hale kaukanawai a elua, ua kipapa iho kekahi poe o lakou i na pohaku paepae no ko' lakou haulehia ame ko lakou lanakila ma keia kau koho baloka ae e hoea mai ana. Me ka nema ole aku nae i kekahi mau hoa o ka ahaolelo, no ka lakou mau mea i hana aku ai, oiai o ke alakai no ia a ko lakou mau lunaikehala, koe wale no, ina ua hana aku lakou mamuli o ke alakaiia e kekahi pohai, e hookuu aku kakou ia lakou, elike me ka hookuu ana o ka ahaolelo, a e naiia aku kakou no keia mua aku.