Ka Nupepa Kuokoa, Volume LXIV, Number 18, 30 April 1925 — Hoahewaia na Lunanui o ka Home Waimano Kauohaia ke Poo o Kela Home e Hoopau i ka Noho Hana Ana o Kana Wahine KAKOO KA HAPA UUKU I KELA MAU LUNANUI Apono Nae ka Hale i ka Hoike a ka Hapanui o ke Komite no Kela Home [ARTICLE]

Hoahewaia na Lunanui o ka Home Waimano

Kauohaia ke Poo o Kela Home e Hoopau i ka Noho Hana Ana o Kana Wahine

KAKOO KA HAPA UUKU I KELA MAU LUNANUI

Apono Nae ka Hale i ka Hoike a ka Hapanui o ke Komite no Kela Home

O ka hopena o na hana noii a huli pono, ma ka aoao o ka hale 0 na lunamakaainana, no ke ano o ka hoohanaia ana ame ka malamaia ana o ka Home Waimano, o na keiki nawaliwali o ka noonoo, o ia no ke aponoia ana o ka hoike a ka hapanui o ke komite ola, ma ka Poaha aku nei i hala; e hooill ana i na ahewa ana no na pilikia i ikeia ma kela hōme, maluna o ke poo nui nana • hoomalu nei i kela home, me ke koi pu ana e hoopauia ka noho hana ana o ka wahine a Kauka BHbb mi kela home. Ua koho ka hapaniii .o na hoa o ka hale, ma ka aoao « apono ana 1 kela hoike a ka hapanui o ke komite, ma kela ano iho la, i make ai ka hoike a ka hapa uuku o ke komite, e haawi ana i na mahalo kiekie ana i na poo nui o kela home. Hookahi kumu nui o ke aponoia ana o ka hoike a ka hapanui o ke komite, no ka mea aia maloko o kela hoike na hoakaka, no kekahi mau hoololiloli ano nui i makemakeia ai, e hana aku no kela home, i wahi e hooiia ae ai kona kulana maikai, oiai hoi ma ka hoike a ka hapa uuku, aole he mau mea o kela ano i waihoia ae.

Maloko o ka hoike a ka hapa uuku o ke komite e hoakaka ana ia, np ka hiki ole, ke hooiliia aku iia ahewa ana maluna o na poo nui o kela home, no ke kumu o na hoohalahala i waihoia ae, mai ka poe &oonoo mai ia, a m,tu na limahana mai 1 hoOpania ko lakou noho hana ana maloko o kela home, he mea hiki ole ke hilinai ia aku, koe wale no ka hoomaopopo ana aku, he mau hana kela no ka pana'i ana aku i ka ino no ka ino. E ukali aku ana i na hoakaka maluna ae, maloko o ka hoike p. ka hapa uuku, e mahalo ana ka hoike, no na ano maikai o Kauka Blis3, ke poo nui o kela home, ma ke ano, he kanaka oia i kau]ana a i mahalo nui ia, no kona ike ame ka makankhu, ma ka hoomalu ana i ka home o kola ano. Ma ka hapa hope nae o kela hoike, e hoakaka ana ka hapa uuku o ke komite, no ka lokahi pu ana aku me ka hoike a ka hapanui, ma kahi e haawi ana i manawa nui no ka poe maloko o kela home, e hoohauoli ai ia lakou iho; pela hoi ke kohoia o papa kauka nana, no ka.nana ana i ke kulana o na keiki i kela ame keia manawa, no ko lakou hookuuia mai kela home aku a hookuu ole ia paha; pela hoi ka nkuia aku o na keiki e lawelawe ana i kekahi mau hana ma kela home, elike me ka ukuia ana aku o ka poe mawaho, ina na lakou e lawelawe ana i kela mau hana. Ma kahi o ka noho hana ana o ke kane ame kana wahine maloko o kela home, aole ka hapa uuku o ke komite i ike i kekahi hana hewa ma ia mea, ,- o»- wale no ka manao ana o kela mau hoa o ke komite, aole he hana maikai a ku-i pono ka hoolimalima like ia ana o ke kane ame kana wahine, no ka laua mau kulana hana pakahi ma kela home.