| | He Moolelo Hooniua Puuwai NO KA UI NOHEA GELADIOLA Ka Ipo Aloha a na Mea Aloha Elua "Hura! Hura! no ke kahaka ui Toma !" wahi ana. "E koho mai ana oe, e Felorika i ka nuhou hope loa o ka loaa ana mai nei ia'u ianei iho nei kekahi kanaka a mai iaia loaa mai nei ia'u kekahi nu hou kamahao loa!" "Pela? Heaha a nuhou? Kakahiaka nui wale wale no ka hoi ia kanaka o ka hoea ana mai nei me kana nuhou, he kanaka io anei ka i hoea mai nei ianei i keia kakahiaka? . Ea, he mea hiki ole kena e manaoioia aku, e Pili! "Aole oe Hohe i ke kani o ka bele, aka, owau nei ka i lohe aku nei," i pane mai ai o Pili. "Ua hele aku nei au ahiki i ka puka elike me ka hiki ia'u ke kokolo aku, a wehe mai nei i ka puka. Aohe kanaka e ae a'u i ike aku nei, owai la, e koho mai ana oe? O Toma Grerina no. He paiki lole paalima ke paa ana i kona lima a e hele awiwi loa ana no kka hale hoolulu kaahi, eia nae, ua kipa iki mai nei oia no ka hele ana mai e ike ia'u." "E kuu keiki," wahi ana i olelo mai nei," 'eia kekahi mea a'u i poina loa ai i ka haawi aku ia oe i ka po aku la i hala, aohe o'u noonoo iki ahiki i ko'u hoea ana i ka hale,' a iaia e kamailio mai ana, unuhi ae la i kekahi ope dala pepa mailoko ae o kona pakeke a haawi mai Ia ia'u. O ia mau dala pepa ana i haawi mai ai he ukuhana ka nou, wahi ana ia'u. Ma kana kauoha i uku mai ai ka hui ia oe elike me ka loihi o kou kaama'i ana, mamuli o kela loaa ana ou i ka ulia, pela mai nei ia'u." "Aohe huaolelo hiki ia'u ke haawi aku i ka mahalo iaia ia manawa, oiai nae ua nui ko'u noonoo ana no kekahi mau huaolelo kupono aohe nae he loaa iki. "Haawi mai nei i ke aloha ia'u, a kauoha mai nei e malama mau au ia mama, a olelo pu mai nei e hoike aku au ia oe i keia mau huaolelo , 'Na na Lani e kau mai i ka hoopomaikai maluna ona'" . Ma kekahi Ia ae, oiai o Felorika e hele ana ma o a maanei o ka hale aohe manawa i ikeia aku ai ka haikea loa o kona helehelena mamua elike me ia, aka nae, no ka makuahine me ke kaikunane aole o laua ike aku, no ka noho liuliu ole mai o Felorika me laua, hookahi nae mea haohao loa ia laua no ka himeni mau ole o Felorika elike me kona maa mamua aku ke kani mau o ka himeni, a i ole hoi ia ka hehe mau o kana aka, e hoike mai ana ua piha oia i ka hauoli; ma ia Ia kukule oia me he moa ma'i la i loaa i ke kakani. Ma ia auwina la hele mai ana o Dora e ike iaia a e kamailio pu me ia, a i mai la: "Mehameha pu ko maua hale no ka hele o Toma," wahi ana, me ke kani ana iho o ke uhu. "Ua nalo kona mau maka mai a maua aku, He mea oiaio he hoea mai no o Lolena e ike ia maua a noho me matia i kekahi manawa aka aole oia o Toma. He nui ko'u hauoli ina e noho mau mai ana ko'u mau kaikunane me maua i na manawa a pau aka, he mea hiki ole nae ia ke hanaia oiai he mau kanaka paa hana Iike laua a elua. "Elike me ia a mama e olelo mau mai ai ia'u o Toma kana keiki aloha loa, a o ke kiionohi ka oia o kona mau la. kanikoo a no Lolena he aloha wale no kona iaia ma ke ano o kana keiki ia, aka no Toma i mai oia, me he kii mabala o Toma kona noonoo, he mea i kupono e hoomanaia aku. "Ma ko'u manao iho o Toma ka mea oi aku o ke aloha ame ka malama a noonoo nui mai no mama ame a'u. No Lolena aohe ona Iawe i manawa e noonoo ai no maua aia wale no oia a pokole aohe dala o ka pakeke, ia manawa oia e hookokoke mai ai ia mama; aole pela o Toma, aohe hoi mai 6 Toma a ne mai ia mama i dala a i mea, a i mea, o kana dala e loaa mai ai oia kana e hoihoi mai ia mama. O kekahi hana a Lolena aia oia a ma'i alaila hoi mai Ia a i ole kekahi pilikia e. ae o ia ana. "He kaikunane ponoi kou, nolaila ua ike oe ia mau mea apau. Ea, e Felorika, ua hele mai no nae paha o Toma ianei e ike ia oukou a haawi mai i kona aloha hope ma ke ahiahi aku la i hala? O ia kona manao, ua maopopo Ioa ia mea ia'u, no ka mea ua hoike mai oia ia manaopaa ona pela, a hele no ho a hele ole mai ea, he keu aku a ka awaawa. Ua hele ma anei oia ianei i ke ahiahi nei ?" "Ae, ianei oia no ka hele ana mai e haawi i kona aloha ia makou," i pane aku ai o Felorika me ke ano ohohia nui ole aku o kana olelo ana, no ka mea, aia ke kuikele a ke aloha ke hou hou la me ka walania iloko o kona houpo. Aohe iho Ia o Felorika makemake i ko Dora noke loa aku i ke kamailio iaia no Toma, o kona iini nui ia manawa e ka mailio mai kona hoaloha iaia no Geladiola, ka hooilina wahine waiwai i kaulana i ka ui ame ka waiwai a i lilo ai hoi i mea na Toma e hoohihi loa aku ai iaia no ia ui ona. "Ahea o Toma hoi hou mai?" wahi a ua o Felorika, me kona hoao pu e kamailio aku me ka leo i maa mau iaia mamua aku ke ano hoihoi. "Malia paha maloko o hookahi mahina mai keia la aku, a ina aole pela malia iloko o ekolu a i ole eha paha mahina, aia no i kona manawa e hookuuia mai ai, aohe hiki ia kaila ke koho aku. Ina no e ulu ae ana kona manao hoi mai ianei o kona ho mai la no ia. "No ke ano paani ana aku iaia ma ko'u manawa i hele aku ai e honi iaia, i aku Ia au, 'ina oe e hoi hou mai ana, e kunane ea, lawe pu mai oe i wahine mare me oe.' Ua ehaeha iho la ko'u naau mahope o ko'u hoopuka ana aku iaia i kela mau huaolelo a'u i noonoo mua ole ai, no ka mea. mahope o kona lohe ana aku, ua keokeko pu ae Ia kona helehelena, a he hiohiona kona e hoike mai ana i ka maikai ole o kona noonoo, ula ae la kona mau papalina i kekahi manawa a pulike loa oia i kona mau lehelehe. Ua nui loa kona aloha i kela kaikamahine o Nu Ioka, pela ka'u noonoo iho. "O ia ka'u e noonoo nui nei i keia manawa ina he hiki ia'u ke hana kahuna i hoopauia ae ai kela aloha iloko ona no kela kaikamahine, Geladiola; i hoopau loa ia ae ai kona noonoo hou ana aku i kela lapuwale!" "Aole anei pe e Felorika i ike i kekahi alahele e hoopauia ae ai kela aloha me ka makemake iloko o Toma no Geladiola? Ke paani mai la kela wahine opio ui naau haakei la Mea naau o Toma me he mea la he kinipopo peku wawae e pekupeku wale ia ai no i o a ianei e kona mau wawae aulii a. miomio, eia | nae aohe ike aku o Toma ia mau ano hana a kela wahine opio lapuwale a hoomaopopo iho. "Ua haawi aku la kela wahine opio i kana mau minoaka hoi-hoi a pau i kela haku Pelekane waiwai, aka nae oia ua ike no oia ia mea, a ke hoao mai la.no nae e lilo mai ka naau ame ke aloha o kela wahine opio iaia. Ka hupo nui! Hookahi wale no alahele a'u i manao ai oia hoi ka hoao ana aku e hoo- kaakaa ae i kona mau maka a hoakaka aku i na aoao maikai ole a hemahema loa o kela wahine opio, ina e hiki ana. Aole anei e hiki ia oe ame a'u ke hoohui ae i. ka noonoo o ko kaua mau poo i kahi hookahi, a hana aku ma kekahi ano hoao e hoopakele ae iaia?" "Aohe o Felorika i aa e hilinai iaia iho no ka pane ana aku i haina no keia ninau a Dora. O ka makemake iloko o kona naau ia manawa o ko Dora hoike, mai ma kana mau huaolelo ke ano o ka laua mea e hana aku ai, a no ia hana ka Felorika e kakali aka ana o ka puka mai. MOKUNA VI. Ia Toma i kau aku ai iluna o ke kaaahi e lawe aku ana iaia mai Maunch Chunka aku, no Nu Ioka kalena pono ae oia i kona mau maka i ike pono aku. i na wahi apau oiai ka nae o ke kakahiaka nui e halii ana maluna o ka aina, a nana aku la i ke ku mai o kahi hale a Felorika ma e noho mai ana ma kahi mamao, ahiki i ka lawe ana aku o ke kaaahi iaia a mamao loa a pau mai la kana ikke hou ana ia wahi hale a Keonaona e noho hoomanao aku ana ia, "Kaleialii." No ka mahina ko Tama noho ana ma Nu Ioka me ka paa mau o kona manawa i ka hana, a iloko o ia manawa aole hookahi ana manawa i ike aku ai ia Geladiola. Ua lohe mahu'i mai oia ma na lono lauahea like ole, ua hoi aku ka Haku Pelekane i Nu Ioka, a no ka eha o kona wawae i ku ai i ka poka o kana pu panapana ponoi, ua hoopaa mau ia oia maluna o kona wahi moe maloko o ka hokele Wadofa, a ua ninau mau ho ka oia iaia iho ina e lilo ana ia eha ana ona i kumu e hoopaneeia ai kona mare ana aku me Geladiola. O na wahi i maa mau iaia i ka pinai ia mamua aku ua lilo i mau wahi hoohemahema loa ia eia, i mikiala no ka i ka wa ola, i loaa iho la ka hana i ka eha, pau ka pinai mau ana aku, a maluna wale no o kana mau hana ponoi iho kana makaala mau. No hookahi manawa, oiai oia e helewawae ana iuka ma ke alanui Borodawe, e holo mai ana o Geladiola mauka mai maluna o kona kaalio pukahi. Ua halawai koke ae la ko laua mau maka, a ia hui ana i hapai iki. ae ai ka haku i kona papale. Ua eha oloko o kona naau ia manawa aole nae i hoike ae i kekahi hoailona mawaho e hoike ae ana i ka hookupikipikioia oloko o kona puuwai no kona ikemaka ana aku i ke kaikamahine ana i aloha a i mamao hoi mai iaia aku. Ua hoehaeha pu ia aku ko . Geladiola naau ia manawa iaia i ike maopopo mai ai i ua haku la, no ka mea, ua haohao loa o Geladiola i ka hikiwawe loa o ko ka haku hoopoina ana iaia, aole hoi elike me maua ka mikiala mau aku, i keia manawa ka hoi ua hoohemahema loa ia aku oia. Aole oia i ike hou i ka haku mai kela po hulahula mai no. Aole i poina ia Geladiola ka mea i hanaia ma kela po hulahula hiki ole ke hoopoinaia. O ikeia no ka ipo nana i paa; iaia iloko o kona mau lima me ka milikaa iaia a e hoike mau iho ana hoi iaia i ka nui o kona aloha, me ka huaipau ae i na meahuna iloko lilo loa o kona puuwai, ke aloha hoi i hiki ole e make, a eia nae o ia no keia kanaka e maalo ae nei ma kona aoao me kahi kunou wale no. Kupanaha! wahi a ua o Geladiola iaia iho. Heaha mai nei Ia keia ona? . Ua ehaeha loa ko Geladiola noonoo ia minuke. He mea oiaio loa, ua hoopalauia oia me keia kanaka, ka Haku Kalaweina waiwai o Pelekane, ka liona o na anaina hoohauoli a, ko Nu Ioka apau e kulou aku ana. Ua lohe o Toma ia mea, aka nae ma kahi o ka naha o kona puuwai no ia hoopalau ana o laua, heaha iho la la, ia mea iaia, me he mea la, he mea ole wale iho'la no ia iaia. . . . Mai oi aku ka maikai no Geladiola ina i koho ia Toma nana mamua o ke koho ana i ke kanaka Pelekane lilelile, aka, elike me ka kona makuahine i olelo ae ai, aole oia ka mea pono nana e koho kana kane, oiai ka hune e hooweliweli mai ana mamua o ko laua mau: maka ma ia mua aku. Mai oi aku kona hauoli ina aole pia i halawai me ka Haku Pelekane no ka mea malalo iho o kela hinuhinu o ka haku ke naha aku mawaho he puuwai ko ke kaikamahine i hihia wale aku. "Ke manao nei au aole au e halawai hou ana me ia ahiki i kuu lilo ana i Lede Kalaweina, aka aole i ikeia aku ke au o ka manawa," i nalu wale iho ai no ua o Geladiola iloko ona. Noho malie wale no oia iluna o ke kaa me ka milikaa ana ina lole huluhulu hoopumehana e kau ana maluna o kona u-ha a hoao iho la no hoi e hoopoina loa ia Toma iloko o kana kuko ana, o ia hoi, "kukulu ana i mau kakele i ka lewa", aka nae ma kekahi kumu ua makemakeia o Toma oia pu malaila ia manawa no ka hoopiha pono ana i kona hauoli. Ua lilo ka ulia i loaa i ka Haku Pelekane i mea hookaumaha ia Geladiola ame kona makuahine, no ka mea o ka hoopalau hoi keia a e mare aku aria o ka eha mai la ka hoi ia o ke kane e mare aku ai, a he mea oiaio, aole e malamaia ana ko laua mare me ia paa no o ka wawae o ka haku i ka wa-hiia me ka welu. Aohe mea e noonoo kokeia no ko laua mare ahiki i ke ola maikai ana o ka wawae o ka haku, a he mea pono i ka lehulehu ke kakali ahiki i ka hoikeia ana aku; eia ne, maloko o ka rumimoe o ka makuahine o Geladiola he nui ke kuaki ame ke kukahalake, me ka piha loa i ka inaina kohu ole, no ka halawai ana o ka haku me ka ulia, a ua lilo ka eha ana o ka hakii ma ke ano ulia i kumu e hoopaneeia ai ko laua mare koke ana. "He manawa wale no no ko anakala e hoi mai ai me kawahine, a ia laua e hoi mai ai e lele ana kaua i kipakuia mai keia hale aku. I ka manawa e lohe aku ai o ka Haku Kala-\\yeina, e hookaumahaia aka ana koha noonoo, i kona wa e maopopo aku ai no ke kumu o ko kaua hele ana mai keia hale aku o kona hoopau koke mai no ia i koolua mare. "Ua maopopo oe i ke aho o ka poe waiwai, o ka oi aku o na haku Pelekane, i ko Iakou manawa e ike ai he mau mea ilihune Ioa kaua e hookae koke mai ana oia, no ka mea aole o Iakou makemake e hipuuia Iakou me ka mea ilihune. O ka wahine e mare aku ana me ia aho poe he poe lakou i manaoia a i ike maopopo ia he waiwai ko Iakou, a ia oe pehea? "Ina he ano hana hiki kekahi ia kaua ke kaohi aku i ko anakala mai ka hoi koke ana mai ianei a mahope aku o ka pau ana o o olua mare, he laki a he pomaikai nui ia no kaua. E pono kaua e hoao ma kekahi ano, ke hiki. E noonoo ana au no kekahi alahele e hookaawaleia ae ai keia pilikia mai ia kaua ae. Ua maopopo ia'u a ia oe pu he hana naauao ole ka hookuu | ana aku i kekahi makana waiwai nui, e laa ka haku Pelekane, mai a kaua aku, no ka mea, aia maluna ona ko kaua kaukai ana aku i ko kaua mau pono o ka noho ana o keia mua aku." He mea hou ae kekahi i piha loa i ka huhu no keia hoohakalia ana i ka mare mamuli o ka eha ana o ka haku, oia o Hale Kakalaika. "He keu aku kela eha mauwale ana o ka haku a ka mea hoo-pauaka nui wale," wahi ana. o ka hooho ana ae me ka piha loa i ka huhu, oiai oia i hele aku ai e ike i ka haku Pelekane i kela ame keia Ia. maloko o ka hokele. "Eia oe ke noho nei maanei me kou eha, a owai ana ka mea nana e uku i kau mau bila nunui e kikooia mai ana, i kou manawa e ola ai, i kou manao?" ' O oe no hoi paha ka mea nana e uku aku ia mau bila," wahi a ka haku Pelekane o ka pane ana mai me ka leo oluolu Ioa," o ia hoi ina he manao kou e mare aku au i kela wahine opio a hooilina waiwai Miss Demona i mea e hiki ai e loaa ia'u ke dala no ka hookaa ana aku. Aole no hoi paha e lilo ana i mea nau e ahewa ih oai ina au e hookaa aku ana ia oe i na wahi dala uuku i loaa ia'u i nei manawa ea?" "O, ua like ko'u hookaa ana aku i kau mau bila me ke dala e kiola wale ana no no kekahi mea waiwai ole a no kekahi hoi i maopopo ole ka hoihoi hou ia mai o ka'u mau dala," wahi a Kakalaika i pane aku ai me ka nau o na kui. "Ma ko'u manao iho i nei manawa he mea pono ia'u e hoopii maoli ia oe ma ke kanawai i mea e maopopo ai ia'u e hoihoi hou ia mai ana ka'u mau dala o ka haawi ana aku ia oe ma ka aie." "Ina o kou manao ia eia wale no ka'u e a'o aku ia oe, e Kakalaika, e mare mua aku oe i kela kaikamahine mamua o ka hanaia ana o ka lua o ka hakaka-lua," wahi a ka Haku Kalaweina. "Heaha auanei ko'u kuleana e koi aku ai iaia no ka mare mai ia'u, oiai aole oia i aie ia'u, o oe ka mea i aie; a eia hou, ina no ko'u mare nei me ia, manao anei oe o ka mea ia e kaa ai kou aie ia'u, me ko ike no aole oe i kuleana i kela kaikamahine. "Hookahi a'u mea i ike a i lilo ai ia i mea hoouluhua Ioa i ko'u noonoo e noho aku la. Ua lohe mai au i kou hoao ana e maopopo ia oe na aoao apau o kela kaikamahine i komo mai ai mawaena o Toma Gerina ame oe, a i lilo ai kona pale ana i kou lima i kumu nou e eha ai a ki ole aku ai oe ia Toma kou enemi. . "Ina he mea oiaio, ea, ke ike ole nei au i kou kuleana e manaoino wale aku ai no i kela kaikamahine ma kela hoao ana a a olua e hakaka lua aole i maopopo loa ia oe o Toma ke make ana, malia paha, o oe ke ku mai ana i ka ia la poka a o oe ke make. Aole anei ou manao he hana maikai a aloha loa ka kela kaikamahine o ke pale ani i ko lima, a o ka eha i loaa ia oe i keia la, We liilii iho ia ina no. kou make nei." Aia ma ko ka haka mau papalina ame kona mau maka ka ula e naholo Ia ia manawa no kona lohe ana aku la i na olelo a Kakalaika a pane mai la: "Aole au e hoole aku ana i ka oiaio o ia mea au i lohe ai no ko'u hoao ana e ninau i mea e maopopo ai ia'u ka inoa o kela kaikamahine," wahi ana i pane mai ai, "o ka mea i pohihihi loa ai aohe mea i hiki ke hoakaka mai no ia kaikamahine me ia hoakaka aku no o'u i kona mau ano apau; me he mea la he kaikamahine kela no kuaaina loa i maopopo ole ai i ka poe a'u o ka ninaninau ana aku. "Ua hoea mai oia ma kela wahi mehameha loa me ka mao-popo mua ole a ku ana, a me ka emoole loa no hoi oia i hele "aku ai a nalowale elike no me ka hikiwawe o kona hoea ana mai, he uhane lapu la. Ua haawi mai oia i kekahi kumu maikai loa na'u e noonoo a e hoomanao ai nona. "Aka, o e na lani! He helehelena ui a nohenohea maoli kona e kaili aku ai no ka puuwai o kekahi, o kona mau maka no hoi he onaona mai hoi kau! Ina manawa apau a'u e hoomanao ae ai hoiia me he mea la e hoolaau mai ana kona nanaina ia'u, a ua lilo hoi kona helehelena ui i mea paanaau loa iloko o ko'u waihona noonoo e hiki ole ai ia'u ke hoopoina, i hoomanao loa nae hoi paha kekahi o'u nona ea no kona lilo aha i mea hoopakele i ke ola o kuu enemi. "Ina o kela kaikamahine a o ka hooilina waiwai wahine oia au i koho ai na'u e Mr. Kakalaika, ma kahi o Geladiola, aole au e hoohakalia ana i ka Iawe ana mai iaia na'u. No Miss Demona ea, ua konakona au iaia i nei manawa no kela ano haakei a hookano maoli no ona ke nana aku, iluna wale no ka hoi, no ka paiia ae nae paha e ka waiwai aohe ike wale iho ia Malio,' aka, oiai oia ka wahine opio waiwai loa e hoopauia ae. ai ko'u mau aie, a'u no hoi i ike ai, aole au e hoike ae ana i ko'u manao kuhalahala nona no ka mare aku iaia, aka e hooikaika loa ana au e lilo mai oia na'u i kekahi la. "Akahi no paha a loaa iho la ia oe ka noonoo maikai la i nei manawa?" i pane aku ai o Kakalaika. "Ina no kona lilo mai na'u e a'o aku ana au iaia e noonoo iho a e hoopau ae i kela ano haakei ona. Ke noho malie loa nei au i nei manawa, a oia hoi ke hana aku elike me kona makemake i nei manawa, aka e hai aku au ia oe, i keia, 'o ka mea oi aku o ka akaaka maikai loa o ia ka mea e akaaka hope ana'. "O kekahi puu nui o kela kaikamahine i ka'u ike aku oi kona uhauha a puni ma na mea nani wale no. E pau ana ia mau ano uhauha ona, no ka mea me ka nui o ka waiwai e hiki ai ke hoolako aku iaia nie na mea nani apau. "Ina manawa apau a'u e lawe ai iaia i ka holoholo he papale nani hou loa a i ole he koloka hou loa wale no kona e komo mau ai. Ina oukou na kanaka Amerika e hoomau aku ana i ka hookuukuu ana i na wahine elike me ia e lilo ana i mea hoopilikia mai, oia no paha ka mea i lehulehu ai na hoopii oki-mare ma ko oukou aupuni nei. "Ma kekahi la a'u i halawai ai me kekahi wahine hana papale a kela lole no kela kaikamahine, no kekahi wahi lihilihi wale no, aohe no hoi i nani loa, ua makemake mai oia i bila kanalima dala no ia mea. Ea, e noonoo iho oe, pehea la kou mahao ina pela kau wahine e uhaai ai?" "Iloko o keia kikina he ekolu mau papale nani hou loa i kuaiia nona. Ina no kona lilo na'u e hoopau ana au ia ano hana ana, i hai aku au ia oe. Ina no ke komo mai o kana mau dala apau iloko o kuu mau lima, e kauoha aku ana au iaia nana ponoi no e hana kona papale. He nui hou aku kana mau mea e pono ai e a'oia aku i mea nona e ike iho ai i ka hana ame ka hoemi pu mai i na hoolilo nui hewahewa." "Ke ike maopopo aku nei au aole ka oe i haulehia maoli i ke aloha ia Miss Demona. Aole o'u lili i ka lilo o kela kaikamahine ia oe, ina e lilo io, ana oia ia oe, aka ma ke ano o kau mau olelo o ka hoakaka ana mai nei i ike aku nei au aia ke konakona iloko ou nona, a ua koho oe iaia i wahine na'u aole no ke aloha aka no kou akenui i kona waiwai, a ina e lohe aku ana oia i kau olelo o ko ia la ke ku kahi mai no ia ia oe, i ko ole kou makemake e ake aku nei e lilo kona waiwai i waiwai kaaha like mawaena o olua, a loaa no hoi kau dala e hookaa ai i kou mau aie. "Ua poina Ioa au aole i hoike aku nei i ka mea hou ia oe, o ia keia, ke hooikaika maila kekahi poe ia Mr. Gerina e holo ba- | Ioka ma ke ano he lunamakaainana i ka ahaolelo, i pane aku, ai o Kakalaika. "Pela? Ha!" o ia wale iho la no ka Haku Kalaweina pane " Ua paa loa ka manaoio iloko o na kanaka apau maloko o kona apana e kohoia ana o Toma me na baloka kiekie loa ma-luna ae o kekahi poe e holo pu ana me ia." i pane hou aku ai o Kakalaika ma ke ano hoohaehae. "Hu! O ka pepehi ana a make i kekahi hoa o ka ahaolelo ma kekahi hakaka lua o kekahi hana kaulana ia e kaena ai," wahi a ka Haku Pelekane. Hapai ae la o Hale Kakalaika i kona mao poohiwi iluna. I» manawa kikeke mai ana kekahi mea mawaho mai o ia puka, a no ia loheia ana aku la, oki pu iho Ia ka laua kamailio ana. Ku ana no ke keiki huki bele. I pane no ka Kakalaika noi 'komo mai', komo mai Ia ua keiki la, me elua kihene pua me kekahi apana e paa ana i kela ame keia, me ka moa Mm Do mona e kau ana. "Kiola aku kena mau mea waiwai ole iwaho, i nui aku ai ka leo o ka Haku Kalaweina me ka piha huhu Ioa. "Aohe no hoi he la nele i na mau mea lapuwale waiwai ole i ka Iaweia mai ianei. Hana aku oe i kena mau pua elike me kau i makemake ai. Haawi aku i ka wahine malama hale, a i ole pela e pau aku ana kena mau pua i ke kiolaia e a'u iwaho! Ma ka la aku la i nehinei he mau pua lilia ka i laweia mai, a i ka la mamua aku he tuberose, a ke nana iho i keia rumi, ua like loa me kekahi hale kanu pua me ka paoa i ke ala e na pua like ole. a he ku no hoi i ka paku'i ke honi aku." Ua kahea kokeia aku Ia ka wahine malama hale a emoole ku ana, a haawiia aku la iaia na kihene pua a kahi keiki o ka wale ana mai la, he mau pua hoi me na dala mahuahua i kuaiia ai ia mau mea, no ka pono o ka haku. "E Kakalaika, ke makemake nei au ia oe e hana iho i ke. kahi hana maikai ma o kou kakau ana iho i kekahi wahi leka uuku e haawi aku ana i ka mahalo i ka mea nana kela mau pua i hoouna mai nei na'u a hoouna koke aku ma ka lima o keia wahi keiki elele. "Hoike aku oe iaia i ka nui o ko'u hauoli no na pua ana ? hoouna mai nei he hoike ana mai ia ona aia no iloko o kona puuwai na Hoomanao poina ole ana no'u, a mai hoike aku oe iaia no ko'u konakona iaia, o lilo mai hoi au i mea hoahewaia !" "E hoopau oe i kou kamailio ana mai elike me kena, aole anei ou ike mai eia no kahi keiki maanei, aole oe i hookuu aku nei iaia, e lohe mai ai oia i kau mau olelo a hoi aku a hoike ia Miss Demona? He keu aku no oe a ke kanaka noonoo ole." "O, ina oia e hoike aku ana i kana mau mea apau i lohe iho nei e okiia aku ana kona mau pepeiao," wahi a Kakalaika. E ke keiki, mai hoike aku oe i kau mau mea i lohe iho nei o moku auanei ou mau pepeiao i ke okiia," i pane aku ai o Kakalaika. "Ua lohe aku la oe, o hoi, a mai hoike wale aku i kau mea ! lohe iho nei." Ua paa ka leka a haawiia aku la i kahi keiki a kauohaia aku la e hoi, a i ka hala ana aku o ke keiki hina aku Ia ka Haku Kalaweina iluna o ka uluna me ka lohe ana aku o Kakalaika i ke kani ana iho o kana uhu, a pane mai la: "Ua pau aku la kela hana hoouluhua noonoo, nolaila e hoohuli akia be i ke kii o ke kaikamahine i ka paia," wahi ana. Mahope o ke koho baloka ana a kohoia o Toma Gerina i lunamakaainana ua piha na nupepa i na manao mahalo nona, a e hoakaka ana hoi i na manao hoakaka o ka lehulehu, ka poe nana oia i koho a lanakila. Oiai o Geladiola e heluhelu ana i kana nupepa a i ka loaa ana iho o kahi e hoakaka ana no Toma Gerina kohoia ana i lunamakaainana a puka, me ka heluhelu ana iho i na manao hoakaka lehulehu o na makaainana e haawi ana ika mahalo nui iaia no ka Toma mau hana aloha lehulehu ma o ka hoopakele ana i kekahi mau ola mai ka make mai, haawi ae la oia i ka nupepa i ka makuahine. I ko makuahine heluhelu ana iho i ae la ia Geladiola. "heaha auanei kau nana aku iaia? E mareia aku ana oe i kekahi ha-ku Pelekane kiekie a hanohano!" "Hanohano! Ha!" wahi a Geladiola o hoopili ana ae. "Aohe o'u ike aku la 5 kekahi mea ma kana mau olelo, ma kana mau hana, a ma kona mau ano no apau e ike aku ai au he hanohano a he alii kiekie oia; ma kana mau hana a'u i hoomaopopo aku ai nona e aho ka poe lopa haalele Ioa. "E noonoo iho oe, ua hoopalauia oia no ka mare ua hookaawaleia ia me ka maopopo loa ka la e mare, ai a eia nae, ahiki mai i keia la, aohe ana komolima hoopalau iki i haawi mai ia'u i mea hoike no ko maua paa ana malalo o ka aelike! Pehea la keia i kou manao?" "Malia palia ua kauoha ka Haku Kalaweina i ka poe hana komolima e hanaia mai kekahi komolima hoopalau nou. Ina no. o kekahi o na komolima hoopalau kahiko o kona ohana kana o ka hoolale ana i ka poe hana komolima e hanaia mai nou aohe no ia he hana hewa i ko'u manao. E loaa mai ana ia oe kekahi mau lei daimana na pohaku momi o na ano like ole au e haaheo iho ai. Aohe oe i hoomaopopo a hooiaio iho i keia la i ka waiwai ame kou laki no ka lilo ana ou i wahine hoopalau na kela Haku Pelekane i ka'u nana aku, ahea la oe hoomaopopo iho ia laki nui ou?" wahi a ka makuahine. "Ua loaa no ia'u ka ike, aka, i ka'u nana iho, ua moni hoi ka i'a i ka'u maunu, o ka mea hilu nae i ka hoomaopopo iho aohe, hiki ke hooili ae ia ia i kula," wahi a Geladiola o ka pane ana aku me ka akaaka. "O,e kuu kaikamahine aloha, aole o'u makemake iki i kou kamailio mai me kela. E hookahahaia ana kou noonoo a e lilo ana i mea ehaeha nou ina e lohe aku ana kela haku i na mau olelo au," wahi a ka makuahine, me ka pii o ka lena. "Ua lehulehu ka'u mau mea i kamailio a i hana aku ai e hookahahaia aku ai oia eia nae, heaha la ia mau mea iaia no ia mau mea lehulehu a'u o ka hoao ana aku iaia i ike aku ai au he kanaka hoomaopopo ole loa mai oia. Ma keia mahina hoi e maraia ai maua, a eia nae, aohe ona hoomaopopo mai la, a e hoopanee hou ia aku ana no paha auanei no kekahi manawa hou aku. Heaha Ia ke kumu, o ka'u ia e makemake nei e ike, malia nae paha no kela ma'i ona e noho mai la maloko o ka hokele i keia la ea? Aohe anei ou manao he hana hoopakalaki ka hoopanee ana i ka mare mahope o ka hooholo maopopo ia ana o ka la, ua manao kekahi poe pela ?" "He hana hoopakalaki io no ia nou, he mea oiaio ia, aka, e a'o iho no hoi paha oe i ka hoomanawanui i kekahi manawa. Iloko o keia manawa aka e nui ana ka kaua mau hana e hoomakaukau ai no kou mau pono aahu, a i hiki ai e hoolawa ia kou mau hemahema apali ua hoemiia ma! e a'u ka kaua mao bila no na meaai, a ua hiki no hoi ia kaua ke hana no kaua iho me kekahi mau kauwa lehulehu ole elike me ia i nei manawa, ina hookahi a elua paha mau kauwa ua lawa ia. "Eia hou, ua noonoo au a ua hooholo iloko iho o'u, e pono oe e hoopau aku i ko wahine hana no keia manawa, a malia ai ia wahine hana ou," wahi a ka makuahine. (Aole i pau) | |
